Ɉeremi 5:31 - Bible

³¹ Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Yálá laawoo hɛɓɛ (dc)

³¹ Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Yálá laawoo hɛɓɛ

³¹ Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 5:31 Referans Kwoze

Izikiɛ 13:6

Da lɛ́ɛ zĩ̂a-ŋa kàa. Díkɛ lɛ́ɛ-ɣâla-woo ƃo. Da kɛ mòi diɛi díkaa ŋ̀óo su kulâi, kɛ́lɛ ḿva dítɛɛ. À kɛ̀ tí, díkɛ gâai yɛ̂ɛ sɛŋ ƃé m̀ɛnii da môi a pâi kɛ̂i a tɔ̃yâ.

Ɉeremi 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Mise 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Izikiɛ 22:14

Ka lâai la a gɛɛ kákili a pâi kɛ̂i nɔ́ nîi a gulaa, kpaa máŋ ka pâi kɛi nɔ́ a ká wala-walaa a voloi ŋa pâi kpɛɛ̂i la kaai? Ńyãa a Yâwɛɛi ńyãa ƃe mò ti, ǹyaŋ ŋa pâi ŋa-see kɛ̂i.

Azaya 10:3

Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii kôyaa su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Mise 2:6

Ǹûai dí mò ḿâ dîyɛɛi, “Ífe Ɣâla ŋɔwóoi ƃò kûa. Ɣâla fé pâi kúŋumɛi.

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Woolaa 1:9

M̀aa lîƃi-pere a too pono ŋá. Vé kpîŋ kpáaŋ ní kɛ̀ m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Azaya 33:14

Mɛni nyɔ́mɔɔ kɛ́-ƃelai Zãiyɔŋ, da yaôi díkɛ kpɛ̃liŋ. Da kɛ̂ m̀ôi dîyɛɛi, “Ɣala ŋɔmɛni kula-maai káa yɛ̂ɛ ŋɔŋ. Kúta a pɔ̂ri kulâi ǹyée mu?”

Azaya 20:6

Maa tãi tí a sèri, Felesia-ŋai yúo kpono ma perei da pâi m̀ôi dîyɛɛi, ‘Áao, ka gáa, berei diai kúkili káa dîa kúmaa kɔ̃ɔ mɛni ma Asiria kaloŋ yêei, dímaa mɛni a kɛ́ lai! Kúaŋ kúmaa mɛni a pâi kɛ̂i léŋ. Kwa pâi lɛɛ̂i nɔ́ ƃé ŋí ɣele ma?’ ”

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Azaya 43:27

Kánâŋ pɔlɔ-ŋai dí sɔnyɔ̂ŋ kɛ̀. Kálaa túɛ-ƃelai dí sɔnyɔŋ kɛ̀ a ńyãa,

Azaya 47:7

Íkɛ gâai ya pâi lɛɛ̂i ǹɛni kâloŋ-laai su wɔ́lɔ-wɔlɔ da wɔ́lɔ-wɔlɔ. M̀ɛni ƃé í ínûai sòŋ la a ǹyɔ́mɔɔ. Ífe íkili ŋá sia ní a gɛ́ɛ mɛni kélee kóyaŋ káa ma.

Ɉeremi 12:4

Tãi ɣɛɛlu ƃé ǹɔii a pâi gɛ̂i la maloŋ tôo maa su, galai kɛ́ kpàla nɔ́ ǹɔii su? Kpɛ́ni fêi, ǹûai díkaa ǹɔii sui, dísɔŋ nyɔ̂mɔɔi. Vɛnɛ-sãai da ŋ̀ɔni-ŋai da saa. Ǹaa pôlu ma, ǹûai da môi dîyɛɛi, ‘Vé pâi m̀ɛnii kâai kwa gɛ̂i.’ ”

Ɉeremi 26:7

Nya ƃe zâla láa-soŋ-ƃelai da ɣâla ŋɔlóno kɛ́-ƃelai, é pɛlɛ ǹûai kélee dîa dí Zɛlemaya wóo mɛ̀ni gɛ́ ŋ̀orɛ̂-wooi ŋí ƃò Yâwɛɛ Ŋɔpɛ́rɛ Kɛ́tɛi mu.

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Woolaa 4:18

Kúkpɔara-ƃelai dí kɛ̀ tɔɔ̂ni dí kɛ́ kúmaa kpɛ̂ɛ. Pɔri mâa fé kɛ́ ní kûɛ a gɛɛ kú sía bere lêei-ŋai da ma daa lêei su. Kúfulu-laai kpɛɛ-ŋa tãi è nâa sèri.

Osia 4:9

Berei máŋ ŋánûai dí sɔnyɔ̂ŋ kɛ̀ lai, ŋa pâi da zâla láa-soŋ-ƃelai dí kula maa kɛ̂i a bɔriɛɛ. Da pâi dísɔnyɔ̂ŋ fela fêi kɛ̂i.

Osia 6:10

Ŋa mɛni nyɔ́mɔɔ káa Eezuɛ lɔii su. Wulu-wulu kɛ́ɛ káa naa. Eezuɛ maa fé waa ní.

Osia 9:5

Gɛ̀ ní lé ƃé ka pâi gɛ̂i a kákuui ŋ̀ele? Ǹyaŋ lé ƃé ka pâi gɛ̂i a Yâwɛɛ ŋɔkúui ŋ̀ele?

Dutɛrɔnome 32:20

È mò ǹyɛɛi, ‘Ŋa pâi ŋ́ɛi loôi dîa, ŋá m̀ɛnii káa pâi kɛ́i a diai. Díkaa a nûa sɔŋ nyɔ́mɔɔ-ŋa. Dífe a tiniŋ ƃô-ƃela.

Tɔɔɓɛlaa dɔlɔɔ 22:6

Eezuɛ kaloŋ è Ɣâla ŋɔlóno kɛ́-ƃelai tòli díkîe ma. Dí kɛ̀ yɛ̂ɛ núu ŋuŋ náaŋ. È dímarê kɛ̀ ǹyɛɛ dîai, “Ŋa pɔri liî a gɛ́ɛ ŋá kɔ́ Lemɔ Gilia pɔ́, kpaa máŋ ŋá kpéra?” Dí zu tòo, “Lí, kpɛ́ni fêi, Yâwɛɛ a pâi dɛɛ̂i gâloŋ pɔ́.”

Hanwon 17:4

Ŋwana lɔ̂ɔ-nuu a ŋ̀óli tɔ̀ɔ ŋwana lɔ̂ɔ-woo ma, lɛ́ɛ-nuu kɛ́ ŋ̀óli tɔ̀ɔ lɛ́ɛ-woo ma.

Izikiɛ 13:10

“Kpɛ́ni fêi da kɛ̂ ŋánûai pɛlɛ̂i díke mò dîa dîyɛɛi, ‘Lii-sêe é kɛ́ kâa’ a tãi lii-sêe fé la naai. Kpɛ́ni fêi ŋánûa da siɣãŋ tɔ́ɔ nyii vé kpananii kɛ́lɛ ŋ̀âla-woo ƃó-ƃelai-ŋai ŋí da pá da wée-kole sia m̀a da m̀ɛi pɛ́lɛ gɛ́ ƃò yɛ̂ɛ ǹya ƃé gbanaŋɔ̂ɔi.

Sofoni 3:4

Ɣâla ŋɔlóno-kɛ-ƃelai naai, maloŋ-kaa fé díyêei, láa-laa fé díyêei. Ŋɔsâla láa-soŋ-ƃelai da ƃâa kùla m̀ɛnii ma gáa a mɛni-maa-waa, da dɔ̂ŋ kàra.