Ɉeremi 11:20 - Bible

²⁰ Kɛ́lɛ, óo Ŋ̀wála-wâla kélee Yâwɛɛi, yái ya mɛni-ŋa tèe a teniŋ ƃô perei, íkɛ núu líi da gíli su kɔ̀ɔŋ, tɔɔ ŋá í mɛni kpa kuláai pɔ́ɔ káa dîa, kpɛ́ni fêi, ŋ́ɛi káa í mɛni ŋá téɛɛi perêi.

Yálá laawoo hɛɓɛ (dc)

²⁰ Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Yálá laawoo hɛɓɛ

²⁰ Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Ɉeremi 11:20 Referans Kwoze

Ɉeremi 20:12

Ŋ̀wála-wâla kélee Yâwɛɛi, ya núu su kɔ̀ɔŋ a tɔ̃yâ pere. Í m̀ɛnii kɔ́lɔŋ gáa dí líi su, da díkili ŋái. M̀ɛni ma, tɔɔ ŋá íkaa í mɛni kpa kula ŋ́gbɔara-ƃelai dîa, kpɛ́ni fêi, ŋa ŋámɛnii láa íŋɛi.

Ɉeremi 17:10

Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Samuɛlə dɔlɔɔ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛ́ɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”

M̀ɛni-lɛɛi 2:23

Ǹyaŋ ŋa pâi ŋɔnîa-pɛlɛɛi paâi. Kôrai-toli-kpɔŋ-ŋai kélee da pâi gɔ́lɔnîi a gɛɛ ńyãa ƃa ǹúui a kíli kélee su kàa da líi kéleei, ǹyaŋ ŋa pâi sɛŋ kélee tɛɛ̂i núu pɔ́ tɛi-tɛi yɛ̂ɛ berei ŋɔtíi káa lai.

Ɉeremi 17:18

Ƃâa kula diai dîa dítɔɔ̂i ḿâi. Kɛ́lɛ, Yâwɛɛ, ŋ́gula yêei kɛ́. Yao ŋánaa pú díkɔlɔ̂i, kɛ́lɛ, ífe da pù ŋ́gɔlɔi. Mɛni kpɔ̂lu láa dîa í dísu ɣále a gbua-kpua.

Ɉeremi 15:15

Nya ƃe ŋá mò, “Yâwɛɛ, ya m̀ɛnii ŋá káa. Ŋ́gili é lɛ́ɛ íŋa í kpɔ́ŋ ḿâ. Tɔ́ɔ diai da mɛni kpɔ̂lu làa ḿâi, ŋá ŋ́ɔ̂i gbà kùla. Ífe í líi kpèle é lɛ́ɛ la zu díyee é tɛ́ɛ ḿâ. Gíli é lɛ́ɛ íŋa a gɛɛ ímaa mɛ̂ni ƃé da ƃâa kulâi la ḿâ.

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Zɛnɛse 18:25

Nyíŋi fé kɛ̀ tí a gɛɛ í ŋwana-lɔ̂ɔ-ƃelai su kara da dɔ̃yâ-ƃelai gîe ma, a gɛɛ dɔ̃yâ-ƃelai dí mɛni-soli káa ŋwana-lɔ̂ɔ-ƃelai sârai. Nyíŋi fé kɛ̀ tí. Vé a sɛŋ a gɛɛ ŋ̀éniɛi kélee ŋɔmɛni ŋa-tee-nuui é tɔ̃yâ mɛni kɛ́?”

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

Piɛrə dɔlɔɔ 2:23

Tãi dí ǹaraŋ lai, vé larâŋ pìli ní pôlu. Tãi è mɛni-soli kàa lai, vé dímaa yao ní. Kɛ́lɛ, è ŋ̀ɔi tɛ̀ɛ nɔ́ mɛni-saa ŋa-tee-nuu sãa tɔnɔi pɔ.

Timote veelɛ 4:14

Alezaŋda da nyíi gáa a gɔli-ɣale-nuui e mɛni ŋánaa támaa kɛ̀ a ńyãa; Kúnuu-namui a pâi véla fêi ŋɔtûa-perei mɛni ma.

Filipə 4:6

Káfe kpaaŋ mɛni kélee ma, kɛ́lɛ, Ɣâla fɛliɛ su da mare-kɛɛ e pɛlɛ sɛɣɛi-fei ma, mɛni kélee ka ŋ̀wɛ̂lii ka ǹɛɛ naa Ɣâla é gɔ́lɔŋ.

Gɛlaɠaa 17:31

A vóloi lɛ́ a pâi ǹɔii ŋɔmɛnii ŋá teêi la a tɔ̃yâ pere ǹúui sârai è nɛ̀, é ŋ̀óo gbanaŋ tóo núu kélee yée ŋá nyíŋi mɛni ma a ǹúui kpîŋ mu siɣɛɛ saa yêei.”

Ɉeremi 12:1

Zɛlemaya è Yâwɛɛ ma ǹyɛɛi, “Yâwɛɛ, tãi ŋa mɛni da pú la íŋɛi, yá zu tòo nɔ́ a teniŋ ƃô-pere. Kɛ́lɛ, ŋa mɛni da pûi íŋɛi. Lé mɛni ƃé ŋ̀wana lɔ̂ɔ-ƃelai da ƃûu ƃò lai? Lé mɛni ƃé diai laa-laa fé díyêei dí kɛ̀ ɣéniɛi a kɛ̂ la a gɔlɔ saá mai?

Mąątɛ̨nɛ̨ 98:9

Ka gɛ́ tí, kpɛ́ni fêi, a pâi a gɛɛ gɛ́ ƃò ǹɔii mɛi. A pâi ǹûai mɛi kâai a tɔ̃yâ da teniŋ ƃô pere.

Mąątɛ̨nɛ̨ 57:1

Ḿalôŋ káa mí óo Ɣâla, ḿalôŋ káa, kpɛ́ni fêi, ŋà pá ípɔ a gɛɛ ŋá ƃálo-laa sɔlɔ ƃó. Íkôoŋ mu ƃé ŋá ŋuŋ-ma ƃô sɔlɔ ƃô naa, a lɛɛ la zu vãa kɛ́tɛi a tɛɛ ḿɛi.

Mąątɛ̨nɛ̨ 43:1

Óo Ɣâla, ǹɛ́ a gɛɛ ḿaa waâi. Ḿaa kɔ̃ɔ diai yêei dífe láa ní a ímaa mɛ̂nii. Ŋ́gula kíri-ƃela da wôya-ƃela yêei.

Mąątɛ̨nɛ̨ 35:2

Íkpala ŋá ɣále-sɛŋ síɣe da íkɔli-seɣei, í pá í ŋ́uŋ ma ƃó.

Zôo 5:8

“Eêi kɛ̀ ńyãa ƃa yá, gɛ̀ ní ŋ́aâ lí Ɣâla pɔ́naa ŋá ḿaa mɛni pú ŋ̀ɛi.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Samuɛlə dɔlɔɔ 24:15

Tɔɔ Yâwɛɛ é kúloai káa kwa yá é gáa a gɛ́ɛ m̀ɛnii yâ kɔ̂i la ḿbɔi ńzɔŋ fé zu é ŋ́uŋ ma ƃó íyêei.”

Mąątɛ̨nɛ̨ 7:8

Óo Yâwɛɛ, yá ƃa núu kélee ŋɔmɛni ŋá-tee nuui. Í gɔ́lɔŋ fé niî mɛni nyɔ́mɔɔ da kélee kɛ́ ní. Ŋámɛnii ŋá-tee ńdûa pere ma.

Mąątɛ̨nɛ̨ 58:10

Dɔ̃yâ-ƃelai líi a pâi nɛ̃ɛ̂i a tãi da pâi zɔnyɔ̂ŋ-ƃelai kula maa kɛ̂i kâai lai. Da pâi díkɔɔ ma waâi ŋ̀wana-lɔ̂ɔ-ƃelai ŋãa su.

Mąątɛ̨nɛ̨ 139:23

Óo Ɣâla, ḿaa kpɛ́ɛ í ŋákili-ŋa sîai kɔ́lɔŋ, ńzu kɔ̂ɔŋ í ŋákili-ŋa sîai kɔ́lɔŋ.

Ɉeremi 12:3

Óo Yâwɛɛ, í ŋ́gɔ́lɔŋ. Ya ŋ́gâa íkɛ ŋákili-ŋa-siâi bîlaŋɔɔi yâi su kɔ̀ɔŋ. Ye díɣala yɛ̂ɛ ƃála ƃé da liî la bàa mɛ̂ni ma. Dí pûi kɛ́ díkpîŋ yee ma dípaa mɛni ma.

Izikiɛ 11:5

Nya ƃe Yâwɛɛ ŋɔmɔ̂leŋ è pà ḿɛi é mó ḿâ ǹyɛɛi, “Kɛ́ dîa Yâwɛɛ ǹyɛɛ ŋá mò kâa káai a Eezuɛ-ƃelai bere ƃé ka kákili-ŋa siai la. Kpɛ́ni fêi ŋá m̀ɛnii kɔ́lɔŋ ka kákili-ŋa siâi é pîlaŋ mai.

Tɔɔɓɛlaa veelɛ 19:14

Tãi Gâloŋ Ɛsekaya è Asiria kaloŋ ŋɔkɔlɔi lôno lai, è lì la ŋâla-pɛrɛ kɛ́tɛi mu. È gɔlɔi ŋí láa ƃò é ǹáa Yâwɛɛ ŋɛ́i.

Mąątɛ̨nɛ̨ 7:10

Yá Ɣâla, yá nɔ́ ƃa ḿaa kɔ̃ɔ nuui. Diai da íwoo mɛnii, ya díŋuŋ ma ƃò.

Woolaa 3:58

“Óo Ǹuu-namui, í pà ŋáwɔlɔ-wooi ma, í ŋ́uŋ ma ƃó.

Woolaa 3:59

Óo Yâwɛɛ, ya m̀ɛni nyɔ́mɔɔ-ŋai káa da gɛ̂i a ńyãai. Ŋá mɛnii ŋáa tée a ǹɛ́lɛɛ.

Woolaa 3:64

“Dísɔnyɔ̂ŋ-ŋai gula maa kɛ́ a dia, óo Yâwɛɛ.