Ɉeremi 3:12 - Bible

¹² È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Yálá laawoo hɛɓɛ (dc)

¹² Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Yálá laawoo hɛɓɛ

¹² Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 3:12 Referans Kwoze

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Mąątɛ̨nɛ̨ 86:15

Óo Ǹuu-namui, íkaa a ŋɛi-maloŋ kâa da wɛli-kɛ-maa Ɣâla. Ílii kpelêɛi, íkɛ ƃò a wɛli-kɛ-maa nuu teniŋ ƃôɔɔ.

Ɉeremi 33:26

Ǹyaŋ berei nɔ́ ŋá m̀ɛni-ŋai ŋí kɛ̀ la a tɔ̃yâi, bere nɔ́ ƃé ŋa pâi ŋákpanaŋ-wooi nyíi ŋá gɛ̀ Zeeka ŋɔsuui da ǹyée-mu ǹúui Deeƃé ŋɔsuui yêei kɛ̂i la. Ŋa pâi Deeƃé ŋɔsuui su nuu tɔnɔ siɣêi a gɛɛ é kɛ́ Eberaɣɛ̃ɛ, Aise da Zeeka suui su-ƃelai mɛi. Ŋa pâi ŋá ǹûai ŋɛ́i malôŋ kâai, ŋá ŋɔ́nɔ gɛ́ díƃûu ƃó.”

Ɉeremi 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Ɉeremi 3:22

Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Ɉeremi 3:18

Maa tãi tí ma, Eezuɛ da Zuda da pâi kulâi yá-ŋua pere dípa ǹɔii su ŋá dɛ̀ɛ dínâŋ ni pɔ́ a dípɔɔi.”

Ɉeremi 30:11

Ŋa pâi pâi ŋá ka ŋuŋ-maa ƃó. Ŋa pâi ǹɔii-ŋuŋ-ŋai kélee kpɔ́ su karaâi ƃɛ́i ŋá kátaa-taa naai, kɛ́lɛ, ḿve pâi kákelee ká su karâi. Ḿve pâi ǹɛɛ̂i naa ká lí kpɛ́ni-kpɛni. Kɛ́lɛ ŋa pâi kákula ma kɛ̂i a pere sîi sã́a. Ńyãa Yâwɛɛ ƃé mò tí.”

Ɉeremi 23:8

Kɛ́lɛ, da pâi dífôoi a ńaa dí mó a gɛɛ gɛ̀-ɣele mâ Ɣalai ƃé Eezuɛ-ƃelai kùla yá-ŋua-pere-ƃelai yêei, é pɛ́lɛ ǹɔii-ŋuŋ-ŋai dí kɛ̀ a dítaa-tâa zui, su. Gɛ̀ ní da pâi seêi díkpɔɔi lɔii su.”

Ɉeremi 4:1

Yâwɛɛ è mò ǹyɛɛi, “Eezuɛ-ƃela, à kɛ̀ ka pâi ŋ̀wɛ̂lii ká tínaŋ, gɛ̀ ní ka tínaŋ pôlu ḿbɔ naa pere. À kɛ̀ kà kɛ̀ a káteniŋ ƃôɔɔ, ká káɣâla pɔɔkɔŋ-ŋai pí lî nyíi-ŋai díƃɛlɛ fé ŋ́goi,

Ɉeremi 3:5

Ya pâi kɛ̂i nɔ́ a í líi ŋwánaa ḿâ a tãi kélee? Ífe pâi kɛ̂i nɔ́ a í líi ŋwánaa ḿâ a tãi kélee.’ Eezuɛ, bere ƃé í mò la kɛ́lɛ í zɔnyɔ̂ŋ-ŋai kélee kɛ̀ íkɛ̀ ŋ̀wɛ̂lii í gɛ́i.”

Mąątɛ̨nɛ̨ 145:8

Ɣâla Yâwɛɛ káa a maloŋ kâa da wɛli kɛ́-maa Ɣala. Vá ǹíi ŋwàna a maa félaa, kɛ́lɛ ŋɔwɛli-kɛ-maai káa naa wɔ́lɔ-wɔlɔ.

Mąątɛ̨nɛ̨ 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Tɔɔɓɛlaa veelɛ 18:1

Tãi Eezuɛ kaloŋ Osia è kɛ̀ la ŋɔkâloŋ-laai su a kóraŋ saaƃai, dí Ɛsekaya kɛ̀ a kâloŋ Zuda. Ɛsekaya ŋí ǹâŋ láa ƃɛ́ kɛ̀ a Eɣa.

Tɔɔɓɛlaa veelɛ 17:23

é lɛ́ɛ la zu Yâwɛɛ é dí kpɛ́ ŋɛ́i nɔ́ yɛ̂ɛ berei è wɔ́lɔ dí lia-woo ƃò la ŋɔtíi kɛ́-ƃelai, Ɣâla ŋɔlóno kɛ́-ƃelai sârai. Mɛnii tí ƃé gɛ̀ dí kɛ́ lì a Eezuɛ-ƃelai luɛ-laa su a kɔ-soŋ-ŋa Asiria lɔii su ǹyaŋ naa ƃé díkaa sâa naa.

Dutɛrɔnome 30:2

À kɛ̀ ka kálônii ka pâi tínânii Yâwɛɛ pɔ́ naa a kálii kélee ká ŋɔtɔ̂ŋ-ŋai mɛi káa ŋa dɛɛ̂i kápɔi,

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Izikiɛ 39:25

Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu díseêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Ɉeremi 31:8

Ŋa pâi díkulâi yá-ŋua-pere ŋa pá a dia, ŋa díŋa tɛ́ díkîe ma ŋá dí kúla ŋ̀éniɛi kɔ̃́yɛŋ ma. Ŋ̀ɛi-pu ƃelai, é pɛ́lɛ diai dí kɔ́liŋɔ̂ɔi da pâi pâi díkîe ma, goo-nia-ŋai da diai díkaa koi-tee sui da pâi pâi. Da pâi kɛ̂i a lɔii-ŋuŋ kɛ́tɛ dí kɛ́ pà.

Ɉeremi 3:14

Yâwɛɛ è mò ǹyɛɛi, “Ka tínaŋ ká pá ḿbɔ naa. Kákaa a ḿbɔɔ. Ŋ́gaa a kánuu-namu. Ŋa pâi ká kulâi daa-ŋai su tɛi-tɛi, ŋ́gɛ ká kùla ǹɔii-ŋai su feerɛ-feerɛ. Ŋa pâi pâi a káa Zãiyɔŋ Yeei ma.

Ɉeremi 3:7

Ŋá kɛ̀ gâai yɛ̂ɛ berei aâ m̀ɛni-ŋai ŋí kɛ́ lai, a pâi tínanîi ḿbɔ naa pere. Kɛ́lɛ vé lene ní pôlu. Ǹyaŋ ŋɔkáyɔɔi Zuda nyíi vé teniŋ ƃô-nii, è m̀ɛnii kâa è gɛ̀i.

Ɉeremi 3:1

Yâwɛɛ è mò ǹyɛɛi, “À kɛ̀ núu da a ŋɔnɛnîi lɛ̀ɛ, m̀aa nɛ̂nii tí é surɔ̂ŋ da kpɛ́ni kúla, va ŋɔ́nɔ pɔ̀ri kulâi ŋɔsurɔ̂ŋ ninai yêei da ŋɔsurɔ̂ŋ duɛ-tuɛi dí ŋɔ́nɔ tûa. Da gɛ̀ tí, m̀aa tûa-laai tí a ǹɔii maa tĩ̂a kara ŋ́ɛi. Kɛ́lɛ, Eezuɛ, yaâ wɛ́li támaa sóŋ, íkɛ ŋɔ́nɔ ŋ̀wɛli a gɛɛ í ŋɔ́nɔ pá pôlu ḿbɔ naa.

Azaya 44:22

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Hanwon 28:13

Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔŋyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Mąątɛ̨nɛ̨ 103:17

Diai da ƃaa kɛ́-maa tɛ̂ɛ Yâwɛɛ pɔ́i, a pâi dí wɛ̂lii, gɛ́ mɛni lɛ́lɛɛ kɛ́ dîɛ, dílônii da díwɔ̂ lòniii, wɔ́lɔ-wɔlɔ da wɔlɔ-wɔlɔ,

Mąątɛ̨nɛ̨ 103:8

Yâwɛɛ káa a maloŋ kâa da wɛli kɛ́-maa Ɣala. Va ǹíi ŋwàna a maa félaa. Ŋɔwɛli kɛ́-maai káa a wɔ́lɔ-wɔlɔ wɛli kɛ-maa.

Mąątɛ̨nɛ̨ 79:5

Óo Yâwɛɛ, ya pâi kɛ̂i a ílii ŋwánaa kûa tãi ɣɛɛlu yée mu? Ya pâi kɛ̂i nɔ́ a ílii ŋwánaa kûa wɔ́lɔ-wɔlɔ da wɔlɔ-wɔlɔ? Ílii ŋwânai a pâi kɛ̂i kúkerenîi yɛ̂ɛ ŋɔŋ a tãi ɣɛɛlu?

Kɔlɔnikɔ Veerɛi 30:9

À kɛ̀ ka tìnaŋ Yâwɛɛ pɔ́ pere, gɛ̀ ní diai kánîa-pɛlɛɛi da kákaayɔɔ-ŋai sôŋ da pâi dí malôŋ kâai dí pá a dia pôlu ǹɔii ŋí ma. Kpɛ́ni fêi Yâwɛɛ nyíi gáa a Káɣâlai gáa a maloŋ kâa Ɣala, ǹyaŋ a pâi káŋɛi malôŋ kâai. Vé pâi bôlu tɔɔ̂i kâa à kɛ̀ kà tìnaŋ bɔ́-naa pere.”

Tɔɔɓɛlaa veelɛ 17:6

Dí naa yée-mɛi ɣâle a Gâloŋ Osia ŋɔkâloŋ-laa koraŋ ǹɔ́ɔlu mɛi náaŋ. Asiria kaloŋ è Eezuɛ-ŋai sòŋ a kɔ-soŋ-ŋa é lí a dia Asiria lɔii su. È da-ni kɛ̀ dí sée Ala taai su a ŋɔwála-wâla-laai. È gbéli-ŋai kɛ̀ dí sée Abo Ya-leei kɔlɛ Gozaŋ lɔii kpiniŋ su. È gɛ̀ ǹûai kpéli-ŋai dí sée daa-ŋai su ƃɛ́i Midia-ŋai dí kɛ̀ naai.

Tɔɔɓɛlaa veelɛ 15:29

Tãi Pika è kɛ̀ la a kâloŋ Eezuɛ lɔii mɛi, Asiria kaloŋ Tigila Pileza è pà é kɔ́ pɛ́lɛ ma, é daa-ŋai ŋí síɣe, Izɔŋ, Ebɛ-Bɛmaaka, Zanôa, Kedɛ da Azɔ. È ǹɔii kpîniŋ-ŋai ŋí sìɣe máŋ, Gilia, Galalii da Nɛfɛtɛli. È Eezuɛ-ƃelai kùla gwaa-ŋai tí ma é lí a dia a kɔ-soŋ-ŋa.

Zɛnɛse 4:7

À kɛ̀ ƃà tùa a ǹɛ́lɛɛ, fé pâi ńyee seêi ímu? Kɛ́lɛ à kɛ̀ ƃà wàla tûa a ǹɛ́lɛɛ, gɛ̀ ní sɔnyɔ̂ŋ káa ípɛrɛi lá a gɛɛ ǹyée é pɔ̂ri yâ, kɛ́lɛ fɛ̂ɛ í ǹyée mɛi ɣále.”

Levetekɔ 26:40

“Kɛ́lɛ kálônii da pâi dísɔnyɔ̂ŋ-ŋai ƃôi da dínâŋ-ni díwɔ̂-ŋai nyii-ŋai ŋ́oo pìli dí tɔ́ɔ ḿâ,

Mąątɛ̨nɛ̨ 103:9

Va wɔ́lɔ kɛ̀ nɔ́ a ǹíi ŋwánaa kûa gɛ́ kúsɔŋ lɛ̀ kûa. Ŋɔlii ŋwânai fa tûa zu.

Ɉeremi 11:6

Ǹaa kɛ́ɛ tíi, Yâwɛɛ è mò ǹyɛɛ, “Ŋ̀óo-ŋai ŋí ƃó Zuda taa-lee-ŋai kélee su, é pɛ́lɛ Zerusâlɛŋ taa-leei gwaa kélee ma. Ka gbanaŋ-woo-kɛ́ɛ ŋí maa wooi mɛ́ni, ká ŋàa sèe kɛ́.

Ɉeremi 12:15

Kɛ́lɛ, tãi ŋa pâi kpɛɛ̂i la a díkulaa naai, ŋa pâi ŋɔ́nɔ dímalôŋ kâai, ŋá pá a dia pôlu díkpɔɔi lɔii su tɛi-tɛi.

Woolaa 3:22

Yâwɛɛ ŋɔwɛli kɛ́-maa kɛ́tɛi kúmɛni mai, góyɛŋ fé ma. Ŋɔmaloŋ kâai kóyɛŋ fé ma.

Izikiɛ 11:17

“M̀ɛni ma mò gɔ-sôŋ-ŋai dîa yɛɛi, Ŋ̀wála-wâla kélee Yawɛɛi ǹyɛɛi, ‘Ŋa pâi ká kulai ǹûai sama, ŋá ká kákula ǹɔii-ŋai su ƃɛi kátaa-taai naai ŋá Eezuɛ-lɔii tɛ́ɛ ká pɔ.’

Kɔlɔnikɔ Veerɛi 29:10

“À kɛ̀ tí, ŋá gbɛtɛ a gɛ́ɛ ŋá kpanaŋ-woo kɛ Yâwɛɛ da Eezuɛ Ŋɔɣâlai yêei a gɛ́ɛ é ŋɔlii-ŋwana kɛ́tɛi ŋí kula kûa.

Azaya 31:6

Yâwɛɛ è m̀o ǹyɛɛi, “Eezuɛ-ƃela, ka sɔnyɔ̂ŋ kɛ́ a ńyãa, ka tela tɔɔ ḿâ. Kɛ́lɛ ka tínaŋ ká pá ḿbɔ-naa pôlu!

Ɉeremi 31:21

Ŋɛi kɛ́-maa sɛŋ-ŋa kpɛtɛ berei su. Berei í tɛ̀ɛ lai gíli é lɛ́ɛ íŋa. Ífe nìa bere-leei ma é tɛ̀ɛ lai. Eezuɛ-ƃela, ka lene pôlu, ká pá pôlu kátaa-ŋai su ká sée naa.

Zakari 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.