Ɉeremi 49:8 - Bible

⁸ Káai kákaa Dedaŋ, ka pú ká káloo. Ŋa pá Isɔɔ ŋɔsuui su-ƃelai su karâi, kpɛ́ni fêi, tãi a seri a gɛɛ ŋá díkula-maa kɛ́.

Yálá laawoo hɛɓɛ (dc)

⁸ 'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Yálá laawoo hɛɓɛ

⁸ 'Ka pu, ka yali ka pulu, 'Ka ka loo gwɛni woloɠaa hu. Dedan nuą, Esau hukala mɛ̨nį ka tii gáá pai la. Gwəlamoi lɔwai aa həli.

Ɉeremi 49:8 Referans Kwoze

Ɉeremi 25:23

Ŋá ŋɔ́nɔ da tɛ̀ɛ ǹûai pɔ́ kɛ̀ Dedaŋ, Tema, da Buzi taa-ŋai sui. Ŋá da tɛ̀ɛ diai kélee pɔ́ da díŋuŋ ƃôi.

Ɉeremi 46:21

Gɔ-kuluƃai nyíi-ŋai è díkùla lɔii da kpɛ́ni sui, dífii a kpɛɛ yɛ̂ɛ niŋa-lonii. Dífe pɔri ní tɔɔ̂i gɔ́i ŋɛ́i-tuɛ. Díkelee kpɔ́ dí tìnaŋ dí pú. Dí kpaloi vólo a ƃéla, dísu-kara tãi a seri.

Ɉeremi 49:30

“Azɔ-ƃela, Ńyãa Yâwɛɛ ŋá kália-woo ƃò a gɛɛ ká pú ká lí kwaa kôyaa ma ká káloo. Babelɔŋ kaloŋ Nɛbukinaza a mɛni kpɛtɛ̂i é pîlaŋ kâa. È mò ǹyɛɛ,

Azaya 21:13

M̀ɛnii pâi kɛ̂i a Arebiai maa worɛ-wooi ká ŋí. Káai a Dedaŋ-ƃelai nyii-ŋai da sîa a soo-fáleŋ-ŋa kpîri kɛ́ ƃò dípôlui, ká kɛ́ kaƃûui pù Arebia fɛ̃ɛ-kpalaŋ sui,

M̀ɛni-lɛɛi 6:15

È kɛ̀ tí ǹɔii su-kaloŋ-ŋai, ǹúu kpaya-kpayai, gɔkuluƃa-ŋai tuɛ-ƃelai, dɔɔ-ƃelai da ŋwála-wala-ƃelai, ǹûai kélee, luɛ, ǹúui vé a luɛi, dí díkpîŋ lòo loa-ŋa su da ǹyée-ŋai su gɔni-ŋai sama.

Ɉeremi 50:27

Ka dí kɔ-kuluƃa-ŋai kélee kpɔ́ páa. Ka dípaa! Kpalo ƃêlai dîa, kpɛ́ni-fei vóloi a seri dí díkula maa kɛ́ mɛni ma.”

Ɉeremi 49:32

“Ka dísoo-fáleŋ-ŋai da díniŋa-ŋai kélee kpɔ́ kúla díyêei. Ǹûai ŋí díŋuŋ ƃôɔi, ŋa pâi dítaa-tâai kpɔ́ kwaa kélee ma. Ǹyaŋ ŋa pâi mɛni kpɔ̂lu lâai kpɔ́ dîa ƃéla kélee ma.

Ɉeremi 48:44

Diai kélee pâi kulâi m̀ɛni kpɔ̂lui sui, da pâi toôi ǹóa kpóŋ kôyaai su. Diai kélee pâi kulâi ǹóa kpóŋ kôyaai sui, da pâi toôi m̀aréi ŋá, kpɛ́ni fêi, Yâwɛɛ a ŋ̀elei lɛ́ a pâi Môa su karâi lai.

Ɉeremi 48:28

“Káai kélee kpɔ́ káseɛɛ káa Môa taa-lee-ŋai sui, ka kula naa ká lí ká kɛ́ ǹyée wolo-ŋai su. Ka kɛ́ yɛ̂ɛ tòloŋ ƃé a daa tɔ́ɔ kɔni wôlo su.

Ɉeremi 48:6

‘Ka kirɛ siɣe a maa félaa káfulu-laai mɛni ma. Ka kirɛ siɣe yɛ̂ɛ wɛlɛ-sôo nyíi a tɛɛ̂ fɛ̃ɛ-kpâlaŋ sui!’

Ɉeremi 6:1

Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tekoa, ká ŋɛi-kɛ-maa lɛ́ Bɛɛ-akɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Azaya 2:21

Yâwɛɛ a pà a gɛɛ é ǹɔii su-ƃelai maa-yao, ǹûai da pâi pûi dí díloo kɔni wôlo-ŋa su ǹyée-ŋai tôŋ su. Da pâi gɛ̂i tí a gɛɛ dí díloo Yâwɛɛ ŋɔfólo-laai da ŋɔwála-wala-laai perei.

Samuɛlə dɔlɔɔ 13:6

Tãi Eezuɛ-ŋai dí gɔ̀lɔŋ la a gɛ́ɛ Felesia-ŋai tâmaai é tɛ́ɛ dîai, dí kɛ̀ yaôi kpɛ́ni fêi, díkɛ a gɔ́lɔŋɔɔ gɔ́i a pâi díyee mɛi ɣâlei. Nya ƃe Eezuɛ-sinaai dí dí lòo kɔni wôlo-ŋa su, dí díloo ǹóa-ŋai su gɔni-ŋai loai, dí díloo ǹɔɔi su. Dí tani dí pù dí lí ƃɛi ma da pɔri liî nai. Dá tani dí pù dí lí molôŋ-ŋai sáma dí díloo naa. Díta-ni dí díloo lóa kpóŋ kôya-ŋa su.

Nwun mąąɓo 6:2

Mediɛŋ-ŋai dí Eezuɛ-ŋai mɔ̃lɛ kpɔ́ a ŋ̀ánaa. Nya ƃe Eezuɛ-ŋai dí pù dí díloo gɔni wôlo-ŋai su ǹyée kpaya-kpayai su ƃɛ́i-ŋai Mediɛŋ-ŋai dífe kɛ́ ní a naa kɔ́lɔŋɔɔi.

Azaya 34:5

Yâwɛɛ ŋɔƃóa-sɔkpɔi ŋá kulâai ǹyêei ɣâla-taa. Diai a pâi dímɛnii ŋá-teei Idɔŋ, a pâi dísu-karâi la.

Izikiɛ 25:13

M̀ɛni ma ŋa duŋ too a gɛɛ ŋa pâi Idɔŋ kula maa kɛ̂i, ŋá ǹaa-ƃela kélee da daa-tulɛ-ŋai kélee páa. Ŋa pâi ǹaa lɛɛ̂i a bûŋ é síɣe Temaŋ taa-leei mâ é seri Dedaŋ taa-leei ma. Da pâi ǹaa-ƃela kélee paâi kɔ́ su.

Malasi 1:3

ǹyaŋ ŋá Isɔɔ kpɔ̀ara da ŋɔkáayɔɔ-ŋai. Ŋá ŋɔkɔni-yee lɔii su kàra ŋá dɛɛ lɔɔ sûa-ŋa pɔ́.”

Malasi 1:4

À kɛ̀ Isɔɔ ŋɔnûai Idɔŋ-ŋai da mò dîyɛɛ, “Da kútaa-ŋai wólo kɛ́lɛ kwa pâi dɔɔ̂i ŋɔ́nɔ pôlu,” gɛ̀ ní Yâwɛɛ a pâi zu toôi ǹyɛɛ, “Tɔɔ dí dɔɔ pôlu, ŋa pâi díwôloi ŋɔ́nɔ. Nûa da pâi dílɔii tôlii a ŋwana-lɔɔ lɔii, maa lɔii tí su-ƃelai ƃé Yâwɛɛ líi ŋwânaai dîa wɔ́lɔ-wɔlɔ da wɔ́lɔ-wɔlɔ.”