Ɉeremi 25:34 - Bible

³⁴ Káai a ǹúu láa-tuɛ-ƃelai, ka wɔ́lɔ. Ka too ǹɔii mâ ká wɔ́lɔ kákɛ kìliŋ, kákɛ làɣi a ŋánaa. Tãi aâ nâa seri a gɛɛ díka páa. Ka pâi kɛ̂i a kátaa-tâa ǹɔii ma yɛ̂ɛ pɔ̂rɔ-leɣi kàlaŋ.

Yálá laawoo hɛɓɛ (dc)

³⁴ Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Yálá laawoo hɛɓɛ

³⁴ Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 25:34 Referans Kwoze

Ɉeremi 6:26

Yâwɛɛ è mò ǹûai dîa ǹyɛɛi, “ŋánûa, ka seɣe sâa too kâa ká tóo ǹuui sú kákɛ kɔ̀-kɔ. Ka malôŋ see ƃó yɛ̂ɛ núu ǹóŋ-surɔŋ tɔnɔ à sàa. Ká wɔ́lɔ a ŋánaa, kpɛ́ni fêi, diai pâi ká paâi, díkaa nâa kákɔlɛ ma.

Amɔsə 5:11

M̀ɛni ma, ká gôlo-ƃelai lûaŋ, ká dímii-sãai kúla díyêei a wála-wala-laa, ká kɔni-pɛrɛ-ŋa tɔ̀ɔ, kɛ́lɛ káfe pâi kɛ̂i dímu. Ká kpɔmɔ-kpalaŋ-ŋa kɛ̀, kɛ́lɛ káfe pâi ŋwã̂ai kpelêi é kúla dísu.

Danîa 11:8

A pâi díɣâla pɔɔ-kɔɔŋ-ŋai, dígôo-ŋai da díkane-ŋai kélee kulâi díyêei é lí a dia Ize lɔii su. Kóraŋ kpɛ́-kpɛɛ yée mu, laa sâa fé ŋɔ́nɔ pâi kɛ̂i Asiria Kaloŋ da Ize kaloŋ díloai.

Izikiɛ 34:20

“M̀ɛni ma Ńyãai a Ŋ̀wála-wâla kélee Yâwɛɛi ŋa môi kâa a gɛɛ ŋa pâi mɛni-sâa ƃôi m̀ála wála-walaa-ŋai da m̀ála fíi-kpɛɛ-ŋai loai.

Woolaa 4:21

Káai a Idɔŋ da Uzi-lɔii su-ƃelai, ka ɣɛ́lɛ, ká lii-nɛ̃ɛ kula. Kɛ́lɛ káwɔ̂ mɛni kpɔlui maa tãi a pâi. Ka pâi kɛ̂i siâi taka-taka yɛ̂ɛ lɔɔ kpele-ƃela, ká kɛ́ kákaŋ lɛ̂.

Ɉeremi 50:27

Ka dí kɔ-kuluƃa-ŋai kélee kpɔ́ páa. Ka dípaa! Kpalo ƃêlai dîa, kpɛ́ni-fei vóloi a seri dí díkula maa kɛ́ mɛni ma.”

Ɉeremi 48:26

Yâwɛɛ è mò ǹyɛɛ, “Ka gɛ́ Môa é ŋwãai kpele é gɛ́, kpɛ́ni fêi, a tɔɔ ḿâ. Môa a pâi gɔŋ pilîi é tóo zu gɛ́ kɔ̀ kɔ̀. À kɛ̀ tí, nûa da pâi ɣɛ̂lɛi m̀a.

Ɉeremi 27:7

Ǹɔii-ŋuŋ-ŋai kélee da pâi tíi kɛ̂i Nɛbukinaza da ǹônii díwɔ̂ lònii dîɛ. À kɛ̀ tí, tãi a pâi pâi a gɛɛ núu da é Babelɔŋ yée mɛi ɣále. À kɛ̀ tí, lɔii-ŋuŋ támaa da kâloŋ kpaya-kpaya támaa da pâi Babelɔŋ kɛ̂i a díyee ŋá-ƃela.

Ɉeremi 25:36

Ŋá kɛ̀ ǹúu láa-tuɛ-ƃelai láɣi-woo mɛnîi. Ŋá kɛ̀ ǹûai láa-tuɛ-ƃelai wɔ́lɔ-woo mɛnîi ɣelêi-pere, kpɛ́ni fêi Yâwɛɛ è kɛ̀ dílɔii su karâi.

Ɉeremi 25:23

Ŋá ŋɔ́nɔ da tɛ̀ɛ ǹûai pɔ́ kɛ̀ Dedaŋ, Tema, da Buzi taa-ŋai sui. Ŋá da tɛ̀ɛ diai kélee pɔ́ da díŋuŋ ƃôi.

Ɉeremi 25:12

Kɛ́lɛ góraŋ buu lɔ́ɔlu-mɛi feerɛi tí a kpɛ̀ɛ, ŋa pâi Babelɔŋ kaloŋ da ŋɔlɔii su-ƃelai kélee kpɔ́ kula-maa kɛ̂i dítua-pere nyɔ̂ŋ mɛ̂ni ma. Ŋa pâi dílɔii lɛɛ̂i a fɛ̃ɛ-kpâlaŋ su wɔ́lɔ-wɔlɔ.

Ɉeremi 22:28

Ŋá mò ńyɛ̃ɛ, “Ká káa tûai a Gâloŋ Zɛoasiŋ yɛ̂ɛ pɔ̂rɔ-leɣi sàa nyíi núu da fé ŋ̀wɛ̂lii lé mɛni ma? M̀ɛnii ŋí ƃé da ŋɔnîa-pɛlɛɛi da liî la a dia kɔ-sôŋ laa su ǹɔii su nyíi dífe ǹaa kɔ́lɔŋ?”

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Azaya 34:6

Zâla ƃalai da m̀olii díŋãa da díwulɔ kɔ́-kɔɔ̂i Ɣâla Yâwɛɛ ŋɔƃóa-sɔkpɔi ma. A pâi ŋɔsâla kɛ́tɛi kulâi Bosera taa-leei su. A pâi zu-kâra mɛni kɛ́tɛi ŋí kɛ̂i Idɔŋ lɔii ma.

Azaya 33:1

Kpalo-ƃêlai kâa, káai kákaa a kúkpɔara-ƃelai. Kaâ kákɔlɛ ma-ƃelai kélee su-kara, kákɛ ƃò ɣele ma. Kɛ́lɛ káwala-walai kpɛɛ-ŋa ɣelei a pâi. Kákpɔara-ƃelai da pâi kákîrii, dí kápaa.

Azaya 30:14

Ŋa pâi káwolo wôloi yɛ̂ɛ núu a pɔ̂rɔ leɣi tòo é wólo-wôlo nyíi kɛ̂i fa kɛ̂ galâŋ da mai. Núu da fa pɔ̂ri kpîŋ ŋɔŋ siɣêi galâŋ da su kpaa máŋ é ya-kpôloŋ tuâŋ la.”

Azaya 10:12

Ǹuu-namui è m̀o ǹyɛɛi, “Ŋà kpɛ̀ɛ ǹûai kula-maa kɛ̂i Zãiyɔŋ Yeei ma da Zerusâlɛŋ, ŋa pâi Asiria kaloŋ kula maa kɛ̂i ŋɔyoŋka tuai da ŋɔsu-mɛni kɛ̂tɛi mɛ̂ni ma.”

Azaya 2:16

A pâi tîma kpaya-kpaya lɛ́lɛɛ-ŋai da kûla Sipîiŋ lɔii sui, kélee su kara-kârai.

Mąątɛ̨nɛ̨ 2:9

Ya pâi díyee mɛi ɣâlei a kɔli sɔ̂kpɔ. Ya pâi dísu-karâi yɛ̂ɛ núu a pɔrɔ leɣi wòlo-wolo.”

Kɔlɔnikɔ Veerɛi 36:10

Vólo-laa ƃóɔɔi kpɛɛ-ŋa tãi, gâloŋ Nɛbukinaza è dòli é pá Babelɔŋ a Yâwɛɛ ŋɔpɛ́rɛi mu-sãa sɔ̃ɔ kpanaŋɔɔ-ŋai. Nya ƃe è Zɛoasiŋ gerâ Zɛdikaya kɛ̀ a kâloŋ Zuda da Zerusâlɛŋ mɛi.

Zĩi 5:5

Ka kákɛ-ɣeniɛ kɛ̀ ǹɔii ma ƃɛ a tɔɔ-sãa da nia-kɛ. Ka kákpîŋ ŋákɔ̂ŋ a zãai ka bàa a ŋ̀ele-ŋai ŋí.

Azaya 34:7

Ǹûai su a pâi karâi yɛ̂ɛ da tóu da niŋa sîrɛ-ŋa pàa. Ǹɔii lá a pâi fɛ̂ɛi a ŋãa da núu-wûlɔ tee-tee.

Ɉeremi 18:22

Yóo-yoo kpɔŋ tɛɛ é dípɛrɛi mu-sãai síɣe dí lɛ́ɛ pâi díkpîŋ kpɛtɛ̂i. Ǹɛɛ naa díwɔ́lɔ mɛni kpɔ̂lu su. Da lóa tée ḿberêi a gɛɛ ŋá tóo zu. Da ƃáre tɛ́ ḿberêi a gɛɛ ŋá kɔ́ la.

Ɉeremi 48:38

Maloŋ-too maa wɔlɔ-woo nɔ́ ƃé ya m̀ɛni Môa pɛrɛ-ŋai mɛi ƃɛ́i nûa da gôyɛŋ naai, da ƃɛ́i da díŋaa tɛ̀ naa mai. Ŋá Môa wòlo yɛ̂ɛ gònoŋ nyíi núu da fé wɛ̂lii lai.

Osia 8:8

Eezuɛ-ƃelai laŋɔ̂ɔi. Díkaa nâa lɔii-ŋuŋ da kpɛ́ni-ŋa sáma yɛ̂ɛ sɛŋ-folo saa.

Zakari 10:3

Yâwɛɛ è mò ǹyɛɛi, “Ńii ŋwânai m̀ála-mɛi-káa-ƃelai dîa, ǹyaŋ ŋá pâi tɔ̂ŋ kpɛ̂i ǹúu-ŋuŋ-tuɛ-ƃelai dîa kpɛ́ni fêi, Ńyãai a Ŋ̀wála-wâla kélee Yâwɛɛi, ŋ́gbaaŋɔ̂ɔi ŋáƃala-ŋai mɛni ma Zuda lɔii su, ǹyaŋ ŋa pâi díkɛ̂i yɛ̂ɛ ŋákɔkɔ-sôo-ŋa.

Zakari 11:3

Ka ǹúu-mɛi-ƃela wɔ́lɔ-wôo mɛni, kpɛ́ni fêi, dínîa kɛ̂i su a kara!

Ɉeremi 23:1

Kpalo ƃêlaai ǹúu-mɛi-ƃelai dîa nyíi-ŋai Yâwɛɛ ŋɔnûai kɛ̀ dítaa-taa dí kɛ̀ làŋ.