Ɉeremi 38:2 - Bible

² Yâwɛɛ aâ mó ǹyɛɛ, “Ǹúui nyíi pâi lɛɛ̂i Zerusâlɛŋ, a pâi lɛɛ̂i kɔ́ su, puru, kpaa máŋ kɔlɔ-fela é baa. Kɛ́lɛ, ǹúui nyíi pâi liî é gbîŋ tɛɛ Babelɔŋ-ŋai pɔ́i, dífe pâi baâi, kɛ́lɛ a pâi lɛɛ̂i ɣele ma.”

Yálá laawoo hɛɓɛ (dc)

² «Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Yálá laawoo hɛɓɛ

² «Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Ɉeremi 38:2 Referans Kwoze

Ɉeremi 39:18

Ŋa pâi ímɛi kâai. Dífe pâi ípaâi. Ífulu-laai a pâi lɛɛ̂i íyêei a ífela-fei, kpɛ́ni fêi, í íkili tɔ̀ɔ ḿâ. Ńyãa Yâwɛɛ ƃé mò tí.”

Ɉeremi 45:5

Yá íkpîŋ mɛni wɛ̂lii? Ífe gɛ̀ tí. Ŋa pâi pâi a mɛni kpɔ̂lu su kɛ́tɛ núu-kpune sáma. Kɛ́lɛ, ya pâi ŋuŋ-ma ƃô sɔlɔ ƃôi ƃɛ́i kélee kpɔ́ ya lî naai. Ńyãa Yâwɛɛ ƃé mò tí.”

Ɉeremi 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui dílaa é kpála dîa m̀ɛni-ŋai ŋa pâi gɛ̂i a káai mɛni ma.

Izikiɛ 14:21

M̀ɛnii Ŋwâla-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere ǹáaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Ɉeremi 42:17

Diai kélee daâ gbɛtɛ díkili ŋá a gɛɛ dí lí Izei, da pâi saâi naa kɔ́ su, puru yêei, kpaa máŋ kɔlɔ-fela su. Díta tɔnɔ kpîŋ fé pâi ƃâloi, kpaa máŋ dítɔnɔ ta é kúla m̀ɛni kpɔ̂lui su nyíi ŋa pâi la naa dîai.’

Izikiɛ 7:15

Ǹûai da pâi kɛ̂i kɔ́kɔi ǹɔii su. Puru da kɔlɔ-fela da pâi kɛ̂i ǹûai dîa daai su. Diai pâi kɛ̂i ǹɔii sui, da pâi lɛɛi gɔi su. Diai díkaa daai sui, puru da kɔlɔ-fela da pâi dí pâai.

Izikiɛ 6:11

Yâwɛɛ Ɣâla è mò ǹyɛɛi, “Ka káyee-ŋa lokwa, ka kákɔɔ pîlaŋ ǹɔii ma ká mò kaai áao Eezuɛ-ŋai dímɛni nyɔmɔ-ŋai mɛ̂ni ma. Kpɛ́ni fêi da pâi lɛɛ̂i mòa-sɔkpɔi mu, puru é dípaa, kɔlɔ-fela é dísoŋ.

Ɉeremi 44:13

Diai díkaa Izei, ŋa pâi díkula maa kɛ̂i yɛ̂ɛ berei ŋá Zerusâlɛŋ kula maa kɛ̂ lai. Ŋa pâi díkula maa kɛ̂i a kɔ́, puru da kɔlɔ-fela.

Ɉeremi 42:22

Nyíŋi é lɛ́ɛ kákili ŋá a gɛɛ ka pâi lɛɛ̂i kɔ́ su, puru da kɔlɔ-fela dí kápaa ǹɔii su ƃɛ́i ka pâi liî ká sée naai.”

Ɉeremi 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, dílaa é kpála dîa. Nûa da pâi dísĩa miî a dia, díkɛ ƃò a yao maa-sɛŋ, dí dílaa kɛ́ a ǹaɣa-laa-sɛŋ.

Ɉeremi 27:13

Lé mɛni ƃé ka ínûai ká pâi saâi la kɔ́ su, puru, kpaa máŋ a kɔlɔ-fela nyɔ́mɔ yɛ̂ɛ berei Yâwɛɛ è mò la a m̀ɛnii pâi kɛ̂i a lɔii-ŋuŋ da nyíi ve pâi ǹyée seêi Babelɔŋ kaloŋ mûi?

Ɉeremi 24:8

“Berei fîi wuru-ƃa nyɔ́mɔɔi káa la miî fé mài, bere ƃé ŋa pâi tûai la a Zɛdikaya nyíi gáa a Zuda kaloŋ da ŋɔtíi kɛ́-ƃelai, é pɛ́lɛ ǹúu-kpului ma nyíi pâi lɛɛ̂i Zerusâlɛŋ taa-leei ŋí sui, da ǹûai nyíi-ŋai díkaa Ize lɔii sui.

Ɉeremi 21:4

Yâwɛɛ nyíi gáa a Eezuɛ-ŋai Díɣâlai ǹyɛɛ, “Ŋa pâi kákɔ-kɔ-sãai nyíi kákaa kɔ̂i la Babelɔŋ kaloŋ da ŋɔnûai pɔ́i, nyíi-ŋai da tínaŋ kátaai mai, ŋá seêi kâa. Ŋa pâi pâi a dia daai su kásama.

Ɉeremi 27:11

Kɛ́lɛ, Yâwɛɛ è mò ǹyɛɛ, ǹɔii-ŋuŋ nyíi pâi fâai ma a gɛɛ é kɛ́ Nɛbukinaza yée mù gɛ́ tíi kɛ̀ mii, ŋa pâi gɛ̂i m̀aa lɔii tí su-ƃela dí lɛ́ɛ díkpɔɔi lɔii su. Da pâi lɛɛ̂i díkpɔɔi lɔii su, dí kɛ́ tíi kɛ̀ naa. Ńyãa Yâwɛɛ ƃé mò tí.”

Ɉeremi 29:16

Kɛ́lɛ m̀ɛnii ká ŋí Yâwɛɛ a môi gâloŋ ma seê-ni Deeƃé ŋɔkâloŋ see-sɛŋ ŋai, da diai lɛ̀ɛ daa lêei su Zerusâlɛŋ, da nyíi-ŋai dífe li ní a dia kɔ-sôŋ-laa sui ǹyɛɛ dîai,