Lomaŋ 12:2 - Bible

² Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Yálá laawoo hɛɓɛ (dc)

² 'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Yálá laawoo hɛɓɛ

² 'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Lomaŋ 12:2 Referans Kwoze

Piɛrə dɔlɔɔ 1:14

Kákaa a woo-mɛni-ƃela. Káfe kɛ̀ a tua-pere-nyɔŋ maa-sɛŋ wɛli-ƃela yɛ̂ɛ berei ká wɔ́lɔ kɛ̀ la tãi káfe kɛ́ ni a bere sã́ai kɔlɔŋɔɔ lai.

Korɛntə veelɛ 5:17

Mɛni ma à kɛ̀ núu da kélee káa Kôrai kponôi, gɛ̀ ní gáa a núu nina; mɛni pɔlɔi a tɛɛ, ka gáa mɛni ninai a pá.

Kolosə 3:10

ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ŋɔnîa-mɛnii su.

Izikiɛ 36:26

Ŋa pâi líi-nina da kíli-nina tɛɛ̂i ká pɔ. Ŋa pâi ká lii su kpânaŋ maa fálenîi a lii maa yêŋ.

Piɛrə dɔlɔɔ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere-nyɔŋ maa-sɛŋ-wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Ɉaan 15:19

Eêi kɛ̀ kâi kɛ̀ a ǹɔii su-ƃela, ǹɔii eêi gbɔɔ̂i-ƃelai wɛli; kɛ́lɛ, a gɛɛ káfe a ǹɔii su-ƃela, ǹyaŋ ŋá kásìɣe ǹɔii su, maa-mɛni ƃe ǹɔii a kákpɔ̀ara la.

Mąątɛ̨nɛ̨ 51:10

Óo Ɣâla, ŋ́a kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Lomaŋ 13:14

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa-sɛŋ, gáa a Ɣâla-kpɔara-mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa-nuui, a gbîŋ kɛ̀ a Ɣâla-kpɔara-nuu.

Korɛntə veelɛ 4:4

Diai laa-la fe díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔɔkɔ̂ŋ.

Ɉaan 17:14

Ŋa íwooi tɛ́ɛ dípɔ; ǹyaŋ ǹɔii a díkpɔara, kpɛ́ni fêi, dífe a ǹɔii su-ƃela, yɛ̂ɛ berei fe la a ǹɔii su-nuu.

Piɛrə veelɛ 1:4

È ŋɔkono-tee kpaya-kpaya maa-mɛni kpanaŋɔɔ-ŋai tɛ̀ɛ kúpɔ a gbîŋ folo-laai da ŋɔkɛ́tɛ-laai a gɛɛ nyíi-ŋai sârai ká kula zu-karai sú nyíi núu-kpune ŋɔtûa-pere-nyɔŋ maa-sɛŋ-wɛ̂liɛi a gɛ́ ǹɔii sui, ká kɛ́ a Ŋâla-kɛ-perei da sɔlɔ-ƃo-ƃela.

Zĩi 1:27

Ɣâla-mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔ́ɔ-nɛyaa a tãi da kɛ̂ la mɛni-kpɔlu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.

Izikiɛ 18:31

Ka káyee kúla kásɔnyɔ̂ŋ-ŋai su nyii-ŋai ka gɛ a ńyãai a gɛɛ líi-nina da mɔ̃leŋ nina díkɛ ká kponoi. Lé mɛni ƃe ka pâi saai la kaai a Eezuɛ ƃelai?

Mąątɛ̨nɛ̨ 34:8

Yá kpîŋ ye gáa berei Yâwɛɛ sɔŋ lɛ̂lɛɛi lai. Lii-nɛ̃ɛ káa diai dîa da lâa lai.

Zɔ̂ŋ Maa-ŋuŋ 3:13

Kála fé kpâla kâa, ŋánûa, a gɛɛ ǹɔii a kákpɔara.

Tɛsalonikə dɔlɔɔ 4:3

Kpɛ́ni fêi, Ɣâla ŋɔnîa-mɛnii ká ŋí a gɛ́ɛ ka kɛ́ a maa-waa-ƃela a gɛ́ɛ ka kasu kula wulu-wulu-kɛɛ ma,

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹyaŋ ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Piɛrə veelɛ 2:20

Kpɛ́ni fêi, à kɛ̀ dípuɔ dí kúlaa ŋ̀éniɛi ŋɔsu-kara-laai yêei pôlu ma Kúnuu-namui da Kúƃalo-nuui Zîsɛ Kôrai maa-tarei sârai, da ŋɔ́nɔ kɛ́ zu a díyee mɛi ɣále, gɛ̀ ní nɛ̃ɛ-pôlui nyɔ́mɔɔi dímɛni ma é tɛ́ɛ maa-ŋuŋ ma.

Ifisiɛŋ 2:2

Ka sia tɔ̂ŋ karaa su da sɔnyɔ̂ŋ a maa-ŋuŋ. Ka pîlaŋ ŋ̀éniɛi ŋí su tua-perei pôlu, ka pîlaŋ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Mąątɛ̨nɛ̨ 119:174

Óo Yâwɛɛ, ŋ́ɛi káa nɔ́ wɔ́lɔ íperêi ŋ́uŋ maa ƃó mɛni ma. Ŋá koi-nɛ̃ɛi káa ítɔ̂ŋ su.

Galatə 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Korɛntə dɔlɔɔ 3:19

Kpɛ́ni fêi, ŋ̀éniɛi ŋí su-tarei káa a ƃoo Ɣâla ŋɛi. Kpɛ́ni fêi, bɔ̃yɛɛ̂i, “Ɣâla a dáre-ƃelai sôŋ díwôya-perei ma,”

Mąątɛ̨nɛ̨ 119:128

M̀ɛni ma, ŋà ńyee sée ísɛŋ-lɛɛi mu, tùa-pere nyɔ̂ŋ ƃɛlɛ fé ŋ́goi.

Lomaŋ 7:22

Kpɛ́ni fêi, ŋa Ɣâla ŋɔtɔ̂ŋ mɛi kaa a lii-nɛ̃ɛ ŋ́gbîŋ kponôi.

Mąątɛ̨nɛ̨ 119:97

Ítɔ̂ŋ wɛ́li káa ḿâ. Ŋa ŋ́gili ŋá sìa a é pîlaŋ m̀a é síɣe ɣele-wala ma é tóo ɣele-wulii ma.

Mąątɛ̨nɛ̨ 119:72

Ítɔ̂ŋ lɛ̂lɛɛi ḿɛ̂ni ma, é tɛ́ɛ zɛŋ-kaoi nyii kélee gáa ǹɔii sui ma.

Ɉaan 7:7

Ǹɔii fa pɔ̂ri kákpɔarâi. Kɛ́lɛ, a ŋ́gbɔ̀ara. Kpɛ́ni fêi, ŋa maa-sere-faa kɛ̀ a gɛɛ ŋɔtûa-ŋai nyɔ́mɔɔ̂i.

Lɛɛ gbɔwɔ ɓa 23:2

Ífe fàa núu támaa wóo ma a gɛɛ í mɛni nyɔ́mɔɔ kɛ́ kpaa máŋ í wôya sere-faa-kɛ̀ nɔ́ a gɛɛ í núu támaa líi láa.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ-pìlaŋ-tãi é lɛ́ɛ serii.

Piɛrə dɔlɔɔ 2:3

Kpɛ́ni fêi, ká Kúnuu-namui ŋɔsɔŋ-lɛlɛ-laai kɔɔ̂ŋ.

Mąątɛ̨nɛ̨ 119:103

Ísɛŋ lɛ́ɛi lɛ̂lɛɛi, ǹɛ̃ɛ̂i kpɔ́ é tɛ́ɛ kɔ̃́iŋ-wulɔ ma!

Lomaŋ 7:12

Mɛni ma dɔ̂ŋ maa waâi. Mɛnii dɔ̂ŋ a m̀ôi maa waâi, dɔ̃yâ, ǹɛ́lɛɛ.

Kolosə 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Piɛrə dɔlɔɔ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni-ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

Ɉaan 14:30

Fe pâi ŋɔ́nɔ lônoi kápɔ a zu kôya. Kpɛ́ni fêi, ǹɔii ŋi mɛi-nuui káa pâi. Wala-wala kélee fe ǹyêei ḿɛi;

Lomaŋ 7:14

Ku gɔ́lɔŋ a gɛ́ɛ dɔ̂ŋ a kûla M̀ɔlêŋ yêei; kɛ́lɛ, ŋ́gaa nɔ́ a núu-kpune. Dí ŋ́gɔ̀lɛ yɛ̂ɛ luɛ a gɛ́ɛ ŋá tíi kɛ́ sɔnyɔ̂ŋ mi.

M̀ɛni-lɛɛi 12:9

Dí ǹyao-maa-sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ-nuu. Dí dòo ǹɔii mâ da ŋɔkéla-ŋai kélee.

Ɛsdrasə 10:11

Mɛni ma, ka m̀ó kánâŋ-ni Díɣâlai Yâwɛɛ ma a gɛɛ ka mɛni nyɔ́mɔɔ kɛ́ la. Ka ká sɔnyɔ̂ŋ ƃó ká kálii pene, ká ǹîa mɛni kɛ́. Ka káyee kúla zîi da kpɛ́ni nɛyãai kula mɛni su, ká dítɛɛ pôlu dípɔ taai.”

Maafîu 13:22

Nyii tòo ŋalêŋ-kpɔlɔi sui, ǹyaa ƃa ŋ̀óoi núu a m̀ɛni, kɛ́lɛ, ŋ̀éniɛi-su-kpaaŋ da tɔɔ-laa ŋɔyee-laa-maai dí kpiniŋ là va ƃâi.

Markə 4:19

Kɛ́lɛ, lɔii su mɛni lii-sɛlɛŋ, tɔɔ-laa mɛni, lii-nɛ̃ɛ mɛni-ŋa, sɛŋ da kpɛ́ni-ŋa wɛ́li da lɔ̂ dí ŋ̀óoi kpáaŋ, va ƃɔ̀lɔ é ƃá.

Kolosə 1:9

Mɛni ma é síɣe tãi ma ku mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa e fɛɛ a ŋɔnîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,