Ɉeremi 7:29 - Bible

²⁹ “Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Yálá laawoo hɛɓɛ (dc)

²⁹ Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Yálá laawoo hɛɓɛ

²⁹ Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Ɉeremi 7:29 Referans Kwoze

Zôo 1:20

Nya ƃe malôŋ è tòo Zôo ma è mù sìɣe é tɔ́ɔ é ŋɔseɣei fála ma, é ŋuŋ kálaŋ ma é pîlaŋ ŋ̀úme ŋá, é dôŋ-la pîlaŋ ǹɔii ma gɛ́ Ɣâla fɛ̀li.

Mise 1:16

Zuda-ƃela, ka káŋuŋ kálaŋ ma ká wɔ́lɔ káwɛli-kɛ-maa lonii mɛni ma. Ka káŋuŋ kálaŋ ma yɛ̂ɛ kpúlaŋ a tòo núu ŋûa kpɛ́ni fêi, da pâi liî a kálônii kélee luɛ-laa su.

Ɉeremi 6:30

Da kɛ dîa káne nyíi núu a ǹyée kula mui, kpɛ́ni fêi, Yâwɛɛ a ńyee kula dímu.”

Ɉeremi 16:6

Dɔɔ-ƃelai da gôlo-ƃelai díkelee da pâi saâi ǹɔii tɔnɔi su. Kɛ́lɛ, núu da fé pâi dípoma loôi, kpaa máŋ é dímaa mâloŋ sèe ƃó. Núu da fé pâi ŋɔmaloŋ tôo maai lɛ̂i a pɔ́ɔ kɛ́ɛ mà, kpaa máŋ a ŋ̀uŋ ƃóɔɔ.

Gɛlaɠaa 2:40

È lòno dípɔ a wóo da kpɛ́ni támaa. È sêre-faa kɛ̀ kpɔ́ díŋɛi é dímaa tɛ́, ǹyɛɛ diai, “Ka kákpîŋ ƃálo ká kúla ŋ̀ulu-ƃelai ŋí yêei.”

Maafîu 23:36

Ŋa tɔ̃yâ ƃoi kâa, mɛni-ŋai ŋí kélee da pâi pâi ŋ̀éniɛi ŋí su-ƃelai pɔ.

Maafîu 16:4

Ŋ̀éniɛi ŋí su ŋ̀wana-lɔ̂ɔ-ƃela da wulu-wulu kɛ-ƃela, díkaa ŋɛi-kɛ-maa kɔ́rîi, ǹyaŋ dífe pâi ŋɛi-kɛ-maa tɔnɔ kpîŋ kâai é kúla Zôna ŋɔŋɛi-kɛ-maai pôlu.” Nya ƃe è dílɛ̀ɛ naa é lí.

Maafîu 12:39

Kɛ́lɛ, è díwoo su tòo, ǹyɛɛi, “Ŋ̀éniɛi ŋi su-ƃelai díkaa a sɔnyɔ̂ŋ-ƃela da wulu-wulu kɛ-ƃela. Díkaa ŋɛi-kɛ-maa kɔ́rîi, ǹyaŋ dífe pâi ŋɛi-kɛ-maa tɔnɔ kpîŋ sɔlɔ ƃôi é kúla Ɣâla ŋɔlóno-kɛ-nuui Zôna ŋɔŋɛi-kɛ-maai pòlu.

Maafîu 3:7

Kɛ́lɛ, tãi è Faresii-ŋai da Sâdusii-ŋai dámaa kàa la díkɛ pa batâi mɛni mai, è mò dîa, ǹyɛɛi, “Káai a kali nyɔ́mɔɔ koi-lonii! Gbɛ̂ɛ ƃe kálîa-woo ƃò a gɛɛ ká pú ǹii-ŋwanai nyíi gáa pâi yêei?

Izikiɛ 28:12

“Núu-kpune ǹóŋ, ye zamaŋ wule too m̀ɛni kpɔ̂lui pâi kɛ̂i a Taya Kaloŋ m̀aa mɛ̂ni ma. Mó mà ńyãai a Ŋ̀wála-wâla kélee Yâwɛɛi ŋa môi, Yá ƃé wɔ́lɔ kɛ̀ a teniŋ ƃô laa ŋɔkɔɔŋ maa. Íkɛ̀ a ítareɛɛ, ílɛlɛɛ.

Izikiɛ 19:1

Yâwɛɛ è mò ḿâ a gɛɛ ŋá maloŋ tôo maa wulei ŋí tóo Eezuɛ-ŋai laa-tuɛ ƃelai maa mɛ̂ni ma:

Ɉeremi 48:37

Díkelee da díŋuŋ kpɛ́ɛ gayôŋ ma da díla-leɣa pú. Da díŋwana díyee ma a tɛɛ-ŋa, díkelee da malôŋ seɣe-ŋa too dîa.

Ɉeremi 47:5

Geza-ƃelai líi a too pôlu a ŋ̀ánaa, Asikɛlɔŋ-ƃelai da dímɛi sáa. Tãi ɣɛɛlu ƃé Felesia-ƃelai da pâi malôŋ see ƃôi lai?

Tɔɔɓɛlaa veelɛ 17:20

È kɛ̀ tí, Yâwɛɛ è bôlu fè ǹúui kélee ma kɛ̀ Eezuɛ da ǹɔii sui ǹyaŋ è fàa ma díkpɔara-ƃelai dí díyee mɛi ɣále dí díkula-maa kɛ́.

Dutɛrɔnome 32:5

Nûa da wôya tua támaa kɛ́ la. Dítûa-pere nyɔ̂ŋ a gɛ́ dífe ŋɔ́nɔ a Yâwɛɛ ǹônii. Díkaa a wôya-ƃela. Díkaa a núu-sûu sɔŋ nyɔ́mɔɔ ŋá ŋánaa. Dítûa-pere fé sãa-ni.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Ɉeremi 3:2

Ye ǹyée-ŋai tôŋ su káa í ƃɛ́i káa ya kɛ̂ lâai naa berei kɔlɛ íkɛ íwɛli-ŋai maa kpɛ̂ŋ yɛ̂ɛ Arebi-nuu ƃé ǹoɔ̂ɔi vɛ̃ɛ-kpâlaŋ su gɛ́ tɛɛ-a-pere núu maa kpɛ̂ŋ a gɛɛ é gɔ̃̂liŋ kula ǹyêei. Ya ǹɔii maa tĩ̂a kara a wulu-wulu kɛ́ɛ ŋánaa.

Ɉeremi 3:21

Yóo-yoo woo káa tɛ̂i ǹyéei tôŋ-su. Gáa a Eezuɛ-ƃelai wɔ́lɔ-woo da díkpera fêi wòo, kpɛ́ni fêi, da dítûa-pere maa fáleŋ, da nia Díɣâlai Yâwɛɛ ma.

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Ɉeremi 12:7

Yâwɛɛ è mò ǹyɛɛi, “Ŋa ḿbôlu tɔɔ ŋápɛrɛi ma. Ŋa ńyee kúla ŋ́gɔ̃̂liŋ mu, Ŋa pâi ŋáwɛli kɛ́-maa-nuui tɛɛ̂i gbɔara-ƃelai pɔ́.

Ɉeremi 14:19

Yâwɛɛ, íyee kuláa Zuda m̀u kélee nɔ́ ƃé tí? Zãiyɔŋ ƃɛlɛ fé íkoi? Lé mɛni ƃé ya mɛni kpɔ̂lu lâai la kûa a gɛɛ ŋí kúfa pɔ̂ri kulâi zui? Kwa lii-see kɔ̂rii, kɛ́lɛ, kúfa mɛni lɛ́lɛɛ sii kélee da sɔlɔ ƃô. Kwa ƃálo-laa kɔ̂rii, kɛ́lɛ mɛni kpɔ̂lu nɔ́ ƃé lâai kûa.

Woolaa 5:22

Ya íyee kúla nɔ́ ƃé ŋí kú mu wɔ́lɔ-wɔlɔ da wɔlɔ-wɔlɔ? Ílii ŋwânai kóyaŋ fé ma kúmɛni ma?

Amɔsə 5:1

Ka ŋ̀óoi ŋí mɛ́ni, óo Eezuɛ-ƃelai, nyii gáa a wɔ́lɔ-woo kámɛi:

Ɉeremi 9:16

Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”