Ɉeremi 2:30 - Bible

³⁰ Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Yálá laawoo hɛɓɛ (dc)

³⁰ Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Yálá laawoo hɛɓɛ

³⁰ Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 2:30 Referans Kwoze

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Tɛsalonikə dɔlɔɔ 2:15

Dí Kúnuu-namui Zîsɛ pàa da Ɣâla ŋɔlóno kɛ́-ƃelai, dí kúkpɛ̂. Dífe Ɣâla líi laa ni. Dí tɔɔ núu kélee ma.

Gɛlaɠaa 7:52

Ɣâla ŋɔlóno kɛ́-ƃelai nênɛ ƃé vé mɛni-soli káa ní kánâŋ-ni yêei? Kánâŋ-ni dí Ɣâla worɛ̂-woo ƃó-ƃelai kélee pà a nyíi-ŋai kɛ̀ Dɔ̃yâ Nuui pá mɛni ƃôi nàa túɛi. Káa kpîŋ ka káyee kúla Dɔ̃yâ Nuui ŋí mu ka bàa.

Ɉeremi 5:3

Tɔ̃yâ ma, Yâwɛɛ káa teniŋ ƃô laa kɔ̂rii. È ká lòkwa, kɛ́lɛ káfe káwoli tɔɔ ní m̀a. Káfe fáa ní ma a gɛɛ ká mɛni maa kɔ́ri. Káŋuŋ su a kpanaŋ kpɔ́ yɛ̂ɛ kɔni. Ǹyaŋ káfe niî kápôlu tɔ̀ɔ ní kásɔnyɔ̂ŋ-ŋai dîa.

Azaya 1:5

Óo ŋánûa, zɔnyɔ̂ŋ kula maa kɛ́ɛ ka zɔlɔ ƃôi, vé gula kɛ̂ɛ ƃó ní kámɛni ma? Lé mɛni ƃé ka tɔɔ̂i la m̀ai? Ka ŋ̀wɛ̂lii é ká kula maa kɛ́ a ŋ̀ánaa é tɛ́ɛ nyíti ma? Kɔlɔ a kpɛɛ kâa ka fûa.

Maafîu 23:29

“Kpalo ƃélaâi kâa, káai a gɔlɔ-pɔ̃yɛ-ƃelai da Faresii-ŋai. Kákaa a kiri-ƃelai! Kpɛ́ni fêi, ka Ɣâla ŋɔlóno-kɛ-ƃelai ƃolôŋ-ŋai tɔɔ a ǹɛ́lɛɛ, ka dɔ̃yâ-ƃelai díƃolôŋ-kɔni-ŋai maa ɣíri a ǹɛ́lɛɛ,

Ɉeremi 7:28

M̀ó dîa yɛ̂ɛ ‘Ǹɔii ŋí ƃé vé ŋ̀óli tɔɔ ní Ŋɔɣâlai Yâwɛɛ ma. Dífa díyee sèe sɛŋ lɛ́ɛ mu. Tɔ̃yâ a láŋ ǹá. Tɔ̃yâ a tée kpɔ́ ǹá-gbɔ ma.’ ”

Azaya 9:13

Eezuɛ-ƃelai dífe dílii pene ní berei máŋ Yâwɛɛ è dí kula-maa kɛ̂ lai. Dífe niî tínaŋ ní bɔ́-naa pere.

M̀ɛni-lɛɛi 16:9

Ŋɔŋ ŋɔzi-zii è núu-kpune kèreŋ, ǹyaŋ dí Ɣâla láai naɣâŋ làa, nyíi wala-wala è kɛ̀ ǹyêei m̀ɛni-kpɔ̂lu sii-ŋai ŋí mɛi. Dífe dílii pene ni. Dífe ǹaa-maa tɛ́ ní.

Sofoni 3:2

Va núu wóo mɛni, va ǹyée see lia-wôo mu. Vé láa ní a Yâwɛɛ, va lɛ̂ɣɛ Ɣâla kɔlɛ ma.

Izikiɛ 24:13

Ŋɔkpɛ̃ɛi káa yɛ̂ɛ ŋɔwulu-wulu kɛ́ɛ maa liƃiɛɛi. Kpɛ́ni fêi, ŋá ká maa waa, kɛ́lɛ ká maa fé waa ní. Ká maa fé ŋɔ́nɔ paî waâi é lɛ́ɛ la zu ŋá ŋálii-ŋwanai ŋ̀aa see kɛ́ a káa.

Ɉeremi 31:18

“Ŋá Eezuɛ-ƃela wóo mɛ̀ni a lii-too pôlu pere, ‘Yâwɛɛ, kúkaa yɛ̂ɛ lɔɔ-fɛnɛ sãa. Kɛ́lɛ í kú tɔ̀ɔ a gɛɛ kú íwoo mɛni. Pá a kûa pôlu. Kwa kúkpîŋ kpɛtɛ a gɛɛ kú pá pôlu ípɔ naa. Yá ƃa Yâwɛɛ nyíi gáa a Kúɣâlai.

Kɔlɔnikɔ Veerɛi 36:16

Kɛ́lɛ, dí ɣɛlɛ-maa kula Ɣâla ŋɔlo-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.

Kɔlɔnikɔ Veerɛi 28:22

Tãi Eea è kɛ̀ la mɛni-kpɔlu ŋí sui, maa tãi ƃe e tela bolu kpîŋ tɔɔ la Yâwɛɛ ma.

Kɔlɔnikɔ Veerɛi 24:21

Gɛ́ɛ a kpɛɛ a lónoɔɔi, dí gbɛ̀tɛ a gɛ́ɛ dí baa. Nya ƃe gâloŋ è tɔ̂ŋ tɛ̀ɛ a gɛ́ɛ dí baa. Dí zɔ̀ɔ a kɔni dí baa Yâwɛɛ ŋɔpɛ́rɛ kɛ́tɛi kɔlɛ.

Tɔɔɓɛlaa dɔlɔɔ 19:14

È zu tòo ǹyɛɛi, “Ŋá Yâwɛɛ ŋ̀wála-wala kélee ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da ŋâla-teƃele-ŋai wólo, ǹyaŋ da ílono kɛ́-ƃelai páa a ƃóa-sɔ̂kpɔ. Ńyãa tɔnɔ nɔ́ ƃé lɛ̀ɛ ǹyaŋ díkaa nâa kɔ̂i a gɛ́ɛ dí ḿbaa máŋ.”

Tɔɔɓɛlaa dɔlɔɔ 19:10

È zu tòo, “Ŋá Yâwɛɛ, ŋ̀wála-wala kélee Ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da íɣâla-teƃele-ŋai wólo da ílono kɛ́-ƃelai páa a ƃóa-sɔ̂kpɔ. Ńyãa tɔnɔ ƃé lɛ̀ɛ ǹyaŋ da kɔ̂i a gɛ́ɛ dí ḿbaa máŋ.”

Azaya 59:3

Kákaa a lɛ́ɛ-ƃela, mɛni su-kara-ƃela, da núu paa-ƃela. Kákaa a sɔŋyɔ̂ŋ-ƃela, kákɛ ƃò a núu nyɔ́mɔɔ-ŋa.

Ɉeremi 46:14

“Tuŋ too Ize taa-ŋai su, doo Midɔ, Mɛŋfee da Tapaɣee. ‘Ka kɛ́ a kákpîŋ kpɛtɛɛ. Zãâi káyêei da pâi dísu karâi kɔ́ su.

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Izikiɛ 22:24

“Núu kpune ǹóŋ, mò Eezuɛ ma yɛ̂ɛi mai, í maa fé waa ni, m̀ɛni ma ŋa pâi ńii wãnâi yâ, ŋá í kula maa kɛ.

Danîa 9:13

M̀ɛni kpɔ̂lui kélee m̀ɛni pɔ̃yɛɛ̂i Mose Ŋɔtɔ̂ŋ Kɔlɔi sui, gélee a kɛ́ a kúa, kɛ́lɛ kúfe wɛ̂lii kú kúyee kúla kúsɔnyɔ̂ŋ-ŋai su kú tínaŋ ípɔ naa pere kú ítɔ̃yâi kɔ́ri.