Osia 2:4 - Bible

⁴ Fé pâi ǹônii malôŋ kâai, kpɛ́ni fêi, díkaa a wulu-wulu kɛ́ nɛni lônii.

Yálá laawoo hɛɓɛ (dc)

⁴ 'Ka ka lee təli kiti ɓa, 'ka li kiti haɠa ɓa; mąąhɔlɔɓo nɛ̨́ą hvəli, ɛlɛɛ, ɉilɛ hvaa a ɲą́ą́. Ə kpəla wɛli hon ŋąą ɓa, nwɔ wɛli mɛ̨nį pɔɔ kaa ɲįnį lɔwai, ə gulɔ laa.

Yálá laawoo hɛɓɛ

⁴ 'Ka ka lee təli kiti ɓa, 'ka li kiti haɠa ɓa; mąąhɔlɔɓo nɛ̨́ą hvəli, ɛlɛɛ, ɉilɛ hvaa a ɲą́ą́. Ə kpəla wɛli hon ŋąą ɓa, nwɔ wɛli mɛ̨nį pɔɔ kaa ɲįnį lɔwai, ə gulɔ laa.

Osia 2:4 Referans Kwoze

Osia 1:6

Gomɛ è ŋɔ́nɔ koo sîɣe é lóŋ-nɛni maa sɔlɔ ƃó. Yâwɛɛ è mò Osia ma ǹyɛɛi, “Ǹáa sée a Loluama, kpɛ́ni fêi, fé pâi ŋɔ́nɔ Eezuɛ ŋɔpɛ́rɛi malôŋ kâai a gɛɛ ŋá dí su-mɛni lɛɛ.

Osia 1:2

Yâwɛɛ è lòno Osia pɔ́ a maa-ŋuŋ. È mò ma ǹyɛɛi, “Lí íwulu-wulu-kɛ nɛni kula a ínɛnî ka ǹyaa ká nîa-pɛlɛɛ maa sɔlɔ ƃó. Ǹîa-pɛlɛɛi da pâi kɛ̂i nɔ́ yɛ̂ɛ dílee. Bere nɔ́ ƃé ŋánûai Eezuɛ-ŋai dí káa la kpɛ́ni fêi, dí káa ɣâla da kpɛ́ni-ŋa fɛlîi yɛ̂ɛ berei núu a wulu-wulu kɛ̀ lai. Da díyee kúla ḿû.”

Izikiɛ 8:18

M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Ɉeremi 13:14

À kɛ̀ tí, ŋa pâi dítôoi ŋá díwolo yɛ̂ɛ gònoŋ-ŋa da sɔ̀ɔ díkîe-ni dîa. Ŋa m̀ɛni ŋí kɛ̂i a ǹúu pɔ̂lɔ-ŋai da ǹyáŋkpa-ŋai kélee. Ḿve pâi díŋɛi malôŋ kâai a dɔnɔ kpîŋ. Ŋa pâi dípaâi.”

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

Lomaŋ 11:22

Ya pɔ̂ri Ɣâla ŋɔsɔŋ lɛ̂lɛi kâai da ŋɔlii-kpanaŋ: ǹíi kpanaŋɔɔ̂i diai dîa da tooi, kɛ́lɛ, Ɣâla ŋɔsɔŋ-lɛ̂lɛi káa yâ à kɛ̀ yà lɛ̀ɛ nɔ́ ŋɔsɔŋ-lɛ̂lɛi su; à wàla kɛ́ ti da pâi íteêi ya máŋ.

Lomaŋ 9:18

Mɛni ma a diai malôŋ kàa a ŋ̀wɛli e dímalôŋ káai, gɛ diai líi kpanaŋ a ŋ̀wɛli é dílii kpanaŋ.

Ɉaan 8:41

Kákaa mɛnii kɛ̂i kánâŋ e gɛ̀i.” Dí mò ma, dîyɛɛi, “Dífe kúmaa sɔlɔ ƃo ni goyaŋ-wulu-wulu kɛ́ɛ su; Kúnâŋ káa tɔnɔɔ, Ɣâla ǹyaŋ kpîŋ.”

Zakari 1:12

È kɛ̀ tí, Ŋ̀âla-taa-kelai è mò ǹyɛɛi, “Óo Ŋ̀wála-wâla kélee Yâwɛɛ, ƃa ílii Ŋwána Zerusâlɛŋ ma da daa-lêe-ŋai díkaa Zuda-lɔii su kóraŋ buu lɔ́ɔlu mɛi feerɛ yée mu. Tãi ɣɛɛlu ƃé ƃa pâi ziɣêi í lɛ́ɛ pâi dímalôŋ kâai?”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Ɉeremi 16:5

“Ífe lɔ̀ bɛ́rɛi mù nyíi da saa mɛ̂ni kɛ̂i naai. Ífe malôŋ sèe ƃò núu kélee da maa mɛ̂ni mà. Ḿve pâi ŋɔ́nɔ lûwa lâai ŋánûai dîa a gɛɛ ŋá líi-seei, kpaa máŋ ŋá ŋáwɛli kɛ́-maai da ŋá ŋɛi-maloŋ kâai lɛ́ dîa.

Azaya 57:3

Sɔnyɔ̂ŋ-ƃela, ka pá ká tɔ́ɔ m̀ɛni ŋá-teɛɛi ŋá! Kámaa fé nɛ̃ɛ ní é tɛ́ɛ dɛli kpɛ́-ƃelai, ŋ̀ulu-wulu kɛ́-ƃelai da ǹɛyâai da díkpîŋ tɛ̀ɛ sinâa pɔ́ sɛŋ mɛni mai dîa.

Azaya 27:11

Ǹaa wuru-ŋai kélee da kpála, díkɛ ɣàle-ɣale. Nɛyâai da lî naa dí kɔi síɣe. Ɣâla nyíi ǹûai ŋí kpɛ̀tɛi, dífe kpáaŋ ní m̀ɛni m̀a. M̀ɛni ma, Ɣâla fé pâi wɔ́lɔ dímalôŋ kâai.

Tɔɔɓɛlaa veelɛ 9:22

Tãi Zoraŋ è Zewu kàa lai, è marê kɛ̀ ǹyɛɛ mai, “Zewu, ziai káa léŋ, í pà a lii-sêe naa-kaa sia?” Zewu è zu tòo a mare kɛ̂ɛ ǹyɛɛi, “Lii-sêe a gɛ̀ léŋ é kɛ́ naa? Ílee Zɛseƃɛɛ è ǹúui kélee kɛ̀ díkɛ Ɣâla pɔkɔɔŋ-ŋa fɛ̀li, díkɛ tela wúlu kɛ́-pere maa kɔ̂ri.”

Izikiɛ 23:25

Ńii ŋwãnâi yâ, m̀ɛni m̀a ŋá pâi gɛ̂i dí í kula maa kɛ́ a lii-ŋwã̂na. Da pâi ísũa da íwoli têei yâ. Diai kélee pâi lɛɛ̂i ɣele mai, da pâi dí paâi a ƃóa-sɔ̂kpɔ. Da pâi ílônii-sinaai da ílônii-nɛyãai sonîi. Diai pâi lɛɛ̂i ɣele mai da pâi díkereŋ a ŋɔŋ.

Osia 5:7

Dífe niî kɛ́ ní a tɔ̃yâ-ƃela Yâwɛɛ ŋɛ́i. Ǹyaŋ vé pâi dílônii kɔ́lɔŋ-nii. Dí lɛ́ɛ ɣala mɛni kɛ́ɛ-ŋai a pâi dísu karâi da dílɔii.

Azaya 50:1

Yâwɛɛ è m̀o ǹyɛɛi, “Gáa kákili ŋá a gɛ́ɛ ŋá kákpɛ̀ yɛ̂ɛ surɔ̂ŋ a ŋɔnɛnîi lɛ̂ɛ? À kɛ̀ tí, gɛ̀ ní, dáa-lâa kɔlɔi ŋá dɛ̀ɛ kápɔi, ǹyaa kɔɔ? Kpaa máŋ gáa kákili ŋá a gɛ́ɛ ŋá kátɛ̀ɛ a sɛ́ɣɛ-sãa diai pɔ́ díkpa káa ḿâi? Kpao, kásɔnyɔ̂ŋ maa luɛ-laa ƃé kákaa zu. M̀ɛni nyɔ́mɔɔ-ŋai ká gɛ̀, da nyíi-ŋai ka gɛ̂i maa luɛ-laa ká ŋí ka zui.