Osia 7:16 - Bible

¹⁶ Da tínaŋ Bêe-ɣalai pɔ́ naa-pere. Díkaa yɛ̂ɛ kerâŋ-ɣɛli. Ƃóa-sɔkpɔ a pâi díkâloŋ-lonii paâi dílono nyɔ́mɔɔ-ŋai mɛni ma. Nyíŋi a pâi kɛ̂i a ɣɛlɛ-maa dîa Ize lɔii su.”

Yálá laawoo hɛɓɛ (dc)

¹⁶ Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Yálá laawoo hɛɓɛ

¹⁶ Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Osia 7:16 Referans Kwoze

Osia 9:3

Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Mąątɛ̨nɛ̨ 78:57

Kɛ́lɛ teniŋ ƃô fé kɛ́ ní díyêei. Dí tùa nɔ́ yɛ̂ɛ dínâŋ pɔlɔ-ŋai. Wôya ŋánaa è díkpĩniŋ yɛ̂ɛ kerâŋ wuru.

Izikiɛ 23:32

Ŋ̀wála-wâla kélee Yâwɛɛi è mò ǹyɛɛi, “Ya pâi ílîa-nɛnii ŋɔmɛni kula maa kɛ́ɛi da sɔlɔ ƃôi, nyii gɛ̂tɛi é tɛ́ɛ íwɔ̂i mai. Núu támaa da pâi ɣɛ́lɛ-maa kulâi íkponôi, dí ƃâa kula yâ, kpɛ́ni fêi ímɛni kula maai su kɛ̂tɛi.

Mąątɛ̨nɛ̨ 73:9

Da lóno nyɔ́mɔɔ-ŋa kɛ̀ é pîlaŋ Ɣâla ma Ɣâla-taa. Da ǹɛ a gɛɛ wála-wala-laa káa díyêei ǹɔii ma ƃɛ́.

Osia 9:6

A nɛ̃ɛ ká pú ká kúla Asiria ŋɔmɛni kpɔ̂lui yêei, Ize-ƃelai da pâi ká sonîi dí ká ŋáa tɛ́ ma. Da pâi ká saa loôi Mɛfi taa leei su. Gáne-ŋai da pâi kɛ̂i a kala pɔ́ɔ, ŋalêŋ kpɔlɔ é tɛ́ dípɛrɛ-ŋai dîa.

Mąątɛ̨nɛ̨ 12:4

Da m̀o yɛ̂ɛi, “Kúwoo a pâi gɛ̂i kú zɛŋ sɔlɔ ƃó kwa ŋ̀wɛ̂lii lai. M̀ɛnii kwa ŋ̀wɛ̂lii kú môi, kwa pâi môi. Núu da fa pɔ̂ri kúkperâi.”

M̀ɛni-lɛɛi 13:5

Nya ƃe díwala-wala-laa tɛ̀ɛ zuai pɔ a gɛɛ é lii-kɛtɛ-woo da tɛ-ŋɛi-woo-ŋa ƃo, ǹyaŋ dí nɛ̀ɛ naa a gɛɛ é tíi kɛ́ a ŋɔwala-wala-laai ɣáloŋ buu náaŋ kao feerɛ yée mu.

Piɛrə veelɛ 2:8

Kpɛ́ni fêi, mɛnii dɔ̃yâ-nuui ŋí è gàa, é mɛni tãi è kɛ̀ la dísamai, ǹíi è ŋwàna ŋɔtɔ̃yâ-mɔleŋ su a ɣele kélee díŋwana-lɔ̂ɔ-tuai maa-mɛni ma.

Zĩi 3:5

Bere nɔ́ ƃe núu nɛ́ŋ káa la a zua kuro-te, kɛ́lɛ, gɛ́ mɛni kɛ́tɛ maa-yoŋka tèe. Ŋɔŋ-loŋ kuro-te a wolâ kɛ́tɛ kèreŋ!

Lukə 8:13

Nyii-ŋai tôo gɔnii ŋái, dia ƃa ǹûai da ŋ̀óoi mɛ̀ni, dí zɔlɔ ƃo a lii-nɛ̃ɛ. Kɛ́lɛ, dísame fé dímu, da lâa la a tãi kpua, kɛ́lɛ, su-kɔɔŋ a pâ dípɔ dí too pôlu.

Maafîu 12:36

Ŋá m̀ôi kâa, ƃoo-wooi kélee núu-kpune a m̀oi, a pâi maa-woo su-kula kɛ̂i a m̀ɛni-ŋa-tee-ɣelei.

Osia 11:7

Ŋánûai ŋuŋ su kpanaŋɔ̂ɔi. Díkaa nɔ́ liî díkpîŋ-kwaa-ŋa ma. Da pâi kɔŋ-ma-kpɔnɔ toôi díkɔŋ ma. Da pâi kɛ̂i wɔ̂lɔi kpɔŋ maa mɛni ma kɛ́lɛ núu da fé pâi kɛ̂i naa é gula díkɔŋ ma.

Osia 7:13

“Kpalo ƃêlai dîa. Da dípôlu fé ḿî. Da pâi saâi, kpɛ́ni fêi, da ŋ́gbɔara! Ŋâi pɔri dí ƃâloi, kɛ́lɛ da lɛ́ɛ kɛ̀ a ńaa.

Osia 6:4

Yâwɛɛ è mò ǹyɛɛi, “Óo Eezuɛ da Zuda, lé ƃé ŋa pɔ̂ri gɛ̂i a káa? Káwɛli-kɛ maai káa yɛ̂ɛ ɣele ƃɔ̂i kpini, yɛ̂ɛ lúu nyii a tɛ̂ɛ a maa félaai.

Izikiɛ 36:20

Kɛ́lɛ, tãi dí lì la lɔii da kpɛ́ni-ŋa sui, dí ƃâa kùla ǹáa maa waai ma. Kpɛ́ni fêi, ǹûai díkɛ̀ m̀ôi dîyɛɛi, ‘Yâwɛɛ ŋɔnûai ká ŋí kɛ́lɛ dí díkpɛ̀ ŋɔlɔii su.’

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Ɉeremi 3:10

M̀ɛni-ŋai ŋí pôlu ma, Eezuɛ ŋɔkáyɔɔi Zuda nyíi ve kɛ́ ní a deniŋ ƃôɔɔi, vé tínaŋ ní ḿbɔ naa a ǹíi kélee, vé tûa ní a téniŋ ƃô pere. Ńyãa Yâwɛɛ ƃé mò tí.”

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Mąątɛ̨nɛ̨ 78:37

Dífe kɛ́ ní a díteniŋ ƃóɔɔ ǹyêei. Dífe díkono têe-ŋai ŋ̀aa-see kɛ́ ní.

Mąątɛ̨nɛ̨ 57:4

Ŋ́gbɔara-ƃelai da tínaŋ ḿâ. Díkaa yɛ̂ɛ yala-sulu-ŋa nyii-ŋai ŋ̀wɛ̂lii a gɛɛ dí núu-sua míi. Dínyiŋ káa yɛ̂ɛ kpála-ŋa da sɔ̀ala-ŋa. Dínɛŋ káa yɛ̂ɛ ƃóa-sɔ̂kpɔ ŋáliɛɛ-ŋa.

Mąątɛ̨nɛ̨ 52:2

Ya mɛni kpɛ̂tɛ a gɛɛ í íƃarâai su-kara. Ínɛŋ ŋáliɛɛi yɛ̂ɛ ŋuŋ-ƃo kɔli. Íkaa nɔ́ lɛ́ɛ mɛni kpɛtɛ̂i a tãi kélee.

Mąątɛ̨nɛ̨ 12:3

Yâwɛɛ, gɛ́ dí kpéra lɛ́ɛ kɛ̂i, dífe ŋɔ́nɔ yoŋka tèe.

Mąątɛ̨nɛ̨ 17:10

Maloŋ-kaa fé díyêei núu da kélee mɛni ma. Da lôno a yoŋka-pere.

Danîa 7:25

A pâi lônoi a nyɔ́mɔɔ é pîlaŋ Ŋ̀âla Kɛ́tɛi ma. A pâi Ɣâla ŋɔnûai lûani. A pâi kɔ̂i é díɣâla fɛli-pere-ŋai da dítɔ̂ŋ-ŋai maa fáleŋ. Ɣâla Ŋɔnûai da pâi kɛ̂i Ŋɔwála-walai mu a kóraŋ saaƃa da gbûra.

Osia 11:5

“Da pâi liî pôlu Ize-lɔii su. Asiria ƃé pâi kɛ̂i a díkâloŋ, kpɛ́ni fêi, dífe ŋ̀wɛ̂lii dí lene pôlu ḿbɔ naa-pere.

Malasi 3:13

Yâwɛɛ ǹyɛɛ, “Ka mɛni nyɔ́mɔɔ támaa ƃó a ńaa. Kɛ́lɛ ká marê-kɛ̂ɛ kɛ̀ kâa, ‘Lé ƃé kú mò é pîlaŋ yâŋ?’

Malasi 3:14

Ka mò kâa, ‘Núu à tíi kɛ̀ Ɣâla mì gáa nɔ́ kpɛ́ni-kpɛni. Lé ƃé kwa zɔlɔ ƃô zu à kɛ̀ a mɛni ƃô kú kɛ̀ gɛ, kpaa máŋ kú kɔ́ kú ǹɛ́ Ŋ̀wâla-wala kélee Yâwɛɛ ma a gɛɛ kúmalôŋɔɔi mɛnii gwa gɛ́ lai mɛni ma?

Mąątɛ̨nɛ̨ 12:5

Yâwɛɛ è mò ǹyɛɛi, “Ŋánûai da mɔ̃lɛ̂i, zɛŋ da ŋ̀wɛ̂lii dí zɔlɔ ƃôi, dífa zɔlɔ ƃô. M̀ɛni ma, ŋa pá nâa ḿu siɣêi, ŋá díŋuŋ ma ƃó yɛ̂ɛ berei da ŋ̀wɛ́lii lai.”

Ɉeremi 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli miliɛɛ-ŋa kâai nyii pâi nûa láa kpâlai dâi. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Osia 9:4

Dífe pâi pɔrîi lɔɔ tɛɛ̂i Yâwɛɛ pɔ́ a sama-sɛŋ. Dífe pâi ǹíi lâai a dísâla sãai. Dísâla sãai fé pâi kɛ̂i a maa waa yɛ̂ɛ mii-sɛŋ nyii da góraŋ ƃò zàa-ƃelai dîɛi. Diai kélee pâi da miî, dímaa fé pâi kɛ̂i a ŋwaa Ɣâla ŋɛi. M̀ii-sɛŋ ŋí a pâi puru kulâi nɔ́ dîa. Kɛ́lɛ vé pâi lɔ̂i Yâwɛɛ ŋɔpɛ́rɛi mu.