Maafîu 6:10 - Bible

¹⁰ Tɔɔ Íkâloŋ-laai é pá, Tɔɔ ínîa-mɛni é kɛ́, Ǹɔii ma ƃɛ́ yɛ̂ɛ berei gáa la Ɣâla-taai.

Yálá laawoo hɛɓɛ (dc)

¹⁰ Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Yálá laawoo hɛɓɛ

¹⁰ Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Maafîu 6:10 Referans Kwoze

Hebreu 10:36

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ka ŋɔkono-teei sɔlɔ ƃo.

Ɉaan 4:34

Zîsɛ e mò dîa, ǹyɛɛi, “Ŋámii-sɛŋ ƃa a gɛɛ ŋa ǹúui ǹîa mɛni kɛ́ nyii ńdɛ̀ɛi, ŋá ŋɔtíi kɛ́ ŋá gbɛɛ.

Maafîu 26:42

È ŋɔnɔ lí naa a tãi veerɛ-ɣelei, é Ɣâla fɛli, ǹyɛɛi, “Ńâŋ, à kɛ̀ nyiŋi fa pɔ̂ri tɛɛ̂i ḿâ fɛ̂ɛ ŋá gbèle, tɔ̀ɔ ínîa-mɛni é kɛ́.”

Maafîu 12:50

Kpɛ́ni fêi, ǹúui a Ńâŋ nîa-mɛnii kɛ̀ nyii gáa Ɣâla-taai, maa-nuui ƃa ńêɣe, kpaa ńzaaƃɔlɔ kpaa ńee.”

Tɛsalonikə dɔlɔɔ 5:18

ka sɛɣɛi-fei tɛɛ mɛni-sii kélee su; kpɛ́ni fêi, nyíŋi káa a Ɣâla ŋɔnîa-mɛni kámɛni ma Zîsɛ Kôrai kponôi.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Ɉaan 6:40

Kpɛ́ni fêi, Ńâŋ ǹîa-mɛnii ká ŋi, a gɛɛ ǹúui nyii kélee a Nòŋ-nuui kàa é láa lai, a wɔlɔ-wɔlɔ fulu-laa sɔlɔ ƃò, ǹyaŋ ŋa pâi m̀u siɣêi a ŋ̀elei kpɛɛ ŋai.”

Kolosə 1:9

Mɛni ma é síɣe tãi ma ku mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa e fɛɛ a ŋɔnîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Ifisiɛŋ 6:6

Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Mąątɛ̨nɛ̨ 40:8

Óo Ŋáɣâlai, ŋá ŋ̀wɛ̂lii ŋá ínîa mɛni kɛ́. M̀ɛnii ya ǹɛ ḿâi fa ǹia da ma. Ŋa gélee lâai kɛ̀ ŋ́gili ŋá.”

Maafîu 7:21

“Diai kélee da kɛ́ mâ, ‘Kúnuu-namui, Kúnuu-namui,’ díkelee dífe pâi liî Ŋ̀âla-taa kâloŋ-laai su, fɛ̂ɛ ǹúui a Ńâŋ nîa-mɛni kɛ̀ nyii gáa Ɣâla-taai.

Piɛrə dɔlɔɔ 2:15

Ɣâla nîa-mɛni ƃá, a gɛɛ núu é mɛni lɛ́lɛɛ kɛ́, ŋɔmɛni lɛ́lɛɛ kɛɛ̂i é moo-ƃelai díƃoo-lono-ŋai kélee kpera.

Hebreu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sârai. Fólo-laa é kɛ́ ma wɔlɔ-wɔlɔ da wɔlɔ-wɔlɔ. É kɛ́ tí.

Maafîu 3:2

“Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Lukə 22:42

ǹyɛɛi, “Ńâŋ, à kɛ̀ ífaâi ma, gbele-kɔɛi ŋi kúla ńyêei; é máŋ kɛ́ ti, ǹîa-mɛni fei, kɛ́lɛ, ínîa-mɛni é kɛ́.” [

Ɉaan 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

M̀ɛni-lɛɛi 19:6

È kɛ̀ tí, ŋá wóo mɛ̀ni gɛɛ yɛ̂ɛ kpɔŋ kɛ́tɛ wóo, gɛɛ yɛ̂ɛ yá támaa súluŋ-tiŋ, gɛ̀ ƃò yɛ̂ɛ ŋele-gbana-tiŋ kɛ́tɛ gɛ̀ lâɣi, nyɛɛi, “Aleeluya! Kpɛ́ni fêi, Kúnuu-namui Ŋ̀wála-wâla kelee-Ɣalai káa sɛŋ kélee mɛi.

Tɛsalonikə dɔlɔɔ 4:3

Kpɛ́ni fêi, Ɣâla ŋɔnîa-mɛnii ká ŋí a gɛ́ɛ ka kɛ́ a maa-waa-ƃela a gɛ́ɛ ka kasu kula wulu-wulu-kɛɛ ma,

Gɛlaɠaa 21:14

Gɛ́ɛ vé fáa ní kúwoo mai, kú tèe ma, kûɛi, “Tɔɔ Kúnuu-namui ŋɔnîa mɛnii é kɛ́.”

Danîa 4:35

Núu-kpune káa nɔ́ kpɛ́ni-kpɛni ŋ̀ɛ́i. M̀ɛnii kélee a ŋ̀wɛli é gɛ́ a dai, ŋ̀âla-taa kela-ŋai kpaa máŋ a núu-kpune ǹɔii mai, a pɔ̂ri gɛ̂i. Núu da fa pɔ̂ri gberâi kpaa máŋ ǹyɛɛ ma, ‘Í gɛ̀ tí lé mɛni ma?’

Gɛlaɠaa 13:22

Sɔ̂ɔ kúlaa naa mìi, è Deeƃé tɔ̀ɔ bɔ́ɔ ŋá a kâloŋ dímɛni ma. È m̀aa sere-faa kɛ̀ máŋ, ǹyɛɛi, ‘Ŋa Zɛse ǹóŋ Deeƃé káa. Gáa a ńii ma nuui. A pâi ńîa mɛni kélee kɛ̂i.’

Maafîu 4:17

É síɣe maa-tãi tí ḿâ, Zîsɛ è pɛ̀lɛ Ɣâla-woo ƃóɔɔ ma, ǹyɛɛi, “Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

M̀ɛni-lɛɛi 12:10

Nya ƃe ŋá wóo su kɛ́tɛ mɛ̀ni Ɣâla-taa, nyɛɛi, “Kúɣâlai ŋɔƃálo-laai, ŋɔwala-wala-laai, ŋɔkâloŋ-laai, da Kôrai ŋɔwala-wala-laai da nâa pá. Kpɛ́ni fêi, ǹúui a mɛni pɛ̂lɛ kú-ƃarâa diai, da dòo ǹɔii mâ, nyíi a mɛni pɛ̂lɛ dîa a fólo da kpíni Kúɣâlai ŋ́ɛi-tuɛi.

Piɛrə dɔlɔɔ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere-nyɔŋ maa-sɛŋ-wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Hebreu 10:7

Nya ƃe ŋa mò, nyɛɛi, ‘Gáa, ŋa pá a gɛɛ ŋa ínîa-mɛnii kɛ́, Óo Ɣâla,’ yɛ̂ɛ berei bɔ̃yɛɛ̂i la gɔlɔi su é pîlaŋ ḿâi.”

Lukə 19:38

Díyɛɛi, “Lûwa káa gâloŋ ma nyii pà Kúnuu-namui láai sui! Lii-see é kɛ́ Ɣâla-taa, laa-maa-tɛ é kɛ́ ɣelei-pere póŋ-póŋ!”

Markə 3:35

Ǹúui a Ɣâla nîa-mɛni kɛ̀i ǹyaa ƃé gáa a ńêɣe-surɔŋ, ńêɣe-nɛni kpaa máŋ ńee.”

Maafîu 16:28

Tɔ̃yâ ma, ŋá m̀ó kâa, núu da-ni díkaa tɔɔ ni ƃɛ dífe pâi saâi fɛ̂ɛ dí núu-kpune Ǹóŋ káa pâi ŋɔkâloŋ-laai su.”

Danîa 7:13

Gbíni tɔnɔi tí, ŋá sɛŋ da kàa gɛ́ɛ yɛ̂ɛ núu-kpune. È kɛ̀ kulâi ŋ̀ele-kɔlɔŋ su gɛ́ yèŋ. È pà ǹúu pɔlɔ-pɔlɔi pɔ́ naa é gbîŋ tɛ̀ɛ bɔ́.

Nehemi 9:6

Ƃía tɔnɔ kpéŋ nɔ́ ƃé íkaa a Yâwɛɛ. Í ŋ̀elei kpɛ̂tɛ da zu sãa kélee. Í ǹɔii kpɛ̂tɛ da vúlu sãai kélee dí káa mai. Í yúo kpɛ̀tɛ da zu sãa kélee. Í fúlu laa tɛ̀ɛ dí kélee dípɔ. Ŋ̀elei su wala-wala laai kélee da tôo íkɔɔ mu dí í fɛ́li.

Markə 11:10

Lûwa é kɛ́ Kúnâŋ Deeƃé ŋɔkâloŋ-laai ma, nyii gáa pâi! Kwa laa-maa-tɛ tɛɛ Ɣâla pɔ́ ɣelêi-pere póŋ-póŋ!”

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 20:4

Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ see ni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla ŋɔwóoi, ŋá dímɔ̂leŋ kâa da diai dífe zuai fɛli nii, kpaa máŋ dífe zua-pɔɔkɔ̂ŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ-mɛi-laa kɛ́ a kóraŋ wála tɔnɔ (1,000).

Mąątɛ̨nɛ̨ 2:6

“Ŋâa ŋákâloŋ sée Zãiyɔŋ Yeei ma nyii gáa a ŋáyee maa waai.”

Hebreu 1:14

Díkelee dífe a tii-kɛ-mɔ̂leŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?

Kolosə 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Lukə 19:11

Díkɛɛ díwoli tɔɔ̂i mɛni-ŋai ŋí mai, Zîsɛ è pɛ̀lɛ sã́ŋ sɔ̂ɔ ma dîa, kpɛ́ni fêi, è kɛ̀ a ǹɛɣɛɛ nâa Zerusâlɛŋ, è kɛ̀ ŋɔ́nɔ díkili ŋá a gɛɛ Ɣâla ŋɔkâloŋ-laai è kɛ̀ pâi lɛ̂i a maa félaa.

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Azaya 2:2

Ɣele-ŋa da pâi, maa tãi tí, ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai, a pâi kɛ̂i ŋ̀éniɛi su yee kpaya-kpayai kélee mɛi. A pâi kɛ̂i a dɔɔ́ dɛɛ́ ǹyée-ŋai kélee dîa. Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.

Gɛlaɠaa 22:14

È mò, ǹyɛɛi, ‘Kúnâŋ-ni Díɣâlai a ílɛ a gɛ́ɛ í ŋɔnîa-mɛnii kɔ́lɔŋ í Dɔ̃yâ Ɣalai káa í ǹá woo mɛni.

Ɉeremi 23:5

Yâwɛɛ è mò ǹyɛɛ, “Tãi a pâi, maa tãi tí, ŋa pâi téniŋ ƃô kaloŋ siɣêi nyíi pâi kulâi Deeƃé ŋɔsuui sui. A pâi kɛ̂i a gâloŋ nyíi pâi ŋánûai mɛi kâai a táre-pere, gɛ́ tùa a táre-pere. A pâi pâi a tɔ̃yâ làa ǹɔii gwaa kélee ma.