Ɉeremi 6:8 - Bible

⁸ Ka ká mɛi káa, óo Zerusâlɛŋ-ƃela. À wàla kɛ́ tí, ŋa pâi ḿbôlu tɔɔ̂i kâa, ŋa kálɔii lɛ́ɛ a bûŋ ƃɛ́i núu da fé pâi lɛɛ̂i naai.”

Yálá laawoo hɛɓɛ (dc)

⁸ «Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Yálá laawoo hɛɓɛ

⁸ «Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Ɉeremi 6:8 Referans Kwoze

Osia 9:12

À kɛ̀ kpîŋ da nîa-pɛlɛɛ maa sɔlɔ ƃò, ŋa pâi dípaâi. Dítɔnɔ fa lɛ̂ɛ ɣele ma. Ŋà kùla dípôlu, kpalo ƃêlai dîa!”

Izikiɛ 23:18

Tãi è nâa pili la wulu-wulu kɛ́ɛ su é tɛɛ gɛi mai núu kélee dí nâa gɔ́lɔŋ, ḿvîi è nâa kpɛɛ m̀aa mɛ̂ni ma, ŋá tée bôlu yɛ̂ɛ berei ŋá têe la ǹîa pôlui.

Ɉeremi 17:23

Dínâŋ pɔlɔ-ŋai dífe wɔ́lɔ díwoli tɔ̀ɔ ní ḿâ, kpaa máŋ dí díyee sée ŋ́oo mu, kɛ́lɛ, dí kɛ̀ a díwôlii kpɔ́lɔɔ. Dífe díyee see-ni ŋ́oo mu, kpaa máŋ dí ńdûa-pere maa kɔ́ri.

Sofoni 3:7

Ŋá mò ńyɛɛ, tɔ̃yâ ma a pâi yaôi mâ, a pâi ŋália-wooi siɣêi, vé pâi ŋ̀ɛ́i nâŋinii m̀ɛnii kélee mɛi ŋá nɛ̀ mai. Kɛ́lɛ dí kɛ̀ nɔ́ dísɔnyɔ̂ŋ-ŋai pôlu.”

Ɉeremi 32:33

Dí díyee kùla ḿû, dí dípôlu tɔɔ ḿâ, dí díyee kúla ŋásɛŋ lɛ́ɛi mu, berei máŋ ŋá kɛ̀ nɔ́ sɛŋ lɛ̂i la dîai, dífe m̀aa kɔ́ri ní.

Mąątɛ̨nɛ̨ 50:17

Káfe fáa ní mà a gɛɛ ŋá káteniŋ tɔɔ. Ká káyee kúla ŋ́oo mù.

Ɉeremi 31:19

Kú kúpôlu tɔ̀ɔ yâ, kɛ́lɛ, kwa ŋ̀wɛ̂lii kúlene pôlu a maa félaa. Tãi í kú kula-maa kɛ̂ lai, kú kúŋuŋ ma pìlaŋ lii-too pôlu su. Ƃâa è kùla kûa, kú ŋumɛ, kpɛ́ni fêi, kú sɔnyɔ̂ŋ kɛ̀ a kúlôloŋ tãi.’

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Ɉeremi 7:34

Ŋa pâi lii-nɛ̃ɛ da pêle kɛ́ɛ kperâi Zuda taa-ŋai kélee su da Zerusâlɛŋ pere-ŋai kélee ma. Núu da fé pâi nɛnî kpaa surɔ̂ŋ kula pêre-woo mɛnîi kpɛ́ni fêi, núu da fé pâi lɛɛ̂i ǹɔii su.”

Ɉeremi 7:20

M̀ɛni ma, ńyãai a Ŋ̀wála-wâla kélee Yâwɛɛi, ŋa pâi ŋá lii ŋwânai kélee pûi dîa gwaai ŋí ma. Ŋa pâi ńii ŋwânai ǹûai da daa-tulɛ-ŋai dîa, ŋa níi ŋwána ŋ̀úru-ŋai, gbâlaŋ da ŋ̀úru-ƃa-ŋai díkaa ǹɔii mai dîa. Ŋálii ŋwânai a pâi díkereniî, m̀aa ŋɔŋ fa nîiŋ.”

Ɉeremi 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Hanwon 4:13

Ŋásɛŋ-lɛɛi sóŋ a gbanaŋɔɔ. Ífe tèe ma. Ǹâai kɛ́, kpɛ́ni fêi, gáa a ífulu-laai.

Mąątɛ̨nɛ̨ 94:12

Yâwɛɛ, ya lûwa làa diai kélee dîa ya dí kula maa kɛ̂i, íkɛ ítɔ̂ŋ lɛ̀ dîai.

Mąątɛ̨nɛ̨ 2:10

Óo kâloŋ-ŋa, ka káwoli tɔ́ɔ ǹîa-wooi ŋí ma. Káai a ǹɔii láa túɛ-ƃelai, ka m̀ɛnii ŋí maa kɔ́ri.

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Levetekɔ 26:34

Gɛ̀ ní ǹɔii a pâi lɛɛ̂i lâani a vólo, gɛ́ víi tɔ̀ɔ a tãi kákaa la kákpɔara-ƃelai yée mu lɔii-ŋuŋ da kpɛni-ŋai sui.

Ɉeremi 7:28

M̀ó dîa yɛ̂ɛ ‘Ǹɔii ŋí ƃé vé ŋ̀óli tɔɔ ní Ŋɔɣâlai Yâwɛɛ ma. Dífa díyee sèe sɛŋ lɛ́ɛ mu. Tɔ̃yâ a láŋ ǹá. Tɔ̃yâ a tée kpɔ́ ǹá-gbɔ ma.’ ”

Hanwon 19:20

Íwoli tɔ́ɔ lia-woo ma, í sɛŋ-lɛɛ síɣe a gɛɛ gbɛɛ ŋái í kɛ́ a ítareɛɛ.

Osia 2:5

Dílee è wulu-wulu kɛ̀. È dímaa kôo sìɣe ŋumɛ tûa kɛ́ɛ su. È mò ǹyɛɛ, ‘Ŋa pâi liî ŋáwɛli-ŋai pɔ́ nyii-ŋai da kpólo yà ḿî, seɣe, wúlɔ da kpele-sɛŋ.’