Ɉeremi 4:31 - Bible

³¹ Ŋá wɔ́lɔ-woo mɛ̀ni yɛ̂ɛ nɛnî ƃé gáa koi-tee lɔɔi. Yɛ̂ɛ nɛnî ƃé gáa koi-tee su a m̀aa-ŋuŋ. È kɛ̀ a Zerusâlɛŋ nyíi kɛ̀ wɔ̂lɔi, gɛ̀ ǹɛ̂wo gbɛɛ-ŋai tòo, gɛ́ ǹyée sã̀a, gɛ́ mò ǹyɛɛi, “Ŋ́gáa mɛni kpɔ̂lu su! Da pá ḿbaâi.”

Yálá laawoo hɛɓɛ (dc)

³¹ Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Yálá laawoo hɛɓɛ

³¹ Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Ɉeremi 4:31 Referans Kwoze

Woolaa 1:17

“Ŋa ńyee sãa, núu da fa pâ é kpɔŋ ḿâ. Yâwɛɛ a gɛ́ nûa da tɔɔ ḿâ ƃéla kélee ma. Da ńzoŋ yɛ̂ɛ sɛŋ maa liƃiɛɛ.

Azaya 1:15

“A nɛ̃ɛ ma kpîŋ ká kɛ́ ḿvɛ̀li, kákɛ káyee tɛ̀ ɣelêi, ŋa pâi ŋɛ́i loôi kâa, kpɛ́ni fêi, ŋãa támaa káa káyee ma.

Ɉeremi 13:21

Ya pâi kɛ̂i lé à kɛ̀ diai íkɛ̀ yɛ̂ɛ díkaa a íƃarâai da pà dí ísoŋ a kɔ-sôŋ dí kɛ́ ƃò ímɛi a kâloŋ? Ya pâi kɛ̂i mɛni sôli su yɛ̂ɛ nɛnî a kɛ koi-têe su.

Tɛsalonikə dɔlɔɔ 5:3

À kɛ̀ nûa da mò dîyɛɛ, “Lii-see káa naa da mɛi-kaa-laa,” gɛ̀ ní su-kara a pâi pâi dîa dítɛ̂i-pere yɛ̂ɛ koi-tee a pɛ̂lɛ nɛnî ma, ǹyaŋ dífe pâi pɔ̂ri kulâi zu.

Korɛntə dɔlɔɔ 9:16

Kpɛ́ni fêi, à kɛ̀ ŋà Duŋ Lɛ́lɛɛi ƃò, gɛ̀ ní sâpo kélee fe naa yoŋka tée mɛni ma. Kpɛ́ni fêi, gáa a sɛŋ fɛ̂ɛ nɔ́ ŋá gɛ́. Kpalo ƃélaâi mâ à kɛ̀ ŋà wàla Duŋ Lɛ́lɛɛi ƃo!

Maafîu 21:5

“Ka mó Zãiyɔŋ ǹóŋ-nɛnii ma, Gáa, íkâloŋ káa pâi ípɔ. Ǹíi maa yeŋɔɔ, gɛ ƃo see ni wɛlɛ-sôo mɛi, da ŋwɛlɛ-sôoi ǹóŋ.”

Mise 7:1

Ŋátii kɛ́ɛi kélee káa kpɛ́ni-kpɛni! Ŋ́gaa yɛ̂ɛ puru-nuu nyii va ŋɔsí-sɛŋ wuru-ŋai da ƃá ka ŋá, da ŋɔkpɔmɔ-kpalaŋ-ŋai. Gélee ƃá a kpɛ́ɛ ŋá. Ŋa ŋ̀wɛ̂lii a gɛɛ ŋáfii-wurui ƃá da mii kɛlɛ m̀bá fé ŋa.

Osia 13:13

Eezuɛ ƃóloŋɔ̂ɔi lôloŋ ma nyii ǹee à kɛ̀ pâi m̀aa sɔlɔ ƃôi, ǹaa a kpanaŋ. Kpɛ́ni fêi, môɔɔi, vé ŋ̀wɛ̂lii é kúla.

Woolaa 2:21

Ǹîa-pɛlɛɛi da ǹúu-pɔlɔ-ŋai da lâani bere-ŋai ma muluŋ su a dí poma. Da ǹyaŋkpa-ŋai da nɛnî-kpela-ŋai paâi a ƃóa-sɔ̂kpɔ. Ílii ŋwânai su, í gɛ̀ dí dípaa. Ífe dímalôŋ káa ní.

Woolaa 1:20

“Óo Yâwɛɛ, gáa berei ŋa mɔ̃lɛ̂i lai. Ŋa mɛni sôli kâai. Maloŋ too-maa támaa káa ńii su kpɛ́ni fêi, ŋa tɔɔ yâ. Da ŋánûai paâi daa lêei su da bɛ́rɛ-ŋai mu.

Ɉeremi 50:43

Babelɔŋ kaloŋ a duŋ mɛni, ǹyée da gɔ́ɔ fíi a kpɛɛ, malôŋ a too m̀a, sɛŋ a sôlii m̀a yɛ̂ɛ nɛnî ƃé koi-têe su.

Ɉeremi 49:24

Dɛmɛika-ƃela da yao, kɔlɔ a kpɛɛ dîa dí kɛ́ pù. Díkaa sɛŋ-soli maa su. Malôŋ a too dîa yɛ̂ɛ nɛnî a kɛ̀ koi-têe su.

Ɉeremi 49:22

Bózira kpɔara-ƃelai da pâi pɛlɛ̂i m̀a yɛ̂ɛ kuɛ a goôŋ fùlomo a bɛ̀lɛ gɔ́nɔ̃ŋ mɛi. Maa ɣelêi tí, Idɔŋ kɔ-kûluƃa-ŋai da pâi kɛ̂i yɛ̂ɛ nɛnî a kɛ̀ koi-têe su.”

Ɉeremi 48:41

À kɛ̀ tí, a pâi ǹaa taa-lee-ŋai kélee siɣêi. M̀aa ɣêlei tí, Môa kɔ-kuluƃa-ŋai da pâi kɛ̂i kpɔ́ nɔ́ yɛ̂ɛ nɛnî a kɛ̀ koi-têe su.

Ɉeremi 45:2

a gɛɛ Yâwɛɛ nyíi gáa a Eezuɛ Ŋɔɣâlai è mò ǹyɛɛi, “Bâru,

Ɉeremi 30:6

Í mɛi sáa, í íkili-ŋa sía! Kpakolo a lôloŋ maa sɔlɔ ƃô yɛ̂ɛ nɛnî? Kpao! Lé mɛni ƃé ŋaŋ ŋa ǹúui kélee kâai la díyee pɛlɛ́ɛ díkoi yɛ̂ɛ nɛnî a kɛ̀ koi têe sui? Lé mɛni ƃé ǹûai kélee ŋ̀ɛ́i kolôŋɔɔi lai?

Ɉeremi 22:23

Ká kɛ̀ a ká ŋuŋ-ma ƃóɔɔ sîda-ŋai sáma ká gùla Lɛƃanɔŋ, ka pâi kɛ̂i a ká malôŋɔɔ, zɛŋ-soli maai ŋí a pâi kɛ̂i yɛ̂ɛ nɛnî a kɛ̀ koi-tee su.

Ɉeremi 18:21

M̀ɛni ma, Yâwɛɛ, ǹɛɛ naa dílônii dí fôa a puru dísaa. Tɔ́ɔ dí lɛ́ɛ kɔ́ su. Tɔ́ɔ nɛ̃yâai, dísinâai da dínîa-pɛlɛɛi dísaa. Tɔ́ɔ kɔlɔ-fela é dísinâai páa, dí yáŋkpa-ŋai dí lɛ́ɛ kɔ́ su.

Ɉeremi 15:18

Lé mɛni nɔ́ ƃé ŋa pâi kɛ̂i nɔ́ mɔ̃lɛ̂i lai? Lé mɛni ƃé ḿa pala fa kpɛ̂ɛ lai? Ya pâi gɛ̂i ńii é tóo pôlu yɛ̂ɛ ya-ɣɛli nyíi a kpâla a fólo-ɣêlei?”

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 10:19

Ǹûai dí mò dîyɛɛi, “Kpalo ƃélaai kûa kúsɛŋ sôli-maai mɛ̂ni ma. Kúpalai fa kpɛ̂ɛ. Kɛ́lɛ kú mò kúkpîŋ ma a gɛɛ kú maa kɔlɔ-fela ká ŋí. Fɛ̂ɛ kú kúyee sée mu.

Ɉeremi 6:2

Zãiyɔŋ taa-leei, ílɛ̂lɛɛi, íŋaa waai kɛ́lɛ ŋa pâi ísu karâi.

Azaya 42:14

Ɣâla a m̀ôi ǹyɛɛi, “Ŋa ḿɛi sáa ŋánûai yêei a zu kôyaa. Fé dífɛli-wooi su toôi. Kɛ́lɛ ŋa pá díwoo su toôi. Ŋa wɔ̂lɔi yɛ̂ɛ nɛnî a kɛ̀ koi-têe su.

Azaya 21:3

M̀ɛnii ŋá m̀ɛni, ŋá ǹaa káa zĩ̂ai sui, a gɛ́ yao támaa a pá ŋ́gɔlɔ̂i. Ǹyaoi ŋí káa a sɛŋ sôli-maa yɛ́ɛ nɛnî a kɛ̀ koi-têe su.

Azaya 13:8

Yao ŋánaa a pâi pâi díkɔlɔi. Dimɛni sôlii a pâi kɛ̂i yɛ̂ɛ nɛnî a kɛ̀ koi-têe su maa mɛni solii. Da pâi kɛ̂i díkîe-ni ŋɛ́i kâai a yao pere, díŋɛi kɛ́ kɛ̀ mãla-mãla yɛ̂ɛ ŋɔŋ-sôŋ.

Azaya 6:5

Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Mąątɛ̨nɛ̨ 120:5

Núu kɛ́ɛ ká sama nyɔ̂mɔi nɔ́ yɛ̂ɛ núu a kɛ̀ Misɛ, kpaa máŋ yɛ̂ɛ núu a kɛ̀ Kedɛ.

Zôo 10:1

Ɣâla, Tãi nɔ́ ŋá kɛ-ɣeniɛi fé lɛ́lɛ-nii, ŋa pâi ísɔŋ lâai núu kélee ŋɛ́i. Ŋa pâi ŋá mɛni sôlii kélee ƃôi yâ.

Zɛnɛse 27:46

Nya ƃe Lubɛka è mò Aise ma ǹyɛɛi, “Ŋáfulu-laai maa lii-sɛlɛŋ káa mâ Ita-nɛyãai mɛni ma. À kɛ̀ Zeeka à Ita-nɛyâai ŋí dɔnɔ kùla a nɛnî ǹɔii ŋí su, gɛ̀ ní lé fúlu-laa lɛ́lɛɛ ƃé pâi kɛ̂i ńyêei?”

Azaya 26:17

Yâwɛɛ, ya gɛ́ kwa wɔ́lɔ, yɛ̂ɛ berei nɛnî a kɛ̀ koi-têe su a kɛ̂ wɔ̂lɔi lai.

Mise 4:9

Ƃa wɔ̂lɔi lé mɛni ma? Káloŋ fé ŋɔ́nɔ íyêei? Ímɛni su káa-nuu fé ŋɔ́nɔ ma ǹyaa ƃa wɔ̂lɔi yɛ̂ɛ koi-têe à kɛ̀ nɛnî mai?

Mise 4:10

Káai a Zerusâlɛŋ-ƃelai, ka kámu siɣe ká nyíɣɛ yɛ̂ɛ koi-têe à kɛ̀ nɛnî ma kpɛ́ni fêi da pâi kákulâi daa-lêei su dí lí a káa lɔii pûŋ su. Da pâi kákulâi naa dí lí a káa Babelɔŋ lɔii su. Kɛ́lɛ Yâwɛɛ a pâi kákulâi naa kákpɔara-ƃelai yêei.