Ɉeremi 46:5 - Bible

⁵ Yâwɛɛ è ḿarê kɛ̀ ǹyɛɛ, “Kɛ́lɛ lé ƃé ya gâai?” “Da yaôi kpɔ́, díkɛ lène pôlu a kîrɛ. Da díkɔ-kuluƃa-ŋai lôkwai dí kɛ̀ lene pôlu. Da díkpɛ̂i kpɔ́ a ŋ̀ánaa dí kɛ́ kîrɛ sìɣe é tɛ́ɛ gɛ̂i ma, dífa dípôlu kàa.

Yálá laawoo hɛɓɛ (dc)

⁵ Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Yálá laawoo hɛɓɛ

⁵ Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 46:5 Referans Kwoze

Ɉeremi 49:29

Ka dísua-kɔlɔ-pɛrɛi kúla díyêei, díƃala-ŋai dísua-kɔlɔ-pɛrɛi lá-ƃerei seɣei da zãâi díkaa mui. Ka dísoo-fáleŋ-ŋai kúla díyêei, ká mò ǹûai dîa kâai, ‘Mɛni kpɔ̂lu a pá kâa.’

Ɉeremi 6:25

Káfe lì gbâlaŋ ŋá, kpaa ká lɛ́ɛ berei ma, kpɛ́ni fêi, ƃóa-sɔ̂kpɔ káa kúkpɔara-ƃelai yêei, mɛni kpɔ̂lu kɛ́ ƃò ƃéla kélee ma kú mɛni ma.”

Ɉeremi 46:21

Gɔ-kuluƃai nyíi-ŋai è díkùla lɔii da kpɛ́ni sui, dífii a kpɛɛ yɛ̂ɛ niŋa-lonii. Dífe pɔri ní tɔɔ̂i gɔ́i ŋɛ́i-tuɛ. Díkelee kpɔ́ dí tìnaŋ dí pú. Dí kpaloi vólo a ƃéla, dísu-kara tãi a seri.

Nahumə 2:8

Ninivɛ kɛ̂ɛi yɛ̂ɛ póa a kpàla. Dí ǹaa-ƃelai kélee sóŋ díkɛ lì a dia díkɛ wɔ̀lɔ dîyɛɛi, “Ka tée kûa! Ka tée kûa!” Kɛ́lɛ núu da fé ŋ̀óli tɔɔ ní dîa.

Izikiɛ 32:10

Tãi ŋa pâi ká su karâi lai, ǹûai kélee da pâi yaôi kpɔ́ a ŋánaa. Kâloŋ-ŋa da pâi kpɛ̃lînii a tãi ŋa pâi kɛ̂i ŋáƃoa-sɔkpɔi téniŋ ni la ká maa mɛ̂ni mai. Da pâi kɛ̂i yaôi díkɛ kpɛ̃liŋ dífulu-laai mɛ̂ni ma a tãi da pâi ká mɛni kpɔ̂lui maa mɛ̂ni mɛnîi lai.

Ɉeremi 46:15

Lé mɛni ƃé káɣalai Api nyíi ŋ̀wála-walaâi aâ too lai? Yâwɛɛ ƃé ǹókwa é dòo!’

Ɉeremi 20:10

Ǹûai kélee da kɛ̂ m̀ôi ninîŋ-woo su dîyɛɛi, “Yao kɛ́tɛ káa kwaa kélee ma! M̀ɛni ma, kwaa zɔ̀ŋ láa ǹúu-mɛi-ƃelai ŋɛ́i!” Ńaôi-ni kpîŋ da tɔɔ ḿâ. Da m̀ó dîyɛɛi, “Tãi da kwa pɔ̂ri bɛlɛ̂i, gɛ̀ ní kwa pâi zoniî kúmɛni kpa kula m̀a.”

Azaya 19:16

Yâwɛɛ a pâi Ize-ƃelai kula maa kɛ̂i. Maa tãi tí a sèri, a pâi gɛ̂i ǹɔii gwaa kélee é kpɛ̃lîŋ. À kɛ̀ tí, Ize-ƃelai da pâi yaôi a ŋ̀ánaa díkɛ kpɛ̃liŋ yɛ̂ɛ nɛyâa.

Zɛnɛse 19:17

Tãi dí díkùla la daai mai, dí mò dîa dîyɛɛi, “Ka pú ká káfulu-laai maa kɔ̃ɔ. Káfe kápôlu kàa, kpaa máŋ ká kpéra kwaa da kélee ma ǹyéei koo mu. Ka pú ká tɛ́ ǹyéei su, káfa lâa saa la.”

Azaya 5:25

M̀ɛnii ŋí ƃa gɛ́ Yâwɛɛ a ǹíi ŋwána ŋɔnûai dîa. A dísu-kara a lii ŋwâna-pere. A gɛ́ ǹyée kpaya-kpayai da kpɛ̃lîŋ. Ǹûai poma a táa-tâa bere lêe-ŋai dîa. Berei máŋ gáa tí lai, Yâwɛɛ ŋɔlii ŋwânai ŋáa fé niî yeŋ ní ǹyaŋ a pâi dí kula maa kɛ̂i.

Azaya 13:8

Yao ŋánaa a pâi pâi díkɔlɔi. Dimɛni sôlii a pâi kɛ̂i yɛ̂ɛ nɛnî a kɛ̀ koi-têe su maa mɛni solii. Da pâi kɛ̂i díkîe-ni ŋɛ́i kâai a yao pere, díŋɛi kɛ́ kɛ̀ mãla-mãla yɛ̂ɛ ŋɔŋ-sôŋ.

Azaya 42:17

Diai kélee da ɣâla-pɔkɔɔŋ-ŋa tɔ̀ɔ ḿbɔɔ ŋái, ŋa pâi ǹyée kulâi dímu, ŋá díŋumɛ. Ŋa pâi gɛ̂i tí a diai da ɣâla pɔkɔɔŋ-ŋa tòli a díɣâla-ŋai.”

Ɉeremi 49:5

Ŋa pâi mɛni kpɔ̂lu lâai kâa ƃéla kélee mɛi. Kákelee kpɔ́ ka pâi pûi. Núu da kélee fé pâi kɛ̂i naa é ká kɔ-kuluƃa-ŋai ŋáa tɛ́ gîe ma.

Izikiɛ 39:18

Da pâi wála-wala-ƃela sua miî dí gâloŋ-ŋai díkaa ǹɔii mai ŋãa kpéle yɛ̂ɛ núu ƃé a Basãŋ ƃala-sirɛ, ƃala-loŋ, ƃoli da niŋa lɛ́lɛɛ-ŋa pàa.

Nahumə 2:9

Ka gáne-ŋai síɣe, ká gôo-ŋai síɣe! Tɔɔ sãa táma káa daai su, kpaa máŋ sɛŋ sɔ̃ɔ kpanaŋɔɔ támaa.

Sofoni 1:14

Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.