Ɉeremi 12:11 - Bible

¹¹ A pâi kɛ̂i a lɔii nyíi núu fé pâi kɛ̂i zu, gɛ́ wɔ̀lɔ ḿâ a gɛɛ da ǹɛɛ a lɔii nyɔ́mɔɔ. Ǹɔii a lɛɛ a bûŋ, núu da fé naa, é kpáaŋ maa mɛ̂ni ma.

Yálá laawoo hɛɓɛ (dc)

¹¹ Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Yálá laawoo hɛɓɛ

¹¹ Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Ɉeremi 12:11 Referans Kwoze

Ɉeremi 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Ɉeremi 14:2

“Zuda káa wɔ̂lɔi. Ŋɔtaa lêe-ŋai díkaa wôloi. Ŋɔnûai díkaa laâ-ni ǹɔii ma a malôŋ pere, Zerusâlɛŋ kɛ́ wɔ̀lɔ kpɔŋ mâ mɛni ma.

Malasi 2:2

Fɛɛ ká ƃaa-kɛ-maa tɛ́ɛ ḿbɔ kátûa-pere su. Kà wàla káwoli tɔ́ɔ m̀ɛnii ma ŋá môi, gɛ̀ ní ŋa pâi káfôoi. Ŋa pâi kásɔlɔ ƃo-sãai kélee fôoi. Tɔ̃yâ ma ŋa nâa kásãai fóo, kpɛ́ni fêi, káfe ŋ́oo síɣe ní a gbanaŋɔɔ.

Zakari 7:5

“M̀ó ǹûai kélee dîa díkaa ǹɔii mai da zâla láa-soŋ-ƃelai. Tãi ká kɛ̀ sûŋ siɣêi la ŋ̀áloŋ ǹɔ́ɔlui da mɛi feerɛi su, ká kɛ́ malôŋ sèe ƃò góraŋ buu lɔ́ɔlu mɛi feerɛ ŋí yée mui, ká kɛ̀ gɛ̂i ḿɛni ma?

Ɉeremi 19:8

Ŋa pâi daa-lêei ŋí kɛ̂i a kwaa ma nyɔ́mɔɔ. Nûa da pâi dísĩa miî la, kpɛ́ni fêi, ǹaa a pâi kɛ̂i a ǹyɔ́mɔɔ.

Ɉeremi 10:25

Ílii ŋwána ǹɔii-ŋuŋ-ŋai dîa nyii-ŋai dífe íkɔlɔŋ, da ǹûai nyíi-ŋai dífa ílaa tolii. Kpɛ́ni fêi, dia ƃé da Eezuɛ su kara. Da zu kara kpɔ́ kpóŋ-kpoŋ. Da ǹɔii kɛ́ a lɛ́ɛ a bûŋ.

Ɉeremi 10:22

Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Ɉeremi 6:8

Ka ká mɛi káa, óo Zerusâlɛŋ-ƃela. À wàla kɛ́ tí, ŋa pâi ḿbôlu tɔɔ̂i kâa, ŋa kálɔii lɛ́ɛ a bûŋ ƃɛ́i núu da fé pâi lɛɛ̂i naai.”

Azaya 57:1

Ǹúu sɔŋ lɛ́lɛɛ-ŋai da sâa, kɛ́lɛ núu da fa târe m̀aa mɛ̂ni-ŋai su, kpaa máŋ nûa díkɛ a díkpaaŋɔɔ m̀ɛni ma. Da sàa, da kûla m̀ɛni kpɔ̂lu-ŋai su.

Ikilisiati 7:2

Ǹɛ̂lɛɛi núu é lí ƃɛ́i nûa da maloŋ-see ƃôi naai é tɛ́ɛ núu liɛ́ɛ ma ƃɛ́i da kúu kɛ́tɛ kɛ̂i naai, kpɛ́ni fêi núu kélee é kɛ́ a gɔ́lɔŋɔɔ a gɛɛ a pâi saâi.

Lomaŋ 8:22

Ku gɔ́lɔŋ a gɛ́ɛ ŋ̀éniɛi kélee káa wɔ́lɔ nyíɣɛ da mɛni-kpɔ̂lu su e seri sâa ma;

Levetekɔ 26:32

Ŋa pâi kálɔii su karâi kákpɔara-ƃelai díkaa naai dí kpɛ̃lîŋ a ǹaa kɛ́ pere.

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 4:27

Yâwɛɛ è mò a gɛɛ ǹɔii a pâi lɛɛ̂i a bûŋ kɛ́lɛ, ŋ̀éniɛi fé pâi kpɛɛ̂i.

Ɉeremi 4:28

Ǹɔii a pâi wɔ̂lɔi. Ŋ̀ele-kɔlɔŋ ma a pâi kpînii. Yâwɛɛ ƃé mò tí. Ǹyaŋ vé pâi ŋ̀óo siɣêi pôlu. Yâwɛɛ a gbɛtɛ gí lî-ŋa, ǹyaŋ vé pâi ŋ̀óo siɣêi pôlu.

Ɉeremi 25:11

Da pâi Zuda su karâi, naa é lɛ́ɛ a fɛ̃ɛ-kpâlaŋ su. Ǹɔii-ŋai ŋí su-ƃela kélee kpɔ́ da pâi kɛ̂i luɛ-laa su Babelɔŋ kaloŋ yée-mu a kóraŋ buu lɔ́ɔlu-mɛi feerɛ.

Zooɛ 1:10

Ǹɔii a lɛɛ kpɛ́ni gɛ́ wɔ̂lɔ kpɛ́ni fêi, duma-lâa-ŋai kélee su a kara, ŋwã̂ai a kpɛɛ, ŋ̀úlɔi a kpɛɛ.

Ɉeremi 9:9

À kɛ̀ tí, gɛ̀ ní ḿva pɔ̂ri díkula maa kɛ̂i m̀ɛni-ŋai ŋí mɛ̂ni ma? Ŋá pɔ̂ri ŋ̀áa têei. À kɛ̀ tí, ḿva pɔ̂ri tɔɔ̂i ǹɔii-ŋuŋ kɛ́ɛ ŋí ma?”

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”