Ɉeremi 31:8 - Bible

⁸ Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Yálá laawoo hɛɓɛ (dc)

⁸ Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Yálá laawoo hɛɓɛ

⁸ Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Ɉeremi 31:8 Referans Kwoze

Izikiɛ 34:16

“Ŋa pâi ŋáƃala láɣaŋɔɔ-ŋai kɔ̂rii, ŋá pá a dia pôlu. Diai díkɔ̃liŋɔɔi, ŋa pâi díkɔɔ ma ɣirîi. Diai dífii kpɛɛ̂i, ŋa pâi kpɔŋ mâ tɛɛ̂i dí pɔ́. Nyii-ŋai díkpaya-kpayai da nyii-ŋai díwala-walaai, ŋa pâi dímɛi kâai. Ŋa pâi dímɛi kâai teniŋ ƃô-laa su.

Ɉeremi 23:8

Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Mise 4:6

Yâwɛɛ è mò ǹyɛɛi, “Tãi a pâi tãi ŋa pâi gɔ pu-ƃelai ŋáa tɛ̂i gîe ma, da diai díkaa luɛ-laa sui, é pɛ́lɛ diai dîa ŋa dímɛnii ŋá teei.

Hebreu 12:12

Mɛni ma ka káyee nyii-ŋai zɛlɛŋɔɔ̂i kâai tɛ́ ɣelêi ká kákpêleŋ nyii-ŋai dífii-kpɛɛ su kpanaŋ.

Izikiɛ 34:13

Ŋa pâi díkulâi ǹɔii da kpɛ́ni-ŋai su ŋá pá a dia pôlu Eezuɛ, díkpîŋ lɔii su. Ŋa pâi díkɔnɔŋ kulâi Eezuɛ yèe-ŋai tôŋ su ǹyá-ɣɛli-ŋai kɔlɛ. Ŋa pâi liî a dia ƃɛ́i kala ŋûnu támaa káa naa Eezuɛ lɔii sûi.

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Tɛsalonikə dɔlɔɔ 5:14

Kwa kalia-woo ƃôi, ŋánûa, a gɛ́ɛ diai dífe tíi kɛ̂i, ka dília-woo ƃó. Diai dílii toɔɔ̂i pôlui, ku dílii-kpele-woo ƃó. Ka kpɔŋ-maa tɛɛ vii-kpɛɛ-ƃelai pɔ. Lii-kpele é kɛ́ káyêei díkelee mɛni ma.

Maafîu 12:20

Diai dífii kpɛɛ̂i, vé pâi ǹɛɛ̂i naa dí tóo. Diai kili kɛ-zu fé díyêei, a pâi kili-kɛ-zu tɛɛ̂i dípɔ. A pâi pâi a tenîŋ ƃô-laa núu kélee mɛni ma,

Ɉeremi 3:18

Maa tãi tí ma, Eezuɛ da Zuda da pâi kulâi yá-ŋua pere dípa ǹɔii su ŋá dɛ̀ɛ dínâŋ ni pɔ́ a dípɔɔi.”

Azaya 52:10

Yâwɛɛ a pâi tíi kɛ̂i a ŋɔwála-wala laa maa waai, é ŋɔnûai ŋuŋ ma ƃó, ŋ̀éniɛi gwaa kélee su-ƃelai dí ǹaa káa.

Azaya 43:6

Ŋa pâi m̀ôi yá-ŋûa lɔii-kpiniŋ ma a gɛ́ɛ é ŋánûai tɛ́ɛ, ŋá m̀ó séɣai-pere lɔii kpiniŋ ma a gɛ́ɛ vé kànaŋ dîa. Tɔɔ ŋánûai dí kúla ǹɔii ŋuŋ su kôyaa-ŋai su, da ŋ̀éniɛi gwaa kélee.

Dutɛrɔnome 30:4

A nɛ̃ɛ ma kpîŋ ká kɛ́ kwaa kôyaa ma ǹɔii kpóŋ ma a pâi káŋaa tɛ̂i gîe ma é ká kúla naa é pá a káa.

Hebreu 4:15

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuui nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔŋ è pà bɔ̀ pere-sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.

Korɛntə dɔlɔɔ 8:10

Kpɛ́ni fêi, à kɛ̀ núu da à íkàa ílaa mii teƃele ma ɣâla-pɔɔkɔŋ ŋɔpɛ́rɛi mu, yái íkaa a táre-nuui, à kɛ̀ maa-nuui ti ŋɔkili-ŋa-siai fii kpɛɛ̂i, gɛ̀ ní ǹíi fe pâi kpelêi a gɛ́ɛ e mii-sɛŋ mii nyíi da gula a sâla ŋâla-pɔɔkɔ̂ŋ-ŋai diai?

Ɉaan 21:15

Tãi dí kpɛ̀ɛ la dílaa miî, Zîsɛ e mò Samaŋ Pitɛ ma, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni é tɛ́ɛ nyiŋi-ŋai ŋi dîa?” E mò ma, ǹyɛɛi, “Ooei, Ŋánuu-namui; í gɔ́lɔŋ a gɛɛ ŋá íwɛli ni.”

Zakari 2:6

Yâwɛɛ è mò ŋɔnûai dîa ǹyɛɛi, “Ŋá kátàa-taa ǹɔii gwaa kélee. Kɛ́lɛ káai kátaa-tâai, ka pú ká kúla Babelɔŋ lɔii su ká lí pôlu Zerusâlɛŋ.

Sofoni 3:19

Gáa, maa tãi tí su, ŋa pâi mɛni kpɔ̂lu lâai íkpɔara-ƃelai dîa. Ŋa pâi gɔɔ-pu-ƃela kɛ̂i dí sía, ŋá kpáaŋ diai mɛ̂ni ma núu fé kpáaŋ ní dímɛni mai, ŋá díŋumɛ-mɛnii kɛ́ a láa-maa tɛ̂, ŋá laa-maa tɛ̂ tɛɛ dípɔ ǹɔii gwaa kélee.

Izikiɛ 20:41

Ŋa pâi ka kulâi ǹɔii-ŋuŋ ŋai su ŋá pá a káa pôlu kákîe ma. Ŋa pâi ǹyée seêi kákereŋ sala-ŋai mu. À kɛ̀ tí, ǹɔii ŋuŋ-ŋai da pâi gɔ́lɔnîi a gɛɛ ḿaa-wâai.

Izikiɛ 20:34

Ŋa pâi ka kulâi ǹûai sama, ŋa kákula ǹɔii ŋai su ƃɛɛi ŋa ká taa-taa naai a lii-wãna su kɛtɛ ŋanaa.

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Azaya 45:22

“Ka tínaŋ ḿbɔ naa pere ka ƃálo-laa sɔlɔ ƃó, káai a ŋ̀éniɛi su-ƃelai! Ka tínaŋ ḿbɔ naa pere, kpɛ́ni fêi, ńyãa nɔ́ ƃa Káɣâlai. Ɣâla da kpɛ́ni fé naa é kúla ḿbôlu.

Mąątɛ̨nɛ̨ 107:3

Ka ǹáa maa tɛ́, kpɛ́ni fêi, a káŋuŋ ma ƃó a kákula kákpɔara-ƃelai yêei lɔii ŋuŋ-ŋa su, vóloi kulâi-pere da vóloi liî-pere, yá-ŋûa-pere da yá kwára-pere.

Mąątɛ̨nɛ̨ 98:3

Ŋɔwɛli kɛ́-maa kpanaŋɔɔi maa kono-teei, maa mɛni kíli è lɛ̀ɛ ŋá ŋɔnûai Eezuɛ-ŋai mɛni ma. Ɣâla a ǹɛ́ núu kélee ma berei a ŋɔnûai ŋuŋ ma ƃò lai.

Mąątɛ̨nɛ̨ 65:5

Ya kúŋuŋ maa ƃó kúmɛni kpɔ̂lu-ŋai su. Í mɛni kpaya-kpaya támaa kɛ̀ a gɛɛ í kú ƃálo. Ǹûai kélee da pâi lâai a yá ŋ̀éniɛi gwaa kélee ma.

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Izikiɛ 34:12

Yɛ̂ɛ berei ƃála-mɛi káa nuu a ŋɔƃála-ŋai mɛi kâa lai, bere ƃé ŋa pâi ŋaƃála-ŋai mɛi kâai la. Ŋa pâi dí ŋáa tɛ̂i díkîe ma. Ŋa pâi díkɔ̂rii ŋá díkula gwaa-ŋai ma ƃɛ́i dí tàa-taa dí lí naa a kpíni a mɛni kpɔ̂lu ɣelei.

Ɉeremi 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”