Ɉeremi 7:17 - Bible

¹⁷ Ífe m̀ɛnii kâai da gɛ̂i Zuda taa-lee-ŋai su da bere-ŋai ma Zerusâlɛŋ?

Yálá laawoo hɛɓɛ (dc)

¹⁷ Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Yálá laawoo hɛɓɛ

¹⁷ Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Ɉeremi 7:17 Referans Kwoze

Izikiɛ 14:23

Yà pâi kɛ̂i a ílii láa a berei ŋa díkula maa kɛ́ la dísɔnyɔ̂ŋ-ŋai mɛni mai. À kɛ̀ tí, ya pâi gɔ́lɔnîi a gɛɛ ḿve díkula maa kɛ́ ní nɔ́ kpɛ́ni-kpɛni. Ŋ̀wála-wâla kélee Yawɛɛi ƃé mò tí.”

Ɉeremi 6:27

Zɛlemaya, ŋánûai kɔ̂ɔŋ yɛ̂ɛ berei ya kɔli kɔ̂ɔŋ la a gɛ̀ɛ í dímaa kpɛ́ɛ, í dítûa-pere kɔ́lɔŋ.

Ɉeremi 7:16

Yâwɛɛ è mò ǹyɛɛi, “Ífe pɛ̀lɛ a ŋ́gɔɔ ǹûai ŋí mɛ̂ni ma, kpaa máŋ í dímaa lôno kɛ́, kpɛ́ni fêi, ḿve pâi ŋ́oli tɔɔ̂i íwoo ma.

Ɉeremi 7:18

Ǹîa-pɛlɛɛi da gɔ̀i ŋáa tɛ̂i ma, dínâŋ-ni díŋɔŋ tóo mà, ǹɛyâai dí kɛ́ félaƃai kîiŋ, dí kɛ̀ kpólo kpɛ̀tɛ ŋ̀ele-kɔlɔŋ-su kaloŋ nɛnii mî, dí kɛ̀ kéreŋ-sɛŋ sala kùla ɣâla da kpɛ́ni-ŋa dîa a gɛɛ dí gɛ́ ŋá ńii ŋwána.

Ɉeremi 44:6

M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Ɉeremi 1:16

Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 32:32

Ŋa pâi gɛ̂i tí Zuda da Zerusâlɛŋ-ƃela dísɔŋ ma, díkâloŋ-ŋai, dílaa túɛ-ƃelai, dísâla-laa soŋ-ƃelai da díɣâla ŋɔlóno kɛ́-ƃelai dîa.

Ɉeremi 44:4

Ŋá ŋálono kɛ́-nuui tɛ̂ɛ ká pɔ́naa nyíi-ŋai mò kâa a gɛɛ ká kpéra m̀ɛni nyɔ́mɔɔ ŋánaa-ŋai kɛ̂i nyii m̀ɛlɛ fé ŋ́goi.

Ɉeremi 44:17

M̀ɛnii nɔ́ kú mòi, ǹyaa nɔ́ ƃé kwa pâi gɛ̂i. Kwa pâi sâla kulâi kúɣâla-nɛnii ma, nyíi gáa a Ŋ̀âla-taa Kâloŋ-nɛnii. Kwa pâi kpele-sɛŋ sala kulâi m̀a yɛ̂ɛ berei nɔ́ kwa kúnâŋ pɔlɔ-ŋai, kúkâloŋ-ŋai da kúlaa túɛ-ƃelai kwa kâa gɛ̀ la daa-ŋai su Zuda da Zerusâlɛŋ pere-ŋai mai. Tãi tí ma, mii-sɛŋ támaa è kɛ̀ kúyêei, kúkɔ̃lîŋ támaa, mɛni kpɔ̂lu da fé kúpôlu.