Ɉeremi 6:13 - Bible

¹³ É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Yálá laawoo hɛɓɛ (dc)

¹³ Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Yálá laawoo hɛɓɛ

¹³ Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 6:13 Referans Kwoze

Ɉeremi 23:11

Yâwɛɛ è mò ǹyɛɛi, “Ɣâla ŋɔlóno kɛ́-ƃelai da zâla láa-soŋ-ƃelai dífe ŋɔ́nɔ a ɣâla-ƃela. Ŋá dísòŋ dí kɛ̀ ŋwana lɔ̂ɔ tùa-ŋa kɛ̀ Ŋ̀âla-pɛrɛ Kɛ́tɛi kpîŋ-kpiŋ mu.

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Ɉeremi 22:17

Kɛ́lɛ sɛŋ kɔ́riɛɛ a fili-pere nɔ́ ƃé íŋɛi káa ma, íkɛ nûa pàa nyii-ŋai dísɔŋ fé dîai, íkɛ ǹûai sôŋ a ŋwana lɔ̂ɔ-pere.

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Azaya 57:17

Ŋá ńii ŋwàna dîa dísɔnyɔ̂ŋ-ŋai mɛ̂ni ma, da dísɛŋ wɛ̂li-tuai, ŋá díkula maa kɛ́, ŋá ńyee kúla dímu. Kɛ́lɛ dí kɛ̀ nɔ́ a díwôlii kpɔ̂lɔɔ, dífa dílii maa fàleŋ, díkɛ nɔ́ díkpɔɔi mɛni-ŋa kɛ̀.

Piɛrə veelɛ 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.

Timote dɔlɔɔ 3:3

Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Lukə 16:14

Faresii-ŋai nyii-ŋai kɛ̀ a sɛŋ-kao wɛliɛi, dí mɛnii ŋi kélee mɛ̀ni, dí ɣɛlɛ-maa kúla zu.

Izikiɛ 33:31

À kɛ̀ tí, da pâ yɛ̂ɛ ŋá nûa dí sée díkɛ ŋ̀óoi mɛ̀ni nyii ya kɛ̂ môi dîai. Kɛ́lɛ dífe pâi m̀ɛnii kɛ̂i ya mò dîai. Kpɛ́ni fei, da ŋ́wɛ̂li nɔ́ a díla-gbɔ, kɛ́lɛ díkili tɔɔ̂i nɔ́ nîi dísɛŋ wɛ̂lii ma.

Izikiɛ 22:12

Núu da ni da yèe-pɛlɛ-na sɛŋ kao sòŋ a gɛɛ dí núu paa. Dí ta ni díkɛ geni pɛlɛ dísɛŋ kaoi ŋai dîa tài da kpa pili la diai. Ŋ̀wála-wâla kélee Yâwɛɛi è mò ǹyɛɛ, “Ká-tua-pere-ŋai ŋí a gɛ́ ká nîa mâ Ńyãai ŋgáa a Ŋ̀wála-wâla kélee Ɣâlai ƃé mò tí.”

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Ɉeremi 32:32

Ŋa pâi gɛ̂i tí Zuda da Zerusâlɛŋ-ƃela dísɔŋ ma, díkâloŋ-ŋai, dílaa túɛ-ƃelai, dísâla-laa soŋ-ƃelai da díɣâla ŋɔlóno kɛ́-ƃelai dîa.

Ɉeremi 2:26

Yâwɛɛ è mò ǹyɛɛi, “Káai kákaa a Eezuɛ-ƃelai, kákâloŋ-ŋai, kánuu-laa-tuɛ ƃelai, kásâla láa-soŋ-ƃelai, da káɣâla ŋɔlóno-kɛ́-ƃelai, ƃaa-kula-maa a pâi pâi ká pɔ́ a ɣele da yɛ̂ɛ da ŋúma-núu sòŋ.

Ɉeremi 2:8

Zâla láa-soŋ-ƃelai dífe kɛ́ ní dîyɛɛ, ‘Mí ƃé Yâwɛɛ káa naai?’ Ŋ́gbɔɔi sala láa-soŋ-ƃelai dífe kɛ́ ní a ŋ́gɔlɔŋɔɔ. Ǹúu láa túɛ-ƃelai dítɔ̀ɔ ḿâ. Ɣâla ŋɔlóno kɛ́-ƃelai dí lôno Bêe láai su, dí kɛ̀ ɣâla-pɔkɔɔŋ fɛ̀li nyíi dífa sɛŋ da kùla zui.”

Azaya 28:7

Ɣâla ŋɔlóno kɛ́-ƃelai da zâla láa soŋ-ƃelai dia máŋ da díkpelêi nɔ́. Da lɔɔ kpânaŋ ŋánaa-ŋa kpelêi díkɛ kɛ̀ tàka-taka. Ǹɔɔi a díŋuŋ su kɛ́ wúlee yɛ̂ɛ ƃoo-ƃela. Ɣâla ŋɔlóno kɛ́-ƃelai dífe m̀ɛni-ŋai ŋá kâai nyii Ɣâla a ŋ̀á lɛ̀ dîa zĩ̂a sui. Dífa ŋɔ́nɔ pɔri da maa mɛ̂ni ŋá lɛ̂i núu da kélee ma. Lɔɔ kpeleɛ́ɛ a gɛ́ zâla láa soŋ-ƃelai dífe ŋɔ́nɔ pɔrîi mɛni-sâa da kélee ƃôi dí ŋ̀á tée a ǹɛ́lɛɛ.

Piɛrə veelɛ 2:1

Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Ɉeremi 2:29

Lé mɛni ƃé ka lônoi la é pîlaŋ ḿâi? Lé mɛni ƃé kátɔɔ̂i la ḿâi?

Ɉeremi 17:11

Ǹúui nyíi a sɛŋ-kao sɔlɔ ƃô a fili perei, gáa yɛ̂ɛ ŋɔni nyíi a m̀araa da kpɛ́ni ɣáloŋ saai. Ǹúu ŋí a pâi ŋɔtɔɔ-sãai su pûi a ǹoloŋ tãi, ǹyaŋ a lɛ̂ɛ a ǹyée fôlo yɛ̂ɛ ƃoo-nuu a ŋɔkɛ-ɣeniɛi kpɛɛ-ŋa tãi.

Ɉeremi 27:15

Yâwɛɛ è mò ǹyɛɛ, ‘Ḿve dí tɛɛ ní. Díkaa lɛ́ɛ ɣala-woo ƃôi dí kɛ̀ mò dîyɛɛ, ńyãa ƃé dítɛ̀ɛ. M̀ɛni ma, ŋa pâi Zuda kulâi zeêi. À kɛ̀ tí, ka diai ǹɛ́ɛ ɣala-wooi ƃôi, ka pâi saâi.’ ”

Ɉeremi 42:1

Nya ƃe Karia ǹóŋ Zoanaŋ, Ozariya ǹóŋ, gɔ-kuluƃa-ŋai mɛi-ƃelai da ǹûai kélee

Ɉeremi 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.