Ɉeremi 2:7 - Bible

⁷ Ŋa pà a káa lɔii lɛ́lɛɛ su, a gɛɛ ká ǹaa sí-sɛŋ m̀bá lɛ́lɛɛ míi. Kɛ́lɛ, tãi ká pá la naai, ká ŋálɔii maa-tĩa kara. Ká ŋ́gɔlĩŋ maa-tĩa kara.

Yálá laawoo hɛɓɛ (dc)

⁷ Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.

Yálá laawoo hɛɓɛ

⁷ Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.

Ɉeremi 2:7 Referans Kwoze

Ɉeremi 16:18

Ŋa pâi díkula-maa kɛ̂i a ŋá-ŋanaa dísɔnyɔ̂ŋ-ŋai da díŋwana lɔ̂ɔ-ŋai mɛ̂ni ma. Kpɛ́ni fêi da ŋálɔii maa-tĩ̂a kara, da nãni pɛ́lɛ ma a díɣâla da kpɛ́ni-ŋa fɛliɛɛi. Da ŋ́gɔ̃lîŋ maa-tĩ̂a kara a ŋ̀âla-da-kpɛ́ni-ŋai nyíi-ŋai díkaa yɛ̂ɛ saa, díƃɛlɛ fé ŋ́goi.”

Lonon mo 13:27

Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Izikiɛ 36:17

“Núu-kpune ǹóŋ, tãi Eezuɛ-ŋai díkɛ̀ la díkpɔɔi lɔii sûi, dí ǹɔii m̀aa tĩa kàra a díkpîŋ tûa-pere. Dítûa-perei è gɛ̀ ǹɔii fé kɛ́ ní a maa waa yɛ̂ɛ berei nɛnî a kɛ̀ ǹyée tɛ̂i m̀aa fâ kɛ̂ a ŋ̀wáa lai.

Ɉeremi 3:9

Ŋɔwulu-wulu kɛ́ɛi fé kɛ́ ní ŋ̀ɛ́i a sɛŋ-da. M̀ɛni ma è ǹɔii maa tĩ̂a kàra a gɛɛ sɛŋ kɛ́ɛ yɛ̂ɛ kɔni-ŋa da wúru-ŋa fɛliɛɛ.

Ɉeremi 3:1

Yâwɛɛ è mò ǹyɛɛi, “À kɛ̀ núu da a ŋɔnɛnîi lɛ̀ɛ, m̀aa nɛ̂nii tí é surɔ̂ŋ da kpɛ́ni kúla, va ŋɔ́nɔ pɔ̀ri kulâi ŋɔsurɔ̂ŋ ninai yêei da ŋɔsurɔ̂ŋ duɛ-tuɛi dí ŋɔ́nɔ tûa. Da gɛ̀ tí, m̀aa tûa-laai tí a ǹɔii maa tĩ̂a kara ŋ́ɛi. Kɛ́lɛ, Eezuɛ, yaâ wɛ́li támaa sóŋ, íkɛ ŋɔ́nɔ ŋ̀wɛli a gɛɛ í ŋɔ́nɔ pá pôlu ḿbɔ naa.

Mise 2:10

Ka kámu siɣe ká lí ká kɛ̂i fé ŋɔ́nɔ ƃɛ́, kpɛ́ni fêi, kásɔnyɔ̂ŋ a ƃɛ́ kara kpɔ́ kpɔlɔwɔ.

Izikiɛ 20:6

Ŋa ŋ́gono-tee a gɛɛ ŋa pâi dí kulai Ize-lɔii su ŋa li a dîa ǹɔii ma nyii ŋa zie zu a gɛɛ ŋá dɛɛ dípɔi. Ǹɔii ŋí káa a sí-sɛŋ kpɛtɛ lɔii lɛ́lɛɛ. Ǹɛ́lɛɛ̂i kpɔ́ é tɛ́ɛ lɔii-sii kélee ma.

Nehemi 9:25

Daa-lêe-ŋai kɔ-kuluƃa wála-wala-ŋa dí kɛ̀ zui dí kɛ́ naa maa kɔ̃ɔi, ínûai dí naa kélee sòŋ é pɛ́lɛ zi-sãa kpɛtɛ lɔii-ŋai dîa. Dí pɛ́rɛ-ŋa sòŋ dílaa fɛ́ɛ a sãâ lɛ́lɛɛ-ŋa, dí ya-loa-ŋa soŋ, kpɔmɔ kpâlaŋ-ŋa, ɔle-wuru kpalaŋ-ŋa da ƃá-wuru támaa. Dí kɛ̀ dílaa miî dí kɛ́ pìla a ɣele kélee, díkɔlɔ lɛ́lɛɛ dîa a tɛ̀ɛ-ŋa. Dí kélee dí dínîa kɛ̀ ímaloŋ kâai sarâi.

Dutɛrɔnome 21:23

káfe nɛ̀ɛ naa bumai é nyíi ŋ̀úrui ma. Ka ǹoo a ŋ̀ele tɔnɔ tí, kpɛ́ni fêi, ǹúui kélee da zɛ̀lɛŋ gáa Ɣâla ŋɔtɔŋ kpɛ́-maai mu. Káfe ǹɔii maa liƃi Káɣâlai Yâwɛɛ a dɛɛ kápɔi.

Dutɛrɔnome 6:18

Ka Káɣâlai Yâwɛɛ nîa mɛni kɛ́ a gɛɛ mɛni-ŋai ka pâi kɛ̂i gɛ̂i ǹɔii su Yâwɛɛ è góno tèe la kánâŋ-ni yêei ŋãa-see é kɛ́.

Ɉeremi 3:2

Ye ǹyée-ŋai tôŋ su káa í ƃɛ́i káa ya kɛ̂ lâai naa berei kɔlɛ íkɛ íwɛli-ŋai maa kpɛ̂ŋ yɛ̂ɛ Arebi-nuu ƃé ǹoɔ̂ɔi vɛ̃ɛ-kpâlaŋ su gɛ́ tɛɛ-a-pere núu maa kpɛ̂ŋ a gɛɛ é gɔ̃̂liŋ kula ǹyêei. Ya ǹɔii maa tĩ̂a kara a wulu-wulu kɛ́ɛ ŋánaa.

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Ɉeremi 32:30

É síɣe kpɔ́ Zuda da Eezuɛ-ƃelai dí kɛ̀ ɣéniɛi kɔ́ɔ pîlanii ma, díkaa nɔ́ wɔ́lɔ ńii ŋwána mɛni-ŋa kɛ̂i. Dí tua-pere nyɔ̂ŋ sii-ŋai ŋí da gɛ́ ŋa ńii ŋwána kpɔ́ dîa a ŋ̀ánaa.

Izikiɛ 20:28

Ŋá li a dîa ǹɔii su ŋa ŋ́gono-tee a gɛɛ ŋa pâi dɛɛi dípɔi su. Kɛ́lɛ, tãi dí ǹyée-tɔɔ ŋai kâa la da ŋ̀uru-ŋai, dí pɛlɛ sala kulâi dîa. Dí kereŋ sala da ŋwã̂ai sala ŋa kula dîa. M̀ɛni ŋí è kɛ̀ a ńii ŋwãna mɛni.

Osia 9:3

Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Dutɛrɔnome 32:9

Yâwɛɛ líi-ma-ƃelai ƃé kɛ̀ a Eezuɛ-ŋai, Zeeka kɛ́ ƃò a gɔ̃liŋ kpîŋ.

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Azaya 19:25

Ŋ̀wála-wâla kélee Yâwɛɛ a pâi lûwa lâai dîa ǹyɛɛi, “Káai a ǹɔii-ŋuŋ saaƃai ŋí, lûwa káa kâa. Káai a Ize-ƃelai, káa ƃa ŋánûai. Káai a Asiria-ŋai, ńyãa ƃé gɛ̀ kákaa ɣele ma. Eezuɛ-ƃela, káa ƃé ŋá kásiɣe zu ŋ̀éniɛi su-ƃelai sáma.”

Izikiɛ 20:24

Ŋá gɛ tí kpɛ́ni fêi dífe ŋátɔ̂ŋ ŋai mɛi káa ni. Dí ŋáfii-tɔɔ ɣelei maa-tĩa kara. Díkili è kɛ a dɔɔ dínâŋ ni díɣâla-pɔɔkɔŋ ŋai dîa.

Izikiɛ 23:35

“Tãi yà nâa nia la ḿâ, ya ńdũaŋ ípôlu-perei, yà pâi ísurɔ̂ŋ wɛli lii ŋánaai da íwulu-wulu kɛ́ɛi maa mɔ̃lɛ-laa kɛ̂i.”