Ɉeremi 3:17 - Bible

¹⁷ Tãi ŋí à sèri, da pâi Zerusâlɛŋ tôlii a ‘Yâwɛɛ ŋɔkâloŋ-see-sɛŋ.’ Ǹyaŋ ǹɔii-ŋai kélee da pâi díŋa tɛ̂i gîe ma naa dí kɛ́ ǹáa maa tɛ̀. À kɛ̀ tí, dífe ŋɔ́nɔ pâi lɛɛ̂i díkpɔɔi lii-su-kpanaŋ nyɔ́mɔɔi pôlu.

Yálá laawoo hɛɓɛ (dc)

¹⁷ Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Yálá laawoo hɛɓɛ

¹⁷ Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 3:17 Referans Kwoze

Izikiɛ 43:7

“Núu-kpune ǹóŋ, gwaai ŋí ma ƃa ŋá kâloŋ sèe-sɛŋ ŋá. Ŋ́gɔɔ tɔɔ̂i ká ŋí. Ƃɛ́ ƃé ŋa pâi kɛ̂i naa Eezuɛ-ŋai sáma wɔ́lɔ-wɔɔ da wɔlɔ-wɔlɔ. Ǹyaŋ Eezuɛ-ŋai dífe ŋɔ́nɔ pâi ńaa maa-waai maa tĩa karâi. Dia, kpaa máŋ gâloŋ-ŋai dífe ŋɔ́nɔ pâi ḿaa tĩa karâi a ɣâla da kpɛ́ni fɛliɛɛ kpaa máŋ a kâloŋ-ŋa pɔɔkɔŋ tɔɔ́ naa.

Ɉeremi 17:12

Kú Ɣâla-pɛrɛ Kɛ́tɛi káa yɛ̂ɛ kâloŋ-see-sɛŋ kɛ́tɛ, nyíi gáa tɔɔ̂i-ni yée kɛ́tɛ tôŋ su é síɣe gɔ́ɔ pîlanii.

Zakari 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ kápɔ-naa.

Ɉeremi 11:8

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Díkelee dí tùa nɔ́ yɛ̂ɛ berei díwôlii kpɔ̂lɔ maa kili-ŋa sia nyɔ́mɔɔi káa lai. M̀ɛni ma ŋá pá dípɔ a dɔŋ kpɛ́-maai kélee gáa gbanaŋ-wooi su nyii ŋá mò dîa a gɛɛ dí gɛ́ kɛ́lɛ dífe gɛ́ nii.”

Azaya 66:20

Da pâi kánûai kélee kulâi ǹɔii-ŋûŋ-ŋai su dí ńzama a dîa. Da pâi pâi a dia ŋáyee maa waai ma Zerusâlɛŋ. Da pâi kɛ̂i soo-ŋa, mûu-ŋa, da soo-fáleŋ-ŋa mɛi. Da pâi kɛ̂i kɔ́kɔ keleŋ-ŋa su da géleŋ-ŋai núu a ŋ̀alai. Da pâi kɛi nɔ́ pâi a dîa yɛ̂ɛ berei Eezuɛ-ƃelai da pâ la a m̀ii-sã̂a sama-sãai sɛŋ-fôlo maa-waa-ŋa su Ŋápɛrɛ Kɛ́tɛi mui.

Azaya 56:6

Ŋ̀ɔ̃ya-ŋai nyii-ŋai dí díkpîŋ kɛ̀ a Yâwɛɛ ŋɔnûai dai, dí kɛ́ ƃò a ŋwɛ́liɛɛ, dí kɛ́ tíi kɛ̀ m̀i, dí kɛ́ Ŋɔfii-tɔɔ-ɣelei mɛi kâa, dífa m̀aa tĩ̂a karai, dí kɛ́ ŋɔkono-tee wooi mɛi kâa a teniŋ ƃô perei, è m̀o dîa ǹyɛɛi,

Galatə 4:26

Kɛ́lɛ, Zerusâlɛŋ nyíi gáa ɣelêi-perei, ŋuŋ ma ƃoɔi, ǹyaŋ gɛ ƃo a kúlee.

Lomaŋ 1:21

Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ.

Ɉeremi 31:23

Ŋ̀wála-wâla kélee Yâwɛɛi nyíi gáa a Eezuɛ-ƃelai Díɣâlai è mò ǹyɛɛ, “Tãi ŋa pâi ǹûai dílɔii tɛɛ̂i la dípɔ pôlui, ǹûai da pâi môi Zuda lɔii da naa taa-ŋai su dîyɛɛi, ‘Yâwɛɛ é lûwa láa Zerusâlɛŋ yee maa waai ma, gwaa ma waai ƃɛ́i gáa naai.’

Ɉeremi 18:12

Kɛ́lɛ, da pâi íwoo su toôi dîyɛɛi, ‘Kpao, lé mɛni ƃé kwa pâi gɛ̂i tí lai? Kwa pâi tûai kpɔ́ nɔ́ a woli kpɔ̂lɔ-pere, kú sɔŋ nyɔ́mɔɔ kpɔ́ nɔ́ yɛ̂ɛ berei kwa ŋ̀wɛ̂lii kú tûa lai.’ ”

Ɉeremi 16:12

Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Ɉeremi 14:21

Íkili-ŋa sía íkono têe-ŋai mɛ̂ni ma. Ífe ípôlu tɔ̀ɔ kûa. Ífe ƃâa kula íkâloŋ see-sɛŋ maa-waai ma. Íkpanaŋ-wooi í gɛ̀ kúyêei, gíli é lɛ́ɛ íŋa, ífe gàra.

Ɉeremi 9:14

Kɛ́lɛ, dí lɛ̀ɛ díkpîŋ kili-ŋa-siâi pôlu a wolii kpɔ̂lɔ-pere, ǹyaŋ díkaa nɔ́ Bêe ɣalai pôlu yɛ̂ɛ berei dínâŋ pɔlɔ-ŋai díwɔ́lɔ ǹɛ la diai.

Ɉeremi 7:24

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Kɛ́lɛ dítùa a dínîa-pere. Dí liî su kpanaŋɔ̂ɔi a mɛni nyɔ́mɔɔ kɛ́ɛ. Díkɛ lí pôlu pere dífa lî tuɛ-pere.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Azaya 59:19

Ǹûai da pâi yaôi m̀a ŋɔwála-wala-laa kɛ́tɛi mɛ̂ni ma, é síɣe vóloi kulâi pere é tóo ǹîi pere. A pâi pâi yɛ̂ɛ ya-ɣɛ̂li da fãa kɛ́tɛ ƃé tɛɛ̂i.

Azaya 26:8

Yá ƃe kúkaa ípôlu íteniŋ ƃô-laa mɛni ma. Yá nɔ́ ƃé kwa ŋ̀wɛ̂lii kúkɛ ƃaa kɛ́-maa tɛ̀ɛ ípɔ.

Azaya 6:1

Góraŋ Gâloŋ Uzia è sàa lai, ŋá Ǹuu-namui kâa seê-ni ŋɔkâloŋ see-sɛŋ ŋá ɣelêi-pere póŋ-poŋ. Ŋɔkâloŋ seɣei è Ŋɔpɛ́rɛ Kɛ́tɛi lá fɛ̀ɛ.

Mąątɛ̨nɛ̨ 87:3

Ɣâla ŋɔtaa-leei, nûa támaa da mɛni kpaya-kpaya lɛ́lɛɛ ƃôi a ílaa.

Mąątɛ̨nɛ̨ 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Nwun mąąɓo 2:19

Kɛ́lɛ dílaa túɛ-nuui a kàa sàa, da lène pôlu ŋɔ́nɔ dísɔnyɔ̂ŋ pɔlɔi su dí sɔnyɔ̂ŋ támaa kɛ́ é tɛ́ɛ dínûa pɔlɔ-ŋa dîa. Da kâa kɛ̀ nɔ́ ɣâla da kpɛ́ni-ŋa fɛlîi dífa têe dísɔnyɔ̂ŋ-ŋai dîa.

Dutɛrɔnome 29:29

“Ǹoo mɛni-ŋai kélee káa Kúɣâlai Yâwɛɛ mɛni ma. Kɛ́lɛ m̀ɛnii nyii kélee a ŋ̀wɛ̂lii kwa kúnîa-pɛlɛɛi kú gɔ́lɔŋ gáa pono ŋá. Mɛni-ŋai ŋí ƃa ŋɔtɔ̂ŋ-ŋai nyii a ŋ̀wɛ̂lii kú dímɛi kâai.

Lonon mo 15:39

Vílii ŋí a pâi kɛ̂i a kili-too-ŋa kámɛni ma. Tãi kà gàa lai, ŋa-tɔ̂ŋ-ŋai maa-mɛni a pâi toôi kákili ŋa ká dímɛi káa. Gɛ̀ ní káfe pâi kápôlu tɔɔ̂i ḿâ ká pîlaŋ kánîa-mɛni-ŋa pôlu yɛ̂ɛ berei ka ŋ̀wɛ̂lii ká gɛ́ lai.

Zɛnɛse 8:21

Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ̂mɔɔi é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Lomaŋ 6:14

Káfe ǹɛɛ naa sɔnyɔ̂ŋ ŋɔwála-walai fé kɛ̀ kámɛi, tãi nɔ́ káfe la tɔ̂ŋ mu, fɛ̂ɛ m̀ɛlɛ-seei.

Izikiɛ 1:26

Ǹyaŋ sɛŋ-da è kɛ̀ yɛ̂ɛ kâloŋ sèe-sɛŋ gɛ́ ƃò ŋ̀ele kɔ̂lɔŋ nyii kɛ́ díŋuŋ mɛi, m̀ɛi-pere. Zee-sɛŋ ŋí é kɛ̀ a gbɛtɛɛ a kɔni bûluŋ kɛ́ɛ sɔ̃ɔ kpanaŋɔɔ. Zɛŋ nyii kɛ̀ seê ni zɛŋ-kɛɛ yɛ̂ɛ kâloŋ-see-sɛŋ ŋai, gɛ́-pere è kɛ́ yɛ̂ɛ núu-kpune.

Azaya 66:18

Ŋá díkili-ŋa-sîai da dítûa-pere-ŋai kɔ́lɔŋ. Ŋa pâi ǹɔii-ŋûŋ-ŋai su-ƃelai kélee ŋá tɛ̂i díkîe ma. Tãi da pâi pâi la díkîe mai, da pâi m̀ɛnii kâai ŋáwala-wâla laai a gɛ̀i.

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Ɉeremi 12:15

Kɛ́lɛ, tãi ŋa pâi kpɛɛ̂i la a díkulaa naai, ŋa pâi ŋɔ́nɔ dímalôŋ kâai, ŋá pá a dia pôlu díkpɔɔi lɔii su tɛi-tɛi.

Ɉeremi 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 33:9

Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Izikiɛ 48:35

Ziɣãŋ ŋí ŋɔkɔ̀ɔŋ maa kélee bu gîe ma é tínaŋ daa-leei ma káa a kɔ́ɔ ƃɔ́rɔnii wála ŋuŋ buu saaƃa (30,000). Ǹyaŋ daa-leei ŋí láa ƃé pâi kɛ̂i a ‘Yâwɛɛ káa ƃɛ́.’ ”

Zakari 8:8

Ǹyaŋ ŋa pâi pâi a dia dí sée Zerusâlɛŋ. Da pâi kɛ̂i a ŋánûa ǹyaŋ ŋ́gɛ ƃò a Díɣâla laa-laa su da tɔ̃yâ-laa su.

Tɔɔɓɛlaa dɔlɔɔ 8:41

“À kɛ̀ ŋɔ̃ya-ŋa nyíi-ŋai díkaa lɔii kôyaa sui da íwála-walai da m̀ɛni-ŋai yâ gɛ̂i duŋ mɛni dí pá a gɛ́ɛ dí Ɣâla ífɛli Ŋ̀âla-pɛrɛ Kɛ́tɛi lá,

Mąątɛ̨nɛ̨ 102:23

Yâwɛɛ a gɛ́ kɔlɔ a kpɛɛ ḿâ, ŋ́gɛ ƃò niî a núu ŋûnu. A gɛ́ ŋáfulu-laai su a kpua.