Ɉeremi 18:15 - Bible

¹⁵ Kɛ́lɛ, ŋánûai da nia ḿâ. Da kéreŋ-sɛŋ kúŋ-nɛ̃ɛ kéreŋ ɣâla-pɔkɔɔŋ-ŋa dîa. Da kɛ̂ karênii dísia perei su. Dífe ŋɔ́nɔ siâi a berei dínâŋ pɔlɔ-ŋai da kâa sìa lai. Da kula berei lɛ́lɛɛi ma, da lɛɛ berei ma nyii dífe gɔ́lɔŋ.

Yálá laawoo hɛɓɛ (dc)

¹⁵ Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Yálá laawoo hɛɓɛ

¹⁵ Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 18:15 Referans Kwoze

Ɉeremi 6:16

Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔ́lɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Osia 11:2

Berei nɔ́ ŋá kɛ̀ dítôlii lai, bere nɔ́ ƃé dí kɛ̀ dípôlu fêi la ḿî. Dí kɛ̀ nɔ́ sâla kulâi díɣâlai Bêe-ŋai dîa, dí kɛ́ sɛŋ kúŋ-nɛ̃ɛ kèreŋ dí Ɣâla pɔkɔɔŋ-ŋai dîa.

Ɉeremi 2:32

Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Azaya 57:14

Yâwɛɛ è m̀o ǹyɛɛi, “Ka berei su sã́a, ká zu kpɛtɛ ŋánûai mɛni ma. Ka díperêi kpáaŋ sãai kélee kúla naa. Ka berei su sã́a, ká zu kpɛtɛ ŋánûai tɛɛ mɛ̂ni ma!

Malasi 2:8

“Kɛ́lɛ káai a zâla láa soŋ-ƃelai ká siɣe bere sã́ai ma. Kásɛŋ-lɛ́ɛi a núu támaa kɛ́ da sɔnyɔ̂ŋ kɛ́. Ka m̀ɛnii kara ŋá gbɛ̀tɛ kámɛni mai.

Ɉeremi 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gáa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Ɉeremi 17:13

Yâwɛɛ, yá ƃa Eezuɛ ŋɔkili-kɛ-maai. Ǹúui nyíi a bôlu tɔ̀ɔ yâi, a pâi ŋumɛi. Da pâi lániî yɛ̂ɛ da núu láa pɔ̃yɛ muluŋ su, kpɛ́ni fêi, da dípôlu tɔɔ Yâwɛɛ ma, nyíi gáa yɛ̂ɛ ya-ɣɛli-loŋ nyii a fúlu-laa tɛ̀ɛ núu pɔi.

Ɉeremi 10:15

Kɛ̂i fé dîa. Díkaa nɔ́ a ɣɛ́lɛ-maa sãa. Tãi mɛni-ŋa-teɛɛ a pâi pâi la dímɛni mai, da pâi dí su karâi.

Azaya 41:29

Wála-wala fé da yêei. Dífa pɔ̂ri mɛni da kélee kɛ̂i. Díkaa nɔ́ a ɣâla-pɔkɔɔŋ kpɛ́ni-kpɛni-ŋa.”

Maafîu 15:6

Ka Ɣâla ŋɔwóoi kɛ̀ a volo, kpɛ́ni fêi, ka kátûa-pere pɔlɔ-ŋai tɔ́ɔ duɛ.

Osia 2:13

Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe-ŋai dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 13:25

Bere ƃé ŋa pâi ímɛnii-ŋa têei la, ńyãai ŋ́gaa a Yâwɛɛ ńyãa ƃé mò tí, kpɛ́ni fêi, ya nîa ḿâ ya láa a ɣâla-da kpɛ́ni-ŋa.

Ɉeremi 3:21

Yóo-yoo woo káa tɛ̂i ǹyéei tôŋ-su. Gáa a Eezuɛ-ƃelai wɔ́lɔ-woo da díkpera fêi wòo, kpɛ́ni fêi, da dítûa-pere maa fáleŋ, da nia Díɣâlai Yâwɛɛ ma.

Lomaŋ 14:21

ǹɛ́lɛɛ̂i a gɛ́ɛ núu fe sua mii, kpaa máŋ ve ŋwã̂ai kpele, kpaa máŋ e mɛni da kélee kɛ́ nyíi a m̀arâŋ-nuu kɛ̀ é karêŋ, (kpaa máŋ ǹíi é ŋwána, kpaa máŋ víi é kpɛ́ɛ).

Ɉeremi 19:5

Da kwaa ma kpɛtɛ Bêe ɣâlai mɛni ma dí kɛ̀ dílônii-sinaai kùla naa a kéreŋ-sala m̀a. Ńyãa fé m̀ɛnii ŋí ƃó ní dîa a gɛɛ dí gɛ́, kpaa ŋá ŋ́gili ŋá sía é pîlaŋ m̀a.

Azaya 62:10

Zerusâlɛŋ-ƃela, ka kámu siɣe, ká kúla ziɣãŋ su, ká berei kpɛtɛ diai pâi pôlui dímɛni ma. Kà gɔni-ŋai kúla berei su ká ǹaa kpɛtɛ a ǹɛ́lɛɛ. Ka benâ-ŋa tɔɔ naa a gɛɛ ǹɔii-ŋûŋ-ŋai su-ƃelai da díkàa dí gɔ́lɔŋ,

Azaya 9:16

kpɛ́ni fêi, dísɛŋ lɛ́ɛi a ǹûai líi su kɛ̂i wúlee, gɛ́ díkùla bere sãai ma.

Azaya 3:12

Nîa-pɛlɛɛ da ŋánûai lúanîi. Nɛyâa ƃa dílaa túɛ-ƃelai. Óo ŋánûa, kálaa túɛ-ƃelai dífe káteniŋ tɔɔ̂i a pere sîi sãa. Da gɛ̂i tí a gɛɛ káfe kɛ̀ a bere sãai kɔ́lɔŋɔɔ.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Azaya 65:7

Ŋa pâi dífela fêi díkpîŋ sɔnyɔ̂ŋ da dínâŋ-pɔlɔ-ŋai díwɔ̂i mɛ̂ni ma. Da kéreŋ-sɛŋ kúŋ-nɛ̃ɛ kèreŋ ɣâla da kpɛ́ni-ŋa dîa díɣâla fɛli kwaa-ŋai ma ǹyée-ŋai ma, díkɛ lóno nyɔ́mɔɔ kɛ̀ é pîlaŋ ḿâ. M̀ɛni ma ŋa pâi díkula-maa kɛ̂i yɛ̂ɛ berei dísɔnyɔ̂ŋ pɔlɔ-ŋai kaa lai.”

Ɉeremi 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Ɉeremi 18:14

Ka tá gáa kɔlɛ-kâne é kpɛ́ɛ Lɛƃanɔŋ kɔni yee kpaya-kpaya-ŋai tôŋ su? Ka tá gáa ǹyá-ɣɛli-ŋai da kûla ǹyée ŋí tôŋ sui díkpala?

Ɉeremi 51:18

Dífe sɛŋ-su, m̀ɛni ma, núu da fa ǹyée sèe dímu. Ǹûai da pâi dísu karâi a tãi Yâwɛɛ a pâ la a gɛɛ é dí mɛnii ŋá teei.

Izikiɛ 21:15

A pâi gɛi dí yao dí támaa ɣele dítoo dí siɣaŋ lá ƃelei. Ŋáƃoa-sɔkpɔ tɛ̂ɛi gɛ fólo. Gɛ pere kɛ̂ɛi yɛ̂ɛ ŋ̀ele-gbâna ŋɔmãla-mãla, m̀aa waa núu paa mɛ̂ni ma.

Izikiɛ 36:15

Ḿve ŋɔ́nɔ pâi ǹɛɛ̂i naa ká ǹɔii-ŋûŋ-ŋai díɣɛlɛ-maa wóo-ŋai mɛni. Káfe pâi ŋɔ́nɔ káyee seêi díƃaa-kula-maa tûa-ŋai mu. À kɛ̀ tí, kálɔii fé ŋɔ́nɔ pâi lɛɛ̂i a vɔ́lɔ. Ńyãai a ŋ̀wála-wala kélee Yâwɛɛi ńyãa ƃé mò tí.’ ”

Osia 2:6

“M̀ɛni ma ŋa pâi berêi kpáanîi a ŋalêŋ kpɔlɔ, ŋá kónaŋ tɔ́ɔ é tínaŋ ma, a gɛɛ vé pere kâa é kúla.

Dutɛrɔnome 32:21

Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Nehemi 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a dí wôlii kpɔ́lɔɔ. Dí dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Ɉeremi 1:16

Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 11:12

À kɛ̀ tí, gɛ̀ ní Zuda taa-leei su-ƃelai da Zerusâlɛŋ-ƃelai da pâi liî dí wɔ́lɔ ŋ̀âla-ŋai dí kɛ̀ kéreŋ-sãa kúŋ nɛ̃ɛ kéreniî dîai pɔ́. Kɛ́lɛ, ŋ̀âla-ŋai dífe pâi díƃâloi dí díkula dímɛni kpɔ̂lui su.

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 11:17

“Ńyãai a Ŋ̀wála-wâla kélee Yaawɛ nyíi Eezuɛ da Zuda síi, ŋaâ gbɛtɛ a gɛɛ ŋá mɛni kpɔ̂lu láa kâa. Kpɛ́ni fêi, káai a Zuda da Zerusâlɛŋ-ƃelai ka mɛni nyɔ́mɔɔ kɛ́, ká kɛ́ ńi ŋwàna. Kpɛ́ni fêi ká kɛ̀ kéreŋ-sãa kúŋ-nɛ̃ɛ kérenîi Bêe ɣalai ma.”