Ɉeremi 44:3 - Bible

³ kpɛ́ni fêi, dínûai dí mɛni nyɔ́mɔ kɛ̀, dí gɛ́ ŋá ńii ŋwána dîa. Dí sâla kùla ɣâla da kpɛ́ni-ŋa dîa, dí kɛ́ ɣâla pɔkɔɔŋ-ŋa fɛ̀li nyíi-ŋai dífe gɔ́lɔŋ, ífe gɔ́lɔŋ, kpaa máŋ dínuu-pɔlɔ-ŋai.

Yálá laawoo hɛɓɛ (dc)

³ Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Yálá laawoo hɛɓɛ

³ Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 44:3 Referans Kwoze

Dutɛrɔnome 29:26

Kɛ́lɛ da nâa tínaŋ ɣâla da kpɛ́ni-ŋa pɔ́ naa pêre díkɛ dífɛ̀li. Ŋ̀âla-ŋai dífe díkɔlɔŋ da nyii-ŋai ḿve dɛ̀ɛ ní dípɔi.’

Dutɛrɔnome 32:17

Da sâla kùla ɣâla pɔkɔɔŋ-ŋa dîa nyii-ŋai dífe kɛ́ ní a tɔ̃ya ɣâla-ŋai, díkɛ̀ a ɣâla-ŋa nyii-ŋai dínâŋ-pɔlɔ-ŋai dífe kɛ́ a dí kɔlɔŋɔɔi, ŋ̀âla-ŋai nyii Eezuɛ-ŋai dífe tá dífɛli níi.

Dutɛrɔnome 13:6

“À kɛ̀ a kákpɔɔi saaƃɔlɔ nɛni kpaa surɔ̂ŋ, káloŋ surɔ̂ŋ kpaa nɛni, kálii ma nɛni kpaa káwɛli kɛ-maa nuu da à pà kápɔ loo-pêre su ǹyɛɛ kâai, ‘Kwaa lí kú ɣâla da kpɛ́ni fɛli. Ŋ̀âlai ŋí káa a Ɣâla nyii ka kánâŋ-ni káfe gɔ́lɔŋ.’

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Ɉeremi 44:8

Lé mɛni ƃé ka ńii ŋwána mɛni kɛ̂i la a ɣâla-pɔkɔɔŋ fɛliɛɛ da sâla kuláa ɣâla da kpɛ́ni-ŋa dîa Ize ƃɛ́i káseɛɛ káa naai? Kakaa nɔ́ gɛ̂i tí a gɛɛ ká kákpîŋ su-kara a gɛɛ ǹɔii-ŋuŋ-ŋai dí ɣɛ́lɛ-maa kúla kákponôi ŋ̀éniɛi su, díkɛ dífôo a kálaa?

Nehemi 9:33

M̀ɛni kpɔ̂lu-ŋai kélee kwa tɛɛ zui, ya Ɣâla ísãâi. Kɛ́lɛ a kɛ̀ a kúa, kútûa-pere fé sãa ní.

Izikiɛ 9:9

Nya ƃe Ɣâla è ŋ́oo su tòo ǹyɛɛi, “Eezuɛ ƃelai da Zuda ƃelai dísɔnyɔ̂ŋ-ŋai su kɛ̂tɛi kpɔ́ a m̀aa pɔlɔ-pɔlɔɔ. Da núu páa kpɔ́ ǹɔii gwaa kélee ma. Ǹyaŋ teniŋ ƃô laa fé ŋɔ́nɔ Zerusâlɛŋ. Kpɛ́ni fêi, da kɛ̂ m̀ôi dîyɛɛi, ‘Yâwɛɛ a bôlu tɔɔ ǹɔii mâ. Yâwɛɛ fé kú kaai.’

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Woolaa 1:8

Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Ɉeremi 22:9

À kɛ̀ tí, da pâi zu toôi dîyɛ kpɛ́ni fêi, dí dípôlu tɔ̀ɔ gbanaŋ-wooi ma nyíi dí gɛ̀ ńyãai ŋ́gaa a Díɣâlai ńyêei, dí kɛ́ ɣâla da kpɛ́ni-ŋa fɛ̀li, dí kɛ́ tíi kɛ̀ dîɛ.”

Ɉeremi 11:17

“Ńyãai a Ŋ̀wála-wâla kélee Yaawɛ nyíi Eezuɛ da Zuda síi, ŋaâ gbɛtɛ a gɛɛ ŋá mɛni kpɔ̂lu láa kâa. Kpɛ́ni fêi, káai a Zuda da Zerusâlɛŋ-ƃelai ka mɛni nyɔ́mɔɔ kɛ́, ká kɛ́ ńi ŋwàna. Kpɛ́ni fêi ká kɛ̀ kéreŋ-sãa kúŋ-nɛ̃ɛ kérenîi Bêe ɣalai ma.”

Ɉeremi 7:19

Gáa díkili ŋá ńyãa ƃé da ńii ŋwânai? Kpao. Dia kpîŋ ƃé díkaa díkpîŋ kɛ̂i wúlee.

Ɉeremi 5:29

“Kɛ́lɛ, Ńyãa Yâwɛɛ ŋa pâi díkula ma kɛ̂i m̀ɛni-ŋai ŋí mɛ̂ni ma. Ŋa pâi mɛni kpa kulâi ǹɔii-ŋuŋ ŋí dîa.

Ɉeremi 5:19

Ǹyaŋ à kɛ̀ da ímarê kɛ̀ lé mɛni ƃé ŋá m̀ɛni-ŋai ŋí kɛ̀ la a diai, m̀ó dîa yɛ̂ɛ, ‘Berei ká kápôlu tɔ̀ɔ la m̀ai kákɛ ɣâla da kpɛ́ni-ŋa fɛli la ká lɔii sui, m̀ɛni ma ka pâi kɛ̂i tíi kɛ̂i nûa da kpɛ́ni-ŋa dîɛ lɔii da kpɛ́ni su nyíi vé a káwɔ̂i.’ ”

Hebreu 3:16

Gbɛɛ-ni ƃe dí mɛ̀ni, kɛ́lɛ, dí wɔ̀lɔ a Ɣâla láai? Diai kélee kùla Ize Mose kɛ́ ƃo dímɛi a núu kɛ́tɛi dia fêi?

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Ɉeremi 32:30

É síɣe kpɔ́ Zuda da Eezuɛ-ƃelai dí kɛ̀ ɣéniɛi kɔ́ɔ pîlanii ma, díkaa nɔ́ wɔ́lɔ ńii ŋwána mɛni-ŋa kɛ̂i. Dí tua-pere nyɔ̂ŋ sii-ŋai ŋí da gɛ́ ŋa ńii ŋwána kpɔ́ dîa a ŋ̀ánaa.

Ɉeremi 44:23

Kákaa sâa mɛni kpɔ̂lu su, kpɛ́ni fêi, ka sâla kùla ɣâla da kpɛ́ni-ŋa dîa ká kɛ́ sɔnyɔ̂ŋ kɛ̀ a Yâwɛɛ. Káfe káwoli tɔ̀ɔ ní ŋ̀óo ma.”

Dutɛrɔnome 29:25

Ǹyaŋ a pâi díwoo su toôi ǹyɛɛi, ‘Ŋa gêi tí, kpɛ́ni fêi, da díyee kúla ŋákpanaŋ-wôo-ŋai mu, ńyãai a dínâŋ-ni Díɣâlai. Ŋá díkùla Ize ŋá pá a dia ŋá dɔ̂ŋ-ŋai ŋí tɛ́ɛ dípɔ.

Ɉeremi 16:10

“Tãi ya pâi m̀ɛnii ŋí ƃôi la dîai, da pâi m̀ôi dîyɛɛi, ‘Lé mɛni ƃé kú gɛ̀ ǹyaa Yâwɛɛ a m̀ɛni kpɔ̂lu sãŋ kɛ́ɛ ŋí lâai la kûai? Lé mɛni nyɔ́mɔɔ ƃé kwa gɛ́i? Sɔnyɔ̂ŋ kɛ́ɛ léŋ ƃé kwa gɛ́ a Kúɣâlai Yâwɛɛ?’

Ɉeremi 29:19

M̀ɛnii ŋí a pâi kɛ̂i a dia kpɛ́ni fêi, dífe díwoli tɔɔ ní ŋ̀orɛ̂-wooi ma nyíi ŋá dɛ̀ɛ a Ɣâla ŋɔlóno kɛ́-ƃelai nyíi-ŋai díkaa a ŋátii kɛ́-ƃelai. Ŋá ŋálono kɛ́-ƃelai tɛ̂ɛ a tãi támaa, kɛ́lɛ, dífe díwoli tɔ̀ɔ ní dîa a dɔnɔ kpîŋ. Ńyãa Yâwɛɛ ƃé mò tí.’ ”