Ɉeremi 9:16 - Bible

¹⁶ Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”

Yálá laawoo hɛɓɛ (dc)

¹⁶ Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Yálá laawoo hɛɓɛ

¹⁶ Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Ɉeremi 9:16 Referans Kwoze

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔ̂kpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔpɔ kuláa daâi.’

Izikiɛ 5:2

Gbua tɔ̂nɔ siɣe í géreŋ Zerusâlɛŋ taa-lee pɔɔkɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Dutɛrɔnome 28:64

“A pâi kátaa-tâai lɔii-ŋuŋ-ŋa su. Ka pâi kɛ̂i naa ká kɛ́ ɣâla da kpɛ́ni-ŋa fɛli nyii-ŋai díkpɛtɛ̂i a wúru da kɔni-ŋai, nyii-ŋai ka kánâŋ-ni káfe kɛ́ ní a díkɔlɔŋɔɔi.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Ɉeremi 44:27

Ŋa pâi gɛ̂i káfa ƃûu ƃo, kɛ́lɛ ka pâi saâi. Kákélee kpɔ́ ka pâi saâi kɔ́ su kpaa máŋ a kɔlɔ-fela é lɛ́ɛ la zu káta dɔnɔ kpîŋ da fa lɛ̂ɛ ɣele ma.

Ɉeremi 13:24

“Ŋa pâi kátaa-taai yɛ̂ɛ bere tí fɛ̃ɛ kpalaŋ-su fãa a kala tàa-taa lai.

Zĩi 1:1

Ńyãa Zĩi ŋ́gaa a Ɣâla da Kúnuu-namui Zîsɛ Kôrai dítii-kɛ-nuu, Nuu-suu puu kao féerɛi díkaa Zɛ̃tai-ŋai samai: Ŋá fáa kâa.

Zakari 7:14

Ǹyaŋ ŋá dítaa-taa dí lí ǹɔii gwaa kélee yɛ̂ɛ fãa kɛ́tɛ ƃɛ́i dífe kɛ́ ní a nàa kɔ́lɔŋɔɔi. M̀ɛni ma ǹɔii dí nɛ̀ɛ dípôlui, núu fé lɛɛ ní naa, núu fé ŋɔ́nɔ li ní naa, núu fé kula ní naa. M̀ɛni ma ǹɔii lɛ́lɛɛi tí è lɛ̀ɛ nɔ́ naa kpɛ́ni-kpeni.”

Izikiɛ 20:23

M̀ɛni ma, ŋá ŋ́gono-tee díyeêi vɛ̃ɛ-kpâlaŋ su a gɛɛ ŋa pâi dítaa-taâi ŋ̀éniɛi su gwaa kélee ma.

Izikiɛ 14:17

“Kpaa máŋ ŋa kɔ́ tôoi ǹɔii tí su ŋa pa a kɔ́-kɔ-sãa kpaya-kpaya ŋá ǹaa ƃele da vɛnɛ-sãai kélee páa.

Izikiɛ 12:15

“Tãi ŋa pâi dítaa-taai la ǹɔii-ŋuŋ da kpɛ́ni ŋai kélee sui, m̀aa tãi ƃe da pâi gɔlɔni la a gɛɛ ńyãa ƃa Yâwɛɛ.

Izikiɛ 11:17

“M̀ɛni ma mò gɔ-sôŋ-ŋai dîa yɛɛi, Ŋ̀wála-wâla kélee Yawɛɛi ǹyɛɛi, ‘Ŋa pâi ká kulai ǹûai sama, ŋá ká kákula ǹɔii-ŋai su ƃɛi kátaa-taai naai ŋá Eezuɛ-lɔii tɛ́ɛ ká pɔ.’

Ɉeremi 29:17

‘Ŋa pâi kɔ́ toôi dîa, puru é dí páa, ŋá kɔlɔ-fela nyɔ́mɔɔ píli dí sáma dí kɛ́ yɛ̂ɛ fîi wuru-ƃa lûlaa nyíi núu fa pɔ̂ri m̀iî.

Ɉeremi 25:27

Nya ƃe Ŋ̀wála-wâla kélee Yâwɛɛ nyii gáa a Eezuɛ Ŋɔɣâlai è mò ḿâ a gɛɛ ŋá m̀ó ǹûai dîa ńyɛ̃ɛ Yâwɛɛ ǹyɛɛ, “Ka kákpele a ŋwã̂ai nyíi gáa gbele-kɔɛɛi ŋí sui é kákɛ ká kákɔŋ píli, ka tóo káfa ká mu sìɣe. Kpɛ́ni fêi ŋa pâi kɔ́ toôi kásama.

Ɉeremi 24:10

Ŋa pâi kɔ́ toôi dísama, ŋá puru tóo dîa, ŋá tela kɔlɔ-fela nyɔ́mɔɔ píli dîa é lɛ́ɛ la zu ŋá díkelee kpɔ́ dípaa díkula ǹɔii ŋí su nyíi ŋá wɔ́lɔ dɛ̀ɛ dínâŋ pɔlɔ-ŋai pɔi.”

Mąątɛ̨nɛ̨ 106:27

ŋá gɛ́ kálônii dí lɛ́ɛ a lɔii ŋuŋ da kpɛ́ni-ŋa su-ƃela pɔ́ɔ dí lɛ́ɛ naa dí sáa.”

Nehemi 1:8

Gono têei í gɛ̀ Mose yêei, gíli é lɛ́ɛ í ŋá. Í mò mà yɛ̂ɛi, ‘À kɛ̀ káai a Eezuɛ-ŋai, laa la a wàla kɛ́ káyêei ḿɛni ma, gɛ̀ ní ŋa pâi ká táa-tâai lɔii ŋuŋ da kpɛ́ni-ŋa su.

Dutɛrɔnome 32:26

Ŋa pâi dítaa-tâai, ŋá gɛ́ dímaa mɛni kíli é kpɛ́ɛ núu-kpune kíli ŋá.

Dutɛrɔnome 28:36

“A pâi kákpɛ̂i ka kákâloŋ-ni ka lí lɔii da su nyii kánâŋ-ni dífe wɔ́lɔ li ní naa, káa kpîŋ káfe tela naa kɔ́lɔŋ. Ka pâi kɛ̂i naa ká kɛ́ ɣâla da kpɛ́ni-ŋa fɛ̀li nyii-ŋai dí díkpɛ̀tɛ a wúru da kɔnii.

Dutɛrɔnome 28:25

“A pâi gɛ̂i kákpɔara-ƃelai yée é tɛ́ɛ kâa. Ka kɔ̀ dípɔ ka pâi pûi díyêei. Ǹɔii-ŋuŋ kpéli-ŋai su-ƃelai da ká kàa dílaa a pâi kpâlai dîa.

Dutɛrɔnome 4:27

Yâwɛɛ a pâi kátaa-taâi ǹûai sáma, ǹyaŋ ka pâi kɛ̂i nɔ́ a kákpulu loŋ lɔii-ŋuŋ da kpɛ́ni-ŋa su.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Ikilisiati 12:5

Ka pâi kɛ̂i yaôi a gɛɛ ká tɛ́ kwaa da ma ƃɛ́i ǹaa tɛɛ̂i ɣelêi. Ká siâi a pâi kpananîi. Káŋuŋ-leɣa a pâi poâi, káfa ŋɔ́nɔ pɔ̀ri sia-sîa kɛ̂i. Sɛŋ wɛ̂li fé ŋɔ̂nɔ pâi kɛ̂i kâa. Kwa pâi liî ƃɛ́i kwa pâi kɛ̂i naa wɔ́lɔ-wɔlɔ da wɔlɔ-wɔlɔi. Ǹyaŋ wɔ́lɔ da maloŋ tôo maa a pâi kɛ̂i bere lêe-ŋai dîa.

Ɉeremi 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Izikiɛ 27:2

“Núu kpune ǹóŋ, ye Taya mãa wɔ̂lɔ kɛ́.

Amɔsə 5:16

M̀ɛni ma Ɣâla Yâwɛɛ ǹyaa kpîŋ ǹyɛɛi, “Wɔ́lɔ-woo a pâi kɛ̂i gwaa-ŋai kélee ma nûa da kpɔ̂ŋ naai. Da pâi lâɣii bere-lee-ŋai kélee su, dîyɛɛi, ‘Óo! Óo!’ Da pâi gbâlaŋ ŋá tii kɛ́-ƃelai tôlii ŋ̀ɔ́lɔi mɛni ma, da diai dí wɔ́lɔ-pere kɔ́lɔŋ.”

Mise 2:4

Maa ɣêlei tí, da pâi malôŋ wule ŋí toôi é pîlaŋ kâa: ‘Da kú su kara. Yâwɛɛ a kúlɔii kúla kúyêei a dɛ́ɛ kúkpɔara-ƃelai pɔ́.’ ”