Ɉeremi 23:22 - Bible

²² Eê kɛ̀ dí kɛ́ ƃò a ńii-su mɛni kɔ́lɔŋɔɔ, gɛ̀ ní dîi pâi ŋáworɛ̂-wooi ƃôi ŋánûai dîa, dí gɛ́ ŋánûai dí díyee kúla ŋwana lɔ̂ɔ-mɛni su, díkpera ŋ̀wana lɔ̂ɔ-tuai kɛ̂i, da gɛ̂i.

Yálá laawoo hɛɓɛ (dc)

²² Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Yálá laawoo hɛɓɛ

²² Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Ɉeremi 23:22 Referans Kwoze

Zakari 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Ɉeremi 25:5

Ǹyaŋ Ɣâla ŋɔlóno kɛ́-ƃelai tí dí mò kâa a gɛɛ ká kpera kátûa-pere nyɔ̂ŋ-ŋai dîa. Ka kpera mɛni nyɔ́mɔɔ kɛ̂i a gɛɛ ká lɛ́ɛ ǹɔii su nyíi Yâwɛɛ è wɔ́lɔ dɛ̀ɛ kánûa-pɔlɔ-ŋai pɔ́ a gɛɛ é kɛ́ a dípɔɔ wɔ́lɔ-wɔlɔi.

Ɉeremi 23:18

Ŋá mò, “Ɣâla ŋɔlóno kɛ́-ƃelai ŋí dɔnɔ kpîŋ fé niî táre ní Yâwɛɛ ŋɔlîa-wooi su. Dí ta dɔnɔ kpîŋ fé niî ŋɔworɛ̂-wooi mɛni ní kpaa é táre zu. Dífe niî ŋ̀óo mɛni ní kpaa dí díwoli tɔ́ɔ m̀ɛnii ma a m̀ôi.

Gɛlaɠaa 20:27

Fé niî kpera ní Ɣâla ŋɔnîa-mɛnii kélee lɛ̂i kâa.

Izikiɛ 13:22

“Ka ŋánûai líi su kpanaŋ a ká lɛ́ɛi, berei máŋ ḿve dílii-su kpanaŋ ni lai. Ka ŋwana-lɔ̂ɔ ƃelai líi kula a gɛɛ dífe kpera dí-ŋwana-lɔɔ̂ tuai mâ dí díƃalo-laai sɔlɔ ƃo.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Tɛsalonikə dɔlɔɔ 5:6

Mɛni ma kúfe nyíi yɛ̂ɛ berei ǹúu kpeli-ŋai da gɛ̀ lai, kɛ́lɛ, kwaa ku kɛ́ a kúŋɛi ku kɛ́ a kúŋuŋ su séɣeŋɔɔ.

Izikiɛ 3:17

È mò ḿâ ǹyɛɛi, “Núu-kpune ǹóŋ, ŋa ísiɣe a gɛɛ íkɛ a sɛŋ mɛi káa-nuu Eezuɛ-ŋai mɛi. Tãi kélee yâ ńa-woo mɛ̀ni lai a gɛɛ í m̀aa lia-woo ƃó ḿî dîa a gbanaŋɔɔ.

Izikiɛ 2:7

M̀ɛni ma, ŋá worɛ̂-wooi ƃó dîa a nɛ̃ɛ ma dí díwoli tɔ́ɔ kpaa máŋ dífe díwoli tɔɔ ni yâ, kpɛ́ni fêi díkaa a tɔɔ mâ ƃela.

Izikiɛ 18:30

“M̀ɛni ma ńyãai a Ŋ̀wála-wâla kélee Yâwɛɛi, ŋa pâi ká mɛnii ŋá têei káai a Eezuɛ-ƃelai yɛ̂ɛ berei ká tûa-perei káa la tɛi-tɛ́i. Ka kálii pene ká kápôlu tɔɔ kásɔnyɔ̂ŋ-ŋai dîa a gɛɛ kásɔnyɔ̂ŋ fa lâ ká lɛ́ la.

Ɉeremi 36:3

Ɣele da Zuda-ƃelai da m̀ɛnii mɛ̂ni é pîlaŋ berei ma ŋa ŋ̀wɛ̂li la ŋá m̀ɛni kpɔ̂lu láa la dîai, da pâi dípôlu tɔɔ̂i díŋwana lɔ̂ɔ tua-ŋai dîa. À kɛ̀ tí, ŋa pâi dísu-mɛni lɛɛ̂i díŋwana lɔ̂ɔ-ŋai da dísɔnyɔ̂ŋ-ŋai mɛ̂ni ma.”

Ɉeremi 9:12

Ŋá Yâwɛɛ marê kɛ̀ ńyɛ̃ɛi, “Gbɛ̂ɛ ƃé dáreɛ̂i a gɛɛ é m̀ɛni-ŋai ŋí ŋá káa? Maa nûu fé ma. Gbɛ̂ɛ ƃé Yâwɛɛ è mò m̀a a gɛɛ é m̀ɛnii ŋí dùŋ tooi? Maa nûu fé ma. Lé ƃé kɛ̀ ǹɔii a lɛ̀ɛ a bûŋ yɛ̂ɛ fɛ̃ɛ-kpâlaŋ su, núu da líi fé kpele ní a gɛɛ é tɛ́ɛ naai? Núu da fé gɔ́lɔŋ.”

Ɉeremi 23:14

Kɛ́lɛ, ŋa gáa a gɛɛ Ɣâla ŋɔlóno kɛ́-ƃelai díkaa Zerusâlɛŋ díwɔ̂i tɛɛ̂i. Da wulu-wulu kɛ̀, dí kɛ́ lɛ́ɛ kɛ̀. Da kpɔŋ mâa tɛ̀ɛ nûa pɔ́ a gɛɛ dímɛni nyɔ́mɔ kɛ́, a gɛɛ núu da fé kpèra ŋwana lɔ̂ɔ-tua kɛ̂i. Díkelee dísɔŋ nyɔ̂mɔɔi nɔ́ yɛ̂ɛ Sodɔŋ da Gomora-ƃela.

Izikiɛ 13:5

Dífa lí ƃɛi-ŋai ziaŋ a wólo naai, kpaa máŋ díziaŋ ŋai tɔ́ɔ dí dínaŋ Eezuɛ-ŋai dîa a dímaa kɔ̃ɔ sɛŋ a tãi kɔ́ a pa lai kpaa máŋ tãi Yâwɛɛ ŋɔɣelei a pá lai.

Amɔsə 3:7

Tɔ̃yâ ma, Ɣâla Yâwɛɛ fa niî mɛni da kɛ̀, fɛ̂ɛ é ŋɔloo-mɛni-ŋai kélee lɛ́ ŋɔlóno kɛ́-ƃelai dîa, nyii-ŋai díkaa a ǹyée mu-ƃelai,

Malasi 2:6

Dí tɔ̃yâ-sɛŋ lɛ̀, dífe sɛŋ nyɔ́mɔɔ lɛ́ ní. Dí dífulu-laai kɛ̀ a ńîa-pere. Dífe tɔ̃yâ-mɛni kɛ́ ní nɔ́ díkpîŋ mɛni ma, kɛ́lɛ dí kpɔŋ-mâa tɛ̀ɛ núu támaa pɔ́ a gɛɛ dífe mɛni nyɔ́mɔɔ kɛ̀.