Lomaŋ 12:1 - Bible

¹ Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Yálá laawoo hɛɓɛ (dc)

¹ Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Yálá laawoo hɛɓɛ

¹ Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 12:1 Referans Kwoze

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Lomaŋ 6:13

Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Lomaŋ 6:19

Ŋa kákɔlɔŋ woo-ŋa ƃôi kâa, kpɛ́ni fêi, kákponôi fíi kpɛɛ̂i. Ká ǹɛɛ naa kákponôi gwaa kélee kɛ́ ƃò a ŋwana-lɔ̂ɔ kɛ́ sãa. Kɛ́lɛ fɛ̂ɛ ka ǹɛɛ naa kákponôi gwaa kélee kɛ́ ƃò naa Ɣâla ŋɔtíi kɛ́ mɛni ma.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Ifisiɛŋ 4:1

Mɛni ma ńyãai ŋ́gaa a pelesinɛ Kúnuu-namui mɛni mai, ŋá m̀ó káa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Mąątɛ̨nɛ̨ 19:14

Tɔɔ m̀ɛni-ŋai kélee ŋa m̀ôi da nyii-ŋai kélee ńii sui, díkɛ a ílii láa mɛni-ŋa, óo Yâwɛɛ, yái íkaa a ŋá kili tɔɔ-maa kɔnii da ŋ́uŋ ma ƃó-nuui.

Lomaŋ 6:16

Káfe gɔ́lɔŋ a gɛ́ɛ à kɛ̀ kà kákpîŋ tɛ̀ɛ núu da pɔ́ a yɛ̂ɛ woo mɛni luɛ-ŋa, gɛ̀ ní kákaa a ǹúui tí ka ŋ̀óo mɛnii ŋɔluɛ-ŋa? Kákaa a sɔnyɔ̂ŋ ŋɔluɛ-ŋa nyíi a kákɛ̀ kásaai, kpaa máŋ kákaa a woo mɛni ŋɔluɛ-ŋa nyíi a kákɛ̀ a tɔ̃yâ-ƃelai.

Korɛntə veelɛ 4:16

Mɛni ma kúfii fe kpɛ̀ɛ. Berei máŋ kúkpono a pɔlɔ̂i la a tãi kéleei, kúmɔ̂leŋ káa kɛ̂i nɔ́ a nina a ɣele kélee.

Mąątɛ̨nɛ̨ 116:12

Lé ƃé ŋa pɔ̂ri dɛɛ̂i Yâwɛɛ pɔ́, m̀ɛni lɛ́lɛɛ-ŋai a gɛ̂i ḿîi m̀ɛni mai?

Tɛsalonikə dɔlɔɔ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ka káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Korɛntə veelɛ 5:20

Mɛni ma kúkaa a Kôrai pɔ́ɔ-ŋa-ƃela, Ɣâla kɛ́ ǹûai toli ku-sârai. Kwa kákpera fei Kôrai mɛni ma a gɛ́ɛ ka Ɣâla-ni ká káloai kpɛtɛ.

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Ifisiɛŋ 5:10

Ka kɔ ka mɛnii maa kɔri nyíi a Kúnuu-namui líi làai.

Filipə 2:17

À kɛ̀ máŋ da ŋ́ãa pù zâla-sɛŋ ma nyíi gáa a kálaa-lai da kátii kɛ́ɛ Ɣâla mɛni mai, ńii nɛɛ̂i kwa ka-ni ku kɛ́ lii-nɛ̃ɛ kula kúkelee.

Korɛntə dɔlɔɔ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da mɛni-ŋa-teɛɛ tɔnɔi.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Piɛrə dɔlɔɔ 2:20

Le-mɛni lɛ́lɛɛ ƃe naa, à kɛ̀ kà mɛni nyɔ́mɔɔ kɛ́, ka mɛni-soli káa mɛni ma a lii-kpele? Kɛ́lɛ, à kɛ̀ kà mɛni lɛ́lɛɛ kɛ̀, ka mɛni-soli káa mɛni ma a lii-kpele, gáa a Ɣâla nîa-mɛni.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.

Korɛntə veelɛ 6:1

Berei kwa Ɣâla-ni kwa tíi kɛ̂i la gîe mai, kwa kákpera fei a gɛ́ɛ káfe ŋɔƃɛlɛ-sêei sɔlɔ ƃo nɔ́ kpɛni-kpɛni.

Lomaŋ 15:30

Ŋa kákpera fêi, ŋánûa, Zîsɛ Kôrai sârai da M̀ɔlêŋ ŋɔwɛli kɛ́-maai a gɛ́ɛ ka kpɔŋ mâ ku Ɣâla fɛli ḿɛni ma a gbanaŋɔɔ

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛi. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Ɉeremi 6:20

Ŋ́gbaaŋɔ̂ɔi ká kéreŋ-sɛŋ kúŋ-nɛ̃ɛ-ŋai ká kùla a dîa Siƃai dímɛni ma da zɛŋ kúŋ nɛ̃ɛ-ŋai ka bù kámii-sãai ma nyíi-ŋai ká kùla a dia lɔii su kôya-ŋa sui? Vé tí a dɔnɔ kpîŋ. Ńyee fé kákereŋ sama-sãai dɔnɔ kpîŋ mu. Ká sâla-ŋai dífa tela ńii làa.

Filipə 1:20

yɛ̂ɛ berei ŋátɔ̃yâ-maa-kpɛŋ káa la da gili-kɛ-zui gáa ǹyêei a gɛ́ɛ fe pâi ŋumɛ̂i mɛni kélee ma, kɛ́lɛ, lii-kpele támaa a pâi nâa kɛ̂i ńyêei, yɛ̂ɛ berei e wɔ́lɔ kɛ̀ la ńyêei, a gɛ́ɛ ŋa pâi ƃaa kɛ́-maa tɛɛ̂i Kôrai pɔ, à nɛ̀ɛ ma máŋ ŋá kɛ́ a ḿvulu kpaa máŋ ŋá sáa.

Timote dɔlɔɔ 2:3

Nyíŋi lɛ́lɛɛ̂i, ǹyaŋ gɛ ƃo a lii-laa Kúƃalo-nuui Ɣâla ŋɛi,

Tɛsalonikə dɔlɔɔ 5:12

Mɛni ma, ŋánûa, kwa kákpera fêi a gɛ́ɛ ka ƃaa kɛ́-maa tɛɛ díi-kɛ-ƃelai pɔ kásama, nyíi-ŋai díkaa ka-mɛi Kúnuu-namui kponôi, díkɛ kalia-woo ƃoi.

Lukə 7:47

Maa mɛni ma ŋá m̀ó yâ, ŋɔsɔnyɔ̂ŋ-ŋai nyii-ŋai damaâi, dísu-mɛni a lɛɛ mì. Kpɛ́ni fêi, e wɛli-kɛ-maa kɛ̂ a dámaa. Ǹúui guro-te su-mɛni e lɛ̀ɛ mìi, ǹyaa ƃe ŋɔwɛli-kɛ-maai guro-têi.”

Hebreu 13:22

Ŋa kákpera fêi, ŋánûa, ka káwoli tɔ́ɔ ǹá-woo-ŋai ŋí dîa, kpɛ́ni fêi, ŋa kɔlɔ kpua-loŋ nɔ pɔ̃yɛ kápɔ naa.

Timote dɔlɔɔ 5:4

À kɛ̀ pɔɔ-nɛni lônii da kɛ̀ ma, kpaa máŋ ǹônii-lonii, tɔɔ fulɔi dí m̀aa kɔ́ri berei da pɔri ƃaa kɛ́-maa tɛɛ̂i la dínûai pɔ dí díkpai da kula; kpɛ́ni fêi, nyíŋi káa a Ɣâla lii-laa mɛni.

Tɛsalonikə dɔlɔɔ 4:10

ǹyaŋ káƃarâai díkaa Masadonia gwaa kéleei, ka díkelee díwɛli ni kpɔ a dámaa. Kɛ́lɛ, ŋánûa, kwa kalia-woo ƃôi a gɛ́ɛ ka díwɛli kpɔ́ a dámaa a tãi kélee.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Korɛntə veelɛ 4:1

Mɛni ma tãi nɔ́ díi ŋí káa la kúyêei Ɣâla ŋɔmaloŋ-kaai sui, kúfii fe kpɛ̀ɛ.

Korɛntə veelɛ 10:1

Ńyãa Pɔ̂ɔ, ńyãa kpîŋ ŋa môi káa Kôrai ŋɔmaa-yêŋ da ŋɔsɔŋ-lɛ̂lɛi sârai, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Dutɛrɔnome 14:2

Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Filemɔn 1:9

é máŋ kɛ́ tí, wɛli-kɛ-maa mɛni ma ŋa ŋ̀wɛ̂lii ŋa ília-woo ƃo ńyãa Pɔ̂ɔ, ŋ́gaa a núu-pɔlɔ, ǹyaŋ ŋ́gaa nâa máŋ a luɛ Zîsɛ Kôrai mɛni mà.

Filemɔn 1:10

Ŋa ília-woo ƃôi ńoŋ Onisimɔ mɛni ma, nyíi-ŋa kɛ̀ a ǹâŋ tãi ŋa kɛ̀ la kpini-pɛrɛ mui.