Nehemi 1:3 - Bible

³ Dí mò ḿâ dîyɛɛi, “Diai lène pôlu dí kúla gɔ-soŋ laai su dí pá pôlu Zudai, dí káa mɛni kpɔ̂lu támaa sɔlɔ ƃôi. Ƃaa kula maa támaa sɛ̂lɛŋɔɔi dîa. Zerusâlɛŋ taa-leei ŋɔsiɣãŋ kélee wôloɔi, ŋɔsiɣãŋ lá sãai kélee kéreŋɔɔ.”

Yálá laawoo hɛɓɛ (dc)

³ Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Yálá laawoo hɛɓɛ

³ Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 1:3 Referans Kwoze

Nehemi 2:17

Tãi kwa dîa ni kú kòyaŋ lai, ŋá mò dîa ńyɛ̂ɛi, “Tɔ̃yâ ma Zerusâlɛŋ taa-leei su karâai! Ziɣãŋ lá sãai kélee wôloɔɔi, dí kéreŋɔɔ, zãâi kélee su kara kâraai. Fɛ̂ɛ nɔ́ kú daa-leei ŋɔsiɣãŋ tɔ́ɔ pôlu a gɛɛ ƃaa kula maa fé ŋɔ́nɔ sɛ̀lɛŋ kûa.”

Tɔɔɓɛlaa veelɛ 25:10

Nyíti pôlu ma, Nebuzaradaŋ è mò Babelɔŋ-ŋai díkɔ-kɔ-ƃelai dîa a gɛɛ dí gala-ŋai wólo nyii kɛ̀ a dínaŋɔɔ Zerusâlɛŋ taa-leei mai, dí dóo ǹɔii ma.

Nehemi 7:6

Ǹûai kɛ̀ gɔ-soŋ-laai su Babelɔŋ lɔii kpiniŋ sui, dí támaa ɣele dí lène pôlu Zerusâlɛŋ da Zuda. Dí lì dítaa-ŋai su a tɛ̀ɛ-ŋa. Babelɔŋ kaloŋ Nɛbukinaza è wɔ́lɔ Zerusâlɛŋ taa-leei yée mɛi ɣâle é lí a dínûai Babelɔŋ kɔ soŋ laa su.

Nehemi 2:13

È kɛ̀ niî a kpíni tãi ŋá kùla la daa-leei su ŋá tɛ́ɛ a ziɣãŋ lá pere nyii da kɛ̂ ma Diŋ-tiŋ sui kwára pere vóloi liî pere. Ŋá lì a ǹɔii kwára pere, ŋá tɛ́ɛ ǹyá tôŋ ma nyii da kɛ̂ ma Ǹyao Maa Kalii, ŋá lí ziɣãŋ lá nyii da kɛ̂ ma Dúluŋ ŋá. Tãi ŋá kɛ̀ liî lai, ŋá kɛ̀ daa-lêei ŋɔsiɣãŋ wóloɔɔ-ŋai maa kpɛɛ̂i a ǹɛ́lɛɛ da ziɣãŋ lá sãa kéreŋɔɔ-ŋai.

Nehemi 2:3

Ŋá ŋ̀óo su tòo ńyɛɛi, “Ŋánuu-namui Gâloŋ, ífulu laai su é kôya! Malôŋ támaa tooɔ̂i ḿâ kpɛ́ni fêi, daa-lêei dí ŋánûa pɔlɔ-ŋai lòo zui, ǹaa su karâai, ŋɔsiɣãŋ lá-sãai kélee kéreŋɔɔ.”

Ɛsdrasə 5:8

“Gâloŋ, kwa m̀ôi yâ a gɛɛ kú lì Zuda lɔii kpiniŋ su. Kú liɛɛ̂i, kú gàa a gɛɛ dí káa Ŋ̀âla-pɛrɛ Kɛ́tɛi tɔɔ̂i pôlu Zerusâlɛŋ taa-leei su. Díkaa Ŋ̀âla-pɛrɛ Kɛ́tɛi ŋí tɔɔ̂i a kɔni kpaya-kpaya saa-ŋa dí kɛ́ wúru-saa lɛ́lɛɛ-ŋa tɔ̀ɔ gɔ́ɔ mu, díkɛ siɣãŋ tînaŋ ma. Díi ŋí a liî kpɔ́ tuɛ-pere a ǹɛ́lɛɛ.

Woolaa 5:1

Óo Yâwɛɛ, m̀ɛni kpɔ̂lui a láa kûai, maa mɛni kíli é lɛ́ɛ íŋa. Kúkaa, í m̀baa kula-maai káa sɛ̀lɛŋ kûai.

Woolaa 3:61

“Óo Yâwɛɛ, í díwòo yɔ̂ŋ-ŋai mɛ̀ni dí bìli ḿâi. Mɛni nyɔ́mɔɔ-ŋai dí gbɛ̀tɛ a gɛɛ dí gɛ́ a ǹyãai, í gɔ́lɔŋ.

Woolaa 1:7

Zerusâlɛŋ kɛ́-pere pɔlɔi kíli è tòo ŋ̀á tãi è kɛ̀ la mɛni kpɔ̂lu da mɔ̃lɛ-laa sui. Tãi è tòo la ŋɔkpɔara-ƃelai yêei, núu da fé kɛ́ ní naa é kpɔŋ mâa tɛɛ bɔ́. Ŋɔkpɔara-ƃelai dí ɣɛ̀lɛ m̀a zu-kara perei ma.

Ɉeremi 52:14

Babelɔŋ kɔ-kuluƃa-ŋai dí ziɣãŋ kélee kpɔ́ wòlo kɛ̀ a dínaŋɔɔ Zerusâlɛŋ mai.

Ɉeremi 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli miliɛɛ-ŋa kâai nyii pâi nûa láa kpâlai dâi. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Ɉeremi 39:8

Ǹaa kɛ́ɛ tíi, Babelɔŋ kɔ-kuluƃa-ŋai dí gâloŋ pɛrɛi kêreŋ da ǹûai díwɔ̂-ŋai. Dí ziɣãŋ wôlo máŋ nyii kɛ̀ a dínaŋɔɔ Zerusâlɛŋ mai.

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 5:10

Ka lí díkpɔmɔ-ƃa kpalaŋ ŋá ká da-ni su kara. Kɛ́lɛ káfe gélee kpúŋ su kàra. Díwoŋo-ŋai nɔ́ ƃé ká dée dîa kpɛ́ni fêi, dífe a Yâwɛɛ pɔ́ɔ.

Azaya 43:28

dí ŋákwaa ma waai maa tĩa kàra. M̀ɛnii ŋí ƃé gɛ̀ ŋá ǹɛɛ naa kákpɔara-ƃelai dí ƃâa kula kâa, dí ká su-kara.”

Azaya 5:5

“Ŋa pá nɛɛ̂i naa ká m̀ɛnii kɔ́lɔŋ ŋa pâi gɛ̂i a ŋá kpɔmɔ kpâlaŋ. Gbakii dínaŋɔ̂ɔi m̀ai, ŋa pâi ŋ̀ôlo-wôloi. Fɛnɛ-sãa da pâi kɛ̂i dílaa miî naa díkɛ ǹaa tàŋ-taŋ.

Mąątɛ̨nɛ̨ 79:4

Kúkɔlɛ ma lɔii-ŋuŋ-ŋai su-ƃelai da kúlarânii, díkɛ ɣɛ́lɛ maa kûla kúkponôi.

Ɛstɛrə 1:1

Atasɛra è kɛ̀ a kâloŋ Pɛsia lɔii mɛi. M̀ɛnii kɛ̀ ŋɔtãi mai, ǹyaa ká ŋí. Atasɛra è kɛ̀ a kâloŋ lɔii-kpiniŋ ŋuŋ tɔ̂nɔ pôlu buu feerɛ káo lɔ́ɔlu mɛi feerɛ mɛi (127). Ǹɔii kpîniŋ-ŋai ŋí kɔ́ɔ è pìlaŋ Iŋdia lɔii ma é tóo Itiopia lɔii ma.

Nehemi 11:3

Eezuɛ-ƃelai da-ni, zâla láa soŋ-ƃelai, Liiva-ŋai, diai kɛ̀ tíi kɛ̂i Ŋ̀âla-pɛrɛ Kɛ́tɛi mui, da Gâloŋ Saloma ŋɔtíi kɛ́-ƃelai dísuui su sinaai dí lì dí sée Zuda lɔii ŋɔtaa-leei gbéli-ŋai su dí kɔ̃liŋ-ŋai mɛi. Kɛ́lɛ ǹɔii kpîniŋ-ŋai mɛi-ƃelai dí sèe Zerusâlɛŋ da dínûai.

Ɛsdrasə 2:1

Gɔ-soŋ-ƃelai dámaa ɣele dí kùla Babelɔŋ lɔii kpiniŋ su, dí lene pôlu dítaa-lee-ŋai su. Da-ŋa díkɛ̀ a Zerusâlɛŋ-taa-leei su-ƃela, da-ŋa dí ƃò a Zuda lɔii su-ƃela. Gâloŋ Nɛbukinaza è wɔ́lɔ ǹûai ŋí díkaa-ƃelai sòŋ kɔ́ su é lí a dia Babelɔŋ díkɛ ƃò naa ǹyêei a luɛ-ŋa. Dí kɛ̀ ǹaa ǹyêei kóraŋ támaa yée mu.

Tɔɔɓɛlaa dɔlɔɔ 9:7

gɛ̀ ní, ŋa pâi Eezuɛ-ŋai kulâi ǹɔii ma nyíi ŋá dɛ̀ɛ dípɔi. Ŋa pâi ńyee kulâi Ŋ̀âla-pɛrɛ Kɛ́tɛi ŋí mu nyíi ŋá ńyee sèe mu ńaai mɛni mai. Da pâi Eezuɛ maa mɛni sɔɔ̂i a sáŋ díkɛ ɣɛ́lɛ-maa kùla gbonôi ŋ̀éniɛi su-ƃelai kélee sáma.

Hanwon 25:28

Ǹúui va ǹíi maa sòŋ, gáa yɛ̂ɛ taa-lee nyii ŋɔsiɣãŋ wôloɔi mai.

Woolaa 2:9

Zĩɣaŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Kɔlɔnikɔ Veerɛi 36:19

Dí ŋɔŋ tôo Ɣâla ŋɔpɛ́rɛi ma dí ziɣãŋ nyíi kɛ̀ a dínaŋɔɔ Zerusâlɛŋ mai wólo. Dí gâloŋ-pɛrɛi kêreŋ dí ǹaa sãai kélee su kara.