Ɉeremi 29:3 - Bible

³ Zɛlemaya è wɔ́lɔ gɔlɔi ŋí tɛ̀ɛ Ilaisa nyíi kɛ̀ a Safaŋ ǹóŋ da Gamaliɛ nyíi kɛ̀ a Ekaya ǹóŋ dí pɔ́, a gɛɛ dí lí la Babelɔŋ. Gâloŋ Zɛdikaya nyíi wɔ́lɔ kɛ̀ Zuda mɛi ƃé ǹûai ŋí tɛ̀ɛ Gâloŋ Nɛbukinaza pɔ́ naa Babelɔŋ. Zɛŋ ƃé gɛ̀ Zɛlemaya kɛ́ gɔlɔi ŋí tɛ̀ɛ a gɛɛ dí lí la Babelɔŋ.

Yálá laawoo hɛɓɛ (dc)

³ Ə ɉɛɓɛ́i tii tɛɛ Eleasa Safan lon, da Gemaria, Hilkiya lon diɛ, diɛi Ɉuda tɔɔmun Sedesiasə ə kɛi di tɔɔ Babilonə tɔɔmun Nabukodonosorə pɔ, Babilonə; bɛ̨ɛ̨i kɛ diɛ kɛ mą:

Yálá laawoo hɛɓɛ

³ Ə ɉɛɓɛ́i tii tɛɛ Eleasa Safan lon, da Gemaria, Hilkiya lon diɛ, diɛi Ɉuda tɔɔmun Sedesiasə ə kɛi di tɔɔ Babilonə tɔɔmun Nabukodonosorə pɔ, Babilonə; bɛ̨ɛ̨i kɛ diɛ kɛ mą:

Ɉeremi 29:3 Referans Kwoze

Izikiɛ 8:11

Ŋá Eezuɛ-ŋai dínuu-pɔlɔ ŋai buu lɔ́ɔlu mɛi feerɛ kâa naa. Saŋfaŋ ǹóŋ surɔŋ Zaazania kɛ̀ ƃo dí sama. Kéreŋ-sɛŋ kuŋ-nɛ̃ɛ kéreŋ sɛ̂ŋ è kɛ̀ díkelee díyeêi. Naa láa è kɛ̀ a vɛ̀ɛ a kereŋ-sɛŋ kuŋ-nɛ̃ɛ kéreŋ luru.

Ɉeremi 39:14

Dí pà dí ŋ́gula gɔ́kuluƃa-ŋai dípɛrɛi lá kpini-pɛrɛi mu. Dí ńdɛ̀ɛ Aikaŋ ǹóŋ Gɛdalia pɔ́ naa, nyíi kɛ̀ a Safaŋ ǹóŋ ŋɔlòŋ a gɛɛ é ḿɛi káa é lɛ́ɛ la zu ŋá seri ḿbɔ-taai ńɛŋ-kpɛlɛɛ. Nya ƃe kwa ǹûai kú lɛ̀ɛ naa.

Ɉeremi 36:25

Berei máŋ Ɛnatâŋ, Dilaila da Gɛmɛria dí gâloŋ kperâi-fe la a gɛɛ vé gɔlɔi ŋí kereŋ lai, vé ŋ̀óli tɔɔ ní dîa a dɔnɔ kpîŋ.

Ɉeremi 26:24

Kɛ́lɛ, tãi Safaŋ ǹóŋ Aikaŋ è kɛ̀ la Zɛlemaya pôlui, vé Zɛlemaya tɛ̀ɛ ní ǹûai pɔ́ a gɛɛ dí baa.

Kɔlɔnikɔ Veerɛi 34:20

È mò ǹûai ŋí: Ɛɛkea, Aikaŋ nyíi kɛ a Safaŋ ǹoŋ-surɔŋ, Abidɔŋ nyíi kɛ a Maka ǹoŋ-surɔŋ, Safaŋ nyíi kɛ a gɔlɔ-pɔyɛ̃ɛ-ǹúui da Asaya nyíi kɛ galoŋ mɛi kâai, ǹyɛɛi,

Kɔlɔnikɔ Maa-ŋuŋ 6:13

Saluŋ è kɛ̀ ƃo a Ekeea ǹâŋ, Ekeea kɛ́ ƃò a Azaria ǹâŋ.

Tɔɔɓɛlaa veelɛ 22:12

Naa ŋá ma, gâloŋ è zâla láa soŋ-nuui Akia, ŋɔkɔlɔ pɔ̃yɛ-nuui Safâŋ, Safâŋ ǹóŋ Aikaŋ, Makaia ǹóŋ Abɔ da ǹúui a tíi kɛ̀ ǹyaa gâloŋ kpono mai, Asaia tòli díkîe ma ǹyɛɛ dîai,

Tɔɔɓɛlaa veelɛ 22:8

Safâŋ kɛ́ɛ ŋâla-pɛrɛ kɛ́tɛi lai, Akia è Ɣâla ŋɔtɔ̂ŋ kɔlɔi kàa ŋâla-pɛrɛ kɛ́tɛi mu é dɛɛ Safâŋ pɔ́. Safâŋ è gɔlɔi sîɣe é ǹóno.

Tɔɔɓɛlaa veelɛ 18:18

Dí lɛ̀ɛ naa dí Gâloŋ Ɛsekaya worɛ̂ tɛ̀ɛ. Ɛsekaya è ŋɔgɔmɛnɛ-ƃela kpaya-kpaya saaƃai ŋí tɛ̀ɛ a gɛɛ da dîa-ni dí koyaŋ. Dia ƃa. Ikîa ǹóŋ Iliakiŋ nyii kɛ̀ a gâloŋ ŋɔpɛ́rɛ kɛ́tɛi mɛi-nuui, Sabina nyii kɛ̀ a gɔlɔ pɔ̃yɛ-nuui da Asa ǹóŋ Zôa nyii kɛ̀ a gâloŋ ŋɔkɔlɔ-ŋai laâi-kɛ-nuui.

Kɔlɔnikɔ Maa-ŋuŋ 2:39

è kɛ̀ a Ɛlɛzi ǹâŋ, Ɛlɛzi kɛ́ ƃò a Ileasa ǹâŋ,

Ɉeremi 26:22

Nya ƃe Gâloŋ Zɛoakiŋ è ǹalôŋ nyíi da kâa kɛ̀ ma Ɛnatâŋ nyíi kɛ̀ a Abɔ ǹóŋ, da núu da-ni tɛ̀ɛ Ize a gɛɛ dí Yuraya soŋ.