Ɉeremi 29:23 - Bible

²³ Ǹûai ŋí dí mɛni nyɔ́mɔ kɛ̀ Eezuɛ-ŋai sáma. Ǹûai ŋí díwulu-wulu kpɛ̀ a díƃarâai dínɛyâai. Díkɛ̀ lɛ́ɛ ɣala-woo ƃôi dîyɛɛ ńyãa ƃé dí tɛ̀ɛ. Ḿve mó ní a gɛɛ dí gɛ́ tí. M̀ɛnii dí gɛ̀i ŋ́gaa a maa sêre.’ Ńyãa Yâwɛɛ ƃé mò tí.”

Yálá laawoo hɛɓɛ (dc)

²³ Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Yálá laawoo hɛɓɛ

²³ Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Ɉeremi 29:23 Referans Kwoze

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Ɉeremi 23:14

Kɛ́lɛ, ŋa gáa a gɛɛ Ɣâla ŋɔlóno kɛ́-ƃelai díkaa Zerusâlɛŋ díwɔ̂i tɛɛ̂i. Da wulu-wulu kɛ̀, dí kɛ́ lɛ́ɛ kɛ̀. Da kpɔŋ mâa tɛ̀ɛ nûa pɔ́ a gɛɛ dímɛni nyɔ́mɔ kɛ́, a gɛɛ núu da fé kpèra ŋwana lɔ̂ɔ-tua kɛ̂i. Díkelee dísɔŋ nyɔ̂mɔɔi nɔ́ yɛ̂ɛ Sodɔŋ da Gomora-ƃela.

Hebreu 4:13

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.

Ɉeremi 29:21

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è m̀ɛnii ŋí ƃó é pîlaŋ Kolaya ǹóŋ Eɣa da Maaseia ǹóŋ Zɛdikaya dîa ǹyɛɛ ǹúu feerɛi ŋí da kɛ̂ lɛ́ɛ Ɣala-woo ƃôi ńaai su, dí kɛ́ mò dîyɛɛ ńaa-woo ká tí. Kɛ́lɛ, ŋa pâi ǹɛ́ɛ Ɣâla-woo ƃó-ƃela feerɛi tí tɛɛ̂i Babelɔŋ kaloŋ Nɛbukinaza pɔ́. Ǹyaŋ a pâi dí paâi ka kélee ká ŋɛ́i túɛ.

Ɉeremi 16:17

Ŋ́gaa m̀ɛnii kélee kâai da gɛ̂i. Dɔnɔ kpîŋ fé kɛ̂i ŋ́ɛi pôlu. Ŋ́gaa dísɔnyɔ̂ŋ-ŋai kélee kâai.

Hanwon 5:21

Ɣâla Yâwɛɛ a ítûa-pere kélee maa kpɛɛ̂i, gɛ́ ísia-pere kélee maa kpɛ̂ɛ.

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii ŋɔwóo-ŋai ká ni.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋɔŋãai,

Malasi 2:14

Ká kɛ́ marê kɛ̀ a gɛɛ lé ƃé vé ŋɔ́nɔ ǹyée seêi la kúsama-sɛ̂ŋ-ŋai mui? Gáa tí, kpɛ́ni fêi, Yâwɛɛ è gɔ̀lɔŋ ƃa íkono-têei kara ínɛnîi yêei í gùla a ínaɣa-tãi. È kɛ̀ a ísia-gîe-pôlu-nuu, kɛ́lɛ ƃa íkono-têei kara ǹyêei, berei máŋ í íkono tèe la Ɣâla ŋɛ́i a gɛɛ ƃa pâi kɛ̂i a tɔ̃yâ-nuu m̀ɛni mai.

Sofoni 3:4

Ɣâla ŋɔlóno-kɛ-ƃelai naai, maloŋ-kaa fé díyêei, láa-laa fé díyêei. Ŋɔsâla láa-soŋ-ƃelai da ƃâa kùla m̀ɛnii ma gáa a mɛni-maa-waa, da dɔ̂ŋ kàra.

Ɉeremi 23:21

Yâwɛɛ è mò ǹyɛɛ, “Ḿve ɣâla ŋɔlóno kɛ́-ƃelai ŋí tɛ̀ɛ ní, kɛ́lɛ dí lì. Ḿve worɛ̂-woo tɛ̀ɛ ní a dia, kɛ́lɛ dí lòno ńaai su.

Ɉeremi 13:27

Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃêlaai kâa. Lé tãi ƃé ka pâi kɛ̂i la a ká maa-waai?”

Zɛnɛse 31:50

Ƃà ńônii-nɛyâai sôŋ a nyɔ́mɔɔ kpaa máŋ ƃà nɛnî da kpɛ́ni-ŋa kùla, berei máŋ núu da fé la kúkɔlɛi, é kɛ́ íkili ŋá a gɛɛ Ɣâla káa a sêre kwa yá kúloai.”

Zɛnɛse 34:7

Tãi Zeeka ǹônii-sinaai dí mɛnii ŋí mɛ̀ni lai, dí kùla gbâlaŋ ŋá dí pá. Dí kɛ̀ kpɔ́ a dílii ŋwánaa a ŋánaa. Kpɛ́ni fêi, Sɛkɛŋ è ŋumɛ mɛni kɛ̀ a Eezuɛ-ŋai a Zeeka ǹóŋ-nɛnii sòŋɔɔ mì a wála-wala a lɔ-pɔ̂rɔŋ kɛ́ la, nyii vêi pɔ̂ri kɛ̂i a kɛ́-mɛnii.

Nwun mąąɓo 11:10

Dîyɛɛ m̀ai, “Kwaâ fáa. Yâwɛɛ ƃa kúwooi ŋí maa sêre.”

Samia Veerɛi 13:12

È ŋ̀óo su tòo ǹyɛɛ m̀ai, “Kpao, zaaƃɔlɔ ƃa yá. Ífe gɛ̀ tí a ńyãa. Eezuɛ kpakolo-ŋai dífa tùa tí. Ífe tûa kɛ́ɛ ŋí kɛ̀ a ńyãa.

Ɉeremi 5:8

Dí káa yɛ̂ɛ soo-sirɛ kɛ́tɛ lɛ́lɛɛ-ŋa nyíi-ŋai kɛ̀ a dílaa-fɛɛ a wulu-wulu kɛ́ mɛni, dí kɛ̀ ƃò dílaoi-ni dínɛyâai pôlu.

Ɉeremi 7:11

Ŋápɛrɛi ŋí káa nâa a ŋúma-ƃela kɛ̂i ká ŋɛ́i? Yâwɛɛ è mò ǹyɛɛ ńyãa kpîŋ ŋaâ ǹaa káa.

Ɉeremi 29:31

a gɛɛ ŋá ŋ̀orɛ̂-wooi ŋí tɛ́ɛ gɔ-sôŋ-ŋai díkaa Babelɔŋ pɔ́ ǹyɛɛi, “Mɛnii Yâwɛɛ a môi é pîlaŋ Neelaŋ nuui Simaya mai ƃa: Simaya è ɣâla-woo ƃò kâa. Kɛ́lɛ, Yâwɛɛ ǹyɛɛ, ‘Ŋa pâi Neelaŋ nuui Simaya kula ma kɛ̂i tãi kpua yée mu da ŋɔnûai. Ḿve dɛɛ ní a gɛɛ é ɣâla-woo ƃó kâa. Kɛ́lɛ, è lòno yɛ̂ɛ Ɣâla ŋɔlóno kɛ́-nuu, gɛ́ Ɣâla-woo ƃò a lɛ́ɛ-pere. È gɛ̀ ǹûai dí kɛ́ lɛ̀ɛ ŋɔlɛ́ɛ Ɣâla-wooi pôlu. Zuu fé pâi kɛ̂i ma a dɔnɔ kpîŋ. Ǹyaa da ŋɔsuui su-ƃelai dí fé pâi lɛɛ̂i a dífúlu ǹûai sáma dí m̀ɛni lɛ́lɛɛi ŋa pâi gɛ̂i ǹûai dîɛi dí da sɔlɔ ƃó. Kpɛ́ni fêi è ǹûai kɛ̀ a gɛɛ dí tɔ́ɔ ḿâ. Ńyãa Yâwɛɛ ƃé mò tí.’ ”

Izikiɛ 35:13

Ŋa ká ŋɛi tɛ̂ woo-ŋai mɛ̂ni nyii-ŋai ká kɛ môi é pîlaŋ ḿâi.’ ”

Ɉeremi 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Ɉeremi 23:32

Ńyãa Yâwɛɛ ńdɔɔ̂i ɣâla ŋɔlóno kɛ́ ƃelai dîa nyíi-ŋai da díkpîŋ sèe-woo-ŋa ƃò nyíi ǹáa fɛ̂ɛi a lɛ́ɛi. Da zee-woo-ŋai ŋí ƃò a gɛɛ dí gɛ́ ŋánûai díkula berei ma a dílɛɛ-ŋai da dí tɛ̀ ŋɛ́i-woo ŋai. Ḿve mó ní a gɛɛ dí lí. Ḿve dítɛɛ ní a gɛɛ dí lí. Dífa pɔri kpɔŋ mâa sii kélee da tɛɛ̂i ŋánûai pɔ́. Ńyãa Yâwɛɛ ƃé mò tí.”