Ɉeremi 9:11 - Bible

¹¹ Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Yálá laawoo hɛɓɛ (dc)

¹¹ Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Yálá laawoo hɛɓɛ

¹¹ Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Ɉeremi 9:11 Referans Kwoze

Azaya 25:2

Yaâ taa-lêe-ŋa maa kɔ̃ɔ-sãa su-kara, ya maa taa-lee-ŋai ŋí wólo. Gâloŋ-pɛrɛ-ŋai kúkpɔara-ƃelai dí dɔ̀ɔi, dífe ŋɔ́nɔ ɣele ma. Dífe pâi ŋɔ́nɔ pɔrîi ǹaa tɔɔ̂i pôlu.

Ɉeremi 51:37

Dílɔii a pâi lɛɛ̂i a pilêŋ ŋá ƃɛ́i fɛnɛ-sãa da pâi dí kɛ̀-ɣeniɛi kɛ̂i naai. Ǹaa a pâi kɛ̂i a kwaa mâ mĩli-miliɛɛ. Núu da fé pâi seêi naa. Ǹyaŋ, diai kélee pâi ǹaa kâai, da pâi yaôi.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Azaya 34:13

Kala nyɔ́mɔɔ-ŋa da ɣâleŋ kpɔlɔ da pâi kpɛtɛ̂i naa, dí daa-lêe maa tínaŋɔɔ-ŋai kélee mɛi pɛ́lɛ da gâloŋ-pɛrɛ-ŋai. Ǹaa a pâi kɛ̂i a lɔɔ-ɣîla-ŋa da mûu-ŋa kɛ̂i.

Azaya 13:22

Kɔ́li-ŋa da lɔɔ-ɣîla-ŋa da pâi kɛ̂i naa. Da pâi kɛ̂i lâɣii ǹyeŋ-kêŋ-ŋai ŋá da gâloŋ-pɛrɛ-ŋai mu. Babelɔŋ ŋɔmɛni kpɔ̂lu ɣelei a seri. Gáa nâa ƃɛ́.”

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Woolaa 3:47

Mɛni kpaya-kpaya da kulâi nɔ́ kûa, kúsu kɛ́ kàra. Kwa yaôi, ŋuŋ ma ƃô fé kúyêei.

Woolaa 2:2

Ǹuu-namui è ǹíi ŋwàna Zeeka ŋɔnûai dîa é dí kɛ̂i kara. Vé dímalôŋ káa ní. Ziɣãŋ-ŋai kɛ̀ a dínaŋɔɔ ŋɔlɔii mai, è gélee wòlo. È ƃâa kùla ŋɔlɔii ma da m̀ɛi kâloŋ-ŋai.

Ɉeremi 34:22

Ŋa pâi ŋ́oo tɛɛ̂i dípɔ naa, ǹyaŋ da pâi lenêi pôlu daa-lêei ŋí su. Da pâi kɔ́ pɛlɛ̂i mà, dí zoŋ, dí géreŋ kpɔ́ kpái. Ŋa pâi Zuda taa-ŋai kɛ̂i dílɛɛ a dí pûŋ yɛ̂ɛ fɛ̃ɛ-kpâlaŋ-su ƃɛ́i núu da fé naai. Ńyãa Yâwɛɛ ƃé mò tí.”

Ɉeremi 26:18

“Tãi Maka nyíi kùla Morɛsɛ taa-leei sui è wɔ́lɔ kɛ̀ la a ɣâla ŋɔlóno kɛ́-nuui, maa tãi tí Ɛsekaya ƃé wɔ́lɔ kɛ̀ a gâloŋ Zuda lɔii mɛi. Nya ƃe Maka è mò ǹûai dîa ǹyɛɛ, ‘M̀ɛnii Ŋ̀wála-wâla kélee Yâwɛɛ è mòi ká ŋí: Da pâi Zerusâlɛŋ siniî yɛ̂ɛ núu ƃé kwaa sîi. Ǹaa a pâi kɛ̂i yɛ̂ɛ da kɔni ŋáa tɛ̀ gîe ma. À kɛ̀ tí, ǹyéei nyíi Ŋ̀âla-pɛrɛ Kɛ́tɛi tɔɔ̂i mai, a pâi kɛ̂i a lɔɔ pûŋ.’

Ɉeremi 25:11

Da pâi Zuda su karâi, naa é lɛ́ɛ a fɛ̃ɛ-kpâlaŋ su. Ǹɔii-ŋai ŋí su-ƃela kélee kpɔ́ da pâi kɛ̂i luɛ-laa su Babelɔŋ kaloŋ yée-mu a kóraŋ buu lɔ́ɔlu-mɛi feerɛ.

Mąątɛ̨nɛ̨ 79:1

Óo Ɣâla, ǹɔii í dɛ̀ɛ kúpɔi, lɔii-ŋuŋ da kpɛ́ni su-ƃela da pá da gula kúyêei. Da Ípɛrɛ Kɛ́tɛi maa tĩa kara, da Zerusâlɛŋ su-kara, ǹaa a lɛɛ a pilêŋ ŋá.

Mise 6:16

Nyíŋi a pâi kɛ̂i, kpɛ́ni fêi, ka pîlaŋ gâloŋ Oŋri ŋɔtûa-pere nyɔ́mɔɔ-ŋai pôlu da ǹóŋ Eɣa nyii máŋ è kɛ̀ a kâloŋ. Ka pîlaŋ dímɛni kpɛ́tɛɛ nyɔ́mɔɔ-ŋai pôlu ǹyaŋ ŋa pâi ká su karâi, núu kélee é ká kpɔara. Núu kélee a pâi ŋ̀ɛ́i naŋînii ká mɛi.”

Mise 1:6

Maa mɛ̂ni ma Yâwɛɛ è mò ǹyɛɛi, “Mɛni ma ŋa pâi Sameria taa-leei wôloi. Nàa a pâi kɛ̂i nɔ́ yɛ̂ɛ taa pîleŋ ƃɛ́i núu a pɔ̂ri ƃakpɔmɔ-kpalaŋ kɛ̂i naai, ŋá dísiɣaŋ wólo, ŋá gula daai ma ŋa doo gbotoloi su. Ŋa pâi daa-lêei wôloi, bɛ́rɛ-kaŋ-ŋai nɔ́ ƃé pâi lɛɛ̂i tɔɔ̂ni.

Ɉeremi 26:9

Lé ƃa yá a gɛɛ í ɣâla-woo ƃó a gɛɛ Ŋ̀âla-pɛrɛ Kɛ́tɛi ŋí a pâi wôloi yɛ̂ɛ nyíi kɛ̀ Siloi? Lé ƃa yá a gɛɛ í mò yɛ̂ɛ Zerusâlɛŋ a pâi lɛɛ̂i a taa pîleŋ, núu da fa ŋɔ́nɔ sèe naai?” Nya ƃe ǹûai kélee dí tìnaŋ Zɛlemaya ma Ŋ̀âla-pɛrɛ Kɛ́tɛi mu.

Ɉeremi 25:18

Ŋá ŋwã̂ai ŋí ŋáa kɔ̀lɛ Zerusâlɛŋ da Zuda taa-lee-ŋai su-ƃelai kélee dîa é pɛ́lɛ Zuda kaloŋ-ŋai da dítii kɛ́-ƃelai dîa dí gbele a gɛɛ dítaa-ŋai dílɛɛ a pîleŋ ŋá. Ŋá gɛ̀ tí a gɛɛ ǹûai da ǹaa kàa dílaa é kpála dîa dí dísĩa mii a dîa, dílaa kɛ́ ƃò a nãaŋ lâa kɛ́-sɛŋ é lɛ́ɛ la zu é seri sâai ŋí ma.

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Nehemi 4:2

È m̀arâai da Sameria kɔ kɔ́-ƃelai tòli ǹyɛɛ dîai, “Lé ƃé ǹúu kpulu loŋ su ƃela fíi kpɛɛ-ŋai ŋí da ŋ̀wɛ̂lii dí gɛi? Da gâai da pâi pɔ̂rii daa lêei tɔɔ̂i pôlu? Dí lâai la sâla-ŋa kúlaa a pɔ̂ri gɛ̂i dí daa lêei ŋí tɔ́ɔ pôlu tãi kpua yée mu? Daa pîleŋ ŋa kélee a kɛ́ a túluŋ ŋá. Lé pɔ̂ri ƃé dîɛ a gɛɛ dí gɔni-ŋai ŋí kúla, dí daa lêei tɔ́ɔ la pôlui?”

M̀ɛni-lɛɛi 18:2

Nya ƃe è tóli ƃò kpɔ́ a ŋ̀óo su wala-walaa, nyɛɛi, “Babelɔŋ kɛ́tɛi a wólo! Babelɔŋ kɛ́tɛi a wólo! Nàa a kɛ́ a nyînaŋ nyɔ́mɔɔ-ŋa kɛ̂i. Nàa a kɛ́ a m̀ɔlêŋ nyɔ́mɔɔ-ŋa kélee-kɛi. Nàa a kɛ́ a ŋ̀ɔni nyɔ́mɔɔ-ŋa nyíi-ŋai díkpɔara-lii káa núu-kpune koi kélee-kɛ̂i.

Levetekɔ 26:32

Ŋa pâi kálɔii su karâi kákpɔara-ƃelai díkaa naai dí kpɛ̃lîŋ a ǹaa kɛ́ pere.

Mąątɛ̨nɛ̨ 44:19

Ǹyaa ká ŋí yâa gɛ́ kɔlɔ a kpɛɛ kûa kwa lɛɛ fɛnɛ-sãa sáma, ya kú lɛ́ɛ kpíni su pîlaŋɔɔ su.

Ɉeremi 1:15

kpɛ́ni fêi, ŋa pâi yá-ŋua pere kaloŋ-ŋai kélee kpɔ́ tôli dí pá dí díkâloŋ sèe-sɛŋ-ŋai sée Zerusâlɛŋ ŋɔsíɣaŋ láƃerei, dítinaŋ m̀a, dí ŋɔ́nɔ tínaŋ Zuda ŋɔtaa lêe-ŋai dîa.

Ɉeremi 4:27

Yâwɛɛ è mò a gɛɛ ǹɔii a pâi lɛɛ̂i a bûŋ kɛ́lɛ, ŋ̀éniɛi fé pâi kpɛɛ̂i.

Ɉeremi 44:2

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛ, “Káa kpîŋ ká m̀ɛni kpɔ̂lui kâa ŋá ǹaa Zerusâlɛŋ ma da daa-lêe-ŋai díkaa Zudai. Lonii ma kpîŋ, díkaa niî a taa-pîleŋ ŋá ƃɛ́i núu da fé naai,

Ɉeremi 49:33

Azɔ a pâi kɛ̂i a pilêŋ ŋá, ƃɛ́i ǹɔɔ-ɣîla-ŋai da pâi kɛ̂i naai. Núu da kélee fé ŋɔ́nɔ pâi seêi naa. Ńyãa Yâwɛɛ ƃé mò tí.”

Ɉeremi 50:3

“Lɔii-ŋuŋ da a kula yá ŋûa-pere a pá a kɔ́ pɛ́lɛ Babelɔŋ ma. Ǹyaŋ a pâi ǹaa lɛɛ̂i a fɛ̃ɛ-kpâlaŋ su. Ǹûai da daa tulɛ-ŋai da pâi pûi, ǹyaŋ núu da fé pâi lɛɛ̂i naa.”

Woolaa 1:4

Zãiyɔŋ Ɣala-pɛrɛ Kɛ́tɛi lá perei a pú. Núu da fé ŋɔ́nɔ pâi naa gûu-ŋai ŋ̀aa-see kɛ́ mɛni ma. Zĩaŋ-ŋai lá a lɛɛ a vólo. Zâla láa soŋ-ƃelai kɛ́-ƃelai dí kɛ́ ǹyiɛ. Ǹɛnî-kpela-ŋai da malôŋ-see ƃôi. Daa lêei káa mɛni kpɔ̂lu su.

Dutɛrɔnome 29:23

A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.

Mąątɛ̨nɛ̨ 107:43

Diai dítareɛɛi, tɔɔ dí m̀ɛni-ŋai ŋí naa káa, dí Yâwɛɛ ŋɔwɔ́lɔ-wɔlɔ da wɔ́lɔ-wɔlɔ wɛli kɛ-maai maa mɛni ŋá káa.

Ɉeremi 8:22

Sále fé ŋɔ́nɔ Gilia? Sále-tíi kɛ́-muu fé naa? Lé ƃé kɛ́ ŋánûai dífe ƃâloi?

Ɉeremi 16:10

“Tãi ya pâi m̀ɛnii ŋí ƃôi la dîai, da pâi m̀ôi dîyɛɛi, ‘Lé mɛni ƃé kú gɛ̀ ǹyaa Yâwɛɛ a m̀ɛni kpɔ̂lu sãŋ kɛ́ɛ ŋí lâai la kûai? Lé mɛni nyɔ́mɔɔ ƃé kwa gɛ́i? Sɔnyɔ̂ŋ kɛ́ɛ léŋ ƃé kwa gɛ́ a Kúɣâlai Yâwɛɛ?’