Ɉeremi 30:18 - Bible

¹⁸ Yâwɛɛ è mò ǹyɛɛi, “Ŋa pâi ŋánuai seêi kulâi díkpɔɔi lɔii su, ŋá ǹúu-suui kélee malôŋ káa. Da pâi Zerusâlɛŋ tɔɔ̂i pôlu dí ǹúu maa kɔ̃ɔ kwaa ma kpanaŋɔɔ-ŋai tɔ́ɔ pôlu dítɔɔ̂i.

Yálá laawoo hɛɓɛ (dc)

¹⁸ Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Yálá laawoo hɛɓɛ

¹⁸ Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 30:18 Referans Kwoze

Mąątɛ̨nɛ̨ 102:13

Ya pâi ímu siɣêi í Zãiyɔŋ malôŋ káa. Tãi a seri a gɛɛ í m̀alôŋ káa. Maa tãi ká ŋí a seri.

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 33:7

Ŋa pâi gɛ̂i Zuda da Eezuɛ dí ƃûu ƃó, ŋá dí kɛ́ yɛ̂ɛ berei dí wɔ́lɔ kɛ̀ la a bɔlɔi.

Ɉeremi 49:39

Kɛ́lɛ, ǹaa-loŋ a gɛ̀ tí, ŋa pâi gɛ̂i Elaŋ é ƃûu ƃó ŋɔ́nɔ. Ńyàa Yâwɛɛ ƃé mò tí.”

Ɉeremi 23:3

Ŋa pâi ŋánûai ŋáa lɛɣɛ̂i díkîe ma nyii-ŋai dítaa-taai ǹɔii-ŋuŋ da kpɛ́ni-ŋai sui, ŋá pá a dia dípɔ-taai. Da pâi nîa-pɛlɛɛ-ŋa sɔlɔ ƃôi, dítama.

Zakari 1:16

M̀ɛni ma ŋa pá pôlu Zerusâlɛŋ taa-leei su a gɛɛ ŋá ŋámalôŋ-kâai lɛ́ mà. Ŋá Ɣâla-pɛrɛ kɛ́tɛi a pâi pâi pôlu ŋátaa-lêei é tɔ́ɔ ŋɔ́nɔ pôlu.”

Ɉeremi 46:27

“Ŋánûa, káfe yào. Eezuɛ-ƃela, káfe yào. Ŋa pâi kákulâi ǹɔii-ŋuŋ su koyâai tí su, kákaa naa a luɛ-ŋai. Ka pâi pâi pôlu kálɔii su ká sée naa lii-see su. Ka pâi kɛ̂i a káŋuŋ ma ƃóɔɔ, núu da kélee fá ŋɔ́nɔ ká maa yâo.

Ɉeremi 49:6

“Kɛ́lɛ, ǹaa loŋ a kɛ́ tí, ŋa pâi gɛ̂i Amɔŋ é ƃûu ƃó ŋɔ́nɔ. Ńyãa Yâwɛɛ ƃé mò tí.”

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 33:11

Ka pâi lii-nɛ̃ɛ woo-ŋa mɛnîi naa ɣelêi-pere. Ka pâi kɛ̂i nɛnî kula kûu su wule-ŋa mɛnîi a ɣelêi-pere, dí kɛ́ lii-nɛ̃ɛ wule too a tãi da pâi kɛ̂i pâi la a sɛɣɛ-fei sama-sãa Ŋ̀âla-pɛrɛ Kɛ́tɛi mui. Da pâi m̀ôi dîyɛɛi, ‘Ka sɛɣɛ-fei tɛɛ Ŋ̀wála-wâla kélee Yâwɛɛ pɔ́, kpɛ́ni fêi, zɔŋ lɛ̂lɛɛi, ŋɔwɛli kɛ́-maa kɔ́yɛŋ fé ma.’ Ŋa pâi gɛ̂i ǹɔii ŋí é ƃûu ƃó yɛ̂ɛ berei è wɔ́lɔ kɛ̀ lai. Ńyãa Yâwɛɛ ƃé mò tí.”

Kɔlɔnikɔ Maa-ŋuŋ 29:19

Ǹɛɛ naa nóŋ Saloma kíli é kɛ́ a dɔɔ́ yâ, é íwoo mɛni, é ítɔ̂ŋ-ŋai mɛi káa é díŋaa-see kɛ́ a gɛ́ɛ é bɛ́rɛi tɔ́ɔ nyíi ŋa dɔɔ-sãa kélee ŋá tɛ́ mai.”

Ɉeremi 29:14

Yâwɛɛ è mò ǹyɛɛ, “Ka pâi ŋ́gâai. À kɛ̀ tí, ŋa pâi lenêi pôlu a káa, ŋá ká sée kákpɔɔi lɔii su. Ŋa pâi ká kulâi ǹɔii-ŋai su ŋá ká tɛ̀ɛ naa kɔ-sôŋ-laa sui, ŋá pá a káa pôlu. Ńyãa Yâwɛɛ ƃé mò tí.”

Azaya 44:28

Ŋá mò Sarɔ mà ńyɛ̃ɛi, ‘Yá ƃé ŋá ísiɣe zu a gɛ́ɛ í tɔ́ɔ ŋánûai túɛ é díteniŋ tɔ́ɔ. M̀ɛni-ŋai ŋá mò yâi, ya pâi díkɛ̂i. Ya pâi lɛɛ̂i dítuɛ dí Zerusâlɛŋ taa-leei tɔ́ɔ pôlu, dí Ŋ̀âla-pɛrɛ Kɛ́tɛi tɔɔ́ kɔ́ɔ pîlaŋ naa.’ ”

Ɉeremi 31:38

Yâwɛɛ è mò ǹyɛɛ, “Tãi káa pâi, maa tãi tí ŋa pâi Zerusâlɛŋ tɔɔ̂i ŋɔ́nɔ la a ŋátaa-lêe ninai. Ŋa pâi dɔɔ̂i é síɣe Anɛna yeŋ-keŋ ma vóloi liî-pere é tóo ziɣãŋ-laƃerei nyíi gáa Zônoŋ-su perei ma.

Ɉeremi 31:23

Ŋ̀wála-wâla kélee Yâwɛɛi nyíi gáa a Eezuɛ-ƃelai Díɣâlai è mò ǹyɛɛ, “Tãi ŋa pâi ǹûai dílɔii tɛɛ̂i la dípɔ pôlui, ǹûai da pâi môi Zuda lɔii da naa taa-ŋai su dîyɛɛi, ‘Yâwɛɛ é lûwa láa Zerusâlɛŋ yee maa waai ma, gwaa ma waai ƃɛ́i gáa naai.’

Zakari 12:6

“Maa ɣêlei tí, Zuda-lɔii-kpiniŋ su-ƃelai kélee da pâi kɛ̂i yɛɛ leɣi à kɛ̀ nɛ́nîi ŋɔŋ ŋá wolâ su, yɛ̂ɛ ŋɔ́nɔ kpáleŋ a kɛ̀ lénîi kala kpâla su. Ǹyaŋ da pâi ǹûai kélee kêrenii laa-mii-yee-mɛi da kɔɔ-yee-mɛi. Kɛ́lɛ Zerusâlɛŋ taa-leei a pâi lɛɛ̂i nɔ́ dɔɔ̂i da zu-ƃelai kélee mɛni da fé pâi kɛ̂i a dia.

Mąątɛ̨nɛ̨ 78:69

Naa ƃé è ŋɔpɛ́rɛ kɛ́tɛi tɔ̀ɔ naa naa kɛ́ ƃò yɛ̂ɛ bɔ́-taai ɣâla-taa da ǹɔii ma nyii è naa kpɛ̀tɛ wɔ́lɔ-wɔlɔ da wɔlɔ-wɔlɔ mɛni mai. Núu a kɛ̀ naa ŋuŋ ma ƃô káa ǹyêei.

Nehemi 7:4

Zerusâlɛŋ è kɛ̀ a taa-lêe kɛ́tɛ, kɛ́lɛ núu támaa fé kɛ́ ní naa. Bɛrɛ-ŋai kɛ̀ naai, dífe kɛ́ ní a dítamaa.

Mąątɛ̨nɛ̨ 85:1

Yâwɛɛ, ya lûwa láa ǹɔii ma. Ya gɛ̀ ǹaa mɛni-ŋai kélee ŋaa-see kɛ́ kɛ̀ a ǹɛ́lɛɛ Eezuɛ-ŋai yêei yɛ̂ɛ berei è kɛ̀ la a bɔlɔi.

Zakari 14:10

À kɛ̀ tí ǹɔii gáa Zerusâlɛŋ-taai kwára-perei, é síɣe Géba é lí Limɔŋ a pâi kɛ̂i a tiŋ-tiŋ ŋá. Kɛ́lɛ Zerusâlɛŋ a pâi lɛɛ̂i nɔɔ ǹyéei ma é síɣe Bɛŋsima ŋɔgêtii lá é lí geti pɔlɔi lá, é lí zônoŋ su-getii lá, é kúla Ananɛ Ŋɔyeŋkêŋ lá é lí gâloŋ ŋɔŋwã̂ai-kpɛtɛ teei lá.

Ɉeremi 31:40

É lí dìŋ-tiŋ su ƃɛ́i da zaai lôo naa dí kɛ́ galai pîli naai, é seri ǹɔii su nyíi gáa Kidɔŋ Yai kɔlɛi, é pîlaŋ Zoo-ŋai tɛɛ siɣãŋ laƃerei, é lí vóloi kulâi pere. Gwaai ŋí ma a pâi kɛ̂i a kwaa maa waa ḿaa mɛ̂ni ma. Daa-leei ŋí fé pâi wɔ́lɔ ŋɔ́nɔ pâi pûi a dɔnɔ kpîŋ.”

Kɔlɔnikɔ Maa-ŋuŋ 29:1

Gâloŋ Deeƃé è mò ǹûai kélee dîa ǹyɛɛi, “Ŋálôloŋ Saloma nyíi Ɣâla a zìɣe zu díi ŋí kɛ́ mɛni mai, gáa a lôloŋ vé táre ní. Díi ŋí kɛ́tɛi m̀ɛni ma. Bɛ́rɛ kɛ́tɛi ŋí fé núu-kpune m̀ɛni ma. Kɛ́lɛ gáa Yâwɛɛ Ɣâla m̀ɛni ma.

Mąątɛ̨nɛ̨ 48:3

Ɣâla a ǹɛ́ kûa a gɛɛ a pɔ̂ri kúŋuŋ ma ƃôi daa-lee maa kónaŋɔɔi su.

Mąątɛ̨nɛ̨ 48:13

Ka ziɣãŋ-ŋai káa dí tínaŋɔ̂i daa lêei mai, ká ziɣãŋ-ŋai maa kpɛ́ɛ dínaŋɔ̂i bɛ́rɛ-ŋai dîai, a gɛɛ ká m̀ó diai dîa pâi lɛ̂ɛi naa tínaa tuɛ perei kâai,

Mąątɛ̨nɛ̨ 122:7

Tɔɔ lii-see é kɛ́ ísiɣãŋ su, íkâloŋ-pɛrɛi mu kɛ́ ƃò a núu maa kɔ̃ɔ kwaa ma.”

Ɉeremi 29:11

Ńyãa tɔnɔ nɔ́ ƃé m̀ɛni kpɛtɛɛ kɔ́lɔŋ nyíi gáa ká maa mɛ̂ni mai. Ŋa gbɛtɛ ŋ́gili ŋá a gɛɛ ŋá pá a mɛni lɛ́lɛɛ ká mɛni ma, kɛ́lɛ mɛni kpɔ̂lu fêi. Ŋa pâi gɛ̂i kili-kɛ zu kɛ́ ƃò káyêei ká ɣéniɛi tuɛ-pere mɛni ma.

Ɉeremi 32:15

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò a gɛɛ da pâi pɛ́rɛ-ŋa, lɔii-ŋa, da kpɔmɔ-ƃa kpalaŋ-ŋa yâi ŋɔ́nɔ pôlu ǹɔii ŋí su.”

Izikiɛ 36:11

Ŋa pâi gɛ̂i ǹûai da daa-tulɛ-ŋai dítama. Ka pâi tâmai é tɛ́ɛ bɔlɔi ma. Ka pâi nîa-pɛlɛɛ támaa sɔlɔ ƃôi. Ŋa pâi ǹɛɛ̂i naa ká kɛ́ ǹɔii ma yɛ̂ɛ berei ká kɛ̀ la naa a bɔlɔi. Ŋa pâi tûai a káa a ǹɛ́lɛɛ é tɛɛ bɔlɔi ma. À kɛ̀ tí, gɛ̀ ní ká pâi gɔ̂lɔnii a gɛɛ Ńyãa ƃa Yâwɛɛ.

Amɔsə 9:14

Ŋa pâi pâi pôlu a ŋánûai Eezuɛ-ŋai nyii-ŋai kɛ̀ luɛ-laa sui. Da pâi dítaa wóloɔ-ŋai tɔɔ̂i pôlu dí sée dísu. Da pâi kpɔmɔ ƃa kpalaŋ-ŋai kɛ̂i dí ŋwã̂ai kula dísu dí gbele. Da pâi máŋ sûa-ŋa kulâi dí sí-sãa sí dísu dí mii.”

Zakari 1:12

È kɛ̀ tí, Ŋ̀âla-taa-kelai è mò ǹyɛɛi, “Óo Ŋ̀wála-wâla kélee Yâwɛɛ, ƃa ílii Ŋwána Zerusâlɛŋ ma da daa-lêe-ŋai díkaa Zuda-lɔii su kóraŋ buu lɔ́ɔlu mɛi feerɛ yée mu. Tãi ɣɛɛlu ƃé ƃa pâi ziɣêi í lɛ́ɛ pâi dímalôŋ kâai?”

Zakari 12:7

“Ǹyaŋ Yâwɛɛ è mò a gɛɛ a pâi gɔ́ nɛ̃ɛ̂i Zuda-ƃelai dîa a maa-ŋuŋ a gɛɛ Deeƃé ŋɔpɛ́rɛi mu-ƃelai da Zerusâlɛŋ-ƃelai dífe yoŋka tèe Zuda-ƃelai mɛi.

Mąątɛ̨nɛ̨ 102:14

Ínûai dí ŋ̀wɛ́lini, berei máŋ a too lai. Maloŋ kâa káa díyêei m̀ɛni ma, berei máŋ zu karâai lai.

Ɉeremi 32:44

Nûa da pâi lɔii yâi ƃɛ́ dí maa kɔlɔi kélee kpɛtɛ dí díyee pɔ̂ɔ kɛ́ zu, dí ŋɛi-kɛ-maa pɔ̂ɔ kɛ́ zu serê-ŋa ŋɛ́i. Da pâi m̀ɛni-ŋai ŋí kɛ̂i Bɛŋsima ŋɔlɔii-kpiniŋ su da gbanâŋ-ŋai dítinaŋɔɔ̂i Zerusâlɛŋ mai su. Da pâi m̀ɛni tɔ̂nɔi ŋí kɛ̂i Zuda taa-ŋai su da daa-ŋai díkaa ǹyée lɔii sui. Da pâi m̀ɛni tɔ̂nɔi ŋí kɛ̂i ǹyée pɛlɛ-pɛlɛɛi ma Zuda ŋɔlɔii kwára-pere séɣai pere. Ŋa pâi lenêi pôlu a ǹûai dí kpɔ́ɔi lɔii su, Ńyãa Yâwɛɛ ƃé mò tí.”