Ɉeremi 9:6 - Bible

⁶ Díkaa nɔ́ ŋwana lɔ̂ɔ ŋáa tɛ̂i gîe mɛi, dí kɛ̀ núu pɛ̀lɛ a tãi kélee. Da nia ḿâ. Yâwɛɛ ƃé mò tí.

Yálá laawoo hɛɓɛ (dc)

⁶ Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Yálá laawoo hɛɓɛ

⁶ Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Ɉeremi 9:6 Referans Kwoze

Ɉeremi 13:10

Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Osia 4:6

Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Ɉeremi 20:10

Ǹûai kélee da kɛ̂ m̀ôi ninîŋ-woo su dîyɛɛi, “Yao kɛ́tɛ káa kwaa kélee ma! M̀ɛni ma, kwaa zɔ̀ŋ láa ǹúu-mɛi-ƃelai ŋɛ́i!” Ńaôi-ni kpîŋ da tɔɔ ḿâ. Da m̀ó dîyɛɛi, “Tãi da kwa pɔ̂ri bɛlɛ̂i, gɛ̀ ní kwa pâi zoniî kúmɛni kpa kula m̀a.”

Ɉeremi 11:19

Kɛ́lɛ, ŋá kɛ̀ yɛ̂ɛ ƃála-loŋ ŋumɛɛ nyíi dí kɛ̀ liî la bàa mɛ̂ni mai. Ḿve kɛ́ ní a gɔ́lɔŋɔɔ a gɛɛ m̀ɛnii ŋí tɔɔ̂i ḿâ. Díwôya mɛni kpɛ̀tɛ dí kɛ́ mò dîyɛɛi, “Kwaa ŋ̀úrii da ḿba dísu kara, kwaa bàa kú gula ǹúu-fulu-ŋai sáma, a gɛɛ ǹáa fa lâa kɛ́ la ɣele ma.”

Ɉeremi 8:5

Lé ƃé ŋaŋ kɛ̀ ǹûai ŋí da dípôlu tɔɔ ḿâ dífa lène pôlui? Da kánaŋ nɔ́ núu pɛlɛ́ɛ ma dífa kpêra ma.

Ɉeremi 5:27

Berei tí loŋso a ŋɔsiɣâŋ láa fɛ̂ɛ la a ŋɔni-ŋai, bere nɔ́ ƃé da dípɛrɛ-ŋai láa fɛ́ɛ la a wôya sãa. Zɛŋ ƃé a gɛ́ wála-wala laa támaa káa díyêei dítɔɔ a ŋ̀ánaa,

Hanwon 1:29

Ká táre kpɔ̀ara káfe gbɛtɛ ní kákili ŋá a gɛɛ ká yáo Ɣâla Yâwɛɛ ma.

Hanwon 1:24

Tãi ŋá wɔ́lɔ ƃɛlɛ tôli ƃò la a káa a gɛɛ ká pái, káfe káwoli tɔɔ ni. Tãi ŋá wɔ́lɔ ńyee sã̀a lai, káfe ǹaa káa ni.

Korɛntə dɔlɔɔ 15:34

Ka pá pôlu ŋɔ́nɔ kákili-ŋa-sia lɛ́lɛɛ-ŋai su, káfe ŋɔ́nɔ sɔnyɔ̂ŋ kɛ̀. Kpɛ́ni fêi, Ɣâla maa-tarei fe ǹúui da-ni yêei. Ŋa nyíŋi ƃôi a gɛ́ɛ ŋa káŋumɛ.

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Samuɛlə dɔlɔɔ 2:12

Ǹyaŋ Ilai ǹônii dí kɛ̀ a sɔnyɔ̂ŋ-ƃela. Ƃaa kɛ́ maa fé kɛ́ ní díyêei Yâwɛɛ mɛni ma.

Azaya 1:3

Niŋa-ŋa dí dínuu-namu kɔ́lɔŋ. Wɛlɛ-sôo-ŋa dí ƃɛ́i kɔ́lɔŋ dínuu-nâmu a díkɔ̃nɔŋ pù naai. Kɛ́lɛ dáre sii ŋí fé ŋánûai Eezuɛ-ŋai ŋuŋ su. Dífa mɛni ŋá kàa a dɔnɔ kpîŋ.”

Ɉeremi 11:10

Da ŋɔ́nɔ tínaŋ dínâŋ pɔlɔ-ŋai dímɛni nyɔ́mɔɔ tɔnɔi pɔ́, nyíi-ŋai dífe wɔ́lɔ díwoli tɔɔ ní ḿâi. Da tínaŋ, dí kɛ́ ɣâla da kpɛ́ni-ŋa fɛli. Eezuɛ-ŋai da Zuda-ƃelai daâ ŋákpanaŋ-wooi kara nyíi ŋáwɔ́lɔ gɛ̀ dínâŋ pɔlɔ-ŋai yêei.

Azaya 1:25

Ŋa pâi kákula maa kɛ̂i. Ŋá káseɣenîi yɛ̂ɛ da kɔli sêɣeŋ a gɛ́ɛ dí gbó kúla ma.

Azaya 4:4

É lɛ́ɛ pâi kɛ̂i tí, Ǹuu-namui a pâi ǹɔii-ŋuŋ ŋɔmɛnii ŋá têei é m̀aa waa. A pâi Zerusâlɛŋ ŋɔsɔnyɔ̂ŋ waâi ma, é ŋãai dí bù naai kélee wáa.

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”