Ɉeremi 23:10 - Bible

¹⁰ Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Yálá laawoo hɛɓɛ (dc)

¹⁰ Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Yálá laawoo hɛɓɛ

¹⁰ Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Ɉeremi 23:10 Referans Kwoze

Mąątɛ̨nɛ̨ 107:34

È gɛ̀ ǹɔii é kpála, sí-sɛŋ da fa ŋɔ́nɔ kpɛ̀tɛ ma, kpɛ́ni fêi, ǹaa-ƃelai dísɔnyɔ̂ŋ su è kɛ̀ a gɛ́tɛ.

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Ɉeremi 9:2

Eêi kɛ́ pɛ́rɛ kɛ́ ƃò ńyêei vɛ̃ɛ-kpâlaŋ su ŋɔ̃ya lâai mɛni ma, ŋâi kùla ŋánûai sáma ŋá lí naa, kpɛ́ni fêi, díkaa a ɣâla-da-kpɛ́ni fɛli-ƃela, dí kɛ̀ ƃò a ǹúu-kpului nyíi vé teniŋ ƃô nii.

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Azaya 24:6

M̀ɛni ma Ɣâla a ǹɔii náɣaŋ. Zu-ƃela da pâi dísɔnyɔ̂ŋ fela-fêi kɛ̂i. Dɛi-tɛ́i nɔ́ ƃé pâi lɛɛ̂i ǹɔii su.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa-sɛŋ, gáa a Ɣâla-kpɔara-mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa-nuui, a gbîŋ kɛ̀ a Ɣâla-kpɔara-nuu.

Hebreu 13:4

Tɔɔ nɛnî-kula-mɛni é kɛ́ a ƃaa-kɛ-maa pere-sii kélee su. Nɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Timote dɔlɔɔ 1:10

wulu-wulu kɛ-ƃela, zinâai da díkîe-ni kɛ̀ a nɛyâai, nuu-ŋuma-ƃela, lɛ́ɛ-ƃela, wôya-kperɔ mii-ƃela, da mɛni-ŋai kélee dífe dɔ̃yâ-sɛŋ-lɛɛi ŋɔperei mai,

Zooɛ 1:10

Ǹɔii a lɛɛ kpɛ́ni gɛ́ wɔ̂lɔ kpɛ́ni fêi, duma-lâa-ŋai kélee su a kara, ŋwã̂ai a kpɛɛ, ŋ̀úlɔi a kpɛɛ.

Ɉeremi 14:2

“Zuda káa wɔ̂lɔi. Ŋɔtaa lêe-ŋai díkaa wôloi. Ŋɔnûai díkaa laâ-ni ǹɔii ma a malôŋ pere, Zerusâlɛŋ kɛ́ wɔ̀lɔ kpɔŋ mâ mɛni ma.

Ɉeremi 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Levetekɔ 5:1

À kɛ̀ da núu da tòli a gɛɛ é sêre faa kɛ́ mɛni ma nyii è gàa gɛ̀ ƃò a gɔ́lɔŋɔɔi, à wàla maa sêre faai kɛ́, gɛ̀ ní fɛ̂ɛ dí maa nuui tí kula maa kɛ́.

Azaya 5:18

Kpalo-ƃêlaai diai dîa da sɔnyɔ̂ŋ ɣàla a lɛ́ɛ pere, díkɛ sɔnyɔ̂ŋ ɣàla a kéleŋ ɣála ɣɛlii.

Ɉeremi 9:12

Ŋá Yâwɛɛ marê kɛ̀ ńyɛ̃ɛi, “Gbɛ̂ɛ ƃé dáreɛ̂i a gɛɛ é m̀ɛni-ŋai ŋí ŋá káa? Maa nûu fé ma. Gbɛ̂ɛ ƃé Yâwɛɛ è mò m̀a a gɛɛ é m̀ɛnii ŋí dùŋ tooi? Maa nûu fé ma. Lé ƃé kɛ̀ ǹɔii a lɛ̀ɛ a bûŋ yɛ̂ɛ fɛ̃ɛ-kpâlaŋ su, núu da líi fé kpele ní a gɛɛ é tɛ́ɛ naai? Núu da fé gɔ́lɔŋ.”

Ɉeremi 12:11

A pâi kɛ̂i a lɔii nyíi núu fé pâi kɛ̂i zu, gɛ́ wɔ̀lɔ ḿâ a gɛɛ da ǹɛɛ a lɔii nyɔ́mɔɔ. Ǹɔii a lɛɛ a bûŋ, núu da fé naa, é kpáaŋ maa mɛ̂ni ma.

Osia 7:4

Díkelee dímaa fãai wulu-wulu kɛ́ mɛni ma. Díkɛɛi yɛ̂ɛ kpólo kpɛtɛ lêɣi fãa nyii a gbólo kpɛtɛ-nuui kɛ̀ va ŋɔŋ ŋá tɛ̀ ŋɔ́nɔ, é lɛ́ɛ la zu é kpɛ́ɛ a gbóloi yɔ́ɔŋɔɔ, é lɛ́ɛ pâi ŋɔŋ ŋá tɛ̂i.

Ɛsdrasə 10:18

Zinâai sîi nɛyaa díkɛ̀ díyêei, dí dílaa pɔ̃yɛ yɛ̂ɛ berei dísuui káa lai. Zâla láa soŋ-ƃelai dílônii sinaai nyíi-ŋai sîi nɛyaa kùlai dílaa ƃa: Maaseia, Ilieza, Zari da Gidalia. Ǹûai ŋí dí kùla Zosada ǹóŋ Zasua da ǹêɣe sinaai dísuui su.

Ɉeremi 6:13

É síɣe ǹúui guro-tei ma é tóo gɛ́tɛi ma, díkelee díkaa wôya-sɛŋ wɛ̂lii. É síɣe Ɣâla ŋɔlóno kɛ́-ƃelai dîa é tóo zâla láa soŋ-ƃelai dîa, díkelee díkaa nɔ́ tûai a wôya pere.

Sofoni 3:4

Ɣâla ŋɔlóno-kɛ-ƃelai naai, maloŋ-kaa fé díyêei, láa-laa fé díyêei. Ŋɔsâla láa-soŋ-ƃelai da ƃâa kùla m̀ɛnii ma gáa a mɛni-maa-waa, da dɔ̂ŋ kàra.