Ɉeremi 49:19 - Bible

¹⁹ Ŋa pâi pâi dîa yɛ̂ɛ yala-sulu a kùla ǹɔɔi su Zɔdiŋ Ya-leei kɔlɛ a pɛ̀lɛ ƃála-ŋa dîa gala ŋûnui ŋá ƃɛ́i da dílaa-mii naai. Ŋa pâi pâi ŋá Idɔŋ-ƃelai kɛ́ dí pú a maa félaa dí kúla dílɔii su. Gɛ̀ ní, ŋa pâi dílaa túɛ-nuu lɛ̂i nyíi pâi dímɛi kâai. Gbɛ̂ɛ ƃé ka pɔ̂ri gɔɔ̂ni ḿâi? Gbɛ̂ɛ ƃa pɔ̂ri tɔɔ̂i ŋ́ɛi túɛi?

Yálá laawoo hɛɓɛ (dc)

¹⁹ Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Yálá laawoo hɛɓɛ

¹⁹ Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Ɉeremi 49:19 Referans Kwoze

Ɉeremi 12:5

Yâwɛɛ è mò ǹyɛɛi, “À kɛ̀ í ǹûai kpɛ́ dí kɛ̀ ƃò dí kɔ́ɔ ŋá ífe dísoŋ ní, ya pɔ̂ri soo kpɛ̂i í zòŋ? À kɛ̀ íkaa siâi kwaa ponoɔɔ ma, íkɛ tòo, Lé ƃé yà pâi gɛ̂i ŋ̀olâai su Zɔdiŋ Ya-leei kɔlɛi?

Ɉeremi 30:21

Díkpɔɔi nuu a pâi kɛ̂i dílaa túɛ. Dílaa túɛ-nuui a pâi kulâi dísama. Tãi ŋa pâi dôlii lai, da pâi pâi ŋ́gɔlɛ. Ǹúui nênɛ ƃé pâi pâi ŋ́gɔlɛ mâ à kɛ̀ ḿve dòli nii? M̀ɛni ma, ka pâi kɛ̂i a ŋánûa, ńyaŋ ŋ́gɛ ƃò a Káɣâla. Ńyãa Yâwɛɛ ƃé mò tí.”

Zôo 41:10

Núu da fé naa é yúo zele-kali maa fóo é tɔ́ɔ ŋ̀ɛ́i. M̀ɛni ma gbɛ̂ɛ ƃé naa a pɔ̂ri ḿaa fôoi é tɔ́ɔ ŋ́ɛi-tuɛi?

Zôo 9:19

À kɛ̀ a wála-wala mɛni, Ɣâla wála-walai é tɛ́ɛ ḿâ. À kɛ̀ a mɛni sâa ƃó-mɛni, gbɛ̂ɛ ƃé pâi dôlii m̀ɛni sâa ƃóɔɔ sui?

Zasua 3:15

kpɛ́ni fêi, è kɛ̀ a sí-sãa ƃá kula tãi zâla-láa soŋ-ƃelai pîlaŋɔɔ Zɔdiŋ Ya-leei su kɛ̀ a góno-tee gãlai,

Lɛɛ gbɔwɔ ɓa 15:11

“Gbɛ̂ɛ ƃé gáa yɛ̂ɛ yá ŋ̀âla-ŋai sáma Óo Yâwɛɛ? Gbɛ̂ɛ ƃé gáa yɛ̂ɛ yá, yái íwala-walai maa-waa-laa su, ímaa pɔlɔ-pɔlɔɔ fólo-laa tua-kɛɛ su, da ŋɛi-kɛ-maa kɛ́ɛi?

M̀ɛni-lɛɛi 6:17

Kpɛ́ni fêi, dílii-ŋwâna-ɣele kɛ́tɛi a pá, ǹyaŋ gbɛ̂ɛ ƃa pɔ̂ri tɔɔ̂i nàa tuɛi?”

Zakari 11:3

Ka ǹúu-mɛi-ƃela wɔ́lɔ-wôo mɛni, kpɛ́ni fêi, dínîa kɛ̂i su a kara!

Nahumə 1:6

Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ? Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei? Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Azaya 40:25

Gbɛ̂ɛ ƃé ya pɔ̂ri Ŋ̀âla Maa Waai kɔ̂ɔni m̀ai? Núu da káa naa nyii m̀oloŋɔ̂ɔi m̀a?

Mąątɛ̨nɛ̨ 143:2

Ífe lì a íyee-mu-nuui mɛni sâa ƃóɔɔ su, kpɛ́ni-fei núu da maa fé waa ní íŋɛi.

Mąątɛ̨nɛ̨ 89:8

Ŋ̀wála-wâla kélee Ɣalai Yâwɛɛ, sɛŋ da ŋɔwála-wala-laai fé seri ní ípɔ. Óo Yâwɛɛ, íteniŋ ƃoɔ̂ɔi íkɛ mɛni kélee su.

Mąątɛ̨nɛ̨ 89:6

Óo Yâwɛɛ, sɛŋ da fé ŋ̀elei su nyii zeriɛɛi ípɔ. Vúlu-sãai kélee Ɣâla-taai, da fé seri ní ípɔ.

Mąątɛ̨nɛ̨ 76:7

Kɛ́lɛ yá Yâwɛɛ, núu-kpune kélee da yâo yâ. Ya ílii ŋwàna, núu da fa pɔ̂ri tɔɔ̂i íŋɛi-tuɛ.

Zôo 9:21

Ŋ́zɔŋ fé m̀ɛnii su. Ḿve nâa kpáaŋ-ni mɛni-sii kélee da mɛni ma. Ŋá kɛ̀ ɣéniɛi mɛni ƃɛlɛ fé ŋɔ́nɔ ŋ́goi.

Kɔlɔnikɔ Maa-ŋuŋ 12:15

Zɔdiŋ Ya-leei kɛ́ɛ kɛ̀ a vɛ́ɛ ŋ̀áloŋ maa ŋuŋ sui, ǹûai ŋí ƃé dìyeŋ. Dí tòo diai sáma kɛ̀ diŋ-tiŋ su vóloi kulâi-pere da vóloi liî-pere dí táa-tàa.

Lonon mo 16:5

È mò Koa da ǹûai kélee dîa ǹyɛɛi, “Yâwɛɛ a pâi ǹúui lɛ̂i a tínaa ɣele-wâla nyii gáa a bɔ́ɔi. A pâi ǹúui lɛ̂i nyii maa waâi a pɔ̂ri lɛɣɛ̂i lai. Ǹûui a pâi nɛ̂i ǹyaa ƃé a pâi nɛɛ̂i naa é lɛ́ɣɛ là.

Azaya 46:9

Ka kákili ŋá sía é pîlaŋ m̀ɛni-ŋai ma ŋá wɔ́lɔ dí kɛ̀ kásamai. Ka gɔ́lɔŋ a gɛ́ɛ ńyãa tɔnɔ nɔ́ ƃa Káɣalai. Ɣâla da kpɛ́ni fé naa é kúla ḿbôlu.

Kɔlɔnikɔ Veerɛi 20:6

gɛ́ nâa Ɣâla fɛ̀li ǹyɛɛi, “Óo Yâwɛɛ, Ŋ̀âlai nyíi gáa a kúnâŋ-ni Díɣâlai, ífe a Ŋ̀âlai nyíi gáa Ɣâla-taai? Yá ƃé íkaa gâloŋ-laa-ŋai kélee mɛi ŋ̀éniɛi su. Íwala-walaai, ítɔɔi kpanaŋɔɔ núu da kélee fa pɔ̂ri tɔɔ̂i íŋɛi.

Mąątɛ̨nɛ̨ 76:8

Í lɛ̀ɛ Ɣâla-taa í mɛni ŋá tée ǹɔii ma. Diai kélee ǹɔii mai dí yâo dí dímɛi sáa,

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Danîa 7:4

Maa-ŋuŋ è kɛ̀ yɛ̂ɛ kɔ́li, goôŋ kɛ́ ƃò mà yɛ̂ɛ kuɛ. Ŋá lɛ̀ɛ m̀aa kpɛɛ̂i goôŋ veerɛ é kúla m̀a é tóo. È m̀u-siɣe é tɔ́ɔ yɛ̂ɛ núu. È kɛ̀ tí è pɛ̀lɛ gíli ŋá siâi yɛ̂ɛ núu-kpune.