Ɉeremi 23:17 - Bible

¹⁷ Diai kélee ŋ́oo pìlii, da m̀ôi dîa a gɛɛ mɛni da fé pâi kɛ̂i. Díkɛ mò ŋ̀ólii kpɔ̂lɔ-ƃelai dîa a gɛɛ mɛni kpɔ̂lu da fé pâi lâai dîa.”

Yálá laawoo hɛɓɛ (dc)

¹⁷ Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Yálá laawoo hɛɓɛ

¹⁷ Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 23:17 Referans Kwoze

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Ɉeremi 13:10

Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Amɔsə 9:10

Ƃóa-sɔkpɔ a pâi zɔnyɔ̂ŋ-ƃelai kélee paâi ŋánûai sáma, diai da mò, dîyɛɛi, ‘Sɔnyɔ̂ŋ fé pâi wɔ́lɔ serîi kûa.’ ”

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Ɉeremi 9:14

Kɛ́lɛ, dí lɛ̀ɛ díkpîŋ kili-ŋa-siâi pôlu a wolii kpɔ̂lɔ-pere, ǹyaŋ díkaa nɔ́ Bêe ɣalai pôlu yɛ̂ɛ berei dínâŋ pɔlɔ-ŋai díwɔ́lɔ ǹɛ la diai.

Ɉeremi 8:11

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛ, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 5:12

Da lɛ́ɛ támaa kɛ́ a pîlaŋ Yâwɛɛ ma da m̀ó dîyɛɛi, “Vé pâi sɛŋ da kɛ̂i. Mɛni nyɔ́mɔɔ da fé pâi kú kɛ̂i. Púru fé pâi toôi kûa kpaa kɔ́ é pá kûa.

Dutɛrɔnome 29:19

Káfe ǹɛɛ naa káta é m̀ó ǹyɛɛ tãi a dɔ̂ŋ-ŋai ŋí mɛni ŋ̀uŋ ma a nâa ƃó berei máŋ a tûai la a gbîŋ nîa-perei. A gɛ̀ tí Yâwɛɛ a pâi maa-nuui su karâi ka dîa-ni.

Zakari 10:2

Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têeɛ, kpɛ́ni fêi, dímɛi-káa-nuu fé ma.

Izikiɛ 13:22

“Ka ŋánûai líi su kpanaŋ a ká lɛ́ɛi, berei máŋ ḿve dílii-su kpanaŋ ni lai. Ka ŋwana-lɔ̂ɔ ƃelai líi kula a gɛɛ dífe kpera dí-ŋwana-lɔɔ̂ tuai mâ dí díƃalo-laai sɔlɔ ƃo.

Izikiɛ 13:10

“Kpɛ́ni fêi da kɛ̂ ŋánûai pɛlɛ̂i díke mò dîa dîyɛɛi, ‘Lii-sêe é kɛ́ kâa’ a tãi lii-sêe fé la naai. Kpɛ́ni fêi ŋánûa da siɣãŋ tɔ́ɔ nyii vé kpananii kɛ́lɛ ŋ̀âla-woo ƃó-ƃelai-ŋai ŋí da pá da wée-kole sia m̀a da m̀ɛi pɛ́lɛ gɛ́ ƃò yɛ̂ɛ ǹya ƃé gbanaŋɔ̂ɔi.

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Ɉeremi 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 3:17

Tãi ŋí à sèri, da pâi Zerusâlɛŋ tôlii a ‘Yâwɛɛ ŋɔkâloŋ-see-sɛŋ.’ Ǹyaŋ ǹɔii-ŋai kélee da pâi díŋa tɛ̂i gîe ma naa dí kɛ́ ǹáa maa tɛ̀. À kɛ̀ tí, dífe ŋɔ́nɔ pâi lɛɛ̂i díkpɔɔi lii-su-kpanaŋ nyɔ́mɔɔi pôlu.

Lonon mo 11:20

Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”

Tɛsalonikə dɔlɔɔ 4:8

Mɛni ma ǹúui kélee a ŋ̀ɛi naɣîŋ nyíŋi mɛi, va ŋ̀ɛi naɣîŋ núu-kpune mɛi, kɛ́lɛ, a ŋ̀ɛi naɣîŋ Ɣâla mɛi, nyíi Ŋɔmɔ̂leŋ Maa Waai tɛ̀ɛ kápɔi.

Lukə 10:16

“Ǹúui a káwoo mɛ̀nii, a ŋ́oo mɛ̀ni. Kɛ́lɛ, ǹúui a ǹyée kùla kamui, a ǹyée kùla mû. À kɛ̀ ti, ǹúui a ǹyée kùla ḿûi, a ǹyée kùla ǹúui mu ńdɛ̀ɛi.”

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Ɉeremi 7:24

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Kɛ́lɛ dítùa a dínîa-pere. Dí liî su kpanaŋɔ̂ɔi a mɛni nyɔ́mɔɔ kɛ́ɛ. Díkɛ lí pôlu pere dífa lî tuɛ-pere.

Ɉeremi 4:10

Nya ƃe ńyɛ̂ɛi, “Ŋ̀wála-wâla kélee Yâwɛɛ, í ínûai da Zerusâlɛŋ-ƃelai pɛ́lɛ. Í mò a gɛɛ lii-sêe a pâi kɛ̂i ǹɔii su kɛ́lɛ ǹyaa ká ŋí da nâa kɛ́ pâi kú paâi.”

Azaya 57:21

Ŋuŋ ma ƃô kwaa ma fé naa sɔnyɔ̂ŋ-ƃela mɛni ma. Ńyãa Yâwɛɛ ƃé m̀o tí.”

Samia Veerɛi 12:10

M̀ɛni ma, ílônii díwɔ̂ lonii da pâi kɛ̂i nɔ́ ƃóa-sɔ̂kpɔ saa kɛ̂i, kpɛ́ni fêi, í íŋɛi nàɣiŋ Yâwɛɛ ŋɔtɔ̂ŋ mɛi í Yuraya ŋɔnɛnîi kɛ́ a ínɛnî.’

Samuɛlə dɔlɔɔ 2:30

Mɛni ma, Ńyãa Yâwɛɛ, Eezuɛ-ŋai Díɣâlai, ŋá ŋ́gono tèe a gɛɛ ínûai da ínâŋ-ni dínûai da pâi kɛ̂i a ŋásâla láa soŋ-ƃela wɔ́lɔ-wɔlɔ da wɔlɔ-wɔlɔ. Kɛ́lɛ ŋa môi yâ a gɛ́ɛ dîai nɔ́ da ƃaa-kɛ́-maa tɛ̀ɛ ḿbɔi, dia nɔ́ ƃé ŋa pâi ńyee seêi dímu ŋá dîai kula maa kɛ́ da tɔ̂ɔ ḿâi.

Malasi 1:6

Ŋ̀wála-wâla kélee Yâwɛɛ è mò zâla láa-soŋ-ƃelai dîa ǹyɛɛi, “Lóŋ-surɔŋ a ŋumɛ-mâa tɛ̀ɛ ǹâŋ pɔ́, yée-mu-nuu kɛ́ ŋumɛ-mâa tɛ̀ɛ ŋɔmɛi-nuui pɔ́. Ńyãa ƃa kánâŋ. Lé mɛni ƃé káfa ŋumɛ-mâa tɛ̀ɛ la ḿbɔi? Ńyãa ƃa a kámɛi-nûui, lé mɛni ƃé káfa ƃaa-kɛ-maa tɛ̂ɛ ḿbɔi? Ka ká-ŋɛi nàŋiŋ ḿɛi ǹyaŋ ká mò kâa, ‘Kwa kú ŋɛi naŋîŋ-pere kɛ̂i léŋ ímɛi?’

Sofoni 1:12

“Maa ɣêlei tí ŋa pâi Zerusâlɛŋ maa kpɛɛ̂i a lâŋpo, ŋa diai kɔ́ri ŋa dí kula maa kɛ́ nyii-ŋai dílii lâai dísɔnyɔ̂ŋ sui, da diai dífe kpáaŋ ní ḿaa mɛ̂ni mai. Ŋa pâi diai kula maa kɛ̂i da mò dîyɛɛ, ‘Yâwɛɛ fé pâi mɛni da kɛ̂i a kúai.’

Azaya 30:10

Da m̀o Ɣâla ŋɔlóno kɛ́-ƃelai dîa dîyɛɛi, “Káfe ŋɔ́nɔ zĩ̂a su mɛni ƃò kûa nyii gáa a tɔ̃yâi. M̀ɛnii ƃó kûa nyii kwa ŋ̀wɛ̂lii kú mɛnii. M̀ɛnii ƃó kûa nyii pâi kúpɛlɛ̂i.

Ɉeremi 18:12

Kɛ́lɛ, da pâi íwoo su toôi dîyɛɛi, ‘Kpao, lé mɛni ƃé kwa pâi gɛ̂i tí lai? Kwa pâi tûai kpɔ́ nɔ́ a woli kpɔ̂lɔ-pere, kú sɔŋ nyɔ́mɔɔ kpɔ́ nɔ́ yɛ̂ɛ berei kwa ŋ̀wɛ̂lii kú tûa lai.’ ”

Izikiɛ 13:19

Ka ƃaâ kula mâ ŋánûai sama balee ŋɔ-yèe-laa fɛɛ mɛni ma, é pɛlɛ kpolo-kpua-kpua ŋa dîa. Ka ǹûai paa nyii maa fé nɛ́ɛ ni ka dí pâai. Kakɛ́ diai maa fé nɛ́ɛ ni dílɛɛ ŋ̀ele mai kɛ̀ díkɛ lɛɛ ŋ̀ele ma a ǹɛɛ̂i ka kɛ́ gɛi ŋánûai dîa díkɛ díwoli tɔɔ lɛɛ́ mai.”

Mise 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Dutɛrɔnome 29:18

Káfe ǹɛɛ naa kákpakolo-ŋai, ǹɛyaai, kálɔii-kpîniŋ su nuu kpaa máŋ kásîi da é tɔ́ɔ Káɣâlai Yâwɛɛ ma é tínaŋ ǹɔii-ŋûŋ-ŋai su-ƃelai díɣâla-ŋai pɔ́ naa pere dí kɛ́ dífɛ̀li. Ka gɛ̀ tí, a pâi kɛ̂i yɛ̂ɛ wúru ƃa ŋwána kámɛni ma.