Ɉeremi 11:17 - Bible

¹⁷ “Ńyãai a Ŋ̀wála-wâla kélee Yaawɛ nyíi Eezuɛ da Zuda síi, ŋaâ gbɛtɛ a gɛɛ ŋá mɛni kpɔ̂lu láa kâa. Kpɛ́ni fêi, káai a Zuda da Zerusâlɛŋ-ƃelai ka mɛni nyɔ́mɔɔ kɛ́, ká kɛ́ ńi ŋwàna. Kpɛ́ni fêi ká kɛ̀ kéreŋ-sãa kúŋ-nɛ̃ɛ kérenîi Bêe ɣalai ma.”

Yálá laawoo hɛɓɛ (dc)

¹⁷ Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Yálá laawoo hɛɓɛ

¹⁷ Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 11:17 Referans Kwoze

Azaya 5:2

Ŋáwɛli kɛ́-maa nuui è gwaai ma sìŋ, é gɔni-ŋai kélee kúla naa. È kpɔmɔ kpâa lɛ́lɛɛ-ŋa sì naa. È yeŋkêŋ tɔ̀ɔ gbâlaŋ sâmai. È lóa tèe ƃɛ́i a pâi kɛ̂i gbɔmɔ-ƃai táŋ-nîi naai. È maa kpɛ̂ŋ kɛ̀ a gɛɛ gbɔmɔ-ƃai kpɔlu tãi é seri, kɛ́lɛ gbɔmɔ-ƃai kélee è kɛ̀ a gbona-kpônaa.

Ɉeremi 12:2

Ya dísi, dísame a ǹɔii sóŋ, da ƃɔlɔ dí kɛ̀ ƃà. Da ílaa maa tɛ̀ nɔ́ a díla-gbɔ. Kɛ́lɛ í maa mɛ̂ni fé dí líi su.

Ɉeremi 2:21

Ŋá ká sì yɛ̂ɛ sí-sɛŋ lɛ́lɛɛ nyíi ŋá gao kula sí-sɛŋ lɛ́lɛɛ sui. Gɛ̀ pere kɛ̂ɛi léŋ ka pene ka kɛ́ a sí-sɛŋ nyɔ́mɔɔ nyíi kɛ̂i fé mai?

Ɉeremi 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Izikiɛ 17:5

È wuru-sôo kula Eezuɛ lɔii su é lí la é zi lɔii lɛ́lɛɛ m̀a ǹyai kɔlɛ a gɛɛ é ƃɔlɔ a maa félaa yɛ̂ɛ wêloo-wuru.

Ɉeremi 45:4

“Kɛ́lɛ, ńyãa Yâwɛɛ, zãâi nyíi kélee ŋá dɔɔi, ŋa pâi gélee kpɔ́ wôloi, nyii-ŋai ŋá zìi, ŋá gélee kpɔ́ ƃúleŋ. Ŋa pâi nyíŋi kɛ̂i ŋ̀éniɛi gwaa kélee ma.

Ɉeremi 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Ɉeremi 40:2

Gɔ-kuluƃa-ŋai mɛi-nuui è ńzìɣe é lí a ńyãa kúfeerɛ kwaa ma ǹyɛɛ ḿâi, “Yâwɛɛ nyíi gáa a Káɣâlai a bíli ƃôi a gɛɛ a pâi ǹɔii ŋí su karâi,

Ɉeremi 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Ɉeremi 35:17

M̀ɛni ma, Ńyãai a Ŋ̀wála-wâla kélee Yâwɛɛ, nyíi gáa a Eezuɛ Ŋɔɣâlai, ŋa pâi pâi a m̀ɛni kpɔ̂lui ŋá ŋ́gono tèe a gɛɛ ŋa pâi pâi la Zuda da Zerusâlɛŋ-ƃelai dîai. Ŋa pâi nyíŋi kɛ̂i, kpɛ́ni fêi, káfe káwoli tɔɔ ní m̀ɛnii ma ŋá mò kâai. Káfe káyee see ní ŋ́oo mu a tãi ŋá kátòli lai.”

Ɉeremi 26:19

Tãi m̀ɛnii ŋí è kɛ̀ lai, Ɛsekaya da ǹûai dífe Maka paa ni. Ka gɔ́lɔŋ a gɛɛ Ɛsekaya a kâa yào Yâwɛɛ ma, gɛ́ kɔ̀ a gɛɛ é Yâwɛɛ nîa mɛni kɛ́. M̀ɛni ma, Yâwɛɛ è ǹíi maa sôŋ vé mɛni kpɔ̂lu láa ní Zuda ma yɛ̂ɛ berei è mò la a maa-ŋuŋ. À kɛ̀ kwa kpéŋ ɣàle Zɛlemaya ma, gɛ̀ ní kwa pâi mɛni kpɔ̂lu lâai kúa kpîŋ kûa!”

Ɉeremi 26:13

M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Ɉeremi 24:6

Ŋa pâi dímɛi kâai a ǹɛ́lɛɛ é lɛ́ɛ la zu ŋá pá a dia pôlu ǹɔii ŋí su. Ŋa pâi gɛ̂i dí tɔ́ɔ. Ḿve pâi mɛni ŋánaa da kɛ̂i a dia. Ŋa pâi dísame pîlanii. Ḿve pâi díƃulenîi.

Ɉeremi 18:8

à kɛ̀ m̀aa lɔii-ŋuŋ tí a bôlu tɔ̀ɔ m̀ɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la é pîlaŋ mai.

Ɉeremi 11:11

M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Ɉeremi 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi gɛ̂i nûa díkɛ dílaa ma yɛ̂ɛ núu a yokpo tòo ma. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Mąątɛ̨nɛ̨ 80:15

Gbɔmɔ-kpâlaŋ ŋí í ǹá ƃòi, a ƃûu ƃôi a zu kɛ́tɛi, ye maa kpɛ́.

Mąątɛ̨nɛ̨ 80:8

Kúkaa yɛ̂ɛ kpɔmɔ ƃa kaoi, í gùla Ize lɔii su, í pá la í lɔii-ŋuŋ da kpɛ́ni-ŋa su-ƃela kpɛ́ dílɔii ma í zí naa.

Mąątɛ̨nɛ̨ 44:2

Dí m̀o kûa berei diai dífe láa ní a ímaa mɛ̂nii, í díkpɛ̀ la ǹɔii ma, í dɛ́ɛ ínûai pɔ́i. Kú m̀ɛni berei í lɔii-ŋuŋ-ŋa su-ƃela kula maa kɛ̀ la, da berei í lûwa làa la ínûai dîa a gɛɛ dí ƃûu ƃói.

Samia Veerɛi 7:10

Ŋa pâi kwaa ma kpɛtɛ̂i ŋánûai Eezuɛ-ŋai mɛni ma. Naa a pâi kɛ̂i a díkpɔɔi kwaa ma núu da fa ŋɔ́nɔ díkula naa. Wála-wala nuu da fa ŋɔ́nɔ dímaa yào yɛ̂ɛ berei da kâa gɛ̀ la a diai,

Ɉeremi 1:14

Yâwɛɛ è mò ḿâ ǹyɛɛi, “Mɛni kpɔ̂lu a pâi kulâi yá-ŋua pere é láa ǹɔii ŋí su-ƃela dîa,

Ɉeremi 7:18

Ǹîa-pɛlɛɛi da gɔ̀i ŋáa tɛ̂i ma, dínâŋ-ni díŋɔŋ tóo mà, ǹɛyâai dí kɛ́ félaƃai kîiŋ, dí kɛ̀ kpólo kpɛ̀tɛ ŋ̀ele-kɔlɔŋ-su kaloŋ nɛnii mî, dí kɛ̀ kéreŋ-sɛŋ sala kùla ɣâla da kpɛ́ni-ŋa dîa a gɛɛ dí gɛ́ ŋá ńii ŋwána.

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 32:30

É síɣe kpɔ́ Zuda da Eezuɛ-ƃelai dí kɛ̀ ɣéniɛi kɔ́ɔ pîlanii ma, díkaa nɔ́ wɔ́lɔ ńii ŋwána mɛni-ŋa kɛ̂i. Dí tua-pere nyɔ̂ŋ sii-ŋai ŋí da gɛ́ ŋa ńii ŋwána kpɔ́ dîa a ŋ̀ánaa.

Ɉeremi 44:8

Lé mɛni ƃé ka ńii ŋwána mɛni kɛ̂i la a ɣâla-pɔkɔɔŋ fɛliɛɛ da sâla kuláa ɣâla da kpɛ́ni-ŋa dîa Ize ƃɛ́i káseɛɛ káa naai? Kakaa nɔ́ gɛ̂i tí a gɛɛ ká kákpîŋ su-kara a gɛɛ ǹɔii-ŋuŋ-ŋai dí ɣɛ́lɛ-maa kúla kákponôi ŋ̀éniɛi su, díkɛ dífôo a kálaa?

Kɔlɔnikɔ Veerɛi 28:25

È kwaa-ŋa ma kpɛtɛ Zuda taa-ŋai kélee su a gɛ́ɛ gɛ sala kula ɣâla da kpɛ́ni ŋa dîa gɛ́ Yâwɛɛ nyíi kɛ a ǹâŋ-ni Díɣâlai líi-ŋwana mɛni kɛ.

Ɉeremi 18:15

Kɛ́lɛ, ŋánûai da nia ḿâ. Da kéreŋ-sɛŋ kúŋ-nɛ̃ɛ kéreŋ ɣâla-pɔkɔɔŋ-ŋa dîa. Da kɛ̂ karênii dísia perei su. Dífe ŋɔ́nɔ siâi a berei dínâŋ pɔlɔ-ŋai da kâa sìa lai. Da kula berei lɛ́lɛɛi ma, da lɛɛ berei ma nyii dífe gɔ́lɔŋ.

Ɉeremi 40:3

ǹyaŋ aâ m̀ɛnii kɛ́ nyíi è mò a gɛɛ a pâi gɛ̂i. M̀ɛni-ŋai ŋí kélee è kɛ̀, kpɛ́ni fêi, ká sɔnyɔ̂ŋ kɛ̀ a Yâwɛɛ. Káfe káwoli tɔ̀ɔ ní ŋ̀óo ma.

Ɉeremi 44:5

Kɛ́lɛ, káfe káwoli tɔɔ ní ḿâ, kpaa máŋ ká m̀ɛni-ŋai kɛ́ nyíi-ŋai maa-nɛ̃ɛi ká gɛ́i. Ká kɛ̀ nɔ́ ká ŋwana-lɔɔ tuai kɛ̂i ká kɛ́ sâla kùla ɣâla da kpɛ́ni-ŋa dîa.

Osia 10:1

Eezuɛ è kɛ̀ yɛ̂ɛ ƃá kpɔmɔ-kpalaŋ nyii a ƃâ a dámaai. Berei nɔ́ a ƃâ lai, bere nɔ́ ƃé a ŋɔɣâla-teƃelei dámaa tɔ̀ɔ la. Berei nɔ́ ŋɔlɔii ƃûu a ƃô lai, bere nɔ́ ƃé a ŋɔɣâla-fɛli kwaai ma kpɛ̀tɛ la a ǹɛ́lɛɛ.