Osia 4:1 - Bible

¹ È mò ǹyɛɛi, “Teniŋ ƃô-nuu tɔnɔ kpîŋ fé naa. Dífa ŋ́oo sìɣe a gbanaŋɔɔ. Dífe ŋɔ́nɔ ŋ́gɔlɔŋ a Díɣâla.

Yálá laawoo hɛɓɛ (dc)

¹ Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Yálá laawoo hɛɓɛ

¹ Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 4:1 Referans Kwoze

Ɉeremi 4:22

Yâwɛɛ è mò ǹyɛɛi, “ŋánûai dífe mɛni ŋá kâai. Dífe ŋ́gɔ́loŋ. Díkaa a ǹîa-pɛlɛɛi nyíi-ŋai táre fé díyêei. Dífa mɛni ŋá kàa. Dítareɛɛi nɔ́ mɛni nyɔ́mɔ kɛ́ mɛni su. Kɛ́lɛ dífe mɛni lɛ́lɛɛ kɛ́ pere kɔ́lɔŋ.”

Mise 6:2

Yée kpaya-kpaya-ŋa, káai kákaa a ǹɔii kɔ́ɔ pîlanii wɔ́lɔ-wɔlɔ da wɔlɔ-wɔlɔi, ka káwoli tɔ́ɔ m̀ɛnii ma Yâwɛɛ a môi. Mɛni káa Yâwɛɛ lá é pîlaŋ ŋɔnûai dîai. A pâi Eezuɛ ŋɔsɔnyɔ̂ŋ lɛ̂i.

Korɛntə dɔlɔɔ 15:34

Ka pá pôlu ŋɔ́nɔ kákili-ŋa-sia lɛ́lɛɛ-ŋai su, káfe ŋɔ́nɔ sɔnyɔ̂ŋ kɛ̀. Kpɛ́ni fêi, Ɣâla maa-tarei fe ǹúui da-ni yêei. Ŋa nyíŋi ƃôi a gɛ́ɛ ŋa káŋumɛ.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Osia 12:2

Yâwɛɛ a mɛni ƃôi a Zuda-ƃelai láa. A pâi tɔ̂ŋ kpɛ̂i Eezuɛ-ƃelai dîa yɛ̂ɛ berei dítûa-pere káa lai.

Ɉeremi 25:31

Ǹáɣi-woo a pâi siâi kpɔ́ ǹɔii gwaa kélee ma. Yâwɛɛ a ǹɔii-ŋai kélee sɔŋ láa. A pâi díkelee kpɔ́ dímɛnii ŋá têei. À kɛ̀ tí, a pâi ŋ̀wana lɔ̂ɔ-ƃelai paâi kɔ́ su. Yâwɛɛ ƃé mò tí.’ ”

Ɉeremi 5:4

Nya ƃe ńyɛ̂ɛi “Gôlo-ƃelai da diai dífa mɛni ŋá kaai, dia nɔ́ ká ŋí. Kpɛ́ni fêi da tûa nɔ́ a ƃoo-pere. Dífe Yâwɛɛ ŋɔperei kɔ́lɔŋ, dífe tela Díɣâlai ŋɔtɔ̂ŋ kɔ́lɔŋ.

Azaya 34:1

Lɔii-ŋuŋ-ŋa, ka kámu-siɣe ká tɔ́ɔ. Ka lɛɣɛ a ńyãa ka káwoli tɔ́ɔ. Tɔɔ sɛŋ-fûlu kélee ŋ̀éniɛi sui e ŋ̀óli tɔ́ɔ ḿâ.

Azaya 1:18

Yâwɛɛ a m̀ôi ǹyɛɛi, “Ka pá kwaa kúloai kpɛtɛ kwa káa ni. Berei máŋ kásɔnyɔ̂ŋ a kpɔ̂lui la yɛ̂ɛ dóloi, ŋa pâi káwâai ká kɛ́ kóle yɛ̂ɛ yee fũa. Berei máŋ kásɔnyɔ̂ŋ a kpɔ̂lu la yɛ̂ɛ lólo-mãlaŋ, ŋa pâi káwaâi ká kɛ́ yɛ̂ɛ ƃála leɣa kole.

M̀ɛni-lɛɛi 2:29

Ǹúui wóli káa ma a gɛɛ é mɛni mɛ̂nii, tɔ̀ɔ é m̀ɛnii mɛni Mɔ̂leŋ a m̀ôi Kôrai-toli-kpɔŋ-ŋai diai.’

M̀ɛni-lɛɛi 2:11

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-ma kɛ̂i, zaai veerɛ-ɣelei fé pâi sɛŋ solîi ma.’

Ɉaan 8:55

Kɛ́lɛ, káfe niî gɔlɔŋ ni; ǹyaŋ ŋá gɔ́lɔŋ. Ŋà mò kâa a gɛɛ fe gɔ́lɔŋ, ŋa pâi kɛ̂i a lɛ́ɛ-nuu yɛ̂ɛ káa; kɛ́lɛ, ŋá gɔ́lɔŋ ŋ́gɛ ŋɔwóoi lâai kɛ̀.

Amɔsə 7:16

M̀ɛni ma, Ɣâla Yâwɛɛ ŋɔwóoi mɛ̂ni nâa. Í mò yɛ̂, ‘Ífe tuɛ-mɛni ƃò a nyɔ́mɔɔ é pîlaŋ Eezuɛ-ŋai dîa, ífe wóo nyɔ́mɔɔ ƃò é pîlaŋ Aise ŋɔpɛ́rɛi ma.’

Osia 5:1

“Óo zâla láa soŋ-ƃelai, ka káwoli tɔ́ɔ! Óo Eezuɛ-ƃelai, ka káwoli tɔ́ɔ! Ka káwoli tɔ́ɔ, káai a gâloŋ ŋɔpɛ́rɛi mu-ƃelai! M̀ɛni ŋáa téeɛi ŋí tɔɔ̂i kâa. Kpɛ́ni fêi, ka nâa kɛ́ a ƃáre Mesipa taa-leei su, ká ƃò nâa a tuma Tabɔ Yeei mɛi kpɛ́ni fêi káa ƃé ka ǹûai kɛ́ díkɛ Ɣâla da kpɛ́ni-ŋa fɛ̀li naa.

Ɉeremi 34:4

Zɛdikaya, íwoli tɔ́ɔ ŋá m̀ɛnii ƃó yá nyíi pâi kɛ̂i a yái. Ífe pâi lɛɛ̂i gɔ́i su.

Ɉeremi 19:3

Mó dîa yɛ̂ɛi, “Káai a Zuda kaloŋ-ŋai da Zerusâlɛŋ-ƃelai, ka Yâwɛɛ wóo mɛ́ni. Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ ká gáa, ŋ́gaa pâi pâi a mɛni nyɔ́mɔɔ kâa nyíi núu da a dùŋ mɛ̀ni, a pâi kpɛ̃lînii.

Ɉeremi 9:20

Óo lee-ƃela, ka káwoli tɔ́ɔ Yâwɛɛ wóo ma. M̀ɛnii a m̀ôi é lɛ́ɛ kákili-ŋa. Ka kálônii-nɛyãai téniŋ tɔ́ɔ a wɔ́lɔ kɛ́ pere. Ká kánaa kɔlɛ ma-ƃelai téniŋ tɔ́ɔ a malôŋtoo-maa wɔ́lɔ kɛ́ pere.

Ɉeremi 7:28

M̀ó dîa yɛ̂ɛ ‘Ǹɔii ŋí ƃé vé ŋ̀óli tɔɔ ní Ŋɔɣâlai Yâwɛɛ ma. Dífa díyee sèe sɛŋ lɛ́ɛ mu. Tɔ̃yâ a láŋ ǹá. Tɔ̃yâ a tée kpɔ́ ǹá-gbɔ ma.’ ”

Ɉeremi 6:13

É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Ɉeremi 4:28

Ǹɔii a pâi wɔ̂lɔi. Ŋ̀ele-kɔlɔŋ ma a pâi kpînii. Yâwɛɛ ƃé mò tí. Ǹyaŋ vé pâi ŋ̀óo siɣêi pôlu. Yâwɛɛ a gbɛtɛ gí lî-ŋa, ǹyaŋ vé pâi ŋ̀óo siɣêi pôlu.

Ɉeremi 2:4

Káai kákaa a Zeeka ŋɔsuui su-ƃelai, ka káwoli tɔ́ɔ Yâwɛɛ wóo ma. Káai kákaa a Eezuɛ-ƃelai, ka káwoli tɔ́ɔ.

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Azaya 34:8

Ŋ̀elei ŋí ƃé Yâwɛɛ a pâi Zãiyɔŋ ŋuŋ ma ƃôi la é ŋɔkpɔara-ƃelai kula maa kɛ́.

Azaya 28:14

M̀ɛni ma, káai a Zerusâlɛŋ-ƃelai láa túɛ-ƃela yoŋkaa-ŋai, ka m̀ɛnii mɛ́ni Yâwɛɛ a m̀ôi kâai. A m̀ôi ǹyɛɛi,

Azaya 5:3

Nya ƃe ḿbarâŋ-nuui è mò ǹyɛɛi, “Káai a Zerusâlɛŋ da Zuda-ƃelai, ka káwoli tɔ́ɔ ḿâ. Ka kɛ́ a kúloai mɛni ŋá-tee ƃela kwa ŋákpɔmɔ kpalaŋ kúloai.

Azaya 1:10

Káai a Zerusâlɛŋ taa-leei su-ƃelai, ka kálaa túɛ-ƃelai kákaa nɔ́ yɛ̂ɛ Sodɔŋ da Gomɔra-ƃelai. M̀ɛni ma, ka káwoli tɔ́ɔ Yâwɛɛ wóoi ŋí ma. Ka káwoli tɔɔ Kúɣâlai ŋɔsɛŋ lɛ́ɛi ma.

Tɔɔɓɛlaa dɔlɔɔ 22:19

Mikâya è lì tuɛ a ŋ̀óo “M̀ɛni ma Yâwɛɛ wóo mɛni: Ŋá Yâwɛɛ kàa seeni ŋɔkâloŋ see-sɛŋ ŋá ŋ̀âla-taa kela-ŋai kélee kɛ́ ƃò tɔɔni dí tínaŋɔɔ ma ǹáa-mii-yee mɛi-pere da gɔɔ-yee mɛi-pere.

Azaya 59:4

Káfa nûa dímɛni ŋá tèe a teniŋ ƃô-pere. Káfa dɔ̂ŋ ƃô a zã́a. Ka káwoli tɔ̀ɔ nɔ́ lɛ́ɛ mɛni-ŋa dîa. Ka mɛni nyɔ́mɔɔ-ŋa kpɛ̀tɛ é pîlaŋ nûa dîa, ká gɛ́ a dîa.

Azaya 59:8

Káfe berei kɔ́lɔŋ ka pɔ̂ri kɛ̂i la lii-sêe sui. Káfa tûa a teniŋ ƃô-pere. Kátûa-pere kélee káa nɔ́ a pere kpĩ́naŋɔɔ. Ǹúui nyii kélee a lɛ̂ɛ kátûa-pere mai, va lii-sêe sɔlɔ ƃô.

Ɉeremi 9:3

Da dínɛŋ ŋáa tɛ̀ yɛ̂ɛ kerâŋ. Lɛ́ɛ mɛni nɔ́ ƃé a ƃɔ̂lɔ díla ǹɔii su, tɔ̃yâ fêi. Yâwɛɛ è mò ǹyɛɛi, “Kpɛ́ni fêi da kûla nɔ́ mɛni nyɔ́mɔɔ tɔnɔ su dí píli gbéli su. Ǹyaŋ dífe ŋ́gɔlɔŋ a dí Díɣâla.”

Ɉeremi 51:5

Ǹyãai ŋ́gaa a Ŋ̀wála-wâla-kélee Yâwɛɛi, ḿve niî ḿbôlu tɔ̀ɔ ní Eezuɛ da Zuda-ƃelai dîa, berei máŋ dí sɔnyɔ̂ŋ kɛ̀ là a ńyãa dí lɔii gwaa kéleei. Ŋ́gaa a Eezuɛ Ŋɔɣâla Maa Waai.

Zooɛ 1:2

Káai a ǹúu pɔ̂lɔ-ŋai, ka nyíŋi mɛ́ni, káai kélee ǹɔii sui, ka káwoli tɔ́ɔ! M̀ɛnii ŋí da a tá wɔ́lɔ kɛ́ kákɛ̀ ɣéniɛi su, kpaa máŋ kánâŋ-ni dí kɛ̀ ɣéniɛi su?

Mąątɛ̨nɛ̨ 81:9

Káfe wɔ́lɔ ɣâla da kpɛ́ni fɛ̀li. Káfe pɛ̀lɛ ɣâla da kpɛ́ni kɔ́ɔ mu.

Ɉeremi 2:9

“M̀ɛni ma, ńyãa Yâwɛɛ, ŋa pâi ŋánûai sɔŋ lâai ŋɔ́nɔ. Ŋa pâi dínuu-suui-ŋai sɔŋ lâai.

Ɉeremi 9:7

M̀ɛni ma Ŋ̀wála-wâla kélee Yâwɛɛ è mò ǹyɛɛi, “Ŋa pâi dímaa-waai, ŋá su kɔ̂ɔŋ tɛɛ dípɔ. Ḿva pɔ̂ri mɛni da kpɛ́ni kɛ̂i. Kpɛ́ni fêi díkaa a ŋánûa.

Ɉeremi 11:7

Kpɛ́ni fêi, tãi ŋá kánâŋ pɔlɔ-ŋai kùla la Izei, ŋá dí lia-woo ƃò gîe mɛi, é tóo sâa ma, ńyɛ̃ɛ dîa ka káwoli tɔ́ɔ ŋ́oo ma.

Izikiɛ 16:35

Óo Zerusâlɛŋ, yái a wulu-wulu kɛ́-nuui, m̀ɛnii mɛ̂ni nyii Ŋ̀wála-wâla kélee Yâwɛɛi a môi.

Osia 5:4

Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 12:3

Dílɛɛ pâi Zeeka da ǹîa maa-sɔlɔ ƃôi, è ǹîa túme sòŋ. Tãi è kɛ̀tɛ lai da Ɣâla dí kɔrɔ-ma kɔ̀.

Amɔsə 3:1

Eezuɛ-lonii, ka káwoli tɔ́ɔ ŋ́óoi ma ŋa môi a kaláai, nyii ŋa môi a kasuu kélee láa, nyii ŋá gùla Ize lɔii sui: