Ɉeremi 30:3 - Bible

³ Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Yálá laawoo hɛɓɛ (dc)

³ Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Yálá laawoo hɛɓɛ

³ Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 30:3 Referans Kwoze

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Ɉeremi 16:15

Kɛ́lɛ, da pâi kɛ̂i m̀ôi dîɛ gɛ̀-ɣele-ma Ɣalai ƃé Eezuɛ-ƃelai kùla ya-ŋua pere lɔii-ŋai da ǹɔii-ŋuŋ da kpɛ́ni-ŋai su ƃɛ́i dí kɛ̀ a dítaa-taa naai, é pá a dia díkpɔɔi lɔii su, nyíi ŋá dɛ̀ɛ dínâŋ pɔlɔ-ŋai pɔi. Ńyãa Yâwɛɛ ƃé mò tí.”

Izikiɛ 20:42

Tãi ŋa pâi ká kulâi la ǹɔii ŋai su ŋá pá a káa Eezuɛ lɔii su nyii ŋa ŋgono-tee a gɛɛ ŋa pâi dɛɛi ká ǹâŋpɔlɔ-ŋai pɔi, maa tãi ƃe ka pâi gɔ́lɔnîi la a gɛɛ ńyãa ƃa Yâwɛɛ.

Ɉeremi 30:18

Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Sofoni 3:20

Maa ɣêlei tí, ŋa pâi pâi a ínûai pôlu dípɔ-taai nyii-ŋai dí táa-tâai, tãi ŋa pâi dítôlii la kwaa tɔ̂nɔ mai. Tɔ̃yâ ma ŋa pâi ƃaa-kɛ-maa da láa-maa-tɛ̂ tɛɛ̂i kápɔ ǹûai kélee sáma ǹɔii su, ŋ̀elei ŋa pâi pâi la a ŋánûai pôlu ŋá dí kúla-luɛ-laa sui.”

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 32:44

Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”

Hebreu 8:8

Kɛ́lɛ, è gàa a gɛɛ ǹûai dífe zoŋ ni a ǹɛ́lɛɛ, mɛni ƃe è mò la nyɛɛ, “Nuu-namui nyɛɛi, ŋele-ŋai da pâi pâi, tãi ŋa pâi kpanaŋ-woo nina kɛ̂i la Eezuɛ-ƃelai da Zudasi-ƃelai yêei.

Zooɛ 3:1

Yâwɛɛ ǹyɛɛ, “M̀aa ɣêle-ŋai tí su, ŋa pâi Zuda da Zerusâlɛŋ dítɔɔ-sãai da tɛɛ̂i pôlu.

Izikiɛ 36:24

Ŋa pâi kákulâi ǹɔii-ŋûŋ-ŋai su ŋá pá a káa kákpɔɔi lɔii su.

Mąątɛ̨nɛ̨ 53:6

Ŋa Ɣâla fɛlîi a gɛɛ Eezuɛ a pâi kulâi Zãiyɔŋ é díyee mɛi ɣále. Eezuɛ-ƃelai líi a pâi nɛ̃ɛ̂i a tãi Ɣâla a pâi ŋɔ́nɔ gɛ̂i la díƃûu ƃó pôlui.

Lukə 21:6

“É máŋ kɛ́ ti, zãâi ŋi ka díkaâi, ɣele-ŋa da a pâi pâi tãi kɔni tɔnɔ kpîŋ fé pâi lɛɛ̂i ƃɛ gîe mɛi. Da pâi díkelee toôi ǹɔii ma.”

Lukə 19:43

Kpɛ́ni fêi, ɣele-ŋa da pâi pâi yâ tãi íkpɔara-ƃela da pâi gala tɔɔ̂i la dí dínâŋ yâ, dí ímaa tinaŋ dí bîlaŋ gîei, dí íkɛ naa ífa pɔ̂ri kulâi,

Lukə 17:22

Nya ƃe e mò ŋɔpôlu-ƃelai dîa, ǹyɛɛi, “Ŋele-ŋai da pâi pâi tãi ka pâi ŋ̀wɛ̂lii ka núu-kpune Ǹóŋ ŋɔɣelei dɔnɔ káa lai. Kɛ́lɛ, káfe pâi gaai.

Izikiɛ 47:14

Ŋá ŋ́gono tèe a gɛɛ ŋá ǹɔii ŋí tɛ́ɛ kánâŋ-ni pɔ́, kɛ́lɛ gáa nâa a ká pɔ́ɔ. M̀ɛni ma, ka ŋá kɔlɛ a bɔriɛɛ kákîe-ni loai.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 31:38

Yâwɛɛ è mò ǹyɛɛ, “Tãi káa pâi, maa tãi tí ŋa pâi Zerusâlɛŋ tɔɔ̂i ŋɔ́nɔ la a ŋátaa-lêe ninai. Ŋa pâi dɔɔ̂i é síɣe Anɛna yeŋ-keŋ ma vóloi liî-pere é tóo ziɣãŋ-laƃerei nyíi gáa Zônoŋ-su perei ma.

Ɉeremi 31:31

Yâwɛɛ è mò ǹyɛɛ, “Tãi káa pâi, maa tãi tí ƃé ŋa pâi kpanaŋ-woo nina kɛ̂i la Eezuɛ da Zuda-ƃelai yêei.

Ɉeremi 31:27

“Ńyãa Yâwɛɛ ŋá mò a gɛɛ tãi káa pâi, maa tãi tí, ŋa pâi Eezuɛ da Zuda dílaa fɛ̂ɛi a núu-kpune da taa-tulɛ.

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Ɉeremi 27:22

Da pâi liî a zãâi ŋí kélee Babelɔŋ dílɛɛ naa é lɛ́ɛ la zu ŋá lí dí kânai. À kɛ̀ tí, ŋa pâi pâi a dia pôlu, ŋá lí a dia pôlu ƃɛ́i díwɔ́lɔ kɛ̀ naai. Ńyãa Yâwɛɛ ƃé mò tí.”

Ɉeremi 27:11

Kɛ́lɛ, Yâwɛɛ è mò ǹyɛɛ, ǹɔii-ŋuŋ nyíi pâi fâai ma a gɛɛ é kɛ́ Nɛbukinaza yée mù gɛ́ tíi kɛ̀ mii, ŋa pâi gɛ̂i m̀aa lɔii tí su-ƃela dí lɛ́ɛ díkpɔɔi lɔii su. Da pâi lɛɛ̂i díkpɔɔi lɔii su, dí kɛ́ tíi kɛ̀ naa. Ńyãa Yâwɛɛ ƃé mò tí.”

Ɉeremi 23:5

Yâwɛɛ è mò ǹyɛɛ, “Tãi a pâi, maa tãi tí, ŋa pâi téniŋ ƃô kaloŋ siɣêi nyíi pâi kulâi Deeƃé ŋɔsuui sui. A pâi kɛ̂i a gâloŋ nyíi pâi ŋánûai mɛi kâai a táre-pere, gɛ́ tùa a táre-pere. A pâi pâi a tɔ̃yâ làa ǹɔii gwaa kélee ma.

Ɛsdrasə 3:12

Zâla láa-soŋ-ƃela pɔlɔ-ŋai, Liiva-ŋai, da ǹúu sûu-ŋai láa túɛ-ƃelai nyii-ŋai wɔ́lɔ Ŋ̀âla-pɛrɛ kɛ́tɛ pɔlɔi kaai, díkɛ̀ naa tãi dí bɛ́rɛi ŋí tɔ̂ɔ kɔ́ɔ pìlaŋ lai. Tãi dí nàa kàa lài, ǹûa pɔlɔ-ŋai dí wɔ̀lɔ a maloŋ-pere, ǹúu gbéli-ŋai díkɛ lii-nɛ̃̂ɛ kùla.

Ɛsdrasə 3:8

Dí lenéɛɛ pôlu Zerusâlɛŋ, maa kôraŋ veerɛi ŋɔɣáloŋ veerɛi su ƃé dí pɛ̀lɛ la Ŋ̀âla-pɛrɛ Kɛ́tɛi tɔ̂ɔ ma. Ǹûai ŋí kélee dí díyee pù Ŋ̀âla-pɛrɛ Kɛ́tɛi tɔɔ mɛni su: Zɛrubabɛɛ, Zasua da Zosada ŋɔkáyɔɔ-ŋai, zâla láa-soŋ-ƃelai da Liiva-ŋai é pɛ́lɛ diai kélee kùla gɔ́-soŋ laai su dí lene pôlu Zerusâlɛŋ dîa. Liiva-ŋai kélee kɛ̀ a kóraŋ buu feerɛ é tɛ́ naa túɛ-perei, dí dí pù Ŋ̀âla-pɛrɛi ŋí tɔɔ pôlu maa mɛni láa túɛ.

Ɛsdrasə 3:1

Eezuɛ-ŋai kuláa gɔ́-soŋ laai su Babelɔŋ dí ɣáloŋ lɔ́ɔlu mɛi feerɛ sìɣe dí dítaa-ŋai su kpɛ̀tɛ. Ǹaa pôlu ma, dí díŋaa-tɛ gîe ma Zerusâlɛŋ taa-leei su.

Dutɛrɔnome 30:3

Káɣâlai Yâwɛɛ a pâi kámalôŋ kâai. A pâi kákulâi naa é pá a káa pôlu é gɛ́ káƃûu ƃó.

Ɉeremi 31:23

Ŋ̀wála-wâla kélee Yâwɛɛi nyíi gáa a Eezuɛ-ƃelai Díɣâlai è mò ǹyɛɛ, “Tãi ŋa pâi ǹûai dílɔii tɛɛ̂i la dípɔ pôlui, ǹûai da pâi môi Zuda lɔii da naa taa-ŋai su dîyɛɛi, ‘Yâwɛɛ é lûwa láa Zerusâlɛŋ yee maa waai ma, gwaa ma waai ƃɛ́i gáa naai.’

Dutɛrɔnome 30:5

A pâi ǹɔii tɛɛ̂i kápɔ pôlu kánâŋ-ni dí wɔ́lɔ kɛ̀ mai. A pâi gɛ̂i káƃûu ƃó ká naa láa fɛ́ɛ kátɛɛ kánuu-pɔlɔ-ŋai dîa kɛ̀ naa a bɔlɔi.

Ɉeremi 3:18

Maa tãi tí ma, Eezuɛ da Zuda da pâi kulâi yá-ŋua pere dípa ǹɔii su ŋá dɛ̀ɛ dínâŋ ni pɔ́ a dípɔɔi.”

Ɉeremi 29:10

Yâwɛɛ è mò ǹyɛɛ, “À kɛ̀ Babelɔŋ a gɛ̀ ká mɛi a kóraŋ buu lɔ́ɔlu mɛi feerɛ, gɛ̀ ní ká malôŋ a pâi ńzoniî ŋákono-teei kíli a pâi toôi ŋá, ŋá pá a káa pôlu ká pɔ́-taai.

Ɉeremi 30:4

Ŋ̀orɛ̂-wooi ŋí ƃé Yâwɛɛ è dɛ̀ɛ é pîlaŋ Eezuɛ da Zuda-ƃelai dîa ǹyɛɛi,

Ɉeremi 31:16

Kpera wɔ̂lɔi, í íŋɛi kɔ́ɔ. M̀ɛni-ŋai nyíi kélee í gɛ̀ ínîa-pɛlɛi dîɛi, ya pâi vela-fei sɔlɔ ƃôi. Da pâi lenêi pôlu díkula díkpɔara-ƃelai dílɔii su.

Ɉeremi 51:60

Ŋá kɔlɔ pɔ̃yɛɛ ŋá m̀ɛni-ŋai kélee ƃó é pîlaŋ m̀ɛni-ŋai pâi kɛ̂i a Babelɔŋ dîa, da m̀ɛni da kpɛ́ni-ŋai pâi kɛ̂i lai.

Mąątɛ̨nɛ̨ 126:4

Yâwɛɛ, gɛ́ kú ƃûu ƃó ŋɔ́nɔ, yɛ̂ɛ berei tuna a gɛ̀ la ya lêe é láa ǹâai.

Izikiɛ 34:13

Ŋa pâi díkulâi ǹɔii da kpɛ́ni-ŋai su ŋá pá a dia pôlu Eezuɛ, díkpîŋ lɔii su. Ŋa pâi díkɔnɔŋ kulâi Eezuɛ yèe-ŋai tôŋ su ǹyá-ɣɛli-ŋai kɔlɛ. Ŋa pâi liî a dia ƃɛ́i kala ŋûnu támaa káa naa Eezuɛ lɔii sûi.

Sofoni 2:7

Yúo kɔlɛ ma lɔii a pâi kɛ̂i a pɔɔ-sɛŋ Zuda ŋɔpɛ́rɛi mu-ƃelai mɛni ma nyii-ŋai pâi lɛɛ̂i ɣele mai. Nàa a pâi kɛ̂i a díkpâlaŋ ŋá dítaa tûlɛ-ŋai mɛni ma. Da pâi ǹyîi Asikɛlɔŋ ŋɔpɛ́rɛ-ŋai mu a ɣele wûlii ǹyaŋ Yâwɛɛ a pâi dímɛi kâai é díƃalo.