Ɉeremi 30:14 - Bible

¹⁴ Káwɛli kɛ-maa-ƃelai kélee da nia kâa. Dífe ŋɔ́nɔ kpáani a ká maa mɛ̂ni. Ŋa kákula maa kɛ́ a ŋánaa, kpɛ́ni fêi, ká sɔnyɔ̂ŋ támaa kɛ̀. Ǹyaŋ, ká ŋwãna-lɔɔi su a kɛ́tɛ.

Yálá laawoo hɛɓɛ (dc)

¹⁴ Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Yálá laawoo hɛɓɛ

¹⁴ Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 30:14 Referans Kwoze

Woolaa 1:2

A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Ɉeremi 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fâlai. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Zôo 30:21

Ya tûa kpɔ́ a ńyãa a ŋwana-lɔ̂ɔ-pere. Ya ḿɔ̃lɛ a íwala-wala-laai kélee.

Ɉeremi 22:20

Zerusâlɛŋ-ƃela, ka lí Lɛƃanɔŋ ká láɣi. Ka lí Basãŋ lɔii su ká wɔ́lɔ. Ka tɔɔ Môa yêei mâ ká tóli ƃó, kpɛ́ni fêi, da kákpɔŋ mâa-ƃelai yée mɛi ɣále.

Ɉeremi 30:15

Lé mɛni ƃé ka wɔ̂lɔi la kasɛŋ-soli maai yêei? Kásɛŋ-soli maai sále fé ma. Ŋá m̀ɛni-ŋai ŋí kɛ̀ a káa, kpɛ́ni fêi, ká sɔnyɔ̂ŋ támaa kɛ̀. Ǹyaŋ ká ŋwãna-lɔɔi su a kɛ́tɛ.

Ɉeremi 22:22

Vãai a pâi koônii a kálaa túɛ-ƃelai, dí kákpɔŋ mâa-ƃelai sóŋ a kɔ-sôŋ-ŋa, dí ƃâa kula kátaa lêei ma a ŋumɛ-pere, m̀ɛni nyɔ́mɔ-ŋai ká gɛ̀i mɛ̂ni ma.

Ɉeremi 4:30

Zerusâlɛŋ, ya lɛɛ a ífolo! Ya ímaa ɣirîi a seɣe kpɔ̂lu lé mɛni m̀a? Ya kɔyɛ̂ŋ sɔ̃ɔ-kpanaŋɔɔ nyíi dí gbɛ̀tɛ a gôoi, tôoi íkɔŋ ma, íkɛ íŋɛ́i-gɔ́loŋ pôlu tɛi lé mɛni ma? Ya ímaa ɣirîi nɔ́ kpɛ́ni-kpɛni. Í wɛli kɛ́ maa-ƃelai da díyee kúla ímu. Ǹyaŋ da ŋ̀wɛ̂lii dí ípaa.

Ɉeremi 2:36

Ka gáa berei ka kákpîŋ foâŋ la kákɛ tɛ̀ kákɛ yeŋ, kákɛ kátûa pere maa fâleŋ a maa félaai. Ize a pâi kálii tôoi pôlu yɛ̂ɛ ƃerei Asiria è kálii tòo la pôlui.

Zôo 19:11

Ŋɔlii ŋwânai a ŋ́gerenîi. A kɔ̂i ḿbɔ yɛ̂ɛ núu ƃé kɔ̂i ŋɔkpɔara-nuu pɔ́.

Osia 5:14

Ǹyaŋ ŋa pâi kɛ̂i yɛ̂ɛ yala-sulu Eezuɛ mɛni ma, ŋ́gɛ ƃò yɛ̂ɛ yala-sulu loŋ Zuda mɛni ma. Ńyãa kpîŋ ŋa pâi dífala-fâlai ŋá dí ɣála-ɣâla. Ŋa pâi liî a dîa, núu da fé pâi dí kulâi ńyêei.

Osia 2:5

Dílee è wulu-wulu kɛ̀. È dímaa kôo sìɣe ŋumɛ tûa kɛ́ɛ su. È mò ǹyɛɛ, ‘Ŋa pâi liî ŋáwɛli-ŋai pɔ́ nyii-ŋai da kpólo yà ḿî, seɣe, wúlɔ da kpele-sɛŋ.’

Izikiɛ 23:22

“M̀ɛni ma, Óoliƃa, Ńyãa Ŋ̀wála-wâla kélee Yâwɛɛi, ŋa pâi gɛ̂i a gɛɛ íwɛli kɛ́-maa-ƃelai nyii-ŋai í ípôlu tɔ̀ɔ dîai díkula ƃéla kélee ma íƃɛlɛ é kɛ́ɛ díkoi dítɔɔ yâ.

Izikiɛ 23:9

M̀ɛni ma, ŋá duãŋ ŋɔwɛ́li-ŋai dîa nyii-ŋai kɛ̀ a Asiria-ƃelai, nyii-ŋai díwɛli è kɛ mà a ŋanaai.

Woolaa 1:19

“Ŋá ḿarâai tôli, kɛ́lɛ dí ŋ́ɛi lɛ̀ɛ perêi. Zâla láa soŋ-ƃelai da ǹúu-pɔlɔ-ŋai da saa a puru daa-leei su. Dí kɛ̀ tɛ̂i dí kɛ́ yèŋ díkɔnɔ̃ŋ mɛni ma a gɛɛ dí lɛ́ɛ ɣele ma.

Ɉeremi 38:22

Zĩ̂ai tí su, Zuda nɛyãai nyíi-ŋai lɛ̀ɛ gâloŋ-pɛrɛi lái, ŋá nûa kàa dí kɛ́ lì a dia Babelɔŋ kaloŋ ŋɔtíi kɛ́-ƃelai pɔ́ naa. Íwoli tɔ́ɔ m̀ɛnii ma dí kɛ̀ môi dí kɛ́ɛ liî a diai: ‘Gâloŋ ŋɔwɛli kɛ́-ma ƃelai dí bɛ̀lɛ, díyee è tɛ̀ɛ mà. Ǹyaŋ gɔ́ɔ aâ nâa kánaŋ bârai su Ŋɔwɛli kɛ́-maa-ƃelai da tée mà.’ ”

Ɉeremi 6:23

Da díkerâŋ-ŋai da díkpala-ŋai síɣe. Dí ŋwana lɔ̂ɔi, dífa núu ŋɛ́i malôŋ kàa. Dí sia-tîŋ káa yɛ̂ɛ yúo too tîŋ. Díkaa seêni dísoo-ŋai mɛi dí kɛ̀ pà a gɛɛ dí kɔ́ pɛ́lɛɛ yá Zerusâlɛŋ yâ.”

Zôo 16:9

“A ḿvala-fala yɛ̂ɛ fɛnɛ-sɛŋ líi ŋwánaa gɛ́ ǹyíŋ pìlaŋ gîe ma yɛ̂ɛ sɛŋ ƃé a kɛ̀ a ŋ́gbɔara-nuu, gɛ́ ŋ́gàa a lii-ŋwana-pere.

Mąątɛ̨nɛ̨ 107:17

Da-ŋa dí kɛ̀ tûai a ƃoo-pere, díkɛ mɔ̃lɛ dítua pere nyɔ̂ŋ-ŋai da dísɔnyɔ̂ŋ mɛni ma.

Azaya 57:13

Kà wɔ̀lɔ kpɔŋ mâa mɛni ma, tɔɔ ŋaŋ káɣâla pɔkɔɔŋ-ŋai dí kpɔ́ŋ kâa, dí káŋuŋ ma ƃó. Vãai a pâi tɛɛ̂i a dia, ǹyaŋ ńɛwo a pâi dífɛ̂ɛi yɛ̂ɛ láa kpâla. Kɛ́lɛ diai pâi díkili tɔɔ̂i ḿâi, ǹɔii a pâi kɛ̂i a dípɔɔ, ǹyaŋ ŋáyee maa waai ma a pâi kɛ̂i a díkɛ̂i.”

Ɉeremi 14:17

Yâwɛɛ è ŋɔ́nɔ mò ḿâ a gɛɛ ŋá lóno ǹûai pɔ́ ńyɛ̃ɛi, “Tɔ́ɔ ŋ́ɛi-ya é pú a kpíni da fólo, nyíi gɔ̃yɛŋ fé kɛ̀ ma. Kpɛ́ni fêi da ŋánûai ŋwána kpɔ́ a ŋánaa. Pala kɛ́tɛ kɛ́ ƃò dîa.

Ɉeremi 32:30

É síɣe kpɔ́ Zuda da Eezuɛ-ƃelai dí kɛ̀ ɣéniɛi kɔ́ɔ pîlanii ma, díkaa nɔ́ wɔ́lɔ ńii ŋwána mɛni-ŋa kɛ̂i. Dí tua-pere nyɔ̂ŋ sii-ŋai ŋí da gɛ́ ŋa ńii ŋwána kpɔ́ dîa a ŋ̀ánaa.

Ɉeremi 44:22

Kálɔii kâa sâa a bûŋ, núu da fé naa lônii ma. Ǹaa káa sâa a yao ma kwaa ma, nûa dí kɛ́ dífoo a ǹaa láa, kpɛ́ni fêi, Yâwɛɛ fé ǹyée sèe ní kámɛni nyɔ́mɔɔi da káŋwana lɔ̂ɔ tua-ŋai mu.

Ɉeremi 50:42

Da díkerâŋ-ŋai da díƃoa sɔkpɔ-ŋai síɣe, Dí líi nyɔ́mɔɔi, maloŋ kâa fé díyêei. Dísoo-ŋai kɔ́ɔ mu-tiŋ káa yɛ̂ɛ Yúo too tîŋ kɔ́ kɔ́-mɛni ma Babelɔŋ.

Abdiasə 1:7

Íkɔlɛ-ma lɔii-ŋuŋ-ŋai nyii-ŋai ka dîa-ni ká kɔ́ kɔ̀ gîe mai, da pâi ípɛlɛ̂i dí íkpɛ íkpɔɔi lɔii su. Íƃarâai da pâi ípɛlɛ̂i dí íyee mɛi ɣále. Íƃarâai nyii-ŋai í làa a diai, da pâi ƃáre tɛ̂i ímɛni ma nyii ífe pâi gɔ́lɔnîi.”

Ɉeremi 5:5

Ŋa pâi nâa liî ǹúu láa túɛ-ƃelai pɔ́ ŋá lóno dípɔ. Tɔ̃yâ ma, dia ƃé Yâwɛɛ tûa-pere kɔ́lɔŋ nyíi gáa a m̀ɛnii Ɣâla a ŋ̀wɛ̂lii.” Kɛ́lɛ díkelee da fáa m̀a da díyee kúla Yâwɛɛ ŋɔwála-wala laai mu da ŋ̀óo pí lî.

Ɉeremi 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 32:34

Dí díɣâla-pɔkɔŋ ƃɛlɛ-kpɛɛ ŋ́goi tɔ̀ɔ Ŋ̀âla-pɛrɛ Kɛ́tɛi mu ƃɛ́i nûa da ḿvɛ̀li naai, dí ńaa sée m̀a. M̀ɛni ma da Ŋápɛrɛi maa-tĩa kara.

Ɉeremi 32:35

Da ɣâla-teƃele kpɛtɛ Bêe ɣalai mɛni ma Inɔŋ Tiŋ-tiŋ su a gɛɛ dí kɛ́ dílônii-sinaai da ǹɛyâai kula naa a sâla ŋ̀âlai Môlɛ ma. Ḿve mò ní dîa a gɛɛ dí gɛ́ tí. Vé kpîŋ kɛ́ ní ŋ́gili ŋá a gɛɛ da pɔ̂ri m̀ɛni sîi tí kɛ̂i a gɛɛ dí gɛ́ Zuda-ƃelai dí sɔnyɔ̂ŋ tare nyɔ́mɔɔ kɛ́ɛ ŋí kɛ́.”

Woolaa 2:1

Ǹuu-namui è ǹíi ŋwàna Zãiyɔŋ ma é m̀ɛi pɛ́lɛ a kpíni. È ŋɔkɛ́tɛ-laai kùla ǹyêei é nàa lɛɛ a pilêŋ ŋá. È ǹyée kùla Ŋɔɣâla-pɛrɛ Kɛ́tɛi mu a lii ŋwâna.

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Danîa 9:11

Kúsɔnyɔ̂ŋ-ŋai da gɛ́ ǹaɣâŋ-ŋai da m̀óa-sɔkpɔ mɛni ŋá-teɛɛ-ŋai í bù íyee mu-nuui Mose ŋɔtɔ̂ŋ kɔlɔi sui gélee a pú kúŋûa.

Danîa 9:13

M̀ɛni kpɔ̂lui kélee m̀ɛni pɔ̃yɛɛ̂i Mose Ŋɔtɔ̂ŋ Kɔlɔi sui, gélee a kɛ́ a kúa, kɛ́lɛ kúfe wɛ̂lii kú kúyee kúla kúsɔnyɔ̂ŋ-ŋai su kú tínaŋ ípɔ naa pere kú ítɔ̃yâi kɔ́ri.