Ɉeremi 43:13 - Bible

¹³ A pâi Ɛliopole ŋɔpɔɔkɔ̂ɔŋ maa-waai wôloi nyii gáa Ize, é ŋɔ́nɔ Ize-ƃelai díkpɛtɛ ɣâla-ŋai díɣâla-pɛrɛ kpaya-kpayai kélee kéreŋ.”

Yálá laawoo hɛɓɛ (dc)

¹³ Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Yálá laawoo hɛɓɛ

¹³ Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Ɉeremi 43:13 Referans Kwoze

Azaya 19:18

Maa ɣêlei tí, Ize taa-leei ǹɔ́ɔlu su-ƃela da pâi díkono-têei Ŋ̀wála-wâla kélee Yâwɛɛ yêei foo-wôo-ŋa su Ibulu-wooi su. Da pâi daa-lêei ŋí dɔnɔ láa seêi a, “Vólo taa-leei.”

Zɛnɛse 41:45

Gâloŋ è Zosɛ láa sèe a Zafena-Pania, é Asena tɛɛ bɔ́ a nɛnî. Asena è kɛ̀ a Oŋ taa-leei ŋɔsâla láa-soŋ-nuu kɛ́tɛi, Potifɛra ǹóŋ-nɛnî. Bere ƃé Zosɛ è kɛ̀ la Ize lɔii mɛi.

Azaya 46:2

Dífa pɔ̂ri díkpîŋ ŋuŋ ma ƃôi. Dí dísòŋ, dí lí a dia luɛ-lâa su. Babelɔŋ ɣala-ŋai kpɛɛ ŋá ká ŋí.

Ɉeremi 43:12

Ŋa pâi ŋɔŋ toôi Ize ɣala-ŋai dípɛrɛ kpaya-kpayai dîa. Babelɔŋ kaloŋ a pâi díɣala-ŋai kérenîi, kpaa máŋ é lí a dia. Babelɔŋ kaloŋ Nebukinɛza a pâi Ize ma ɣɛ̂ɛi kpɔ́ yɛ̂ɛ berei tí ƃála mɛi-kaa-nuu a nãya ɣɛ̂ɛ la ŋɔseɣei ma nyii m̀ála-ŋai da ǹɛɛ mai. A pâi Ize yée mɛi ɣâlei bere sîi ŋí su, é lí yɛ̂ɛ wála-wala nuu.

Ɉeremi 44:1

Yâwɛɛ è lòno ḿbɔ é pîlaŋ Eezuɛ-ƃelai dîa nyíi-ŋai kɛ̀ Ize lɔii sui. Ǹûai ŋí dí kɛ̀ Midɔ, Tapaɣee da Meifee taa-lee-ŋai su. È máŋ ǹóno tɔnɔi ŋí kɛ̀ é pîlaŋ diai kɛ̀ séɣai-pere lɔii-kpiniŋ sui dípɔ-naa.

Ɉeremi 46:25

Ŋ̀wála-wâla kélee Yâwɛɛ, Eezuɛ Ŋɔɣâlai è m̀o ǹyɛɛ, “Ŋa pâi Tɛbii ŋɔɣâlai Amɔŋ kula maa kɛ̂i, Ize ŋɔɣâla-ŋai da ŋɔkâloŋ-ŋai. Ŋa pâi Ize kaloŋ da diai kélee dí lâai lai kula maa kɛ̂i,

Izikiɛ 26:11

Ŋɔsoo-ŋai ƃɔ́rɔŋ-pɔɔ a pâi kɛ̂i ká taai gwaa kélee ma. A pâi ká paâi a ƃóa-sɔkpɔ-ŋa. A pâi ká pɛ́rɛ-yee mu wuru kpanaŋɔɔ-ŋai kélee têei é dóo ǹɔii ma.

Danîa 11:8

A pâi díɣâla pɔɔ-kɔɔŋ-ŋai, dígôo-ŋai da díkane-ŋai kélee kulâi díyêei é lí a dia Ize lɔii su. Kóraŋ kpɛ́-kpɛɛ yée mu, laa sâa fé ŋɔ́nɔ pâi kɛ̂i Asiria Kaloŋ da Ize kaloŋ díloai.

Azaya 19:1

Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Ɉeremi 10:11

M̀ó dîa yɛ̂ɛi, “Ŋ̀âla pɔɔkɔŋ-ŋai nyíi-ŋai dífe ŋ̀elei da ǹɔii kpɛtɛ níi, Ɣâla a pâi dí su karâi díkula ŋ̀éniɛi su.”

Ɉeremi 25:19

Ŋa ŋɔ́nɔ gɛ̀ Ize lɔii su kaloŋ-ŋai da dítii kɛ́-ƃelai dí Yâwɛɛ ŋɔlii ŋwânai da kpele é pɛ́lɛ dílɔii su-ƃelai kélee dîa.

Izikiɛ 30:13

Ŋ̀wála-wâla kélee Yâwɛɛi è mò ǹyɛɛi, “Ŋa pâi Ize-ƃelai díɣâla pɔɔkɔŋ-ŋai da ǹɛɛ-ɣala-ŋai kélee su karaâi nyii-ŋai díkaa Mɛifeei. Núu da fé ŋɔ́nɔ pâi lɛɛ̂i naa é ǹɔii káa Ize lɔii su. Ŋa pâi dí maa yaôi kpɔ́ a ŋánaa.

Izikiɛ 30:17

Da pâi Ɛlipoli da Bubasi taa-lee-ŋai su ǹyaŋkpa-ŋai paâi kɔ́ su, dí ǹûai gbéli-ŋai sóŋ a kɔ-sôŋ ŋa.