Ɉeremi 38:19 - Bible

¹⁹ Kɛ́lɛ, gâloŋ è ŋ́oo su tòo ǹyɛɛi, “Kúlɔii ŋí su-ƃelai nyíi-ŋai da díkpîŋ tɛɛ Babelɔŋ-ƃelai pɔ́i, ŋa yaôi dîa. Da pâi ńzonîi dí ńdɛɛ dípɔ dí ḿɔ̃lɛ.”

Yálá laawoo hɛɓɛ (dc)

¹⁹ Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Yálá laawoo hɛɓɛ

¹⁹ Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Ɉeremi 38:19 Referans Kwoze

Ɉaan 12:42

E máŋ kɛ̀ ti ǹúu kpaya-kpayai kpîŋ dámaa dí làa la. Kɛ́lɛ, dí kɛ́ɛ yáôi Faresii-ŋai diai, dífe m̀o ni, a gɛɛ dífe làa díkula la Ŋ̀âla-fɛli-kerei mu.

Ɉeremi 38:22

Zĩ̂ai tí su, Zuda nɛyãai nyíi-ŋai lɛ̀ɛ gâloŋ-pɛrɛi lái, ŋá nûa kàa dí kɛ́ lì a dia Babelɔŋ kaloŋ ŋɔtíi kɛ́-ƃelai pɔ́ naa. Íwoli tɔ́ɔ m̀ɛnii ma dí kɛ̀ môi dí kɛ́ɛ liî a diai: ‘Gâloŋ ŋɔwɛli kɛ́-ma ƃelai dí bɛ̀lɛ, díyee è tɛ̀ɛ mà. Ǹyaŋ gɔ́ɔ aâ nâa kánaŋ bârai su Ŋɔwɛli kɛ́-maa-ƃelai da tée mà.’ ”

Azaya 57:11

Yâwɛɛ a m̀ôi ǹyɛɛi, “Ŋ̀âla-ŋai kɔɔ da kɛ̂ kámaa yaôi, a gɛ́ɛ ká kɛ́ a lɛ́ɛ-ƃela ka nia ḿâ kpɔ́ kpúŋ? Káfe ŋɔ́nɔ yaôi ḿâ, kpɛ́ni fêi, ḿɛi saâi a zu-kôyaai?

Ɉeremi 39:9

Nya ƃe Nɛbuzaradaŋ da nyíi kɛ̀ a gɔ-kuluƃa-ŋai mɛi nuui è nâa ǹûai kpéli-ŋai kélee sòŋ a kɔ-sôŋ-ŋa da diai yâo ma dí díkpîŋ tɛɛ bɔ́i, é lí a díkelee Babelɔŋ.

Samuɛlə dɔlɔɔ 31:4

Sɔ̂ɔ è mò ŋɔkɔ́ kɔ́-sãai siɣe-nuui ma ǹyɛɛi, “Ḿbaa a íƃoa-sɔkpɔi! Ḿve ŋ̀wɛ̂lii a gɛ́ɛ Felesia-ŋai ŋí dífe Ɣâla kɔ́lɔŋ dí ɣɛ́lɛ maa kúla ŋ́gbonôi dí ḿbaa.” Kɛ́lɛ gɔ-kuluƃai kpîŋ è kɛ̀ yaôi a gɛ́ɛ é baa. Nya ƃe Sɔ̂ɔ è gbîŋ ŋɔƃóa-sɔkpɔi siɣe é bìlaŋ goi é tóo mɛi.

Hanwon 29:25

Núu-kpune ŋɔyao-maai káa yɛ̂ɛ ƃáre, kɛ́lɛ ǹúui ǹâai a Ɣâla Yâwɛɛi, ŋuŋ maa ƃôɔi.

Samuɛlə dɔlɔɔ 15:24

Sɔ̂ɔ è fàa ma ǹyɛɛi, “Ŋaâ sɔnyɔ̂ŋ kɛ́. Ŋá ka Yâwɛɛ wóo pìli. Ŋá kɛ̀ yaôi gɔ-kuluƃa-ŋai dîa. M̀ɛni ma, ŋá ŋ́oli tɔ̀ɔ dîa é tɛ́ɛ kâa.

Nwun mąąɓo 9:54

Abimelɛ è ŋɔkɔ kɔ́ sãa siɣe nuui tôli a m̀aa félaa ǹyɛɛ m̀ai, “Ḿbaa a íƃoa-sɔkpɔi. Fé ŋ̀wɛ̂lii sinâa dí m̀ó a gɛ́ɛ nɛnî ƃé ḿbàa.” Nya ƃe è m̀ɔ a ŋɔƃóa-sɔkpɔi é sáa.

Ɉeremi 38:5

Gâloŋ Zɛdikaya è mò ǹyɛɛ, “Mɛni lɛ́lɛɛ ká tí. Ka tûa la yɛ̂ɛ berei ka ŋ̀wɛ̂lii lai. Ḿva pɔ̂ri ká kperâi.”

Zôo 31:34

Ḿve kɛ́ ní seêi ŋápɛrɛi lá mɛi-saa, kpɛ́ni fêi ŋákɛ̀ yaôi ǹûai dîa a gɛɛ dífa lâa ńaa ƃó la, kpaa máŋ dí mɛni nyɔ́mɔɔ ƃó a ńaa.

Kɔlɔnikɔ Veerɛi 30:10

Gelâ-ŋai dí lì a gɔlɔ-ŋai daa-lêe-ŋai kélee su tɛi-tɛi, Ifiraŋ da Manasɛ gwaa kélee ma. Dí lí kpɔ́ é lɛ́ɛ la zu díseri Zɛbulɔŋ. Kɛ́lɛ ǹûai kélee dípɛ̀lɛ ɣɛ́lɛ-maa kulâi díkponôi díkɛ dílaa nyɔ́mɔɔ ƃò.

Nehemi 4:1

Saŋbala è kɛ̀ a kâloŋ Sameria lɔii mɛi. È m̀ɛni a gɛɛ kúai a Zuda-ŋai kwa kɛ́ Zerusâlɛŋ siɣãŋ tɔɔ̂i. M̀ɛnii ŋí è ŋwàna ma kpɔ́ a ŋ̀ánaa. È pɛ̀lɛ ɣɛ́lɛ maa kulâi kúkponôi.

Ɉeremi 20:7

Yâwɛɛ, í ḿbɛ̀lɛ, ŋ́gili-ŋa é tɛi. Íwala-walaai é tɛ́ɛ ḿâ. Íyee a tɛ̀ɛ ḿâ. Ǹûai kélee da ɣɛ́lɛ-maa kulâi ŋ́gbonôi. Da lɛ̂ɛ ɣɛ̂lɛi ḿâ é lɛ́ɛ la zu ɣele wûlii é kɛ́.