Maafîu 6:9 - Bible

⁹ Mɛni ma, ka Ɣâla fɛli a bere-sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Yálá laawoo hɛɓɛ (dc)

⁹ Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Yálá laawoo hɛɓɛ

⁹ Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Maafîu 6:9 Referans Kwoze

M̀ɛni-lɛɛi 4:11

“Ímaa nɛɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Izikiɛ 36:23

Ŋa pâi ńaa maa-waai nyii ká m̀aa-tĩa kàra ǹɔii-ŋûŋ-ŋai sûi ŋɔkɛ́tɛ-laai lɛ̂i ǹɔii-ŋûŋ-ŋai kpîŋ dîa. À kɛ̀ tí, ǹɔii-ŋûŋ-ŋai da pâi gɔ̂lɔnii a gɛ́ɛ ńyãa ƃa Yâwɛɛ. Ńyãai a Ŋ̀wála-wâla kélee Yâwɛɛi ƃé mò tí. Ŋa pâi ńaa maa-waai lɛ̂i ǹɔii-ŋûŋ-ŋai dîa ká sârai.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Mąątɛ̨nɛ̨ 111:9

A ŋɔnûai ŋuŋ ma ƃò é kpanaŋ woo kɛ́ díyêei wɔ́lɔ-wɔlɔ da wɔlɔ-wɔlɔ mɛni ma. Ǹáa kɛ̂tɛi, m̀aa waa.

Azaya 64:8

Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Galatə 4:6

A gɛɛ ŋɔ́nɔ kákaa a lônii, Ɣâla a Ǹóŋ Ŋɔmɔ̂leŋ tɛ́ɛ kúlii su, gɛ laɣi, ǹyɛɛi, “Aƃa! Ńâŋ!”

Azaya 6:3

Ŋá kɛ̀ díwoo mɛnîi díkɛ mò díkîe-ni dîa dîyɛɛi, “Ŋ̀wála-wâla kélee Yâwɛɛi maa waâi, maa waai, maa waai! Ŋɔfólo-laai a ǹɔii gwaa kélee lá fɛ́ɛ.”

M̀ɛni-lɛɛi 5:12

Dí kɛ̀ m̀ôi a díwoo su kɛ́tɛ, díyɛɛi, “M̀ála-loŋ dí bàai, maa nɛɛ̂i a gɛɛ é wala-wala sɔlɔ ƃó, tɔɔ-laa, táre, wála-wala, ƃaa-kɛ-maa, fólo-laa, é pɛlɛ lûwa ma!”

Mąątɛ̨nɛ̨ 115:3

Kúɣâlai káa ɣâla-taa. M̀ɛnii kélee a ŋ̀wɛ̂lii, ǹyaa ƃé a gɛ̀.

Nehemi 9:5

È kɛ̀ tí, Liiva-ŋai ŋí, Zasua, Kamiɛ, Bani, Asania, Sirɛbiya, Odia, Sibania da Pitaia ni dí mò ǹûai dîa dîyɛɛi, “Ka ká mu siɣe ká tɔ́ɔ, ká laa maa tɛ̂ tɛɛ Káɣâlai Yâwɛɛ pɔ́ nyii gáa naa wɔ́lɔ-wɔlɔ da wɔlɔ-wɔlɔi. Tɔɔ núu kélee é laa maa tɛ̂ tɛɛ bɔ́ ŋɔláa maa waai mɛni ma. Núu-kpune fa pɔ̂ri gɛ́ mɛni kélee ƃôi.”

Maafîu 7:11

À kɛ̀ káai kákaa a sɔnyɔ̂ŋ-ƃelai ka sama-sãa lɛ́lɛɛ-ŋa tɛɛ-pere kɔ́lɔŋ kálônii pɔ́, Káɣâla-taa-Naŋ fa pɔ̂ri sama-sãa lɛ́lɛɛ-ŋa tɛɛ̂i diai vɛ̀lii dípɔ é tɛ́ɛ nyíti ma?

Azaya 63:16

Yá ƃé íkaa a kúnâŋ. Kúnâŋ-pɔlɔ-ŋai Eberaɣɛ̃ɛ da Zeeka dífe kú kɔ́lɔŋ, kɛ́lɛ yá, Yâwɛɛ ƃa kúnâŋ. Yá ƃa ǹúui nyii a wɔ́lɔ kúŋuŋ-ma ƃò a tãi kéleei.

Mąątɛ̨nɛ̨ 72:18

Laa maa tɛ̂ é tɛ́ɛ Eezuɛ Ŋɔɣâlai Yâwɛɛ pɔ́. A mɛni kpaya-kpaya-ŋa kɛ̀.

Maafîu 26:29

Kɛ́lɛ, ŋá m̀ó kâa, é síɣe tãi ŋí ma fé pâi gbɔmɔ-ƃa-yai ŋí da kpelêi é lɛ́ɛ la zu ŋ̀elei tí é seri kwaa kâa-ni kwa pâi kúkpelêi la gîe ma a nina Ńâŋ ŋɔkâloŋ-laai sui.”

Maafîu 23:9

Káfe núu da tòli a kánâŋ ǹɔii ma ƃɛ, kpɛ́ni fêi, Kánâŋ káa nɔ́ tɔnɔ nyii gáa Ɣâla-taai.

Maafîu 5:16

Tɔɔ kákwaa-ponoɔi é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Kɔlɔnikɔ Veerɛi 20:6

gɛ́ nâa Ɣâla fɛ̀li ǹyɛɛi, “Óo Yâwɛɛ, Ŋ̀âlai nyíi gáa a kúnâŋ-ni Díɣâlai, ífe a Ŋ̀âlai nyíi gáa Ɣâla-taai? Yá ƃé íkaa gâloŋ-laa-ŋai kélee mɛi ŋ̀éniɛi su. Íwala-walaai, ítɔɔi kpanaŋɔɔ núu da kélee fa pɔ̂ri tɔɔ̂i íŋɛi.

Lukə 15:18

Ŋa pâi mu siɣêi ŋa li ńâŋ pɔ. Ŋa pâi m̀ôi ma, “Ńâŋ, ŋa sɔnyɔ̂ŋ kɛ́ a Ɣâla-taa da íŋɛi;

Zakari 14:9

Gɛ̀ ní Yâwɛɛ a pâi kɛ̂i a kâloŋ ǹɔii gwaa kélee. Maa ɣêlei tí Yâwɛɛ a pâi kɛ̂i nɔ́ tɔnɔɔ, ǹyaŋ ǹáa kɛ́ ƃò tɔnɔɔ.

Tɔɔɓɛlaa dɔlɔɔ 8:43

ye, lɛɛ ípɔ-taai Ɣâla-taa í mɛni. Í mɛni-ŋai kélee kɛ́ nyíi da vɛ̀li yâi a gɛ́ɛ ŋ̀éniɛi ŋí su-ƃelai kélee dí ílaa kɔ́lɔŋ, dí yao yâ yɛ̂ɛ berei ínûai Eezuɛ-ŋai da gɛ̀ lai, dí gɔ́lɔŋ a gɛ́ɛ bɛ́rɛi ŋí ŋá dɔɔi, ílaa káa ma.

Habakukə 2:14

Ǹɔii láa a pâi fɛ̂ɛi a Yâwɛɛ ŋɔfólo-laai, yɛ̂ɛ berei ǹyá-ŋai da yúo láa fɛ̀ɛ lai.

Izikiɛ 38:23

M̀ɛni ma, ŋa pâi ŋá kɛ́tɛ-laai da ŋá maa wâa-laai lɛ̂i dîa. À kɛ̀ tí, ŋa pâi ŋ́gbîŋ lɛ̂i lɔii-ŋuŋ támaa ma. Gɛ̀ ní, da pâi gɔ̂lɔnii a gɛɛ ńyãa ƃa Yâwɛɛ.”

Kɔlɔnikɔ Maa-ŋuŋ 17:24

À kɛ̀ tí gɛ̀ ní í maa tuŋ a pâi táa-tâai ǹûai díkɛ mò dîyɛɛi, ‘Ŋ̀wála-wâla kélee Yâwɛɛ ƃé gáa a Eezuɛ-ŋai Díɣâlai.’ Gɛ̀ ní ya pâi ŋákâloŋ-laai kɛ̂i nɔ́ dɔɔ̂i wɔ́lɔ-wɔlɔ.

Samia Veerɛi 7:26

Nûa da pâi ílaa maa tɛ̂i a ŋ̀ánaa. Da pâi m̀ôi dîyɛɛi, ‘Yâwɛɛ, Ŋ̀wála-wâla kélee Ɣalai káa Eezuɛ mɛi,’ ǹyaŋ a pâi ńyee mu-nuui Deeƃé ŋɔpɛ́rɛi maa kɔ̃ɔ̂i,

Piɛrə dɔlɔɔ 1:17

À kɛ̀ ǹúui à núu kélee ŋɔmɛnii ŋá tèe yɛ̂ɛ berei dítûa-perei káa la, kɛ́lɛ, va núu su ɣɛɛ ŋɔmɛni-ŋa-teɛɛi sui, ka zìɣe a Kánâŋ, gɛ̀ ní ka kákpîŋ mɛi káa ká ƃaa-kɛ-maa tɛ́ɛ bɔ̀ a tãi kákaa la ŋɔ̃yâ-lɔii-ŋa sui.

Timote dɔlɔɔ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔri gâai. Bàa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Lukə 15:21

Nya ƃe ǹóŋ e mò ma, ǹyɛɛi, ‘Ńâŋ, ŋa sɔnyɔ̂ŋ kɛ́ a Ɣâla-taa da íŋɛi; ḿaa fé ŋɔ́nɔ nɛ̃ɛ ni a gɛɛ dí ńdoli a íloŋ.’

Lukə 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Maafîu 6:14

“Kpɛ́ni fêi, à kɛ̀ ka nûa su-mɛni lɛ̀ɛ dítɔ̂ŋ-karaa-ŋai mɛ̂ni m̀a, Káɣâla-taa Nâŋ a pâi máŋ kásu-mɛni lɛɛ̂i.

Maafîu 6:6

Kɛ́lɛ, yà kɛ̀ Ɣâla fɛlîi, lɔ́ íloŋpoi su, í bɛ́rɛi lá tɛ́, í Ínâŋ fɛli nyii gáa loo-pere sui. Ǹyaŋ Ínâŋ nyii a loo-mɛni su kàai, a pâi ífela fêi (nûa ŋɛ́i).

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa-Nâŋ láa fɛɛ̂i la a wɛli-kɛ-maai.

Levetekɔ 10:3

Nya ƃe Mose è m̀o Eelɔŋ ma ǹyɛɛi, “M̀ɛnii ká ŋí Yâwɛɛ è mòi, ‘Ŋa pâi ŋ́gîŋ lɛ̂i a ḿaa waa diai sáma díkaa ŋ́gɔlɛi, ǹyaŋ ǹûai kélee da pâi ńaa maa tɛ̂i.’ ” Eelɔŋ è lɛ̀ɛ a m̀ɛi saa.

Galatə 1:1

Ńyãa Pɔ̂ɔ ŋ́gaa a sia-nuu-núu-kpune fe ŋ́gɛ̀ ní a sia-nuu, kpaa máŋ fe kɛ́ ni a sia-nuu núu-kpune sârai, kɛ́lɛ, ŋá kɛ̀ a sia-nuu Zîsɛ Kôrai sârai da Ǹaŋ-nuui Ɣâla nyíi Kôrai mu siɣe saa yêei,

Ɉaan 20:17

Zîsɛ e mò ma, ǹyɛɛi, “Ífe ńzòŋ, kpɛ́ni fêi, fe niî tɛ́ ni Nàŋ-nuui pɔ; kɛ́lɛ, li ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ naa da Kánâŋ, Ŋáɣâlai pɔ naa da Káɣâlai.”

Maafîu 26:42

È ŋɔnɔ lí naa a tãi veerɛ-ɣelei, é Ɣâla fɛli, ǹyɛɛi, “Ńâŋ, à kɛ̀ nyiŋi fa pɔ̂ri tɛɛ̂i ḿâ fɛ̂ɛ ŋá gbèle, tɔ̀ɔ ínîa-mɛni é kɛ́.”

Azaya 37:20

M̀ɛni ma, Yâwɛɛ Kúɣâlai, kúkula Asiria-ŋai yêei a gɛ́ɛ ǹɔii-ŋûŋ-ŋai díkaa ŋ̀éniɛi sui, dí gɔ́lɔŋ a gɛ́ɛ yá tɔnɔ nɔ́ ƃé íkaa a Kúɣâlai, Óo Yâwɛɛ.”

Lomaŋ 1:7

Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla yêei da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Maafîu 10:29

Dífa lîyeŋ feerɛ kɔ̀lɛ a kâpa tɔnɔ? Ǹyaŋ dɔnɔ kpîŋ fa too ǹɔii ma Kánâŋ ŋɛ́i pôlu.