Lonon mo 1:53 - Bible

⁵³ Kɛ́lɛ Livai-ŋai nɔ́ ƃa pɔ̂ri díƃûui tînanii zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Yálá laawoo hɛɓɛ (dc)

⁵³ Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Yálá laawoo hɛɓɛ

⁵³ Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 1:53 Referans Kwoze

Lonon mo 16:46

Mose è mò Eelɔŋ ma ǹyɛɛi, “Íŋɔŋ-siɣe-sɛŋ-foloi síɣe í ŋɔŋ kula ŋ̀âla-teƃelai ma í bú zu í kéreŋ-sɛŋ kúŋ nɛ̃ɛ pú ŋá í lí la Eezuɛ-ŋai pɔ́ naa a maa félaa í dísɔnyɔ̂ŋ maa sâla kula. Kpɛni fêi, Yâwɛɛ a ǹíi ŋwána. Ǹyaŋ zaa-kɔlɔ-felai a nâa pâi.”

Kɔlɔnikɔ Maa-ŋuŋ 23:32

Liiva-ŋai dítii ƃé kɛ̀ a gɛ́ɛ díkɛ zua-kɔlɔ-seɣe pɛrɛi da Ŋ̀âla-pɛrɛ Kɛ́tɛi mɛi kàa Yâwɛɛ ŋɛ́i-tuɛ. Díkɛ naa díkɛ̀ kpɔŋ mâa tɛɛ ŋ̀âla-fɛli mɛni-ŋai su díkaayɔ-ŋai kɛ̀ a Eelɔŋ ǹônii-sinaai yée mu.

Levetekɔ 10:6

Mose è mò Eelɔŋ ǹônii Ilieazɛ da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpiniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ̀lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi.

Lonon mo 31:47

Nya ƃe zɛŋ kélee Eezuɛ-ŋai dí zɔlɔ ƃòi Mose è buu lɔ́ɔlu kélee dɔnɔ-tɔnɔ kùla zu, núu-kpune da taa-tulɛ é dɛ́ɛ Livai-ŋai pɔ́ nyii-ŋai kɛ̀ tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui, yɛ̂ɛ berei Yâwɛɛ è mò la Mose mai.

Lonon mo 31:30

Zɛŋ kélee Eezuɛ-ŋai dí zɔlɔ ƃòi í buu lɔ́ɔlu kélee dɔnɔ-tɔnɔ kúla zu. Núu-kpune, niŋa-ŋa wɛlɛ-sôo, ƃála-ŋa da ƃoli-ŋa, í dítɛɛ Livai-ŋai pɔ́ nyii-ŋai tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui.”

Lonon mo 8:19

Ŋa Livai-ŋai kúla Eezuɛ-ŋai sáma ŋa dítɛɛ Eelɔŋ pɔ́ da ǹônii a gɛɛ dí tíi kɛ́ Eezuɛ-ŋai dîɛ Zua kɔlɔ seɣe pɛrɛ maa waai mu, a gɛɛ ŋɔ́nɔ dí sâla kula Eezuɛ-ŋai dísɔnyɔ̂ŋ su-mɛni-lɛɛ mɛni ma, a gɛɛ da lɛ̀ɣɛ Zua kɔlɔ pɛrɛ maa waai kɔlɛ mɛni nyɔ́mɔɔ fé díkɛ̀.”

Timote veelɛ 4:2

Ɣâla ŋɔwóoi ƃó, í tíi kɛ́ a gbanaŋɔɔ a tãi kélee, í nûa dísɔnyɔ̂ŋ lɛ dîa, í lóno nûa pɔ kpɔ́ a gbanaŋɔɔ, í dília-woo ƃó, ífe fɛ̀ɣɛ ílii-kpelei su da ísɛŋ-lɛɛi.

Ɉeremi 23:15

“M̀ɛni ma, m̀ɛnii ńyãa Ŋ̀wála-wâla kélee Yâwɛɛi ŋá mó é pîlaŋ Ɣâla ŋɔlóno kɛ́-ƃelai dîa Zerusâlɛŋ ƃa: Ŋa pâi wúru ŋwánaa tɛɛ̂i dípɔ dí mii, ŋá ŋ̀ale-maa tɛ́ɛ dípɔ dí gbele. Kpɛ́ni fêi dûai nyíi-ŋai m̀ɛlɛ fé ŋ́goi, da dáa-taa ǹɔii gwaa kélee ma.”

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Kɔlɔnikɔ Veerɛi 13:10

“Mɛni a kpera kûa, Yâwɛɛ ƃa Kúɣâlai. Kúfe niî kúyee kula ní mù. Zâla láa-soŋ-ƃelai da tíi kɛ̀ Yâwɛɛ mii, díkaa a Eelɔŋ ǹônii-sinaai. Liiva-ŋai díkaa kpɔŋ mâaa tɛɛ̂i dípɔ.

Samuɛlə dɔlɔɔ 6:19

Ǹuu-namui Ɣâla è Bɛ-simɛ sinaa buu-lɔ́ɔlu mɛi-feerɛ pàa, kpɛ́ni fêi, dí Ǹuu-namui Ŋɔkono-tee Gãlai su kàa. Malôŋ támaa è tòo Bɛ-simɛ-ƃelai dîa, kpɛ́ni fêi, Ǹuu-namui è núu támaa pàa dísama.

Lonon mo 3:38

È kɛ̀ a sɛŋ a gɛɛ Mose da Eelɔŋ é pɛ́lɛ Eelɔŋ ǹônii-sinaaai dîa dí díƃûui tɔ́ɔ Zua kɔlɔ seɣe pɛrɛ maa waai ŋɛ́i-tuɛ vóloi kulâi-pere. À kɛ̀ núu da kpɛ́ni kélee a lɛ̀ɣɛ naa, da pâi maa-nuui tí paâi.

Lonon mo 1:50

Kɛ́lɛ Livai-ŋai kɛ́ ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́o dí dínaŋ ma. Dia nɔ́ ƃa pɔ̂ri tíi kɛ̂i mu.

Lonon mo 1:54

Ǹyaŋ bere nɔ́ ƃé Eezuɛ-ŋai dí gɛ̀ la. Dí gɛ̀ nɔ́ yɛ̂ɛ berei Yâwɛɛ è mò la Mose mai.

Lonon mo 2:17

“Nàa pôlu ma Livai-ŋai dí Zua-kɔlɔ seɣe pɛrɛ maa waai síɣe dí tɔ́ɔ la nuu kpulu-ŋai loai díkɛ lì. Ǹúu-kpului kélee é tɔ́ɔ ŋɔƃenâi mu tɛi-tɛi yɛ̂ɛ berei díƃûu-ŋai tɔɔ̂i káa lai.

Lonon mo 3:23

È kɛ̀ a sɛŋ a gɛɛ Gɛsɔŋ ŋɔsuui su-ƃelai dí díƃûui tɔ́ɔ Zula kɔlɔ seɣe pɛrɛ maa waai pôlu pere, vóloi liî-pere.

Lonon mo 3:29

È kɛ̀ a sɛŋ a gɛɛ Koa ŋɔsuui su-ƃelai dí díƃûui tɔ́ɔ Zua kɔlɔ seɣe pɛrɛ maa waai mɛi kɔlɛ nàa kwára-pere.

Lonon mo 3:35

È kɛ̀ a sɛŋ a gɛɛ Melali ŋɔsuui su-ƃelai dí díƃûui tɔ̀ɔ Zua kɔlɔ seɣe pɛrɛ maa waai kɔlɛ mâ yá-ŋûa pere. Dítuɛ-nuui ƃé kɛ̀ a Abiai ǹóŋ Zuliɛ.

Lonon mo 17:7

Nya ƃe Mose è zia-wûru-ŋai ŋí pù zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Lonon mo 16:9

Gáa a mɛni-loŋ a gɛɛ Eezuɛ-ŋai Díɣâlai é kákula Eezuɛ-ŋai sáma é ká lɛ́ɣɛ gbono ma a gɛɛ ká tíi kɛ́ ŋɔpɛ́rɛ maa waai mu ká tɔ́ɔ Eezuɛ-ŋai láa-tuɛ ká tíi kɛ́ dîɛ?

Kɔlɔnikɔ Veerɛi 13:11

Ɣele-wala da ɣele-wulii kélee da kéreŋ sala da sɛŋ kúŋ-nɛ̃ɛ sala kùla Yâwɛɛ ma. Da gbóloi làa teƃelei ŋá nyíi maa waai yɛ̂ɛ berei ǹûai tûa-perei káa lai. Díkɛ laŋpoi tɔ̀ɔ nyii-ŋai díkaa laŋpo see-wurii-ŋai a ɣele-wulii kélee. Mɛnii kélee Yâwɛɛ nyíi gáa a Kúɣâlai a mò kûai kwa gɛ̀. Kɛ́lɛ ka kápôlu tɔɔ mà.