Lomaŋ 8:1 - Bible

¹ Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Yálá laawoo hɛɓɛ (dc)

¹ Yiihu kɛa, nuąi di kaa Jesus Kristə hu, nwun na pili hvo kɛa diɛ.

Yálá laawoo hɛɓɛ

¹ Yiihu kɛa, nuąi di kaa Jesus Kristə hu, nwun na pili hvo kɛa diɛ.

Lomaŋ 8:1 Referans Kwoze

Korɛntə veelɛ 5:17

Mɛni ma à kɛ̀ núu da kélee káa Kôrai kponôi, gɛ̀ ní gáa a núu nina; mɛni pɔlɔi a tɛɛ, ka gáa mɛni ninai a pá.

Galatə 3:13

Kôrai e kúŋuŋ ma ƃò dɔ̂ŋ ŋɔnáɣaŋ-laai yêei, kpɛ́ni fêi, ǹyaa kpîŋ è kɛ̀ a naɣâŋ-laa kúmɛni ma-kpɛ́ni fêi, bɔ̃yɛɛ̂i, “Naɣâŋ-laa káa núu kélee ma a sɛ̂lɛŋ wúru mai,”

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Lomaŋ 8:34

gbɛ̂ɛ ƃa mɛni lɛ̂ɛ núu mai? Zîsɛ Kôrai ƃe nyíi sàa e ŋɔ́nɔ mu siɣe máŋ saa yêei, nyíi gáa seêni Ɣâla laa-mii-yee mɛi, nyíi a tɔ̂ɔ kúmɛni ma Ɣâla ŋɛi tuɛi?

Ɉaan 5:24

Tɔ̃yâ kpîŋ, ŋá m̀ó kâa, ǹúui a ŋ́oo mɛ̀ni é láa a ǹúui ńdɛ̀ɛi, wɔlɔ-wɔlɔ fulu-laa káa ǹyêei. Va pâ mɛni-ŋa-teɛɛi su, kɛ́lɛ, a kula saa-yeei e li fulu-laa su.

Ɉaan 15:4

Ka kɛ́ tɔnɔɔ ŋ́gbonôi, ǹyaŋ ŋa pâi kɛ̂i kákponôi. Berei gbɔmɔ-woŋoi fa pɔ̂ri ƃâi gbɔɔ̂i-yee mai, fɛ̂ɛ e kɛ́ gbɔmɔi kponôi, káa máŋ káfa pɔ̂ri, fɛ̂ɛ ka kɛ́ ŋ́gbonôi.

Filipə 3:9

Ŋa ŋ̀wɛ̂lii ŋá kɛ́ gbonôi, a gɛ́ɛ ŋ́gbîŋ tɔ̃yâ laa-la fè kɛ̀ ńyêei nyíi kula dɔ̂ŋ sui, kɛ́lɛ, fɛ̂ɛ dɔ̃yâ-laai nyíi gáa Kôrai kponôi laa-la sârai. Gáa a dɔ̃yâ-laai kùla Ɣâla yêei nyíi kùla laa-la sui,

Azaya 54:17

Kɛ́lɛ núu da fé pâi pɔrîi mɛni da kɛ̂i a káa a gɔ́ kɔ́-kɔli sãai ŋí da. Núu da a lɛ́ɛ mɛni da ƃò a kálaa, ka pâi zu kula pêre kɔ́lɔnîi. Ŋa pâi ŋátii kɛ́-ƃelai maa kɔ̃ɔ̂i, ŋá gɛ́ díkpɔara-ƃelai da yée fa pɔ̂ri dîa.” Ńyãa Yâwɛɛ ƃé m̀o tí.

Lomaŋ 8:14

Kpɛ́ni fêi, diai kélee Ɣâla Ŋɔmɔ̂leŋ a tɔ̂ɔ dítuɛi díkaa a Ɣâla-lonii.

Korɛntə dɔlɔɔ 15:22

Berei núu kélee a sâa la Adaŋ sârai, bere nɔ́ ƃe máŋ núu kélee a pâi fulu-laa sɔlɔ ƃôi la Kôrai kponôi.

Galatə 5:16

Kɛ́lɛ, ŋá m̀ó kâa, ka sia M̀ɔlêŋ su, gɛ̀ ní káfe pâi ǹúu ŋɔkɛ-pere-nyɔŋ wɛliɛ maa-tua kɛ̂i.

Lomaŋ 8:4

a gɛ́ɛ dɔ̃yâi dɔ̂ŋ a ŋ̀wɛ̂lii fɛ̂ɛ ku gɛ̂i é ŋ̀aa-see kɛ́ kúkponôi, kúai kúfa sia a kúkpîŋ-tua-perei, fɛ̂ɛ M̀ɔlêŋ ŋɔperei.

Lomaŋ 8:39

mɛi-pere, kpaa máŋ mu-pere, kpaa máŋ ŋ̀éniɛi-su-sɛŋ kélee, fe pâi pɔ̂rii kúkulâi Ɣâla ŋɔwɛli kɛ́-maai ma Kúnuu-namui Zîsɛ Kôrai sârai.

Galatə 5:25

A kɛ̀ kúɣeniɛi káa M̀ɔlêŋ su, ǹɛ́lɛɛ̂i ku sía M̀ɔlêŋ su.

Galatə 3:28

Zûu-nuu fe ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî; kpɛ́ni fêi, kákelee kákaa tɔnɔɔ Zîsɛ Kôrai kponôi.

Ɉaan 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Lomaŋ 7:20

À kɛ̀ ǹyaŋ ŋa mɛni-ŋai kɛ̀ nyíi-ŋai fa ŋ̀wɛli ŋá díkɛi, gɛ̀ ní ńyãa fa díkɛ̀, kɛ́lɛ, zɔnyɔ̂ŋ gáa ŋ́gbonôi nya ƃa díkɛ̀.

Lomaŋ 7:17

À kɛ̀ ti gɛ̀ ní ńyãa fa gɛ̀, kɛ́lɛ, zɔnyɔ̂ŋ gáa ŋ́gbonôi nya ƃa gɛ̀.

Korɛntə veelɛ 12:2

Ŋa núu tɔnɔ kɔ́lɔŋ Kôrai kponôi nyíi tɛ Ɣâla-taa kóraŋ puu kao náaŋ pôlu mái, fé gɔ́lɔŋ à kɛ̀ gbono ƃé kɛ̀ la kpaa máŋ ŋɔmɔ̂leŋ, Ɣâla ƃe gɔ́lɔŋ.

Lomaŋ 16:7

Ka kála tí Ɛŋdulonikɔ ma da Zûnia, nyíi-ŋai díkaa a ŋánûai. Dí kɛ̀ a ḿarâa pelesinɛ-ŋa. Díkaa a nûa kpaya-kpaya zia-ƃelai sama. Dí kɛ̀ a Kôrai-ƃela ńduɛ.

Lomaŋ 16:3

Ka kála ti Purisela ma da Akoila, nyíi-ŋai díkaa a ḿarâa-tii kɛ-ƃela Kôrai kponôi,

Izikiɛ 18:9

gɛ ŋáɔɔ̂i tɔ̂ŋ mɛi kâa, gɛ sia a ŋatɔ̂ŋ lá-woo. M̀aa ǹúui tí káa a teniŋ ƃo nuu vé pâi saâi.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Lomaŋ 5:16

Ƃɛlɛ-see sama-sɛŋ fé yɛ̂ɛ zɛŋ a kula núu tɔnɔi ti ŋɔsɔnyɔ̂ŋ sui. M̀ɛni ŋá-teɛɛi nyíi kula núu tɔnɔ ŋɔtɔ̂ŋ karaai sui è pà a tɔŋ-pu-maa. Kɛ́lɛ, tɔ̂ŋ karaa támaa pôlu ma, m̀ɛlɛ-see sama-sɛŋ a pâ a tɔ̃yâ laa-la.

Lomaŋ 8:2

Kpɛ́ni fêi, vulu-laa-Mɔleŋ ŋɔtɔ̂ŋ, nyíi a fulu-laa tɛ̀ɛ Zîsɛ Kôrai sârai, a ŋ́uŋ ma ƃo sɔnyɔ̂ŋ ŋɔtɔ̂ŋ yêei da saa.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Lomaŋ 8:11

À kɛ̀ ǹúui Zîsɛ mu siɣe saa yêei Ŋɔmɔ̂leŋ káa kákponôi, gɛ̀ ní ǹúui Zîsɛ Kôrai mu siɣe saa yêei a pâi máŋ fulu-laa tɛɛ̂i kákpono-saa-ŋai pɔ Ŋɔmɔ̂leŋ sârai nyíi gáa kákponôi.

Galatə 3:26

kpɛ́ni fêi, kákelee kákaa a Ɣâla ŋɔnîa-pɛlɛɛ Zîsɛ Kôrai kponôi laa-la sârai.

Ifisiɛŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, Ŋ̀âla-ƃelai, (nyíi-ŋai díkaa Ɛfesɛi), nyíi-ŋai díkaa a laa-la-ƃela máŋ Zîsɛ Kôrai kponôi: