Ɉeremi 34:13 - Bible

¹³ “Ńyãa Yâwɛɛ nyii gáa a Eezuɛ Ŋɔɣâlai, ŋá kpanaŋ-woo kɛ̀ kánâŋ pɔlɔ-ŋai yêei a tãi ŋá díŋuŋ-ma ƃò la ŋá díkula Ize lɔii su ƃɛ́i dí kɛ̀ naa luɛ-laa sui. Ŋá mò dîa a gɛɛ,

Yálá laawoo hɛɓɛ (dc)

¹³ «Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Yálá laawoo hɛɓɛ

¹³ «Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Ɉeremi 34:13 Referans Kwoze

Nwun mąąɓo 6:8

Yâwɛɛ è ŋɔlóno kɛ́-nuui tɛ̀ɛ Eezuɛ-ŋai pɔ́-naa. Ŋ̀orɛ̂-wooi ká ŋí è dɛ̀ɛ lai, “Ńyãa ƃa káai a Eezuɛ Káɣâlai da Kánuu-namui Yâwɛɛ. Ka káwoli tɔ́ɔ ḿâ. Ká kɛ̀ a luɛ-ŋa Ize-ƃelai yêei. Ŋá kákùla ǹuɛ-laai su ŋá kámaa kɔ̃ɔ é lɛ́ɛ la zu ŋá pá a káa ǹɔii ŋí ma. À kɛ̀ lɔii ŋuŋ da su-ƃela da tɔ̀ɔ kâa, ŋa kpɔ̀ŋ kâa ŋá káŋuŋ ma ƃó, ká dílɔii kúla díyêei.

Zasua 24:17

kpɛ́ni fêi, Kúɣâlai Yâwɛɛ ƃé kúnâŋ pɔlɔ-ŋai kûla Ize lɔii su ǹuɛ-laai su é ŋɛi kɛ́-maa támaa kɛ́ kúŋɛi. È kúmɛi kâa kúkɛɛ tɛɛ̂i ǹɔii-ŋûŋ-ŋai sámai.

Ɉeremi 31:32

Vé pâi kɛ̂i yɛ̂ɛ gbanaŋ-wooi nyíi ŋá gɛ̀ dínâŋ pɔlɔ-ŋai yêei a tãi ŋá dísòŋ la a díyee ŋá díkula Ize lɔii sui. Berei máŋ ŋá kɛ̀ la yɛ̂ɛ dísurɔ̂ŋ, dífe ŋákpanaŋ-wooi mɛi káa ní.

Dutɛrɔnome 5:27

Lɛɣɛ naa í mɛ̀nii mɛ́ni Kúɣâlai Yâwɛɛ a m̀ôi. Gɛ̀ ní pá pôlu í gélee ƃó kûa. Kwa pâi mɛnîi kú woo mɛni kɛ́.’

Lɛɛ gbɔwɔ ɓa 24:3

Nya ƃe Mose è pà é Yâwɛɛ wóo-ŋai da ŋɔtɔ̂ŋ-ŋai su kula ǹûai dîa. Ǹûai kélee dí Mose wóo su tòo dîyɛɛ mai, “Mɛni-ŋai kélee Yâwɛɛ è mòi kwa pâi gɛ̂i.”

Ɉeremi 11:7

Kpɛ́ni fêi, tãi ŋá kánâŋ pɔlɔ-ŋai kùla la Izei, ŋá dí lia-woo ƃò gîe mɛi, é tóo sâa ma, ńyɛ̃ɛ dîa ka káwoli tɔ́ɔ ŋ́oo ma.

Ɉeremi 11:4

nyíi ŋá wɔ́lɔ mò kánâŋ pɔlɔ-ŋai dîa a tãi ŋáwɔlɔ díkùla la Ize-lɔii sui. Ŋá wɔ́lɔ díkùla vulɛ-ŋɔŋ su. Ŋá mò dîa a gɛɛ dí ŋ́oo mɛ́ni, dí m̀ɛni-ŋai kɛ́ nyíi-ŋai ŋá mò dîai. M̀ɛni ma, m̀ó ŋánûai dîa ŋa pâi kɛ̂i a dí Ɣâla

Ɉeremi 7:22

Kpɛ́ni fêi, vóloi ŋá ká kùla la Izei, fé m̀ó ní kánâŋ pɔlɔ-ŋai dîa a gɛɛ díkereŋ-sama-sɛŋ da sâla kula ḿâ.

Dutɛrɔnome 29:1

Yâwɛɛ è mò Mose ma a gɛɛ é Kpanaŋ-woo nina kɛ́ Eezuɛ-ŋai yêei Môa lɔii su. Gbanaŋ-wooi ŋí è kɛ̀ a da kpɛ́ni nyii ma è gɛ̀ dîyɛɛi Sana Yeei ma a maa-ŋuŋ. Ŋ̀óo-ŋai ká ŋí gáa Gbanaŋ-wooi ŋí sui.

Dutɛrɔnome 24:18

Ka gɔ́lɔŋ a gɛɛ ká kɛ̀ a luɛ-ŋa Ize Káɣâlai Yâwɛɛ é káŋuŋ ma ƃó é kákula naa. Mɛni ƃé ŋa m̀ôi la kâa a gɛɛ ká sía a dɔ̂ŋ-ŋai ŋí wóo.

Dutɛrɔnome 16:12

Ka dɔ̂ŋ-ŋai ŋí mɛi káa a ǹɛ́lɛɛ. Ka gɔ́lɔŋ a gɛɛ ká kɛ̀ a luɛ-ŋa Ize lɔii su.

Dutɛrɔnome 15:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su Yâwɛɛ Káɣâlai é káŋuŋ maa ƃó. Mɛni ƃé ŋa dɔ̂ŋ ŋí tɛɛ̂i la kápɔ sâa.

Dutɛrɔnome 13:10

Ka zɔɔ a kɔni é lɛ́ɛ la zu é sáa, kpɛ́ni fêi, a ŋ̀wɛ̂lii é kákula Káɣâlai Yâwɛɛ pôlu nyii kákùla ǹuɛ-laai su Izei.

Dutɛrɔnome 8:14

Ka pâi kɛ̂tɛi kákpîŋ ŋɛ́i ká nia Káɣâlai Yâwɛɛ ma nyii kákùla ǹuɛ-laai su Izei.

Dutɛrɔnome 7:8

Kɛ́lɛ è gɛ̀ tí kpɛ́ni fêi, è káwɛli-ni a gɛɛ ŋɔ́nɔ é gono teei ŋaa-see kɛ́ nyii è gɛ̀ kánâŋ-ni yêei a gɛɛ a pâi díkulâi Ize kaloŋ yêei ǹuɛ-laai su Ize lɔii su.

Dutɛrɔnome 6:12

Mɛni ma, káfe ǹia Káɣâlai Yâwɛɛ ma. Ǹyaa ƃé kákùla ǹuɛ-laa su Ize lɔii su.

Dutɛrɔnome 5:6

‘Ńyãa ƃa Káɣâlai Yâwɛɛ nyii kákula ǹuɛ-laai su Ize lɔii sui.

Lɛɛ gbɔwɔ ɓa 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 13:14

Kálônii-sinaai da kámarê kɛ̀ tínaa-tuɛ-pere dîyɛɛ kâa, ‘Nyíŋi su-kulai ƃa lé?’ Ka m̀ó dîa kâa. ‘Yâwɛɛ è wɔ́lɔ kúkùla luɛ-laa su.

Lɛɛ gbɔwɔ ɓa 13:3

Nya ƃe Mose è mò ǹûai dîa ǹyɛɛi, “Ŋele-kûui ŋí é lɛ́ɛ kákili ŋá nyii ká kùla la Ize lɔii su ǹuɛ-laai sui. Kpɛ́ni fêi, Yâwɛɛ è kákùla naa a ŋɔwála-wala-laai. Káfe kpólo mìi nyii tɛ́-sɛŋ káa zui.

Ɉeremi 34:12

Nya ƃe Yâwɛɛ è ḿâ ǹyɛɛi,