Ɉeremi 34:15 - Bible

¹⁵ Kɛ́lɛ, gúu feerɛi ŋí yée mu, ká kálii màa fàleŋ ká ńii láa mɛni kɛ́. Ká kélee ká fàa a gɛɛ ká káƃarâai nyíi-ŋai kɛ̀ káyêei a luɛ-ŋai ŋuŋ ma ƃó. Ká m̀ɛnii ŋí maa kpanaŋ-woo kɛ̀ ŋ́ɛi túɛ Ŋ̀âla-pɛrɛ Kɛ́tɛi mu ƃɛ́i ka ḿvɛ̀li naai.

Yálá laawoo hɛɓɛ (dc)

¹⁵ Vóló hveelɛi ŋɛ̨i yeemu, kaa kɛ ka hɔn mąąhvaalən; mɛ̨nįi ɉaŋąą ɲɛ̨́i ɓa, kaa gɛ. Ká kəlee kaa ka kaayɔwɔɠaa lɛɛ mɛ̨nį di kpɔwɔ ɓa, laakwɛlanmo, kaa kɛ ka woo kwɛlɛ ɲɛ̨́i ɓa, bɛlɛ́i ŋɛ̨i da náá təli mu naaləi.

Yálá laawoo hɛɓɛ

¹⁵ Vóló hveelɛi ŋɛ̨i yeemu, kaa kɛ ka hɔn mąąhvaalən; mɛ̨nįi ɉaŋąą ɲɛ̨́i ɓa, kaa gɛ. Ká kəlee kaa ka kaayɔwɔɠaa lɛɛ mɛ̨nį di kpɔwɔ ɓa, laakwɛlanmo, kaa kɛ ka woo kwɛlɛ ɲɛ̨́i ɓa, bɛlɛ́i ŋɛ̨i da náá təli mu naaləi.

Ɉeremi 34:15 Referans Kwoze

Ɉeremi 34:8

Gâloŋ Zɛdikaya da ǹûai kɛ̀ Zerusâlɛŋ dí díwoo sèe a gɛɛ dí

Tɔɔɓɛlaa veelɛ 23:3

Tãi Gâloŋ Zosâya è kpɛ̀ɛ la a gɔlɔi lónoɔɔ̂i, è lì é tɔ́ɔ bɛ́rɛi yée mu-wuru-ŋai dɔnɔ kɔlɛ. È ǹûai marê kɛ̀ a gɛɛ dí díkono tée Yâwɛɛ láai su a gɛɛ da pâi kɛ̂i a dí láa a Yâwɛɛ tɔ̃yâ ma dí ŋ̀óo mɛ́ni, dí ŋɔtɔ̂ŋ-ŋai mɛi káa. Ǹûai dí fàa ma a gɛɛ da pâi mɛnii kélee kɛ̂i bɔ̃yɛ̂ɛi gɔlɔi sui.

Nehemi 10:29

M̀ɛni ma kwa kúkono tée sâa kwa kúlaa túɛ-ƃelai a gɛɛ, kwa pâi kúyee seêi Ɣâla mu, nyíi è wɔ́lɔ dɛ̀ɛ kúpɔ ŋɔtíi kɛ́-nuui Mose sârai, kú sía a m̀ɛni-ŋai kélee Yâwɛɛ è wɔ́lɔ mòi. Kwa pâi dɔ̂ŋ-ŋai, zɛŋ lɛ́ɛ-ŋai da m̀ɛni-ŋai kélee kùla Kúnuu-namui yêei, ŋ̀aa see kɛ̂i a ǹɛ́lɛɛ.

Maafîu 15:8

‘Ǹûai ŋí da ƃâa kɛ̀ ḿâ a díla-gbɔ, kɛ́lɛ, dílii su kôyai ḿâ.

Ɉeremi 32:34

Dí díɣâla-pɔkɔŋ ƃɛlɛ-kpɛɛ ŋ́goi tɔ̀ɔ Ŋ̀âla-pɛrɛ Kɛ́tɛi mu ƃɛ́i nûa da ḿvɛ̀li naai, dí ńaa sée m̀a. M̀ɛni ma da Ŋápɛrɛi maa-tĩa kara.

Azaya 58:2

Da ḿvɛ̀li a ɣele kélee, díkɛ m̀o a gɛ́ɛ da ŋ̀wɛ̂lii kpɔ́ dí ŋásɛŋ lɛ́ɛi kɔ́lɔŋ, dí sía a ŋátɔ̂ŋ-ŋai wóo yɛ̂ɛ ǹyaa ƃé díkaa a teniŋ ƃô lɔii-ŋuŋ-ŋa nyíi-ŋai dífe tá díyee kùla ní ŋátɔ̂ŋ-ŋai mui. Da m̀ôi a gɛ́ɛ da ŋ̀wɛ̂lii ŋá tɔ̃yâ tɔŋ-ŋa tɛɛ dípɔ a gɛ́ɛ da kɛ̀ ḿvɛlîi, díkɛ gɛ̀ a lii-nɛ̃̂ɛ pere.”

Mąątɛ̨nɛ̨ 119:106

Ŋà ḿvoo kpɔ́ a gbanaŋɔɔ a gɛɛ ŋá ńyee see ítɔ̂ŋ mu nyii gáa a íteniŋ ƃô sɛŋ-lɛɛi.

Mąątɛ̨nɛ̨ 76:11

Zãâi í íkono tèe la Íɣâlai Yâwɛɛ yêei, dɛɛ bɔ́. Káai kélee a ǹɔii-ŋûŋ-ŋai su-ƃelai, ka ká sama-sãai tɛ́ɛ bɔ́. Gáa a Ɣâla ǹyaŋ fɛ̂ɛ kú yao ma.

Tɔɔɓɛlaa veelɛ 14:3

Amazia è pìlaŋ ǹâŋ Zoasi kɔ́ɔ pɔɔ su a Yâwɛɛ wóo mɛniɛɛ tɔ̃yâ-tua kɛ́ɛ su. Kɛ́lɛ vé Yâwɛɛ líi-laa ní yɛ̂ɛ ǹâŋ pɔlɔi, Gâloŋ Deeƃé.

Tɔɔɓɛlaa veelɛ 12:2

Zâla láa-soŋ-nuui Zɛoiada è sɛŋ lɛ̂ Zoasi ma berei a pɔ̂ri Yâwɛɛ nîa-mɛni kɛ̂i lai. Mɛni ma, Zoasi è Yâwɛɛ líi láa mɛ̀ni kɛ̀ ŋɔfúlu-laai su.

Levetekɔ 25:10

Góraŋ buu lɔ́ɔlui káa a kóraŋ maa waa gɛ́ ƃò a ŋuŋ ma ƃo koraŋ núu kélee mɛ̂ni ma. Diai kélee díkɔ̃liŋ kɔ̀lɛ kâai ka dɛ̀ɛ dípɔ pôlu, kpaa máŋ dílônii pɔ́ góraŋ ŋí su. Diai káyêei luɛ-laa sui ká díŋuŋ ḿa ƃó dí lí pôlu dínûai pɔ́ naa.