Ɉeremi 12:10 - Bible

¹⁰ Ƃála-mɛi káa-ƃela támaa da ŋá kpɔmɔ ƃá-kpalaŋ su kara. Da ƃɔ́rɔŋ ŋákpâlaŋ ŋá sãai dîa. Da pâi ŋákpâlaŋ ŋá lɛ́lɛɛi kɛ̂i é lɛ́ɛ a bûŋ, kɛ̂i fé ma.

Yálá laawoo hɛɓɛ (dc)

¹⁰ Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Yálá laawoo hɛɓɛ

¹⁰ Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Ɉeremi 12:10 Referans Kwoze

Ɉeremi 23:1

Kpalo ƃêlaai ǹúu-mɛi-ƃelai dîa nyíi-ŋai Yâwɛɛ ŋɔnûai kɛ̀ dítaa-taa dí kɛ̀ làŋ.

Azaya 63:18

Ípɛrɛi è kɛ̀ ínûa maa waai yêei a tãi lòŋ, kɛ́lɛ díkpɔara-ƃelai dí pá dí ǹaa sòŋ dí ǹaa su kara.

Ɉeremi 6:3

Íkpɔara-ƃelai da pâi pâi dí tínaŋ yâ yɛ̂ɛ berei ƃála mɛi káa-ƃela da díƃala-ŋai da tînaŋ la taa ma a díkpulu-ŋai. Da pâi díƃûu-ŋai pûi díkpîŋ kwaa ma.

Ɉeremi 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

M̀ɛni-lɛɛi 11:2

Kɛ́lɛ, ífe góraŋ su-pere kɔ̀ɔŋ nyíi dínaŋɔɔ̂i Ŋ̀âla-pɛrɛ Kɛ́tɛi mai. Ǹaa-pere lɛ̀ɛ tí, kpɛ́ni fêi, naa-pere tɛɛ̂i diai dífe Ɣâla-mɛni wɛ̂li nii dípɔ. Da pâi daa-lee maa waai su táŋ-nîi a ɣáloŋ buu náaŋ kao feerɛ.

Lukə 21:14

Ka gbɛtɛ kálii su a gɛɛ káfe kákili ŋá sìa tuɛ-pere berei ka pâi zu toôi lai,

Ɉeremi 39:3

Díkɛɛ da Zerusâlɛŋ soŋ, Babelɔŋ kaloŋ ŋɔtíi kɛ́-ƃela kpaya-kpayai dí tɛ̀ Zerusâlɛŋ dí sée ziɣãŋ sâmai ŋɔi lá. Diai kɛ̀ naai dia ƃa: Nɛga Sarizɛ, Saŋga Nebo, Sasisiŋ Nɛga Sarizɛ é pɛ́lɛ Sarizɛ gbélii ma.

Ɉeremi 25:9

‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Azaya 43:28

dí ŋákwaa ma waai maa tĩa kàra. M̀ɛnii ŋí ƃé gɛ̀ ŋá ǹɛɛ naa kákpɔara-ƃelai dí ƃâa kula kâa, dí ká su-kara.”

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Izikiɛ 34:2

“Núu-kpune ǹóŋ, lóno é pîlaŋ Eezuɛ ƃala-mɛi káa-ƃelai dîa. Lóno dípɔ í m̀ɛnii ƃó Ńyãai a Ŋ̀wála-wâla kélee Yâwɛɛi ŋá mò dîai yɛ̂ɛi, ‘Kpalo ƃêlaai kâa káai a Eezuɛ ƃala-mɛi káa-ƃelai. Ka kákpîŋ kɔ̃́nɔŋ kɔ̀ri kɛ́lɛ káfe kpáaŋ-ni m̀ala-ŋai mɛ̂ni ma.

Danîa 8:13

Nya ƃe ŋá Ɣala-taa kela feerɛ kàa. Ŋá dɔnɔ wóo mɛni ǹyɛɛ m̀arâŋ-nuui m̀ai, “Tãi ɣɛɛlu ƃé m̀ɛni-ŋai ŋí kɛ̀ zĩ̂ai su a pâi kɛ̂i lai? Tãi ɣɛɛlu ƃé m̀ɛni nyɔ́mɔɔ maa pɔlɔ-pɔlɔɔ-ŋai ŋí da pâi ŋ̀ele kélee salai pɔ́ɔ-ŋa siɣêi lai? Tãi ɣɛɛlu ƃé ŋ̀âla-taa kɔkuluƃa-ŋai da Ŋ̀âla-pɛrɛ Kɛ́tɛi da pâi kɛ̂i mɔ̃lɛi lai?”

Zakari 7:14

Ǹyaŋ ŋá dítaa-taa dí lí ǹɔii gwaa kélee yɛ̂ɛ fãa kɛ́tɛ ƃɛ́i dífe kɛ́ ní a nàa kɔ́lɔŋɔɔi. M̀ɛni ma ǹɔii dí nɛ̀ɛ dípôlui, núu fé lɛɛ ní naa, núu fé ŋɔ́nɔ li ní naa, núu fé kula ní naa. M̀ɛni ma ǹɔii lɛ́lɛɛi tí è lɛ̀ɛ nɔ́ naa kpɛ́ni-kpeni.”

Azaya 3:14

Yâwɛɛ aâ pá mɛnii ŋá têei. A pâi ǹúu-pɔlɔ-ŋai da ǹúu láa túɛ-ƃelai dímɛnii ŋá têei. A dísɔnyɔ̂ŋ ƃôi dîa ǹyɛɛi, “Káa ƃé ŋágbɔmɔ-kpalaŋ su kàra, ká gôlo-ƃelai kɔ̃liŋ kélee síɣe a kápɔɔ.

Ɉeremi 25:37

Ǹyaŋ ǹɔii nyíi-ŋai kɛ̀ a dí líi seɛɛi, Yâwɛɛ a pâi ǹíi ŋwânai, é ǹaa lɛɛ a pîleŋ ŋá.

Ɉeremi 25:38

Yâwɛɛ a pâi kulâi daa-ŋai su yɛ̂ɛ yala-sulu a kula ǹoôi. À kɛ̀ tí, a pâi dílɔii su karâi. A pâi kɔ́ maa-pɔlɔ-pɔlɔɔ toôi dísama. Kpɛ́ni fêi ǹíi ŋwânai a maa pɔlɔ-pɔlɔɔ.

Izikiɛ 34:5

M̀ala-ŋai táa tâai kpɛ́ni fêi dímɛi-káa nuu fé mà. Ǹyaŋ díkaa nâa a lɔɔ-fɛnɛ-sãa kɔ̃́nɔŋ.