Ɉeremi 32:41 - Bible

⁴¹ A pâi ńii nɛ̃ɛ̂i ŋá mɛni lɛ́lɛɛ kɛ́ dîɛ. Ŋa pâi gɛ̂i dí sée ǹɔii ŋí su teniŋ ƃô pere su wɔ́lɔ-wɔlɔ da wɔlɔ-wɔlɔ.

Yálá laawoo hɛɓɛ (dc)

⁴¹ Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Yálá laawoo hɛɓɛ

⁴¹ Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Ɉeremi 32:41 Referans Kwoze

Ɉeremi 24:6

Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Sofoni 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Amɔsə 9:15

Yâwɛɛ ǹyɛɛ, “Ŋa pâi dísîi dílɔii su, ǹyaŋ núu fé pâi ŋɔ́nɔ wɔ́lɔ dí kulâi dílɔii su nyii ŋá dɛ̀ɛ dípɔi.”

Azaya 62:5

Berei nyáŋkpa a nɛnî-kpela kùla là a kɛ̂ a ǹíi lá, gɛ́ m̀aa kɔ̃̂ɔi, berei ƃé ílônii-sinaa da pâi ímaa kɔ̃ɔ̂i la. Ɣâla líi a pâi kɛ̂i a nɛ̃ɛ ímɛni ma, yɛ̂ɛ nyáŋkpa da nɛnî-kpela da díkîe-ni kùla a nina.

Azaya 65:19

Ńyãa kpîŋ ŋa pâi kɛ̂i a ńii-nɛ̃ɛ Zerusâlɛŋ mɛni ma da ŋánûai. Wɔ́lɔ-wóo fé ŋɔ́nɔ pâi tɛ̂i naa. Lii tòo pôlu da fé pâi kɛ̂i naa.

Ɉeremi 31:28

Berei nɔ́ ŋátãi sìɣe la ŋ́gɛ díƃuleŋ, ŋ́gɛ dítòo, ŋ́gɛ díwoloi, bere nɔ́ ƃé ŋa pâi tãi siɣêi la ŋá dísi, ŋá dítɔɔ ŋɔ́nɔ pôlu.

Ɉeremi 18:9

Kɛ́lɛ, à kɛ̀ ŋà mò a gɛɛ ŋa pâi lɔii-ŋuŋ da ŋɔkâloŋ-laai su kpananiî, ŋá dɔ́ɔ,

Dutɛrɔnome 30:9

M̀ɛnii kélee ka káyee pìli zui a pâi gɛ̂i é ƃûu ƃó. Ka pâi nîa-pɛlɛɛ támaa maa sɔlɔ ƃôi. Kátaa tulɛ-ŋai dí ƃûu ƃó, kási-sãai dí kɛ̀ kpɛ̀tɛ. Ǹîa mɛni ƃa a gɛɛ káƃûu ƃó yɛ̂ɛ berei kánâŋ-ni dí kɛ̀ lai.

Dutɛrɔnome 28:63

Yɛ̂ɛ berei nɔ́ è kɛ̀ la a ǹíi láa mɛni gɛ́ gɛ̀ ká kɛ́ ƃûu ƃò ká kɛ́ mɛni kɛ̀ ƃûu ƃoi, bere nɔ́ ƃé a pâi kɛ̂i la a ǹíi láa mɛni é kásu kara. A pâi kásu karâi ǹɔii ma ka liî naai.

Mąątɛ̨nɛ̨ 80:8

Kúkaa yɛ̂ɛ kpɔmɔ ƃa kaoi, í gùla Ize lɔii su, í pá la í lɔii-ŋuŋ da kpɛ́ni-ŋa su-ƃela kpɛ́ dílɔii ma í zí naa.

Azaya 62:4

Núu da fé pâi ŋɔ́nɔ ítôlii a “Ǹúui ńyii Ɣâla a bôlu tɔ̀ɔ m̀ai,” kpaa máŋ dí ílɔii tóli a “Fɛ̃ɛ-kpâlaŋ lɔii” Ílaa ninai ƃé pâi kɛ̂i a, “Ɣâla líi laai ǹyêei.” Da pâi kálɔii tôli a, “Lii-nɛɛ tùa-laa,” kpɛ́ni fêi Yâwɛɛ líi lâai káyêei, ǹyaŋ a pâi kɛ̂i yɛ̂ɛ kálɔii ŋɔsurɔ̂ŋ.

Mise 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwànaa wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Azaya 60:21

Ínûai kɛ́ mɛni kélee a pâi kɛ̂i a zã́a. Ǹɔii a pâi kɛ̂i a dí pɔ́ɔ wɔ́lɔ-wɔlɔ. Ŋá díkpɛ̀tɛ, ŋá dísi, a gɛɛ dí ŋá kɛ́tɛ-laai lɛ́ núu kélee ma.

Izikiɛ 36:36

Tãi m̀ɛni-ŋai da pâi kɛ̂i lai, ǹɔii-ŋuŋ-nyii-ŋai dí tínaŋɔ̂ɔi kâai da pâi gɔ̂lɔnii a gɛɛ ńyãa Yâwɛɛ ƃé daa pîleŋ-ŋai tɔ̂ɔ ŋá sí-sɛŋ sí ǹɔɔ pûŋ-ŋai su. Ńyãa Yâwɛɛ ƃé mò tí. Ǹyaŋ ŋa pâi gɛ̂i tí.”

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.