Ifisiɛŋ 1:7 - Bible

⁷ Kwa ŋuŋ-ma-ƃo sɔlɔ ƃô gbonôi ŋɔŋãai sârai, nyíi zu-kulai ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Yálá laawoo hɛɓɛ (dc)

⁷ Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Yálá laawoo hɛɓɛ

⁷ Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Ifisiɛŋ 1:7 Referans Kwoze

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Lomaŋ 3:24

Ɣâla a núu kélee ŋuŋ ma ƃò a ŋɔƃɛlɛ-see sama-sɛŋ Zîsɛ Kôrai sârai.

Kolosə 1:14

nyíi kúŋuŋ-ma-ƃoi káa gbonôi, nyíi gáa a kúsɔnyɔ̂ŋ su-mɛni-lɛɛi.

Hebreu 9:22

Tɔ̃yâ ma, dɔ̂ŋ yée mu sɛŋ kélee maa waai a ŋãa, ǹyaŋ sɔnyɔ̂ŋ su-mɛni-lɛɛ fé naa ŋãa puɔɔ ŋ́ɛi pôlu.

Maafîu 26:28

Kpɛ́ni fêi, ŋ́ãai ká ŋí, Gbanaŋ-woo Kɛɛ (Ninai) mɛni ma, nyii a pú núu támaa mɛni ma sɔnyɔ̂ŋ su-mɛni-lɛɛ mɛni mai.

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.

Zɔ̂ŋ Maa-ŋuŋ 2:12

Ŋa kɔlɔ pɔ̃yɛɛ̂i kápɔ naa, ńônii, kpɛ́ni fêi, kásɔnyɔ̂ŋ-ŋai su-mɛni a lɛɛ zarâi.

Filipə 4:19

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sârai.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Mąątɛ̨nɛ̨ 130:7

Óo Eezuɛ, íkili tɔ́ɔ Yâwɛɛ ma, kpɛ́ni fêi, ŋɔwɔ́lɔ-wɔlɔ wɛli-kɛ-maai káa nɔ́ naa, ǹyaŋ, gbîŋ kpɛtɛ̂ɛi a gɛɛ é núu ŋuŋ maa ƃó.

Ifisiɛŋ 3:16

a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

Korɛntə veelɛ 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Mise 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwànaa wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Gɛlaɠaa 2:38

Nya ƃe Pitɛ è mò, ǹyɛɛ, “Kákelee ka kálii pene dí kábatâi kɛ́ Zîsɛ Kôrai láai su kásu-mɛni é lɛ́ɛ kásɔnyɔ̂ŋ-ŋai mɛni ma. Gɛ̀ ní ka pâi M̀ɔlêŋ Maa Waai sɔlɔ ƃôi nyíi gáa a ƃɛlɛ-sêe.

Maafîu 20:28

Núu-kpune Ǹóŋ fé pá ní la a gɛɛ dí tíi kɛ́ mì, kɛ́lɛ, è pà a gɛɛ é tíi kɛ́ núu-kpune mì, é ŋɔfúlu-laai tɛ́ɛ a núu támaa maa-tee-sɛŋ.”

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Zôo 33:24

Gɔlɔ-fela nuui malôŋ è ŋ̀âla-taa kelai sôŋ. Nya ƃe è mò Ɣâla ma ǹyɛɛ, ‘Ífe nɛ̀ɛ naa é lí dɔ̃yâ kana-pere. Kpɛ́ni fêi ŋâa ŋuŋ ma ƃó-pere sɔlɔ ƃó.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Danîa 9:19

Óo Ǹuu-namui, íwoli tɔ́ɔ kûa í kúsu-mɛni lɛɛ. Kúwoo mɛni í mɛni da kɛ́ a maa félaa a gɛɛ nûa dí gɔ́lɔŋ a gɛɛ yá ƃa Ǹuu-namui. Ífe tãi támaa sìɣe, kpɛ́ni fêi ílaa káa daa-leei ma da ínûai.”

Ɉeremi 31:34

Núu da fé pâi kɛ̂i naa é Yâwɛɛ maa mɛ̂ni lɛ́ m̀arâŋ nuu ma, kpɛ́ni fêi, díkelee da pâi kɛ̂i a ŋ́gɔlɔŋɔɔ, é síɣe ǹîa-pɛlɛɛi dîa é tóo ǹúu kpaya-kpaya dîa. Ŋa pâi dísɔnyɔ̂ŋ su mɛ̂ni lɛɛ̂i. Ǹyaŋ, dímɛni nyɔ́mɔ-ŋai kíli fé pâi lɛɛ̂i ŋ́ga. Ńyãa Yâwɛɛ ƃé mò tí.”

Mąątɛ̨nɛ̨ 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Gɛlaɠaa 10:43

Ɣâla ŋɔlóno kɛ́-ƃelai kélee da m̀aa sêre-faa kɛ̀ a gɛ́ɛ ǹúui à làa lai zu mɛni a pâi lɛɛ̂i ŋɔsɔnyɔ̂ŋ mɛni ma ǹyaa Zîsɛ láai sârai.”

Ɉaan 20:23

À kɛ̀ kà núu da kélee ŋɔsɔnyɔ̂ŋ su-mɛni lɛ̀ɛ, dísɔnyɔ̂ŋ su-mɛni lɛɛ̂i; à kɛ̀ kà núu da kélee ŋɔsɔnyɔ̂ŋ lɛ̀ɛ ma, dísɔnyɔ̂ŋ a pâi kɛ̂i nɔ dîa.”

Markə 14:24

È m̀o dîa ǹyɛɛi, “Ŋ́ãai ká ŋí, Gbanaŋ-woo Kɛɛ Ninai mɛni ma, nyii a pá núu támaa mɛni ma.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Zakari 13:1

“Maa ɣêlei tí ya-tôŋ-ma láa a pâi ƃôi Deeƃé ŋɔpɛ́rɛi mu-ƃelai da Zerusâlɛŋ-ƃelai mɛni ma a gɛɛ é dísɔnyɔ̂ŋ waa dîa da m̀ɛni-ŋai dímaa fé waa nii.

Taitɔ 3:6

È M̀ɔlêŋ Maa Waai pù kúkponôi a dámaa Kúƃalo-nuui Zîsɛ Kôrai sârai,

Timote dɔlɔɔ 2:6

nyíi gbîŋ tɛ̀ɛ a núu kélee maa-tee-nuui, ǹyaŋ dí nyíŋi m̀aa sêre-faa kɛ̀ tãi ma.

Kolosə 2:13

Ká kɛ̀ a kasaa tɔ̂ŋ karaa su. Dífe kákpɛtɛ ni. Kɛ́lɛ, Ɣâla e ká kɛ̀ a káfulu ka Kôrai-ni, e kútɔ̂ŋ karaa-ŋai kélee su-mɛni lɛɛ.

Kolosə 2:2

a gɛ́ɛ dílii su e kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Ifisiɛŋ 2:4

Kɛ́lɛ, Ɣâla ŋɔmaloŋ-kaai kɛ́tɛ̂i, kpɛ́ni fêi, wɛli-kɛ-maa kɛ́tɛ káa ǹyêei kúmɛni ma,

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Gɛlaɠaa 3:19

M̀ɛni ma, ka kálii pene ká pá ŋɔ́nɔ pôlu Ɣâla pɔ́, a gɛ́ɛ kásɔnyɔ̂ŋ é kúla kâa Kúnuu-namui é fúlu-laa nina tɛɛ kápɔ.

Lukə 24:47

Ǹyaŋ à kɛ̀ ti, ǹáa su lii-pene da sɔnyɔ̂ŋ su-mɛni-lɛɛ a pâi ƃôi sii-ŋa kélee ma, gɔ́ɔ e pîlaŋ Zerusâlɛŋ.

Lukə 1:77

a gɛɛ í ƃálo-laa maa-tare tɛɛ ŋɔnûai pɔ dísɔnyɔ̂ŋ su-mɛni-lɛɛ sârai,

Zakari 9:11

Yâwɛɛ ǹyɛɛi, “À kɛ̀ a yá, yɛ̂ɛ berei ŋá ŋãa-sâlaŋ maa kôno tèe kɛ̀ la íyêei, ŋa pâi íkɔ-sôŋ-ŋai ŋuŋ ma ƃôi dí kúla ǹóai su ƃɛ́i yá fé naai.

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Lɛɛ gbɔwɔ ɓa 34:7

Ŋa ŋákono-teei ŋa-see kɛ̀ núu wála (1,000) támaa yêei ŋá dísɔnyɔ̂ŋ su-mɛni lɛɛi. Kɛ́lɛ fé pâi wɔ́lɔ fɛɣɛ̂i a lóŋ naŋ-ŋa kélee dísɔnyɔ̂ŋ maa tɔ̂ŋ kpɛ̂i dílônii dîa da dílônii díwɔ̂ lonii.”

M̀ɛni-lɛɛi 14:4

Ǹûai ŋí ƃe dífe niî díkpîŋ kàra ni a lɔ̀-pɔrɔŋ kɛɛ, kpɛ́ni fêi, dí maa waai. Dia ƃe da lɛ̀ɛ M̀ála-loŋ pôlu dí li ƃɛi kélee a lî naai. Dí dímaa têe núu-kpune yêei yɛ̂ɛ sí-sɛŋ ƃá maa-ŋuŋ Ɣâla mɛni ma da M̀ála-loŋ.

Ifisiɛŋ 1:6

a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Mąątɛ̨nɛ̨ 130:4

Kɛ́lɛ, íku sɔnyɔ̂ŋ su mɛni lɛ̀ɛ, a gɛɛ kú ŋumɛ-maa tɛɛ ípɔ.

Maafîu 6:12

Í ípôlu fé kútɔ̂ŋ-karaa-ŋai dîa, Yɛ̂ɛ berei kwa kúpôlu fè la kúƃarâai dítɔ̂ŋ-karaa-ŋai diai;

Lomaŋ 3:25

Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su.

Ifisiɛŋ 1:8

nyíi e dɛ̀ɛ kúpɔ kpɔ́ a dámaa táre-sii kélee su da mɛni ŋá káai.

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, ku lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,