Lukə 11:4 - Bible

⁴ í ípôlu fé kútɔ̂ŋ karaa-ŋai dîa, yɛ̂ɛ bere la kwa kúpôlu fè la káƃarâa dítɔ̂ŋ-karaa-ŋai diai; tɔɔ kútuɛ kúfe pìli yee-laa-maa su.”

Yálá laawoo hɛɓɛ (dc)

⁴ Ku mąąhvaalɛɛ mɛ̨nį ɲɔ̨nŋąai kwa kɛ gɛi mąą mɛ̨nį ɓa. Mąąhɔlɔɓo, nuą da mɛ̨nį ɲɔ̨n gɛ a kuɔ, kwa di mąąhvaalɛɛ. Hvó hvaa mą ɓilihi hvo ku ŋąąhɛɠi.›»

Yálá laawoo hɛɓɛ

⁴ Ku mąąhvaalɛɛ mɛ̨nį ɲɔ̨nŋąai kwa kɛ gɛi mąą mɛ̨nį ɓa. Mąąhɔlɔɓo, nuą da mɛ̨nį ɲɔ̨n gɛ a kuɔ, kwa di mąąhvaalɛɛ. Hvó hvaa mą ɓilihi hvo ku ŋąąhɛɠi.›»

Lukə 11:4 Referans Kwoze

Maafîu 26:41

Ka kɛ́ a káŋɛi ká Ɣâla fɛli a gɛɛ káfe píli yee-laa-maa su. Mɔ̂leŋ faâi kpɔ́, kɛ́lɛ, gbonoi fíi kpɛɛ̂i.”

Kolosə 3:13

Ka kálii kpele kákîe-ni yêei. À kɛ̀ kásɔŋ à kɛ̀ kákîe-ni koi ka kákîe-ni su-mɛni lɛɛ. Yɛ̂ɛ berei Kúnuu-namui e kasu-mɛni lɛɛ lai, ka gɛ ti máŋ.

Maafîu 18:35

“Bere nɔ ƃe máŋ Ŋáɣâla-taa-Naŋ a pâi gɛ̂i la a kákelee, à kɛ̀ kà wàla káƃarâai kélee dítɔ̂ŋ-kara-ŋai su-mɛni lɛɛ é kúla kálii su.”

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

Timote veelɛ 4:18

Kúnuu-namui a pâi ŋ́gulâi mɛni nyɔ́mɔɔ-sii kélee su é ḿalo Ŋɔɣâla-taa kâloŋ-laai mɛni ma. Volo-laai e tɛɛ bɔ wɔlɔ-wɔlɔ da wɔlɔ-wɔlɔ. É kɛ́ ti.

Tɛsalonikə veelɛ 3:3

Kɛ́lɛ, Kúnuu-namui sã́âi; a pâi kákponôi kpananîi é kámɛi káa zɔnyɔ̂ŋ-nuui yêei.

Korɛntə dɔlɔɔ 10:13

Yee-laa-maa da fe niî pá ní kápɔ nyíi ve niî pá ní núu pɔi. Ɣâla sã́âi, nyíi ve pâi nɛɛ̂i naa yee-laa-maa e pa kápɔ nyíi dɛɛi káwala-walai mai, kɛ́lɛ, tãi yee-laa-maa à pà lai, Ɣâla máŋ a pâi kúkula-perei tɛɛ̂i a gɛ́ɛ pɔ̂ri e kɛ́ káa ka tɔɔ zu.

Ɉaan 17:15

Fe ífɛlîi a gɛɛ í díkula ǹɔii su. Kɛ́lɛ, a gɛɛ í dímɛi káa dua-pere nyɔŋ-nuui yêei.

Lukə 22:46

Nya ƃe e mò dîa, ǹyɛɛi, “Le ƃe ka nyiî? Ka kámu siɣe, ka Ɣâla fɛli a gɛɛ káfe too su-kɔɔŋ su.”

Lukə 8:13

Nyii-ŋai tôo gɔnii ŋái, dia ƃa ǹûai da ŋ̀óoi mɛ̀ni, dí zɔlɔ ƃo a lii-nɛ̃ɛ. Kɛ́lɛ, dísame fé dímu, da lâa la a tãi kpua, kɛ́lɛ, su-kɔɔŋ a pâ dípɔ dí too pôlu.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Danîa 9:19

Óo Ǹuu-namui, íwoli tɔ́ɔ kûa í kúsu-mɛni lɛɛ. Kúwoo mɛni í mɛni da kɛ́ a maa félaa a gɛɛ nûa dí gɔ́lɔŋ a gɛɛ yá ƃa Ǹuu-namui. Ífe tãi támaa sìɣe, kpɛ́ni fêi ílaa káa daa-leei ma da ínûai.”

Mąątɛ̨nɛ̨ 25:18

Ŋá mɛni kpɔ̂lui da ŋá lii too pôlu káa, í ńzu mɛni lɛɛ zɔnyɔ̂ŋ-ŋai mɛ̂ni ma ŋa gɛ̀i.

M̀ɛni-lɛɛi 3:10

Ŋa pâi íkulâi zu-kɔɔŋ-tãi su, nyíi pâi ǹɔii kélee mɛi, a gɛɛ diai díkaa ǹɔii sui, su-kɔɔŋ é pá dípɔ, kpɛ́ni fêi, ǹii-kpêlei gáa ńyêei, ya maa-wooi mɛi kâa.

M̀ɛni-lɛɛi 2:10

Ífe yao mɛni-solii ḿâ ya pá gaâi. Gáa, Dɛ̂ƃele a pá nâa káta-ni pilîi kpini-pɛrɛ mu a gɛɛ su-kɔɔŋ é pa kápɔ, ǹyaŋ ká pâi mɛni-kpɔlu kâai a ɣele-kûu puu. Kɛ́ a núu sãa é lɛ́ɛ la zu í sáa, ǹyaŋ ŋa pâi fúlu-laa-ƃɔrɔ tɛɛ̂i ípɔ.

Mąątɛ̨nɛ̨ 121:7

Yâwɛɛ a pâi ímaa kɔ̃ɔ̂i é íkula mɛni kpɔ̂lu sii kélee su. A pâi íŋuŋ maa ƃôi.

Mąątɛ̨nɛ̨ 25:11

Ńzu mɛ̂ni lɛɛ ílaai mɛni ma zɔnyɔ̂ŋ-ŋai ŋa gɛ̂i mɛ̂ni ma, óo Yâwɛɛ, kpɛ̂ni fêi, dítâmaai.

Tɔɔɓɛlaa dɔlɔɔ 8:36

gɛ̀ ní lɛɛ Ɣâla-taa í mɛni, í dísu mɛni lɛɛ. Sɛŋ lɛ́ dîa berei da pɔri ɣéniɛ kɛ̂i la a pere sîi sãai, í tuna tɛ́ɛ é pú ǹɔii ma nyíi í dɛ̀ɛ dípɔɔi.

Tɔɔɓɛlaa dɔlɔɔ 8:34

gɛ̀ ní, lɛɛ Ɣâla-taa í dífɛli-wooi mɛni í dí su-mɛni lɛɛ zɔŋyɔ̂ŋ dí gɛ̀ a ƃíai mɛni ma í pá a dia pôlu ǹɔii ma í dɛ̀ɛ dínâŋ pɔlɔ-ŋai pɔ́i.

Zɛnɛse 48:16

Ŋ̀âla-taa-kelai nyii a ŋ́gula sɔnyɔ̂ŋ kélee sui, é lûwa láa ǹîa-pɛlɛɛi dîa! Tɔɔ kwa ńâŋ-ni Eberaɣɛ̃ɛ da Aise kúlaa é lɛ́ɛ ɣele ma dísârai. Tɔɔ dí ƃûu ƃó dí táma ǹɔii mâ!”

Lukə 11:5

Nya ƃe e mò dîa, ǹyɛɛi, “Gbɛ̂ɛ ƃe ǹâo káa ma a gɛɛ e li bɔ kpini sama, ǹyɛɛ ma, ‘Ǹâo, kpólo-kpala saaƃa kpa pili mâ;

Lukə 13:4

Kpaa máŋ núu puu kao lɔ́ɔlu mɛi saaƃai nyii Selôyɛŋ kɔni-yeŋ-keŋ kôyai e tòo dîa e dípaai, gáa kákili ŋá a gɛɛ dí kɛ̀ a sɔnyɔ̂ŋ-ƃela kɛ́tɛ é tɛ́ɛ Zerusâlɛŋ-ƃela kpeli-ŋai kélee dîa?